錦麗

Open Now

Now Closed

咁你嚟咗香港幾年，一直都冇機會食，以為連鎖餐廳水準都係麻麻地啦。今次朋友帶我去食，又幾有驚喜喎，食物質素唔錯，侍應嘅服務態度亦都非常之好。胡志明綜合粉 $70湯底好好飲，飲得出冇味精而且用上好多嘅牛骨去牛仔，淡淡都有香濃嘅牛肉濃湯味道。裏面有生牛肉、牛腩、牛丸；牛丸最出色，入口非常彈牙多汁，好似食緊瀨尿牛丸咁，而且牛肉味道亦都好突出。生牛肉正常發揮，偏薄，味道都算唔錯，生熟控制得幾好。牛腩就普普通通，入口比較硬。香茅咖喱豬扒飯 $68豬扒係即叫即炸，上到枱非常之熱，香茅咖喱濃度適中，唔會杰撻撻好難入口，用嚟送飯一流！咖喱偏甜，大人小朋友都啱食凍香茅薄荷青檸梳打 $32好飲！原條香茅放落青檸梳打度，令到味道多咗一個層次，而且非常配合，夏天飲解暑一流熱越南滴滴咖啡 $35

又一城都有錦麗啦！唔洗去樂富咁密，哈哈！香茅咖喱豬扒飯香茅加咖喱重味level up，咖喱味濃濃過香茅，咖喱帶甜！香茅豬扒都大件厚肉，但食佢就香茅味都出，加咖喱味就重啲！啲咖喱薯仔嘅咖喱炸過，硬企身d，少少似食薯條！胡志明粽合粉我次次都一定叫，9成機會叫！粗荳芽浸湯好正，就係個湯次次飲完唔口喝，令我成日嚟都叫！生牛肉嫩肉，份量多！牛味比熟重。我覺得，不過熟牛肉就好夾住飲湯食。因為有咬口d外，有d荳芽同蔥就香口d！牛丸係最欣賞，爆汁！係丸類嚟講牛味好出，次次留一粒到最後食，哈哈哈！凍鹹檸檬青檸梳打清爽解熱，酸中爽喉！凍椰汁紅豆冰紅豆好大粒好軟綿綿，加上椰汁好厚(好肥呀)，好飽肚！

越南粉真係食極都唔會厭, 今日同朋友係又一城行完街, 去左呢間係foodcourt 隔離既錦麗食晚餐呢間餐廳, 環境相當好, 因為係又一城商場入面, 地方好大, 仲好乾淨食物方面有多款既越式湯粉同撈檬, 仲有飯類可以揀我就揀左胡志明綜合金邊粉, 貪佢樣樣牛都有, 可以一次過試晒咁多款牛, 佢有牛丸, 生牛肉同熟牛肉, 牛丸相當好味, 爽口得黎仲食到入面既肉汁, 熟牛肉好似係咁崩沙腩, 有筯同腩肉, 咬落去口感十足, 生牛肉夠晒粉嫩, 入口嫩滑煎蛋香茅豬扒飯: 呢個豬扒超有水準, 外皮香口得黎又保留到肉既質感, 唔會好乾身, 配合佢既甜豉油同蔥油汁, 真係可以食晒成碟飯佢既三色冰都好足料, 甜度岩岩好, 味道相當正

今日去開九龍塘行街，咁呢中午要去搵嘢食 見到以前麥當勞喺food court嗰個位置轉左三間舖頭，最多人排嘅就係錦麗，我地就去排隊啦。等左一陣就安排咗我哋坐低喺個卡位，睇個Menu主要就食湯粉，小食同埋有啲特色飲品。我哋就揀咗兩碗，一碗係胡志朋綜合金邊粉，一碗係魚餅扎肉香濃雞湯金邊粉，另外加多咗個新出嘅火炙香茅豬頸肉，同埋兩杯飲品分別係椰青同埋三色冰。好快兩杯嘢飲就上枱，個椰青呢佢寫明係泰國出品，飲落都好凍同埋好新鮮，啲肉起出嚟都好鮮甜。另外嗰個三色冰呢都好足料，尤其係紅豆真係好甜，椰汁都好開胃。之後綜合金邊粉就上枱啦，個綜合就有齊生牛肉，熟牛肉同牛丸。我特別推介牛丸，佢入邊唔係淨係死實實咁，入邊有真係feel到真係手打嘅。另外個雞湯金邊粉都好食，個魚餅會有小小辣，札肉就好厚身，個湯都好清甜，好好飲。雖然睇落唔係好大碗，但食完都好飽。最後仲有個豬頸肉，啲肉切到好厚身，燒得好脆好香口，配埋甜酸醬點好快就俾我哋食晒。因為餐廳都比較多人，等食物同等侍應都要俾啲耐性，不過都啲野都好好食！

