蓮．越坊 (Closed)

睇網評話野食勁差，服務唔好，朋友話要試下有幾伏，所以黎試下。去到，阿姐都幾好服務，都見有4-5枱，仲陸續有一兩枱入黎。野食一般，無網評講得咁差，而且主食份量幾多。海南雞飯配青紅蘿蔔湯（$108）：湯係普通茶餐廳味精湯，海南雞飯個油飯ok,雞唔算好滑但唔係韌嗰種，仲有啲雞有好多件，好大碟，整體ok，不過個薑蓉好咸。小食拼盤（$108）：有4款小食，青木瓜沙津，春卷，扎肉同蝦餅（不過蝦餅賣晒轉左豬頸肉），每款味道都正常，不過不失。香茅豬扒撈檬（$70）:好大碗，個撈檬汁ok,但個豬扒好咸，同埋層粉都幾厚。大家要叫就唔好叫有豬扒嘅菜式！用app book有折。

在會展工作的第二天💼繼續到附近的餐廳覓食🔎本身都好鍾意食越南同泰國菜🇹🇭所以決定入呢間試下一入到去見到人不算多同partner就覺得好幸運，即刻坐低揀餐我好鐘意食香茅豬扒，所以一見到都有得叫就即刻落單😂😂諗都冇諗到個餐仲包埋杯特飲，有得揀椰汁冰同三色冰之類🤤覺得都幾抵咁，但張單黎到，先知要加一😂冇諗過呢啲餐廳都要加一不過好食嘅話都唔緊要嘅～一送到黎，我有啲失望😞啲豬扒好似蒸/烚熟咁我食開嘅香茅豬扒係煎得好靚好吸引而唔係咁樣.....啲飯...得白飯...鼓油都冇落😂平時食開果啲香茅豬扒飯唔係有架咩？結果我行左出去佢個調味櫃度拎鼓油自己落唉...諗住豬扒個樣唔靚可能都好食呢但食落去冇乜香茅味...連鹹味都欠奉...本身個飯已經白飯啦個豬扒仲要唔夠味...面頭有啲蔥油，我諗住都應該唔會差，可以俾番啲味個豬扒點知🙁佢啲蔥係冇爆香過！真係就咁蔥加油（好難食）全個餐最好味係杯三色冰😂👏🏻.唔會再有下次...咁嘅質素收加一...真係好無奈

作為公司左近既飯堂，對飯堂既食物都無乜期望，你唔太差既話永遠都會有人泥食，就算你服務再差，點都要食完開工。神奇地無泥一排，入到去無乜人。飯市wo今日叫左個濕炒河，先比張食完既相你睇，以為食湯河，d湯多到呢。一泥賣相碟野好似水災咁，唔知影唔影到你睇，開頭我以為係芝士粉，原來係胡椒粉，唔知點解要沙上去，係咪知道唔夠味呢？整體泥講d菜都係白洽偏硬，味道偏小小咸，可能飲太多汁。河粉係唔多條，河粉份量大概是半碗飯到，你眼見到幾多多番小小就係。三色冰餐飲正常，但小了一隻色。白色應該唔計痳..整體泥講未去到難食，服務態度一貫作風，「趕」。

人生未寫過食評，但呢間的食物質素真係令我忍唔住破戒。一個人係灣仔周圍行搵野食，向來喜歡越泰食物，見到呢間價錢合理環境不錯就入左去。叫左冬蔭功河但落錯單冇左冬蔭功，我廢事改就算了。心諗泰式河粉，仲要香茅雞翼，點都唔會難食得去邊，點知我真係太天真。以為求其落左啲香葉蘿蔔就ok? 碗湯完全冇味，更遑論有正常泰式河粉應有嗰種味。平心而論啲金邊粉都尚算可以，但碗湯實在失望。雞翼，凍嘅，似炸完放左10分鐘，啲皮已經淋哂。咬落去仲有陣味，類似雪味，總之係唔新鮮嘅味，其中一隻仲要紅紅地唔知熟唔熟，我都冇食到了。人地香茅雞翼supposed 有嘅味佢完全冇。我求其食完就走左，唯一叫做好啲嘅係間舖都算坐得舒服嘅，但咁嘅食物我唔會再試多一次。

