Redfire Hot Pot

呢幾日天氣急降，凍冰冰梗係約埋朋友食火鍋暖下個身啦！今次試呢間紅火鮮料火鍋專門店，地方都唔會太逼夾，不過一開始分到既枱位置唔太好，老細見我哋坐得辛苦仲幫我哋轉左去坐卡位添，呢個要抵讚

佢既Menu都有啲複雜，除咗有三個豪華等級外，星期一至日唔同時段既價錢都唔同，仲要選擇食中日韓邊個套餐，即係火鍋、刺身同韓燒，我哋都思考鬥爭左好耐先決定食書放題。

刺身拼盤

雞煲

綜合嚟講，刺身同雞煲都係水準以上，絕對無偷工減料，我哋食完成隻雞既雞煲其實已經飽左一半之後再叫清湯火鍋，啲火鍋配料既鮮味都好足，亦都有好多選擇，特別係有田雞食呢個係驚喜唯一係兩個鐘真係唔夠時間食，仲有時限半個鐘前就會cut單，如果要叫野真係要自己睇住時間啦！