一點心 (通菜街)

Open Now

Now Closed

平日行過總係見好多人在排隊，心想梗係食品有水準，卒之搵日去幫襯。果日因唔太肚餓，只係叫左個例湯螺片霸王花、生炒糯米飯同埋炸雲吞。例湯唔太多味精，有幾塊肉碎，但就冇螺片碎，十零蚊算係咁；生炒糯米飯份量少，料少也太多油，比起茶樓差好多。炸雲吞亦然，雖然是剛炸起，脆卜卜，但又係皮多料少，單是叫呢幾樣都已經是水準以下，看看其他人叫的點心也是樣子麻麻。加上服務差兼坐得唔舒服，真唔明點解咁多食評讚好！

星期六同未來老爺奶奶黎試呢間點心, 預早慶祝母親節. 我同男友十點幾黎到, 大約等20分鐘有位. 呢間d 空間闊落d, 比起另一間人氣點心店坐得舒服多了.4個人食, 可以試好多, 比較喜歡既有:焗义燒餐包 - 餡多汁好味, 熱辣辣, 第一推介馬拉糕 - 圓拱形我最鐘意, 好軟熟, 甜味剛好, 第二推介义燒腸 - 大條多餡, 但皮未夠薄蝦餃 - 粒粒鮮蝦, 美味潮州粉果 - 比起一般酒樓細件, 但無咁味精糯米雞 - 餡料足, 有蛋黃有雞, 好味佢地上菜速度好快, 我估都係想我地快食快走, 侍應有禮貌.我覺得幾好既係d 野食好似無咩味精, 因為食完我唔會成日想飲水. good!

母親節帶了母親來到一點心, 因為去到已4點, 都係等左5分鐘就入到坐. 我地叫了1. 蝦腸粉 - 真係好滑好食, 係豉油較甜要扣小小分. 不過真係好得呀,仲要只係16元好抵2. 馬拉糕 - 一向都好好食, 水準keep到.3. 豬骨粥 - 佢既粥一向都煮得好綿無得彈呀.4. 牛柏葉 - 好淋好香蔥味, 正.5. 蝦肉腐皮卷 - 第一次叫, wow 好新鮮好熱又cripsy我地3個人都說正.6. 燒賣-無咩肥肉既燒賣, 好食.7. 雞扎- 最中意佢既雞扎入面有好大件既魚肚好淋, 好入味, 好好食.無加一, 3個人食到包包都係$106. 真係平及正.

我哋成日去花墟買花，次次坐車經過都見到人頭湧湧，都幾好奇。所以終於喺買完花後過嚟試試。我哋係食下午茶時段既，超抵！叫咗蝦餃燒賣牛肉球蘿蔔糕咸水角腸粉啲水準好唔錯，仲有地方雖然好細但都幾企理，招呼都算係咁。以咁既價錢真係超值。怪唔得咁多人排隊啦！

門口成條街車位，揸車去一流，今日去到食，唔知係咪無食年幾兩年，D味好似唔同左，燒賣死實實，不過佢既沙薑雞腳真係一流，但記得要趁熱食喎~

各位食家,今晚落雨係旺中行過去太子既一點心, 地點好唔方便, 如果假期唔知醒飲唔到下午茶,都可以夜晚過去一試!今晚我地兩個人叫咗六樣野埋單都係90蚊, 都OKAY既!不過坐得真係有點迫, 肥D都坐唔到!SOSAMLAM

我住嚮附近，又懶煮飯，所以一個星期都起碼幫襯呢間「一點心」兩、三次以上。佢o既食品質素比起附近o既其他餐廳算係中上水平，價錢亦算合理。不過可能因為太忙碌o既關係，o的侍應o既服務態度真係麻麻地。為左避免受氣，所以我多數都係買外賣就算，估唔到今日連買外賣都要比佢o的侍應「窒」！以下係我同收銀阿姐o既對話：我 (步入門口對收銀阿姐說)： 請問有冇「章魚肉餅飯」？阿姐 (冷淡地)：唔知！我： ......我 (呆了一呆之後)：咁你可唔可以幫我問下？阿姐 (繼續冷淡地)：都要佢 (指廚房門口出點心果個人) 出來先問到o架！(廚房個人出左來, 阿姐問佢, 佢話有)我 (急不反待地)：唔該加多個「咖哩魷魚」。阿姐 (對住廚房講)：唔使包個(章魚肉餅)飯住！阿姐 (開始不耐煩地對住我講)：你頭先唔一次過講埋?「魷魚」要等兩個字！我 (因為唔想等)：咁有冇蒸排骨？阿姐 (繼續不耐煩)：排骨就有，肉餅飯加排骨，廿六蚊啦！(我比左已經預先準備好o既齊頭廿六蚊阿姐)阿姐 (一邊收錢，一邊繼續埋怨)：下次一次過講埋嘛... 「魷魚」梗係要等o架啦... (下刪數十字)(我就廢時采佢，行出門口等我o既外賣。)第