第一次接觸錦麗， 是當年去越南慕名而去，一嚐當地著名的牛肉粉，銷魂的美味至今依然難忘， 還記得那些任落的青檸、香菜和芽菜， 錦上添花，深深感受到當地地道的飲食文化有了這一次體驗，之後吃越南河總會認為多加一些香菜會更好吃，更地道， 錦麗嚟咗香港一段時間，今次都係第一次去食， 充滿了期望，亦沒有令我失望胡志明綜合粉($70)顧名思義綜合了牛丸、生牛肉和熟牛肉， 清澈而帶牛肉味道的湯頭，標榜沒有味精，軟熟的牛肉，彈牙的牛丸，加上肥美爽口的芽菜和檸檬葉，想起了當年令人難忘的味道， 好食魚丸扎肉香濃雞湯金邊粉($66) 即用了自家煮的香甜雞湯，湯底都唔錯，魚丸也是自家製，用真魚肉製成，吃得出真材實料飲品點了熱清甜甘蔗汁($25)和椰汁三色冰 ($30)

It have been a long while since we went to Festival Walk and since we were free today, we planned to go there for lunch and window shopping. We went to the top floor and hunted for food and was attracted by the Vietnamese food. Pho Le was located at Festival Walk, just above Kowloon Tong MTR.Their shop was very busy when we reached, and heard that the brand was brought over all the way from Ho Chi Minh, Vietnam. They offered pho, rice, chicken soup rice noodle, cold vermicelli, vegetable, snack,

晚飯時間去又一城搵食，行到最頂果層發現原來開左錦麗，仲啱啱唔使排隊， lucky 基本上每次去錦麗都係食佢嘅 signature — 胡志明綜合粉，因為真係好好味，從未令人失望過。簡簡單單，一人一碗綜合牛河，入面有齊生熟牛肉同牛丸，正呀！胡志明綜合粉 $70湯底靚，有香濃的牛骨味，飲得出好鮮甜。河粉上舖滿了生熟牛肉同牛丸，D餸真係滿晒架，見到都滿足。生牛肉略浸成半生熟，夠滑而且好濃嘅牛脂味。熟牛肉口感似牛𦟌，有咬口得來又唔會韌，牛味濃。而牛丸就夠彈牙，中間食到有少少牛油味，好過癮。除咗牛河，今次我哋仲食左豬頸肉。製作時間比平常耐，大約要二十分鐘。但一上檯就明白，原來係即燒架即燒豬頸肉真係好香，好熱好熱。食落半肥瘦，醃得好入味，多香茅，而且大份，五十幾蚊真心抵食。如果唔趕時間，推介一定要食吓。火炙香茅豬頸肉 $58椰青 $48有牌子 （貼子）的椰青，來自泰國，夠凍又清甜。椰青肉亦好嫩滑凍青檸梳打 $30甜酸度控制得唔錯又夠凍，水準之上。只係飲品要散叫就唔太抵，建議可以考慮set 下套餐，咁就好啦

錦麗就不嬲都出咗名食越南牛肉河粉，最近見到錦麗個餐牌改咗，除咗越南牛肉河粉之外，仲多咗其他嘢食，所以今次就專登去試一試。 我哋嗌左碗越南綜合河粉，一次過可以食晒佢哋招牌嘅生牛肉，牛腩，牛丸等等。河粉個湯底同之前一樣，好清甜，生牛肉同牛腩肉質都好林滑，啲牛腩仲連埋少少筋，食落好爽口。牛丸就好彈牙，又有肉汁同牛味，整體保持一貫嘅水準。我哋仲嗌咗個喺餐牌度推介火炙豬頸肉，上到枱嘅時候豬頸肉都幾大碟，足足有五六舊，佢嘅表面真係火炙過，有少少黑黑地，上碟仲熱辣辣，應該岩岩燒好，外皮燒到好香脆，入面仲好爽口。我記得以前佢哋嘅餐牌就剩係得一頁牛河同埋少少小食，但依家除左越南牛河之外仲多左其他嘢食，撈檬，咖喱等等，下次真係想試埋其他嘢。

