TOSS 蘇媽.蘇媽

Open Now

Now Closed

蘇媽·蘇媽 🇲🇾身為蘇媽忠實ғᴀɴs的我，知道沙田新城市廣場開咗間分店，即刻9秒9衝去試🐌🐌裝飾還是很漂亮✨是拱洞門設計，不過座位劃得幾密密麻麻，有點人多同逼🥹▻ 細雜錦肉骨茶🥘▻ 椰香咖央多士🥪▻ 馬來香蕉餅🥞▻ 美祿恐龍🧋🦕肉骨茶同咖央多士都係保持水準，但伏位係香蕉餅同美祿恐龍🥹香蕉餅太淋，食落係香蕉味既，不過味道不討好，而美祿我相信大家都有飲過，但依杯係有藥水味，個雪糕仲要無咩味，好奇怪感覺😢可能新店開張，需要啲時間去調整，啲店員態度都不是太好，我哋用apps攞咗飛，去到佢咁啱叫過咗我哋一張飛，我哋就問仲有無位，個門口店員話:「你哋過咗啦喎」，要我追問先肯比下一張枱我哋，個態度好唔情願咁，我知佢哋好生意，但都唔洗咁趕客吧😹總括來說，沙田分店令人失望(｡ ́︿ ̀｡)我會去番旺角既分店😺

T O S S——————————————————————TREASURESEMUASEMUA蘇媽•蘇媽新界沙田新城市廣場第1期第1層107號鋪Shop No. 107, Level 1, New Town Plaza Phase1, Sha Tin, New Territories沙田新城市廣場有SO MA SO MA食對於沙田友嚟講係個好消息終於唔使去到旺角大角咀深水埗食🤣一貫作風 餐枱 長椅 成間餐廳裝修設計有心思沒有複製 複製 而係見到佢嘅獨特性抵食下午茶3:00開波怡保雞絲湯$79改滲滲T O S S追加 椰香咖央多$38虎咬獅$9 聽個名覺得幾得意😂原來係美祿加白咖啡蜜糖燒雞翼$38

之前都有聽開D人介紹蘇媽蘇媽，今次見沙田開左，近近地，終於可以食啦。好多野食簡，叫左招牌老鼠粉，好似見在埸都幾多人叫呢款。原來佢係會用砂鍋咁上，上台仲熱辣辣，仲有隻蛋係面，要襯熱撈一撈佢再食，入面仲有D魚乾仔等等。銀針粉好惹味!! 另外，叫左個名好得意既- 辣死你媽，原來係炸雞脾配參巴醬同埋重奶香既椰漿飯。 炸雞脾外酥內軟的，好厚肉，個雞皮仲好好食。側邊仲有花生粒，魚乾仔，可以撈埋飯咁食，成個感覺好滿足。叫馬拉野，一定唔少得咖央多士，包面超級鬆脆，入面D醬一咬就溜出黎咁，好好食!!野飲叫左美祿恐龍，大大杯，鐘意甜既朋友唔好錯過!

預咗在新城市廣場開設分店價錢會不同，但食物份量少，又唔係特別好吃，應該冇下次檳城炒棵條整碟要108元，但份量真係偏小，仲要好油，味道就ok馬拉沙嗲串燒（豬牛雞）可一次過試晒3種肉，燒得都唔乾，保持到肉汁，不過條竹竹簽仲有好多位，可以多少少份量馬來西亞奶茶一向喜歡飲，今次手機落單選了少甜少奶，味道剛剛好👩🏻‍🍳如果好想吃蘇媽，我會選擇去其他分店，最主要是肉骨茶冇得添飲，如果冇醒目問一問，真係唔知呢間分店有咩唔同；如果真係特別唔同，應該在餐牌上標明

