爆谷雞 (Closed)

相約同事於爆谷雞午餐！聞名已久。先透過openrice 訂枱，完全O等位！亞姨親切服務，三位午餐很快送到。每人4件甜酸炸雞、4件醬油(秘製)雞翼+膇，4粒蟹子飯團+沙律+汽水……只需$68！正、脆、香……十分好味！見有芝士蔬菜蛋卷: 買相吸引，內芝士濃厚，食落會返尋味。雖然舖內坐位不多;但食得舒服及回味！值得再嚟！

疫情下外賣變成大家既日常，好食既堂食同好食既外賣又真係好唔同勞蘇食就轉轉個外賣mode做個 ，疫市之中搵下生活快樂點子Popcorn Chicken 爆谷雞，獨市出現係Uber Eats，主力就係韓國菜，炸雞為主，而佢餐廳既食物名都幾吸引既外賣包得好靚，個logo都好得意加分，打開賣相亦好先試炸雞，雙重炸雞(招牌炸雞+芝雪炸雞)，揀左無骨，望落去較細舊，招牌其實即係原味，配個泰式辣醬外皮明顯係炸到特脆，應該係賣點之一，個人黎講我普通，肉質就唔太嫩，但都唔算硬既芝雪炸雞原來係俾芝士粉曬落個原味到，有啲失望，韓式炸雞就係炸雞再加醬去煮，依家配個粉上去搞到好似薯片咁普通普通，送左兩隻炸餃子，反而有啲汁係入面幾好食食到有啲乾，食返幾粒醃蘿蔔清一清岩漿芝士烤粟米，個名真係太吸引要叫下，打開時感覺份量真係有啲少，芝士係吸引既，有得拉絲又好味芝士同粟米夾就當然，記住要趁熱食，因為一凍個芝士就變硬，好似一舊包咁韓式魚餅湯，打開反應一樣，其實真係可以大碗返少少，都係蘿蔔湯加埋魚餅，清得黎味道唔錯，飲左都唔會頸渴幾好個人覺得自己本身已經算幾細食(打邊爐時除外)，但佢都真係份量好唔夠，雞都明無理由俾多幾舊

雙重炸雞 $178 已經食過好幾次🤤個人認為係西環最好食嘅炸雞舖！炸皮夠脆✨juicy嘅雞肉✨醬汁同雞肉味balance到✨*佢嘅招牌炸雞啲年糕同醬都唔係好推介，叫其他！

武漢肺炎上個月爆上半山，搞到我都唔敢行咁上去食飯 呢排情況好d, 襯個垃圾正苦未放毒出嚟，拿拿臨食多幾餐先~~ 呢間炸雞店之前已經想食， 我地去過兩次， 兩次都爆晒要等好耐， 今次我都驚冇位，所以特登打去book位。。。 點知。。。。 冇人 成晚都係得我地一枱客，真係好慘。。。間鋪細細地，之前明明好多人食，但係俾武漢肺炎搞到咁，真係好驚佢捱唔住， 佢其實好好食， 咁俾武漢肺炎搞死就真係唔抵， 你要頂住呀！！！ 我地叫咗佢個晚餐，係叔叔介紹， 有半份雞再有少少沙律同蟹籽飯團，有嘢飲， 抵食d 不過其實散嗌都ok, 咁啱我地都啱食，就揀佢 我地第一次食，所以揀咗招牌炸雞配蜜糖芥末醬，d炸雞冇骨，炸得啱啱好， 好juicy, d粉又唔厚， 兩個人食啱啱好，一d都唔會覺得漏，真係好好食呀！！！ 下次再試佢其他味~我地兩個芝士怪仲叫咗芝士雜菜蛋卷同岩漿芝士烤粟米。 個蛋卷好好食， d芝士拉絲咁好正~ 個粟米都好正，勁多粟米囉，同埋勁多芝士， 熱辣辣香噴噴咁， 冇得頂 仲要叔叔好好禮貌，招呼好好， 抵讚

