紅火鮮料火鍋專門店

Open Now

Now Closed

食物質素雞煲同埋刺身水準都可以，前者入味，我揀嘅海鮮雞煲，份量都幾多，刺身都新鮮，三文魚都幾靚，雞煲食到差唔多就可以加湯食火鍋，我揀嘅係標準餐，火鍋當日我同朋友多數是吃牛肉同埋羊肉加蠔，都算係唔錯嘅肉，但係唔知點解，當日食完第2日成日去廁所（大解），食完肚唔舒服，但係亦都可能係我哋自己嘅問題，牛肉冇徹底煮熟就食，但係亦都懷疑可能係刺身或者餐廳衛生唔乾淨甜品真係好差，得雪糕可以吃，雪糕完全食到係非常廉價嘅本地雪糕，香精味重，所以如果想去哩間食嘢就唔好惗住有好嘅甜品食服務質素服務質素初初以為好好，當日6點25分入座，員工好歡迎我哋，有個好印象，可能因為空位嗰個時段比較多，上菜速度係非常快嘅，仲會收下碟，但係兩個鐘嘅放題時間，食到8點10分嘅時候就開始執臺，執臺都接受到，畢竟係旺場嘅時段，但係到8點15分嘅時候，一位有少少白頭髮嘅樓面阿叔就開始催人走，話門口多人，但係話明食兩個鐘，我都有留起到食嘢嘅權利架，8點20分佢見我哋冇反應，就會氣勢匆匆噉樣將啲碗筷擺落枱嗰度，最後個筷子仲要好狠咁樣抌落去個骨碟嗰度，乜餐廳可以咁樣趕走個客嘎?兩個鐘头嘅用膳時間到最後竟然要提早10分鐘就開始催我走，服務

上網見好似好吸引, 於是年三十去依度吃團年飯, 不過怕食唔晒又油膩太多肉, 只係揀左吃火鍋配刺身無食燒烤, 要左花膠雞湯底, 等左一陣湯底先到, 湯底也好味😋, 花膠同雞也好食👍, 唔係太差, 用QR code落單, 種類一般般, 食物質素唔係太突出, 中規中距, 外面有不同罐裝飲品亦有啤酒, 蔬菜丸類在外面拿, 有少少前菜, 不過地方可能真係有限, 我自己就麻麻地佢哋將一籃籃菜層層疊, 拿野位置比較狹窄😅😅, 但佢哋d蕃茄同南瓜都好味, 夠酸同夠甜🤩, 刺身都夠凍食落都新鮮👍, 最後來杯本地牌子的雪糕💞, 不過叫做試過, 比較之下創興那裡的食店會坐得舒服d, 食物種類及質素個人比較喜歡😅😅個日年三十要每位另加20元

難得個朋友感恩話我成日請佢食飯, 襯一段時間冇見約我出嚟話請我食火鍋, 知有成日出去食好西, 所以問我有咩好推介！諗返起前排同朋友去開一間有四食嘅火鍋店, 所以介紹畀朋友, 朋友覺得都唔錯所以一齊book位去食.翻查一下網上報導原來呢間紅火鮮料火鍋專門店已經開業十幾年, 位於旺角兆萬中心17樓, 因為上次食過啲品質唔算太差, 所以叫朋友一齊嚟再試下, 因為個朋友鍾意平靚正, 我覺得平得嚟又唔係話太差所以就... 佢除咗有麻辣雞煲之外仲有火鍋湯底可以食火鍋, 兼且仲有刺身仲有韓式燒烤, 對我嚟講四合一價錢三百零蚊食物種類又多呢個價錢有咁多選擇算係咁樣！首先一坐低就係選擇項目食啲乜同揀咩火鍋湯底, 我哋話得食四食就要食四食, 頭盤嚟咗個海鮮蒸鍋, 有扇貝、生蠔、花甲同海蝦, 最鍾意食蒜蓉生蠔不過炭燒生蠔比較喜歡一啲, 啲海鮮都好新鮮好入味, 食完個海鮮就嚟咗個麻辣雞煲, 啲雞真係好入味同埋食到個嘴痺痺哋, 好新鮮好嫩滑, 食食下 麻辣雞煲就嚟咗個我哋頭先 喺網上點咗嘅刺身, 刺身方面有三文魚、虎蝦刺身、仿鮑魚、生蝦刺身同埋蟹柳, 真係好滋味大滿足！飲品方面佢都有好多選擇有兩個大凍櫃裝咗嘢飲