又一城頂樓 food court盡頭轉咗做三間餐廳🏢🏢🏢 中間呢間叫🌸錦麗🌸食越南粉麵飯小食，聽講質素唔錯 🤩今日就趁下午茶時間過嚟試一試🙈 估唔到平日兩點都咁多人要排隊真係好受歡迎！兩個人試咗唔同嘅嘢一飯一粉🍚🍜煎蛋香茅豬扒飯🍳🐷 豬扒非常大塊 😍生熟程度剛好， 唔會嚡口 lunch set即係幾十蚊 🤗但質素絕對唔hea胡志明綜合粉🐂🐂🐂 生牛肉（薄切）熟牛肉（厚切） 一啲根都冇、 夠牛味、有口感 🐄 牛丸食得出係貴野非常彈牙有驚喜🍢而特飲方面跟餐都只係加八蚊 🥤🥤 毫無懸念就加左椰汁紅豆冰＆咸檸檬青檸梳打 清涼解渴👍

嚟呢度食牛肉粉就食得多，今次第一次叫飯同小食。估唔到都相當唔錯！咁熱當然要叫返個椰青飲，椰青凍冰冰，非常清甜！好正！另外我哋每人叫咗一個飯。香茅豬扒咖喱飯🍛咖喱汁係分開上，咖喱汁少少辣，味道夠椰香。香茅豬扒新鮮炸起，佢炸得好食，有以前舊式茶餐廳生炸豬扒嘅味道！香茅雞髀咖喱飯，一共有四隻雞髀🍗雞髀都係炸得好香，有香茅味。呢度嘅炸嘢幾出色，夠香口，但係又唔會太油膩！客飯嘅份量非常多！炭燒豬頸肉有火炙香，邊濃濃地夠香口，豬頸肉夠林，點埋泰式醬好食！

越南🇻🇳野啱晒我口味！九龍塘又一城2樓開咗間錦麗就喺正food court隔離 非常方便同朋友先嚟咗碗粉麵 胡志明綜合粉$70 抵到爆炸！有齊牛丸 牛腩 生牛肉三寶 仲有熬好咗牛腩清湯 有多種嘅精華牛汁味濃牛丸肉味很重 非常足料 肉汁Juicy 牛腩夠爽夠大件 炆到好腍 另外仲有生牛肉 肉味十足 份量亦夠加埋我最鍾意嘅配料有芽菜辣椒仔同青檸 令味道昇華 成件事就近乎完美！另外仲加咗個炭燒豬頸肉 製作需時賣相好靚 肥瘦均稱 非常燒得好均勻 不會燒燶 仲有甜酸醬 點完更惹味可口最後仲加埋個靚椰青只係$48 好解渴！

今日要去九龍塘學車，學完就順便約老公係九龍塘食飯。 九龍塘從新開後，多佐好多餐廳，突然想食越南湯河🍜，見到一間錦麗越南，雖然要排隊，但都好快可以有位。☺️因2公婆都唔係太過肚餓，就食得比較簡單。老公就點煎蛋香茅猪扒飯，猪扒好捻滑，配上蔥油豉油，好好餸飯，再配上一杯冰凍3檸可樂🥤，有新鮮檸檬🍋，青檸，咸檸，超正😋我就點碗胡志明粽合粉，有牛腩，牛丸，生牛肉，牛腩原條牛味濃，牛丸咬口有汁 生牛肉夠滑，湯夠濃😋😋，配一杯椰汁紅豆冰🤭🧋紅豆比日本紅豆好食，又甜又大粒，加入椰子汁，太滿足。🤩餐廳有套餐配搭，加點錢就可以配不同小食，但因二公婆都唔係太肚餓，所以就冇加，餐廳價錢合理，食物好食，老公話下次再去，再試吓小食。☺