今天在湾仔會展参加conference,中午放飯匆匆走出湾仔揾食，到處都是人山人海，好不容易找到間吃越南泰國菜，門口寫上驰名海南雞飯，咁就不作他想就来個無骨海南雞肶飯加青柠soda.简简单单賣相吾錯。先夹起件雞，皮下冇肥膏，咬落肉滑有雞味，又吾會太腍，而且雞是暖暖的，應該是上碟前淋上熱湯，夠细心。酱汁只有一種，味道調得不錯，酸辣得宜。雞油飯做出味道，配上二片爽口青瓜和新鲜番茄片，把口腔肥腻清空。唯一久奉就是一碗珍肝湯！

如題 今天好肚餓 星期日都要返工 搵唔到位 唯有入呢間 香茅豬扒湯粉=清湯生豬扒湯粉 香葉肉碎太陽蛋飯 肉碎濕炒 海鮮金邊粉=濕炒 飲品好難飲 唔會再食 無下次 無service仲要加1 #sh*t #wet #wontcomeagain #savages

之前有朋友介紹灣仔區一間越泰菜,於是今日路經灣仔就去試一試,一入到去,發覺環境寬敞,適合三五知己悶談,餐廳主打泰國及越南菜,菜單上有多款選擇,我點左紅咖哩燒配豬頸肉、油酥餅、九層塔燒茄子。紅咖哩配燒豬頸肉,燒豬頸肉味道濃郁可口,紅咖哩帶點香辣滋味,可惜汁比較稀。油酥餅,入口鬆軟,沾上咖哩食真係一個唔錯既食法。九層塔燒茄子,茄子顏色保持紫色,九層塔令茄子多一份香味,食得過。

同男朋友復活節假期去唔到越南，但又好想食越南野，喺灣仔行完街，就是但搵左間謝斐道的越南野。見鋪頭又幾大，都有稀疏嘅客，點知入到去女店員態度頗差，粗聲粗氣。先來一個生牛肉湯粉，生牛肉分量充足，鮮嫩又有牛肉味，而且生洋蔥不太攻鼻尚可接受，不過湯底超鹹，需要少一點味精，河粉中規中矩。扎肉卷是越南菜的精華，基本上是去越南餐廳必點，這個的春卷皮還可以沒有太鞋口，不過扎肉份量少，而且有生的九層塔香料，味道完全被蓋掉， 只吃到九層塔的味道，失敗之作！牛油雞中翼又是另一越南餐館的點菜食，可惜這裏的牛油雞翼只是白烚， 沾過炸漿，厚粉的炸雞翼， 調味又沒有，牛油味更加完全吃不到，失望至極。下次要非常小心選擇餐廳，不希望再中伏！

原先book 左附近一間日本餐廳，但去到先話只做晚市放題係星期五小週末晚上唯有周圍搵食，見到呢間好似幾好坐咁，就衝左入左去喇！一坐低就打開openrice 睇下有咩推介食物啦！點知。。。嚇死我咩！8個正評，23個負評！嚇到我即刻收埋個電話唔怪得地方咁大，裡面有幾檯客。睇過餐牌，唔算平也不算貴。我倆決定一人食一碗粉$7x per person, 將個risk 減到最低！雞絲牛肉湯檬： 份量夠，只係雞絲太「鞋」，味道正常！呢間有打邊爐tim! 但冇人叫～ 食左碗粉，我覺得未係咁差既！

服務態度不提了， 誤導顧客的下午茶餐牌， 飲出了30元一杯的另計凍奶茶， 貴過翠華同太興， 落單的時候講明是下午茶餐牌 ， 就算不包你落單的時候都沒有告訴顧客凍奶茶是另計 ， 而且要成30蚊一杯 ，貴都唔緊要， 最緊要好飲，但竟然係一杯飲唔落的奶水， 我敢保證飲過凍奶茶嘅人都有同感， 幾十蚊兩塊五蚊大小的炸蝦餅， 青檸梳打又走曬氣， 全場有兩個夥記， 塊面一黑一白，， 隔離枱嗰個四眼仔未食完佢就收碟， 結果四眼仔話未食完叫佢放返低 ， 真係睇都唔睇就收嘢 ， 全場大把位又不是座無虛席而須要趕台 ，兩個人下午茶咁就百幾蚊出門口， 出到門口左轉看多幾間， 就知道自己奶咗嘢呀， 全部都係30零蚊一個下午茶包飲品， 我本人是絕對不會再去。