琴晚收左工想打邊爐🍲咁夜打邊爐真係冇乜選擇🥹 上Openrice見到呢間火鍋專門店開到凌晨兩點🕑一於過嚟試下～🌟蒸汽海鮮🦞一去到店員就放低呢個先 有4隻蠔4隻蝦2隻扇貝仲有啲蜆 不過等呢個時間就有啲耐🌟雞煲我哋揀咗重慶雞煲小辣🐓味道都唔錯好惹味🌟燒肉有牛仔骨 羊架 廣島蠔 多春魚等等選擇都幾多👍🏻🌟打邊爐仲有好多好多其他配料 中日韓放題$258一個人 假日另加$20🙆🏻‍♀️🙆🏻‍♀️📍紅火鮮料火鍋專門店 (旺角)旺角西洋菜南街1N號兆萬中心17樓

經典餐嘅款式都包含好多嘢：我哋食咗海鮮雞煲：蝦新鮮彈牙：刺身嘅三文魚，今日就比較普通啦：韓燒：燒嘅M和牛都嫩滑：都夠牛味都有燒炭燒雞肉串：墨魚滑同埋蝦滑都推介：

呢幾日天氣急降，凍冰冰梗係約埋朋友食火鍋暖下個身啦！今次試呢間紅火鮮料火鍋專門店，地方都唔會太逼夾，不過一開始分到既枱位置唔太好，老細見我哋坐得辛苦仲幫我哋轉左去坐卡位添，呢個要抵讚佢既Menu都有啲複雜，除咗有三個豪華等級外，星期一至日唔同時段既價錢都唔同，仲要選擇食中日韓邊個套餐，即係火鍋、刺身同韓燒，我哋都思考鬥爭左好耐先決定食書放題。綜合嚟講，刺身同雞煲都係水準以上，絕對無偷工減料，我哋食完成隻雞既雞煲其實已經飽左一半之後再叫清湯火鍋，啲火鍋配料既鮮味都好足，亦都有好多選擇，特別係有田雞食呢個係驚喜唯一係兩個鐘真係唔夠時間食，仲有時限半個鐘前就會cut單，如果要叫野真係要自己睇住時間啦！

紅火呢一間餐廳性價比極高我哋打電話預約嘅，所以九折我哋叫咗中日韓套餐個人蒸氣海鮮嘅話呢每人加$10首先啦，會上咗蒸氣海鮮～新鮮嘅蜆，好味蝦都彈牙～雞煲我哋叫咗小辣好好食好入味雞肉好嫩滑～刺身好新鮮～好多款選擇我個人最鍾意就三文魚及帶子～我哋叫嗰個係最貴嗰個套餐～338 6:30後入座嘅佢嘅肥牛用嚟韓燒^入口即溶都有啲牛味一定要加上少少鹽同埋佢嘅孜然粉會帶出牛肉嘅肉味～韓燒嘅紙呢只需要舉手服務員就會過嚟更換服務都幾好下次我嘅話呢我都會帶朋友去，因為性價比非常之高一定要記得打電話預約我哋去嘅時候呢個門口都好多人排隊打電話嘅好處仲有九折^環境嚟講呢下有少少柔柔地滑滑地囉呢個唯一一個美中不足～但係整體食物嘅話呢係性價比高新鮮值得推介

大概系很中意去香港吃放题了，吃过几家放题对比后觉得红火这家最具有性价比，刺身:三文鱼我觉得很新鲜，对比于开便嘅店感觉仲系新鲜很多，对了佢哋家嘅鸡煲也超级和味，鸡肉很嫩唔晓柴。牛肉:仲有火锅，佢哋家嘅牛肉我觉得很和味！涮牛肉yyds 雪糕:雪糕很和味，对我我这种懒嘅人觉得好就手!唔使去挖嘅嗰个种 这个价能吃到咁多食物，真系超级抵得。服务员态度很好，很积极俾我哋点餐，推荐推荐大家来试下，建议提前打电话预约订座，唔定老细还会给小小折扣

朋友話呢間喺抖音好紅，如果喺抖音訂定枱先可以免加一，佢哋有打邊爐、蒸氣火鍋、韓式燒烤，前兩者係個放題包埋，韓式燒烤就另外每人加十蚊，食物一般，蒸氣火鍋個火唔夠大定唔知點，啲海鮮蒸好耐先至熟，本來話蒸八分鐘，蒸完食落去啲海鮮凍冰冰。咁我幾個女仔去食，食完個打邊爐同埋蒸氣火鍋都已經飽咗，就諗住問職員唔加十蚊要個韓式燒烤得唔得，點知個職員答我哋，個爐可以唔上比我哋，但係錢要照加，結果我哋燒多咗三塊羊架硬塞入胃，啲羊架肥到不得了，我淨係食到一啖肉，全部都係肥膏。我比較鍾意食雪糕，呢間啲雪糕種類好少，仲要剩係得蓮花杯，真係冇下次，可能因為掃碼落單，職員比較少，搵個人都難。啱啱入去坐低嘅時候，真係應該連吓冷氣都冇開，我聽到後面嗰枱人同我哋一樣覺得好焗問職員先至開返，又打邊爐又蒸氣火鍋都唔開冷氣😓真係有冇搞錯