歌和老街打完乒乓波，肚餓，波友提議食越南菜。來到錦麗，幸運找到卡位，綠色沙發凳，天花板的波波圓形燈幾靚，提升了環境檔次。平時唔好飯，但打完波，激戰連場，特別叫左兩個咖哩飯，豬頸肉和追加一碟菜心。越南咖哩牛腩飯飯和牛腩分開上，越式咖哩的特別處用上了很多不同種類的香料，特別是越南特產魚露。食味獨特，微辣，牛腩肉質口感腍滑，入口鬆化而滲有淡淡咖哩香味。香茅咖哩豬扒飯 見🐷扒煎得好靚，同朋友交換牛腩。豬扒幾大塊，肉質嫩而不乾，香茅味香噴噴，咖哩汁既碗伴有薯仔。火炙香茅豬頸肉賣相靚，燒得好靚，表層色澤亮麗。擺入口，外脆內嫩。新鮮椰青好Fresh，運動完飲最解渴和補充體力,清甜。一碟菜心雖然送，但份量多，菜綠味鮮。

同朋友又一城睇完戲，最方便當然係喺L2 food court 果邊搵嘢食啦。咖喱控嘅朋友話不如去錦麗，因為佢好喜歡錦麗嘅咖喱，所以順應佢嘅提議過咗去幫襯喇。我哋分行點咗香茅咖喱豬扒飯同香茅咖喱雞槌飯。唔知點解大家都各自叫咗咖喱飯。可能因為晏咗少少，雞槌已經無哂，職員話我哋聽會幫我哋將雞槌轉成雞翼。錦麗嘅咖喱，除咗咖喱香之外、仲帶住一點香茅嘅清香、椰香、花生香，餸飯、點豬扒同雞翼都惹味。豬扒同雞翼都醃得好入味，而且都係即點即炸，唔係凍冰冰。我哋另外仲點咗一份火灸香茅豬頸肉，豬頸肉都幾厚切，厚得嚟唔韌。豬頸肉經火灸後，表面嘅叉燒醬令其輕輕微焦、入口更加香口美味。我朋友都算養生，所以點咗個熱玫瑰龍眼茶。玫瑰龍眼茶可以選擇甜度：正常、微甜、走甜。朋友就要咗走甜，佢話咁樣先飲到玫瑰嘅花香、同埋嚟自龍眼本身嘅鮮甜味。我依個咖啡控就點咗杯凍嘅越南滴滴咖啡。凍同熱嘅分別就係會多杯冰底，當咖啡滴漏完、再與杯底嘅煉奶攪勻後，再將其倒入冰杯，一杯凍嘅心越南滴滴咖啡就完成喇。

自從Maple Tree 集團入主又一城後，空間大改造，好多嘢都有煥然一新的感覺。特別係戲院旁的位置，以前係一間特大麥記，依家一開三，由馬來西亞，越南到港式餐廳都有，選擇更多元化。餐廳錦麗主打越南菜，最不得不食當然係胡志明粽合粉，特別係改良左煮法的越南牛肉湯底吧，個湯底係店入面煮夠23小時，用左大量的肉和骨來熬煮，湯頭鮮甜濃郁，啖啖都係牛骨香氣。金邊粉上又有大量芽菜及洋蔥絲，再鋪上生高質牛肉片，牛腩及牛丸及蔥花，超澎湃一碗。生牛肉粉嫰肉滑唔洗多講吧，熟牛肉炆得軟淋粉嫰，一夾即化，唔會硬柴柴，加埋牛丸爽口彈牙，整碗粉既有濃郁牛肉味又不失口感，超一流。火炙香芽豬頸肉火炙後豬頸肉醃料充分滲入肉塊，咬落香脆彈牙, 又不會過火太熱氣， JUICY得黎唔覺肥膩！食得越南野飲多杯椰汁三色冰不為過吧。呢到杯椰汁三色冰超多豆，滿滿的一杯，食極都仲有，冰涼暢快又飽肚。朋友叫左薏米水，暖胃又去水腫，健康之選。