雷神 (Closed)

其實一直對雷神既鯖魚定食念念不忘，雖然次次食完都會覺得油膩，但不論配菜定係主食都好好食～一開始望果碗飯我係覺得5夠，但食下食下就覺得差5多，哈哈但係雷神會一星期休一日，大家去食就小心啲

呢間餐廳個名我聽過有印像因為個名好有氣勢，今日就有機會試下佢有無實際。我叫左呢個天婦羅蝦冷麵：冷麵煮到好多癡埋一齊，嗰d我都咬開無食。而天婦羅就炸得唔錯，薄而香脆。

雷神咁出名，講左幾年終於黎試。星期五夜晚人唔多。不過佢格局似居酒屋多過飽肚餐廳，唯有叫主食填飽個肚啦。不過食完之後，我都係覺得佢地的小食/非主食好食好多。所以我下次會去食小食，再睇下點。人都無完美，餐廳都一樣的，咁可能牛今次唔好彩㨂錯野姐。無理由只評價人地最差個樣嫁嘛。

今天行過進去食左個午餐。55 蚊 ， 有叉燒飯，三片三文魚，烏東，仲有個飲品 tim 先講個飯，味道不錯，叉燒有少許肥，會入口即溶 gei 感覺三文魚就正常啦。這樣的價錢，不算超值，但也算合理罷！店鋪大小較細，坐得一般舒服

再次吃豬扒餐廳不成，行過兩步，試試這日式餐廳，看來像沒開，原來內裏坐滿學生。店內掛滿很多裝飾、寫滿食品名字、貼滿漫畫圖片、放滿日式清酒。友人的牛肉烏冬海鮮清湯，只是清湯內少許烏冬及牛肉三數片，小得可憐。雖然鍋燒得熱燙，但份量實在太小。而叉燒烏冬亦只得一片，非常吝嗇。本人點了燒鳥鍋拉麵(蕃茄湯)，所謂拉麵，只是幼幼的、沒甚彈性的麵條，與阿信屋有售的差不太多。燒鳥比叉燒及牛肉貴$4，但分開另上，一碟六件的燒鳥賣相較吸引，而且份量較合理。所謂燒鳥，即是雞扒，燒得不錯，底下的肉，夠嫰夠肉汁，頂頭的雞皮薄脆，而且不肥膩。半邊蛋，由於切開了及放在湯中，溏心蛋也難免會凝固熟掉了吧。熱飲免費，熱朱古力毫無味道，在辦公室自己沖杯swiss miss更形滋味。服務不怎麼好，店員也很催促，環境太窄又焗促。吃一個小小的烏冬/拉麵，餸料又少，索價$44-$48，本人寧選焰拉麵或嘩鬼拉麵。

今晚拉好朋友來食日本料理，由於是小妹提議吃雷神，所以未來過的好朋友根本不知在哪？而方向感比較差的小妹，嗯…好了，就是路痴一名，憑記憶最終都是行錯路，白白繞了一個大圈才到。我都好佩服自己，手機有地圖其實一點作用都沒有，因為搞不清楚東南西北方向，都不好意思說自己由小住到大，哈哈…找到了~安排上樓上，好似每次都被安置上樓呢！2個女仔因為中午吃得少，一見餐牌就樣樣都想食，小妹真的肚餓到震。 三文魚刺身8件$78，很有光澤且厚切，很抵吃！啖啖肉，油脂豐厚，真的不錯！ 劍魚腩壽司2件$40，劍魚腩好像沒甚麼味道，很淡口，不過魚肉算大件蓋過飯面。 燒鳥併胡麻青瓜沙律$48，燒鳥即雞扒，雞皮燒至脆卜卜，沙律也絕不兒戲，混有生菜絲、青瓜片，澆些胡麻汁，好食！ 吉列海鮮鍋燒拉面(甜酸+沙律醬)$82，長長的碟子放滿幾類食物，大滿足！有薯角、吉列海鮮及沙律，早知有沙律就可免卻叫胡麻沙律，炸物新鮮炸起，吃得出燙口熱辣，最喜歡吃吉列炸蝦。 鍋燒拉面，用小木盤盛載，幸好只點一碗，因為份量真的很大，滿滿的，另附有溏心蛋一隻，湯底下的配菜也有很多，拉面都很有彈性，不過時間久了就會變淋。 脆炸芝士年糕$48，一客

