蓮．越坊 (Closed)

睇網評話野食勁差，服務唔好，朋友話要試下有幾伏，所以黎試下。去到，阿姐都幾好服務，都見有4-5枱，仲陸續有一兩枱入黎。野食一般，無網評講得咁差，而且主食份量幾多。海南雞飯配青紅蘿蔔湯（$108）：湯係普通茶餐廳味精湯，海南雞飯個油飯ok,雞唔算好滑但唔係韌嗰種，仲有啲雞有好多件，好大碟，整體ok，不過個薑蓉好咸。小食拼盤（$108）：有4款小食，青木瓜沙津，春卷，扎肉同蝦餅（不過蝦餅賣晒轉左豬頸肉），每款味道都正常，不過不失。香茅豬扒撈檬（$70）:好大碗，個撈檬汁ok,但個豬扒好咸，同埋層粉都幾厚。大家要叫就唔好叫有豬扒嘅菜式！用app book有折。