跟朋友来这里吃过，鸡煲太好吃了，韩式烧烤 日式刺身都是任食的，更有大閘蟹放题，大閘蟹羔很多，吃完一只又只,体验了一把实现美食自由，服务很周到,下次还来，并且这里的菜品品质非常出色，价格也非常实惠，是一家非常值得品尝的餐厅。

全部職員係到休息，放題錢照收，刺身只到一次，服務超差，追單仲串你，大家千奇唔好中伏，附圖一張證明事實，同一價錢仲有大把選擇，完全明白點解香港做唔起夜市，大家千奇唔好黎。

旺角可以話係美食天堂，但有好多高質食肆都係喺商業中心上面，呢間火鍋放題喺兆萬中心上面，食物用料都好高質，主打四合一放題，一次過試晒刺身、雞煲、火鍋同韓燒🔥，選擇超級多！今次午市過去，個場都唔會話好爆，主要用QR code落單，啲嘢食嚟得好快又齊，冇漏單嘅情況！外面仲有個自取區，可以自己拎啲蔬菜或者串燒返去，出面嘅食材拎返去打邊爐又得，擺落去燒烤都得，幾好玩！下次同朋友聚會諗唔到食咩，可以嚟呢度試吓，一次過滿足晒唔同口味，值得一去！🤩餐廳人手比較少，收碟嘅速度相對較慢，啲碟長時間都會擺咗喺枱上面冇人理，但以呢個價錢嚟講，性價比依然好高！------------------------------👑◖經典中日韓任食◗ $258佢嘅飲食套餐都有唔同選擇，可以淨係要雞煲或者淨係加刺身，切合返唔同顧客嘅口味～呢個價錢已經食到比放題更加多嘅食物種類，午市時段去更加抵食！▪️ 湯底🥘湯底有比較清淡嘅火鍋湯底，或者比較重口味嘅鍋底，今次揀咗個濃湯花膠雞煲🐓，鍋底都幾足料，有幾大塊口口嘅花膠，同埋半隻清遠雞去熬煮，肉質都唔算乾柴，頗有雞味，膠質十分之豐富！如果揀食重慶雞煲嘅朋友仔，仲有得無限添加雞件，可

看了食評不錯，一心去試吓，那天05:00就到，吃第一輪，員工有些還在吃飯，入座後仍然沒人招呼，到員工吃完飯才有人幫忙奉上湯底，落單可用手机掃描QR code完成，落完單等了10多分鐘仍然未有食物到，似乎在拖延，及后來了刺身及凍肉，刺身偏小，亦欠新鮮，凍肉更多是未有解凍，要等好久才能放下湯底，令人失望。湯碢完了再上烤肉鉄板，以為可以有五花腩韓式烤肉，原來一律欠奉，只能用湯碢肉類代替，完全沒有韓式烤肉風味。說實話，以此等價錢換來令人失望的服務，肯定不會再來，亦難怪港人熱衷北上消費，原來就是本地飲食業玩死自己。

🇭🇰 紅火鮮料火鍋專門店| Redfire hotpot 📍 Redfire Hot Pot (Mong Kok)17/F, CTMA Centre, 1 Sai Yeung Choi Street, Mong Kok你有冇諗過一餐可以同時食火鍋、韓燒、刺身！一次過完成你幾個願望😙😙呢間紅火鮮料火鍋喺疫情之前就已經開咗，可以捱過呢個疫情就知佢唔少嘢！湯底我每次都會揀花膠雞，真係用原隻雞煲出嚟，湯頭好鮮甜，店員仲會幫你將啲雞剪好。食完雞，飲完湯，先將唔同嘅火鍋配料放入去。佢哋有勁多唔同嘅火鍋配料選擇，例如白鱔、肥牛、雞子、鵝腸、鴨血、甚至仲有牛骨髓等等，總之你諗到嘅配料佢都有！韓燒方面嘅配料都唔少，有牛舌、羊架、牛仔骨、蒜蓉扇貝😋😋刺身都好多選擇，有唔同嘅海蝦、三文魚、帆立貝、八爪魚、墨魚。食完嘢之後仲有大版雪糕可以食，任食唔嬲！

環境衛生差，食物種類少，食物衛生亦差，有水浸住嘅食物好明顯冇換過水，顏色好混淆，而且上菜速度慢，坐低到埋單兩個鐘嗌咗5次三文魚，淨係嚟得兩次，已經有吹單，但最尾都係冇送嚟。