今日起身專程揸車去依間食我既至愛—拉麵依間食店之前黎過一次，但因為人太多，所以坐左係面口，今次終於可以坐入面，好好享受。入座四周望下，全部都係日本漫畫既頁紙，更播放著日文音樂，燈光不算太光火，適中得很，令人感覺輕鬆。之後侍應幫我落單，我遀便叫左個拉麵加一客花之戀。落完單，侍應拿出一副大馬撲克，同我地講星期六，日，有幸運卡遊戲，亦都細心講解玩法，獎勵係小食墨魚咀或毛公仔一隻，玩法唔多講，有興趣既可以自己黎試下。遊戲玩完，食物奕都上到枱，先到既係一客兩個既大碼花之戀。花之戀既大細，係我食過最大，蟹籽都係最多既一個，我好唔容易先可以一下放晒入口，感覺當然滿足，三文魚鮮味十足，Good!之後到主菜：拉麵同跟餐糖心蛋一隻。首先我張糖心蛋一分二，可以睇到啱啱好煮到蛋心啫喱狀，食落蛋心係口入面溶化，超正！食完隻蛋，開始食拉麵，食拉麵我既集慣係飲一口湯先，湯入口蕃茄味濃，非常香口。拉麵呢，食落似係普通包裝拉麵既面質，所以全個拉麵湯底先係致勝關鍵，一路食感覺愈黎愈辣，而且唔係令人覺得麻煩既麻辣，而係辛辣，香口濃郁既辛辣蕃茄湯，令感覺普通既拉麪昇華至高級拉麫既感覺。總括黎講依間餐廳裝修佈局令人舒服，係比較

是日放假到元朗做Facial兼行下街，行行下阿妹來電，原來她跟男友都在元朗，提議一起吃晚飯 (你們不介意我做電燈膽就當然無問題 XD)，他們提議到雷神食，反正未試過就試試吧！我比他們先到達雷神，嘩！好多人在等，連出面都開了幾張檯。"唔該3位" 等等等...半個鐘才有位，好在門口有得坐住等！入到去店內有少少中空設計，有個大燈籠，旁邊放滿不同款式的日式傳統擺設。店內周圍都有很多黑板寫滿是日推介及受歡迎的菜式。檯上放了牙櫼，糖，芝麻等...以？包裝的wasabi? um...個人認為一間日本料理應該自己磨wasabi才正路吧！我坐底一陣他們都未到，為免好似霸住張檯，先叫了兩款小食坐陣。玉子厚燒 HK$48，上檯時暖暖的，但蛋味不算濃，粉多了似的，跟傳統玉子燒那種軟熟的感覺不同。另一個小食就是人氣秘製鐵板沙嗲牛脷 HK$58，um....沙嗲？恕我見識少，第一次食日本菜會有沙嗲的東東。不過本小姐既鍾意沙嗲又鍾意牛舌，就一試吧！牛舌很厚身，切到一粒粒立方體似的，不知道的話還以為是牛肉粒呢，連一向不吃牛舌的阿妹都覺得易接受過一片片的。至於味道方面，沙嗲醬好味，真材實料有花生粒，很配牛舌粒，牛舌粒雖

雷神聽起名字上來感覺很威勢的樣子，在乍暖還寒的天氣底下，最好吃碗熱滕滕的拉面，暖胃之餘亦感到窩心。最喜愛這裡用上鐵窩形式上枱，食物去至尾聲時也能保持湯底熱度，除了湯面外，也提供日式燒物、串燒、刺身、壽司等。小店的裝潢都頗誇張，有很多擺設，整間小店好像變了多國化，不帶點日式風彩。我們並沒有叫到小店招牌雷神四大湯面，反而跟據自己口味點選食物。 燒鳥（雞）鍋燒拉面配純豚骨濃湯$68，花費需時，真的看出用燒製方法，雞扒的坑紋帶著焦炭味道。外層微脆，內裡嫩滑，不錯！每個湯面配上溏心蛋。 洋風吉列海鮮盛合鍋燒拉面配山葵豚骨濃湯$75，小妹至愛天婦羅組合，尤其天婦羅蝦，正！另外會配上千島汁。沙律絲中和炸物的油膩感，而溏心蛋都做得不錯，雖然未曾做到爆漿效果，但微軟的蛋心已合格。山葵豚骨濃湯帶著微微山葵味道，不至於太嗆鼻，與豬骨湯底異常配搭，配大片紫菜、粟米粒、青豆，口感豐富非常。 脆炸芝士年糕3件$45，QQ的外層非常軟糯，脹卜卜，內裡芝士比較淡口，吃上一件都很飽漏。 串燒雞軟骨（免費）Vip會員咭贈送，每人一串，有點不夠喉，不過都好好食！ 餐飲熱飲不夠熱，味道方面真的不合格。湯底選擇其多，

因為電視推介，２０12年後沒有新的食評，我信既係，老闆是前加太賀的總廚，所以都來一試從來不會寫食評，今次都特別開戶口寫，因為覺得服務水準與食物質素都不錯，完全沒有入舖頭，不知內裡裝修，因為今天下午天氣非常好，去到門口有２個位就坐下，之後都有人等位蟹子沙律合格，無驚喜叉燒鍋燒麵叉燒肥美，不似那些成名拉麵店的乾瘦口感，咪道就不太特出，麵淋了一點，整體一般燒三文魚水撥燒得皮脆肉嫩燒牛舌好味，嫩一口炸豆腐外有蝦乾，好味，外脆內軟棒棒餃子合格，無驚喜職員亦很有禮貌，餐牌還有很多選擇，價錢合理，會再去試