從三月初開始一連十星期跟太太一同上課。地點就在太子區內。看來可以吃勻這裡附近的各款食肆了....第一炮便是在運動場道內的一點心。可能是廣東人對點心的偏愛使然，看到附近的食肆皆是門庭冷落的，唯獨這兒卻是人多得要排隊。當然價錢不算昂貴也是另一爆場原因....一口氣叫了糯米雞、奶皇香蔴酥、牛肉腸、燒賣及鱆魚肉餅飯，看得旁人惻目我倆卻是大喊小兒科而已先來的是這兒掛頭牌的奶皇香蔴酥。賣相說得俗一點，是有些"甩皮甩骨"的，酥皮及奶黃餡是死死實實的，失色。不過勝在味不過甜，而酥面上的芝蔴夠多亦頗香，勉強收復了少許失地....糯米雞的饀料極豐 --- 有整隻雞翼、一大件义燒、碎豬肉、臘腸粒及冬菇等，飽肚度十足，而且水準也極不賴，餡內的汁液豐盈非常，糯米硬度亦適中，味道也不過鹹。可說是近期吃過較出色的糯米雞...牛肉腸粉皮挺厚，帶點韌勁，是挺合個人的口味，但太座卻是不甚欣賞。不對勁的是豉油下得過多，吃不出粉皮的米香；牛肉餡偏少也是另一失色之處....肉餅飯是眾品之中最差勁的 --- 沒吃出鱆魚味之外，肉餅太淰而沒咬勁，飯也是弄得太濕了，豉油味淡得出個鳥來燒賣的肉質太散，打得不夠實淨。跟旁街的粥皇湯后的出

食過兩次，因為真係唔錯，所以帶唔同朋友黎食．．．特別推介係蛋散，與一般茶樓用的配料有點分別，而分別在於．．．在此賣一個關子！送上台的食物都是熱辣辣，真正即叫即蒸，唔洗浪費～不過店內坐位不多，需要在店外等候。但店子亦很細心，會放幾張凳給輪候客人邊坐邊等，而店員服務亦很殷勤，十分有禮貌。

耐唔耐都會來飲茶，通常都係早茶，偶然就試吓夜茶。呢日夜晚又來嘆茶，叫咗七八碟點心，埋單都係$100左右，但係味道就拍得上大酒樓的出品，都算唔錯。馬拉糕：係即叫即蒸，味道好，夠鬆軟。雞扎：材料足，味道也正宗。鳳爪：幾大隻，也算入味。蝦餃：比以前細隻了些，味道尚佳。牛肉球：大大粒，水準不錯。牛肉腸：較失色的一道點心。呢度最大問題係地方的確甚為淺窄，唔夠闊落，不過服務都唔錯，如果第時佢可以擴充舖面，地方大d就very good嘞！

一個人唔覺唔覺叫左4、5樣點心!推介:馬拉膠~好好味，好鬆軟、拍得住大榮華個d!奶黃包~D粉ok，但d好黃就麻麻地!鮮蝦菜苗餃~ok，唔差!鳳爪~入味，都好多隻爪!章魚飯~一般啦，冇乜章魚味，如果個刻想食飯都可以一試!.整體上都ok!價錢可以接受，最貴都係16蚊!本人覺得佢將小點價的點心提高，而將大點價降低，感覺上不太貴!但以食物既質素，算係唔錯!美中不足你唔可以當係酒樓到慢慢食..因為佢d位都算幾迫!

尋日終於0黎試點心!~叫0左鳳爪排骨飯,煎蛋牛肉飯,雞扎,棉花雞,香煎腐皮蝦卷同馬拉糕。鳳爪排骨飯,煎蛋牛肉飯...飯一粒粒的..但唔夠豉油...牛肉好滑...雞扎,棉花雞..味道差唔多..但雞扎好味d...香煎腐皮蝦卷..熱辣辣..脆口..但要趁熱食..凍0左出油..會感覺油膩...馬拉糕..好大個..軟棉棉...正店仔細細...服務普通...

"一點心"一直都係我想去食ge地方. 但因為離公司頗遠而且地方較細. 又好多人,lunch 根本唔夠時間食. 今晚好彩放學後有管家婆陪我去食. 哈哈!呢度除左地方細及較偏之外, 基本上我都覺得服務, 食物質素及價錢都唔錯!應該係講食物質素係超越我所想的. 比起好多"品牌"酒樓還要黎得認真及出色!好耐無食過兒時吃過的燒賣味道lur, 今日我搵到佢la. 喜歡食雞扎的管家婆都對雞扎讚不絕口!鮮蝦菜苗餃梗係出色非常, 唔係出面酒樓個d 蝦呀肉呀爛撻撻, 菜呀就成舊草球咁.佢整得出色主要係將蝦, 肉, 菜都好分明及新鮮, 好食!最後不得不介紹就係呢個馬拉糕 la, 基本上呢個馬拉糕做得很鬆軟, 而且師父亦很細心將它切為6份, 讓食客吃得方便. 食呢個點心時, 我同管家婆都已經9成飽, 但係仍覺得佢係好好食, 仲要強行地...........

因為係附近返學既關係, 經常會經過"一點心", 但從來無入去試過. 1/13放學後同學仔突然話比我聽一點心既蒸飯同點心都好好味, 所以外賣幾款返屋企試下/鳳爪排骨飯$16 : 飯份量唔算好多, 計埋餸只係2/3滿個外賣盒, 但排骨有五, 六件, 仲有半隻鳳爪, 而好細心地豉油另上. 飯粒分明, 唔會過淋, 而排骨有用梳打粉醃過, 但味道及肉質亦ok>鮮蝦菜苗餃(唔記得幾錢) : 一客三粒, 蝦爽, 豆苗甜, 皮不算薄, 但質感好.蝦餃$15: 一客四粒, 比平時酒樓食既細1/3size, 但皮及蝦肉同菜苗餃水準一樣古法馬拉糕(唔記得幾錢): 味道比較甜, 但夠鬆. 可能係有倒汗水既關係, 個底濕左.埋單$57, 絕對超值抵食

又嚟食一點心叫咗個菜乾豬骨粥<又幾好味喎> 估不到佢都有鮮味呀...豐料糯米雞~ 好大隻,好足料...好好味蝦米腸粉~ 爛咗d 但都好味既馬拉糕..必食..因為好難會揾到架...古法馬拉糕 ^^