人氣蘇媽•蘇媽最近在沙田新城市插旗。為食妹👧🏻當然要去食返轉啦。餐廳裝潢幾colorful幾靚仔😎。午餐選擇都幾多。價錢大眾化。唔怪之得吸引甘多人幫襯😮。椰香咖喱叻沙咖喱叻沙是放入椰奶的咖喱湯。加入豆角。豆卜。芽菜。魷魚圈。蝦仁。魚肉卷。味道香辣帶陣陣椰香😮‍💨。麵條選了滲滲。其實係米粉+油麵。兩溝我鍾意❤️。海南鴛鴦燒麵包麵包夾著咖央+厚厚牛油🧈。滿滿滋味🤪。椰香咖央多士我真係好鍾意食肥仔嘢🥹。多士比麵包更鬆脆更香口。難怪成為店鋪招牌❣️。

近年大熱嘅<蘇媽>好多區都見到佢嘅踪跡，沙田呢間環境舒適，掃Code落單 方便又簡易榴槤癮起，趁住Tea Time人少d，入嚟食個下午茶，原來入面已全場爆滿🔴 邪惡炸饅頭平日爆饅頭只係跟煉奶呢個仲多咗辣醬，辣得刺激好惹味．認真邪惡🟡 抹茶榴槤糯米磁淺綠色外皮有抺茶嘅啖香，口感煙煙靭靭，裡面嘅榴槤餡係精華所在，媲美新鮮榴槤好香好Creamy🟢 貓山王榴槤沙冰大大杯，幾乎滿瀉跟餐嘅價錢抵飲過散叫<榴槤控．非試不可>

沙田開左蘇媽蘇媽😍😍咁近我，當然要去啦，勁多人排隊，等位都等左20分鐘，坐低發現餐牌同平時既蘇媽有啲唔同，好似多啲野食。裝修一樣咁有馬拉feel 🤣.🍴椰香咖哩叻沙$83最鍾意食佢喇沙，有米粉+油麵加埋，配料有：豆卜、豆角、芽菜、魷魚圈、蝦仁、螄蚶、魚肉卷。湯底椰香味好重。.🍴馬拉沙嗲串燒 6串$96擇左豬/牛/雞 3款串燒，最不得了係佢個沙嗲汁🙏🏻真心好惹味又好食，仲有粒粒花生粒好好味😍，串燒Size岩岩好，肉滑又爽口。.好似呢間蘇媽仲有下午茶，下次可以黎食下😍

依家喺呢度食緊，越食越谷氣。一坐低冇提供肉骨茶，算。叫咗份肉骨茶諗住可以再添佢竟然話冇喂！以下係店員同我嘅對話：我：可唔可以添啲肉骨茶，店員：呢度冇得㖭同其他分店唔同（佢噏晒其餘分店嘅名）呢間唔同line，冇得甜肉骨茶。我:………竟然同個客講啲咁不知所謂嘅理由！間餐廳名同其他分店一模一樣，咁冇理由做生意嘅手法會同其他分店唔一樣呀。如果你話係唔同Line，係咪至少都應該改另一個名令人容易分清楚呢？而家即係想舔其他分店嘅口碑去氹啲客嚟你嗰度食嘢。呢間嘢話佢貨不對辦都算客氣！咁樣呃人啲嘢好食都唔會再返轉頭，更何況啲嘢水準真係好一般！

其待蘇媽開店係沙田，但當日一食完就感覺“中伏“😨。叫咗主打食品👎：肉骨茶(一字骨好肥多油，湯無肉骨茶味)咖央多士(餡係溶溶哋，唔知整好放幾耐)桔仔水(簡單而必飲🥤，理應該無問題……無味🙄)總知成晚好疑惑，係咪去錯地方🤔？？睇番個名原來有點不一樣嘅😓，不一樣的味道！。仲有蘇媽店特式有肉骨茶用茶壺裝住，比客人飲，好濃好好飲，但呢到“無“👎。唔會再去，好……失望到唔知點形容😵

外賣已經覺得奇怪，同分店食物不一樣，原本欣賞肉骨茶，沙田店只有什錦大/細兩款，冇得選擇，價格貴好多，串燒，薄餅味道價格沒有分別，但串燒一定要order 6串，通菜尤魚（已經不一樣，分量少得可憐，$九十幾蚊，仲要味道完全吾一樣，好似馬拉盞通菜味道同一般馬來餐廳沒有分別，無咗分店原本特色及味道，吃完沙田店後感覺，唔會再去沙田堂食及外賣。原本欣賞這店特色及味道，來到沙田已經不一樣了，吃一次，就不想回頭了！