香港嘅韓式炸雞舖頭唔係連鎖就係藍店，終於搵到一間港島區嘅黃店炸雞，但係舖頭位置要行上去都幾攰😂🐔雙重炸雞（招牌+芝雪）hkd178作為一個乜都想試嘅人一定要嗌拼盤，老闆就推薦我哋食招牌，咁我哋就加埋芝雪。因為舖頭嘅所有炸雞都係即叫即炸所以等咗都大概20分鐘先有嘢食，但一咬落口，真係會覺得20分鐘係值得嘅，雞皮炸得好脆而且唔油膩，特別係招牌佢亦都會配左炸年糕同埋炸餃子所以一個價錢其實會有四款唔同嘅嘢食，芝雪我自己就覺得麻麻地只係加咗唔同嘅芝士粉係上面。🔥火辣炸雞 hkd118（半份）真！心！好！辣！但又辣得幾過癮，要食吓停吓，但愈辣你又愈想食😂😂不過半份份量少一半，但價錢差唔多，都唔係幾抵。🍚泡菜炒飯 hkd88出期地幾好食，泡菜份量麵幾多，啖啖麵有泡菜咬口😋🥚芝士雜菜蛋卷 hkd58本身麻麻地蛋卷，所以覺得無乜特別🤪🍜泡菜拉麵 hkd48入面有辛辣麵年糕洋蔥同埋雞蛋，我將個汁用嚟撈左嗰個泡菜炒飯都幾好食。個叔叔老細幾nice又健談，野食比我想像中出色好多，所以等待既時間都幾值得！不過堂食坐位唔多，大概得15個位。

這家小店是好朋友發現的是前一個禮拜去高街裸賣店經過好朋友回家再search 過是跟我們相同理念的一間小店所以我就提早幾天在OpenRice 訂位到了用餐當天有朋友先到店我們點了…$178 兩個口味炸雞可以選有骨或沒有骨頭的超級大盤（你們看照片就見到）我們點了蜜糖芥末和甜酸醬炸雞蛋捲（裡面的起司可以拔絲的）飯糰（老闆捧出來，每顆飯糰圓滾滾的，很可愛的賣相；飯糰裡面有很多蟹籽，咬一下你可以聽到卜卜的聲音）一瓶大米酒整體來說$432 一頓午餐蠻值得的因為食物質素真的不錯加上老闆人也超級友善、細心所以久沒寫食評我也要立即寫一寫PS. 小店不是太多位子所以大家記得要提前訂位

見到review唔錯所以去試下去到個環境尚算ok 但係真係比較逼坐左5分鐘都未有menu 樓面一直包緊外賣 冇諗過要拎menu比我地問左兩次先有想嗌野個陣 佢又包緊外賣叫我地等 又等差唔多10分鐘嗌完好快黎左兩杯鹹檸七 得半舊鹹檸同冰 個味同我就咁飲七喜係冇分別之後就一直等 等左30分鐘 都未有野食遲過我黎嘅客已經有佢一直係咁接外賣 岀外賣懷疑佢一直都未開始整我份雞啲外賣仲要係我到左之後先接😅其實忙唔緊要 但係最好同人講聲 “我地而家比較多外賣 可能要等耐啲”或者可以直接轉做外賣店 唔好徙人時間我唔知佢啲野食好唔好食 但係服務態度同上餐速度真係好差不知所謂

昨晚第二次去這間食店食炸雞，他們的炸雞真是味道不錯，所以連續兩星期每星期都去一次😄😄！應該好快會再去第三次，推介炸雞翼用醬油汁一流。 地方不大但裝修不錯👍🏻👍🏻👍🏻　　

阿sir最鍾意食韓國嘢，所以間中都會叫炸雞返屋企食，今次試呢間距離屋企遠少少，但因為價錢唔貴同賣相吸引，所以叫咗三樣穏陣食物一試，結果令人食指大動！🍴酸蘿蔔⭐️⭐️⭐️⭐️好驚喜，竟然有開胃前菜送，蘿蔔酸度剛好而且非常入味又夠爽脆，好食到停唔到口🍴芝雪炸雞(全隻)⭐️⭐️⭐️⭐️賣點係芝士粉，同平時食開嘅卡夫芝士粉味道好唔同，韓國芝士係偏甜嘅，即甜中帶咸，我每食一啖都會蘸芝士粉，超級好味，炸雞無骨啖啖肉又夠滑，兩個人一隻似乎多得滯，要留宵夜🍴蟹子飯糰⭐️⭐️⭐️⭐️蟹子佈滿整個飯糰，咬落非常彈牙，飯糰面加有炒香嘅白芝麻，最後加埋紫菜食超好味，香到不得了🍴芝士雜菜蛋卷⭐️⭐️⭐️⭐️蛋卷非常香滑，咬落仲有蛋汁流出，裡面包有整塊芝士同雜菜粒粒，多層滋味，仲要加埋沙律醬同茄汁，非常誘惑二人共消費：$314

午餐set選擇唔算多，得一個飯餐同拉面餐。大食嘅我就選擇咗拉麵餐！因為即炸所以都等咗15分鐘先有野食到。拉麵食落有啲似辛辣麵，但佢加咗啲蘿蔔、蛋花、白菜等等嘅配料都還算可以。炸雞就真係超級好食！佢就俾咗2種炸雞（醬油味同甜酸味），皮薄雞滑，仲有野飲送抵食!