首先以三個字概括先 差 到 極!!服務態度 差食物質素 差營業系統 差好 話說有日晏就得閒前個晚又睇完j2介紹到雷神咁正咁有誠意就去試試啦但唔知係咪因為j2介紹完所以特別多人等位都等左至少十分鐘情況十分之混亂咁係我哋黎之前就有d等位既人佢地等咗好耐，等到吹下入面先知原來係有得開臺俾佢地坐嘅...佢地即刻就發晒矛啦嗯！可以理解，聽講佢地係響附近返工先走黎食好而家就講吓食物啦咁我哋入到去之後佢就安排咗我哋坐一個冷氣位啦即係樓上，咁其實基本上樓上所有嘅位都係冷氣位黎不過諗住好快就會有d暖既嘢食咁就冇所謂啦哇！點知等左成三十分鐘佢都係未有嘢食黎到嘅期間個侍應就不斷咁上來重複又重複咁我哋order左D咩野食啦但唔知點解佢問左我地咁耐都仍然唔知我哋嗌左咩野食咁😓眼見隔離個幾臺都慢慢等到發脾氣走晒有啲就落左成三十分鐘之後先知原來已經冇晒佢地點嘅食物啦，又走多枱...可憐既佢地，仲早過我地到，都唔知等左幾耐先知無野食見到周圍情況咁樣我地都開始擔心啦咁我地今次見到老闆上來就問老闆啦佢話：得我依家落去吹下咁過左陣就終於有野食點咗一份木魚青瓜青瓜嘅味道就好普通好似係阿信屋求其買食材，自己都整到既感覺可讚既係

今晚去左元朗，朋友介紹去食嘢！上次去到元朗有surprise!!今晚真心超失望！上個禮拜電視介紹咗呢間餐廳！今晚冒名而去，排隊喺預咗嘅，嗰幾鐘唸住值得啦！外面天氣得十度左右，冇擋風冇瓦頂站在站外，牙關都打震，最后入到去超痛苦，地方細喺冇辦法，但最慘就係D油煙味，超難頂！我哋接受了超冇禮的對待！服務員可能做得太忙了！居然開波子汽水用手拍下波子，汽水湧出來令我的冷衫全濕了！sorry都冇講！佢冇可能唔知囉！D嘢食一般都好似旺角98元任食果d咁！一句講曬冇heart !果拉麵嘅湯！咸到一食就知喺味精水！义燒冇味！唉！我連一張相都冇影！只想走人！我可以介紹朋友以後不要亂睇電視收錢替人做果D節目！今晚超失望！

我係同我bf去食嘅，食個個柚子沙律認真好好食，由其係曼魚炒飯真係好好食呀，曼魚不會太腥，海膽又好好食呀，d飯炒得好好味，d三文魚壽司咬落去時候又好爽，好好味，簡直難以形容呀，d溏心旦又好好味呀，重有d叉燒烏冬都好好味呀，湯底係用新鮮魚整出來呀，d叉燒不是普通叉燒，又不黏牙，好正呀，服務態度又好好，不會不釆你呀，環境都好好，又好乾淨呀，我好鐘意間舖啦，入面d日本歌又好聽呀，我們下次必定會再去呀

因為早前路過這裡，看到雜誌報章報道好像不少，感覺有點來頭，一直想找機會來食一頓。這裡似以拉麵為主打，可是這裡太多選擇，花多眼亂，選不上拉麵。過了午飯時間才來到，迷你鰻魚飯午市套餐還有，便選了。非常不同於傳統的照燒鰻魚飯，白飯面上有切片的鰻魚，配黑松露炒蛋香氣特別，紅薑絲和蔥粒夠清新開胃，置中的蛋黃醬拌飯亦佳。沒有欺場的魚生粒沙律，菜絲新鮮爽脆，魚生的鮮度亦合格。另外還有麵豉湯和飲品隨餐附送，折合$48。同行友人選了又有芝士年糕又有炸蝦的可鍋燒烏冬，大讚芝士年糕。於是我也食了一個，軟糯而香口，勝過心中排行榜上位列第一的大喜屋芝士年糕，不可不試。溏心蛋亦非常出色，蛋黃呈金黃，甘甜而沒有其他日本料理店的鹹香滷水味，還是流心的。總括而言，口味未必是最正統的日本料理，但味道和價錢都一流，必然會再光顧。

第二次來幫襯，記得第一次和男友都食得滋味(叉燒湯烏冬很好吃)，服務也很周到。於是決定再次幫襯。今次吃了牛肉番茄湯烏冬和刺身飯套餐。先說番茄湯是太酸了+0+，令其他配料的味道也受影響。牛肉也老了一些。刺身飯套餐合格，沙律也算是不錯的飯後小吃。此處是有小店味，食物質數若有進步的話我們還會支持^^。