前晚去食，拎左飛，等到下一張就到既時候，等極都唔會等你。🙄當見到有人不停過嚟補飛嘅時候，見到人哋嘅號碼其實係過咗七至八個嘅時候，都可以即刻入座，仲要係連續幾個都係咁樣。最後當然忍唔住，問派位嗰個點解咁耐都唔到我哋，你不停補飛俾人哋入，之後嗰個人答，你哋等就得㗎喇！如果個個都係拎完飛走咗去，又可以過咗咁多張枱都可以補返嘅話，咁我一早都攞飛去行下再轉頭返去補位，反正一返去就可以即入，唔洗等。見好多餐廳過咗，補飛都係叫一張排緊一張補飛咁叫，呢間就不停叫補飛建議大家去沙田呢間食，可以拎咗飛再轉頭返去食😊😊因為門口派位個阿姐真係好好人㗎，過早飛好多個都可以俾返你即刻入座😊😊

以前在深水埗食過，最近發現沙田開左分店，一心去试食。點知平日下午四点都要等位，十幾張枱。好啦，照等。点知入座後得張好窄嘅2人枱，枱面唔夠放兩個餐。肉骨茶條骨無位放，跌埋落地，只好用纸巾執番包住。講番食物，肉骨茶條骨好柴皮，衰過湯渣。油炸鬼淋，虾片淋。辣死你媽，差到吾想講，食剩半碟。冇下次！隔離枱，都話其他分店好食D。可以講，價錢及質素真係吾成正比。下午茶市人均消費百幾，但换來的低質素，真係貼$買難受！（後記：食完回家後，即刻肚痛肚疴）

其他分店幾好食 呢間野真係搞唔掂叫左個喇沙 成90$ 好似屋企煮公仔面咁 勁辣 辣到肚痛 又無料係入面😅😅😅😅😅😅😅😅我不如去d屋村車仔面 叫個40$ ge仲好味過佢 請大家勿中伏 唔好咁睇唔開嚟呢度食嘢🥹

一直都好想試既蘇媽蘇媽 見到沙田開左就去試了❤️人超多 5:30排隊都要成30分鐘先入到去 店內職員態度一般🥲d位仲好窄 坐得唔係咁舒服-🍴 肉骨茶大雜錦配油炸鬼 $178呢個係3-4人份量😆 肉骨茶配油炸鬼 口感特別💕 另外d肉幾淋 而其他分店好似可以refill?🤔沙田就無🍴砂煲老鼠粉 $118會連同一個細火爐一齊上 一影相就好即刻撈啦！唔會好易痴底🥲 個老鼠🐭粉好彈牙 豬油渣脆卜卜 連同魚仔、蝦米等配料一齊食 口感非常豐富🍴辣死你嗎配炸雞球 $79本來好期待個椰漿飯😟但個炸雞球有啲炸過龍咁 d肉好乾🥲椰醬飯有啲太綠 唔係好吸引 失望🍴話知你啦薄餅配素咖喱 $52個薄餅不過不失 但都值呢個價錢👍🏻🍴椰香咖央多士 $42推薦✨必點的多士 好香椰香味🤤多士烘得脆卜卜 好食❤️🥤椰汁班蘭冰 $42少甜 有少少西米係底 幾好咬口😆🥤桔仔薄荷梳打 $45🥴呢個就比想像中酸好多 比較難入口 不太推薦呢

終於可以沙田食到蘇媽蘇媽啦,座位比較舒服,新裝修係唔同啲嘅,喺沙田新城市廣場食嘢,蘇媽蘇媽性價比都算係最高果幾間啦,唔怪得長期都有一班擁躉,我最鍾意飲佢嗰個榴槤特飲同咖央多士,冇得輸