每日lunch 都好多人排隊，初初都幾好食既，灣仔$40-$60 有個lunch 算抵食，選擇又多差不多有 四五十種，但係近來味道既質素就越來越差啦。食越南野， 叫生牛肉湯河是常識吧。但牛肉同河粉份量好少，質素低，湯底完全冇味超級失望。比較特別嘅係佢飲品好多選擇，有腐足薏米水薑茶柑桔蜜，柚子蜜等等。有個別嘅飲品款式仲有一個茶壺仔裝住，要等待嘅時間相對較長，都焗左陣再倒落隻保暖杯，又要等佢涼先飲得，所以特別係特別但係有時好似做多咗。特別係lunch多人等位嘅時候,好多時你未飲晒就俾人趕走。

呢排天氣太凍,lunch想食啲酸酸辣辣嘅野.經過蓮.越坊又唔算好多人等位.咁就食呢間啦~叫左個海鮮冬陰功湯河,個賣相幾吸引材料都幾多,有兩隻大青口&蝦,好多魷魚,草菇,仲有半個蕃茄D蝦&魷魚都好鮮甜睇落個顏色好似好辣咁,食落原來唔會太辣,個湯都幾夠濃,酸酸辣辣,仲有濃濃嘅香茅味....咸檸檬七喜,酸酸哋幾好飲但係啲服務就真係一般般, D服務員一見你放低筷子就即時收走隻碗,連墊檯張紙都收走埋,之後想慢慢飲埋杯野.D服務員就係你附近擾擾攘攘,想摧你走咁

今日和同事在灣仔收工已經晚上8點就問同事有冇興趣一齊食完飯先走，同事話有興趣一於在灣仔尋食吓有乜好食俾我哋找到一間食越、泰美食，就決定入去尋食一吓，叫左幾個餸加幾個白飯一齊食馬拉盞炒芥蘭，馬拉盞真係炒乜都好味，芥蘭好爽，索左汁更嘢味青咖喱雞，雞肉好嫩滑，青咖喱比其他咖喱香甜冇噤辣西貢咖喱牛腩，牛腩好腍，咖喱汁好濃，最啱撈飯越式三寶飯(香茅豬扒、雞翼、煎炸扎肉），香茅豬扒好嘢味、雞翼炸得好脆，肉好嫩，扎肉幾好味泰式家常明爐烏頭，用酒精膏熱住來食，用意可能想魚肉冇噤腥，呢個餸酸酸尾尾好開胃，有香茅、鹹檸、磨菇、肉碎，烏頭肉好嫩滑，個魚湯可以撈飯，好鮮好美味

同個同事去食晚餐，我叫左一碟紅咖哩雞飯。。。送黎碟野咖哩汁系凍冰冰的。。。好似放左一段時間。。。咬左一口雞肉發現肉系未熟。。。個老闆聽到。。。就衹系拎走碟野。。。熱左原本吾熟果碟比番我食。。。系連一句對吾住或者吾好意思都冇。。。唉。。

今日中午同3個同事出去食飯，諗住食越南野，同事就介紹食呢間，由於時間尚早，所以完全唔洗等位就入得。坐低叫左野食之下就open rice下間餐廳，唔睇由自可，一睇，下點解全部都係差評?無理由架，餐廳入而有好多人食緊喎，唔係差成咁嘛?食物偏淡，酸汁無咩味但燒雞幾好食，檬粉份量超大碗，雞數量亦正常。同事的冬蔭公有重椰香味但無辣味，還好枱上有乾辣椒可自行添加。豬扒味道有點怪，有油益味道，同事食左半份就放棄，一個餐五十幾蚊在灣仔已經不算太貴，而且凍飲不用加錢, 讚