聽講呢間餐廳午餐幾抵食，我同幾個朋友下午一點去試試，餐廳內有唔少學生光顧，室內環境較窄，我地要坐得迫啲。我叫一個set lunch要炸雞蟹籽飯團，飲韓國罐裝雪梨汁。炸雞有兩個口味，分別係醬油味同甜酸味。醬油味同韓國炸雞較相似，甜酸味炸粉厚身似西式炸雞。兩款炸雞各有特色，兩款都香口脆皮重口味，雞肉肉質嫩滑，唔乾身仲有少少肉汁。我中意醬油味多啲，炸粉冇咁厚，感覺冇咁熱氣。飯團細細粒，幾好食，不過份量多啲就好喇，下次可能食辛辣麵會飽肚啲。

好想食炸雞！去呢一間係比較正宗嘅韓式炸雞店。午餐時段都比較多人午餐食咗個set lunch 炸雞有兩款有醬油味同埋甜酸Popcorn雞，加埋飯團好夠食！仲有一杯嘢飲真係唔錯啊！

舖仔骨子👍🏻坐得舒適。老闆殷切介紹食品，好好👍🏻秘制韓國醬油炸雞好好味，無脆張皮仍然脆脆的，醬油面好好食😍再點個香脆炸雞配辣汁，好惹味，老闆仲話如果醬汁唔夠可以免費再叫多啲，話醬汁多啲好味啲👍🏻👏🏻好服務。芝士炒年糕拌拉麵是零失手之作。岩漿芝士烤粟米好吸引，所有食物阿女都食到讚不絕口！

呢間係高街新開嘅韓式炸雞店🐔舖頭勁細，啲位都有啲窄😕但無辦法啦。我係見另一個平台Book枱有折，所以試下，6點下雨天去到都有7成滿，仲有好多訂左枱，過多陣walk-in都無位了，同埋真係有韓國人黎食～老闆娘都幾Nice，有推介下有乜好食。但最好笑爆谷雞竟然唔係爆谷雞嘅招牌菜🤔😯佢Warn你炸粉比較多同埋會越食越乾，好似唔想你叫咁🤣🤣🤣但比佢講兩講，都怕怕，所以叫咗招牌炸雞配蜜糖芥末醬(無骨)(細)，唔Sure個名。但嚟到發現真係幾乾，唔係好食到肉，不過有個醬好啲，都幾好味，但唔係好夠，添加咗幾次老闆娘都好Welcome！炸雞份量同雞件大細都ok。但伴碟嘅蘿蔔同泡菜真係太孤寒了。另外，仲叫咗蛋卷、飯團、粟米同魚糕湯。呢幾樣都ok嘅，份量唔細。蛋卷幾香但略嫌有丁點老，但上菜等左勁耐😕魚糕湯多料但好似有啲麵豉味唔太鐘意，呢個唔記得影相。飲品叫咗柚子梳打又出奇地幾好。今次用咗app book有50% off真係好抵，唔計另外自己coupon，每人唔使$100又夠飽。(我會用半價嘅價錢作評分)折後性價比高，但原價就不了。哈哈😄btw同一條街有另一間開咗好耐嘅炸雞店，賣啲嘢食好似，所以睇怕有一場龍

高街路旁，韓式食店一間，西營盤地鐵站C出口，行幾步不難找到，如在電車路行上去就須花點腳骨力。這間新開張小店，店內光線充足，面積大，整齊清潔。餐牌內找到多種款式韓式食物，中午時分都滿座了，下單後很快上菜，點了兩個菜，廚師沙律及蟹子飯團，兩款菜賣相一流，沙律菜新鮮味美，飯團精緻，份量剛好。店內有不少陳設，老闆應該花了不少心思佈置，樓底很高，坐下沒有壓迫感。職員態度很好，招呼週到。另外發現網上可訂位，還有優惠。亦可上網下單，外賣送餐服務。下次在家想食韓式炸雞，轉過頭就送到，要試-試。