一點心 (通菜街)

Open Now

Now Closed

上星期4, 去左太子既一點心食野.佢價錢好經濟, 仲唔收加一添.同同事叫左D點心食.薄皮鮮蝦餃: D皮真係比平時食開既薄, 皮薄餡又靚, 入面隻蝦都新鮮好食.馬拉糕: 同平時食開既賣相唔同, 佢個係圓形, 整得好靚, 一羅起件馬拉糕好軟熟, 放入口超..超...彈牙, 正.腐皮卷: 外層整到威化咁脆, 入面咬開見到有蝦係到添, 落足料~要試下.奶皇酥:依到既招牌, 上面好多芝麻, 酥皮好脆, 入面又唔會太甜又唔利...正~間野係MK警署附近架JA~

終於去試這間店，同友人二人計劃了一星期，上網看地圖，都好易揾，太子mtr步行約5分鐘。去都約7:45p.m，等了10-15分鐘。當選點心時，聽見店員同隔離檯講"馬拉糕買晒"，我和友人立刻唔開心，因為一早計劃想試"古法馬拉糕"。我們最後點了以下點心:鳳爪排骨飯: 真係好好食，的飯蒸得剛剛好，排骨都好好食。蝦餃：真係可以同大酒樓比，皮薄蝦甜，好得。炸雲吞：好脆不太油，蝦甜。芥蘭：ok，幾甜。魚湯鮮竹卷：普通，可接受。因為個飯太好食，encore個北菇滑雞飯，的雞都幾好食，個飯都ok，但都係鳳爪排骨飯好食的。下次要早的來，要試古法馬拉糕"﹗

星期日一行五人一起到太子一點心食晏仔...是日橫風橫雨,仍要在門外風足雨打一小時,未入座時發現舖面不算大,不過見伙記動作十分敏捷,未落單先期待。酸甜炸吞: 脆卜卜好好味呀!!精製馬拉糕: 真係好軟,好香,好滑,如果唔係要食更多既野,一定要ENCORE古法炸蛋散: 好香脆,可選落糖漿或練奶。又唔會好膩,推介呀!鳳爪排骨飯: 好味!家鄉咸水角: 唔會軟到一PAIR野咁,咬落去仲好香口呀!煎旦牛肉飯: 呢個就真係麻麻啦,牛肉雖好滑,但衰左係隻煎蛋度!太老啦~!服務十分勤快及周到。價錢十分公道,全部都不用過HK$20,好味過酒樓個D好多!!樓面太少,五人位要等好耐,仲要5人住4人座位。

三點去到都要等到三點半先有位! 唉! 要企係門口等，好熱又等得耐，如果下次要等位我都唔會等啦...真係唔明...要等位咁多人，貨既流量應該好多至係架麻，野食應該好新鮮架麻...點知 鹹水角一見到就知係返炸既!! 個皮變得勁硬，而且好厚皮，一D都唔好食!!炸物一返炸就唔得架啦...點解明知唔得重要慳果少少?! 馬蹄糕太過"痴"啦.... 馬蹄唔夠多，但味道都OK既...不過都唔算合格! 葱花蝦米腸又係太過"痴"啦!!! 一夾就爛，嚴格來說唔可以話係腸粉 雖然味道都OK，但都唔合格! 真係食唔出係腸粉囉..... 菜乾粥呢個就一樣咁好味 多菜乾又有成件豬骨，好好味! 鮮蝦茶苗餃很不錯，冇以前咁鹹，果皮廷D會更好。 糯米卷唔新鮮，蒸左好耐，所以有D乾....味道唔係好，唔會再叫。食物既質素不能保持，又要人等咁耐，真係有D唔抵!想再飲茶既，會去酒樓!!

一向喜歡這個食店, 價格合理又好味; 當天坐下, 他們送上水來, 平時不覺, 當日的陽光卻正正反映了一片浮面的油, 是換好還是不要? 要是再送上來仍是如此, 又不要好像自己太要求, 所以退回算了; 到在樓面埋單, 告訴收銀沒有要茶, 她問也不問, 望也不望, 繼續邊在收銀機入數, 邊說無得唔要茶係跟位既; 本來區區$2沒大不了, 但他們寫的是茶茗2元, 甚麼叫跟位的; 基於她的回答態度, 我再說茶有油我都要要, 她才取消此收費. --> 印象差了, 下次喝他們的茶嗎

個個星期六都都要去太子學日文最like 去呢間野食排骨飯點心一流. 排骨飯好正尤其蝦餃, 咸水角不過有時要等位呀一條友去食最o岩, 唔使好似飲茶咁食得太耐一個人通常30蚊攪掂

是日星期二，友人忽然找我食午飯。想起有次在網上看到太子的一間點心店，評語不錯，決定跟朋友試一下。友人早我一點到達，欲先找位置坐下，想不到平日的中午，地點有點偏遠的小店，竟然也要等候了十多分鐘。由於店面不大，座位有點迫，環境不太舒服。牛肉腸粉 - 牛肉新鮮，沒有混太多粉，腸粉皮也夠滑。古法馬拉糕- 這裡的馬拉糕，該是下了豬油，糕身夠鬆軟。鮮蝦菜苗餃 - 新鮮的蝦肉很多，外層覺得不夠薄，不過煙韌度剛夠。豉椒蒸排骨 - 排骨鬆軟入味，不俗。二人大概 70 多元，經濟實惠的一餐。本人食評詳見: http://q4sweet.blogspot.com/

星期六兩點幾去到，等左30分鐘，非常合理，好食自然多人排隊。兩個人都係第一次來，叫左九樣野...粉葛土伏靈鯪魚老火湯 $16︰一飲落去，同愛人對望一眼，大家都講左一句「掂呀!」。飲得出無味精，正過出面賣幾十蚊一包的自家湯 棉花雞 $15︰有三大塊魚肚、兩大塊雞肉和一隻冬菇。雞肉滑滑無皮、冬菇肉厚、魚肚索滿汁汁，食落去，嗯...... 好有幸福感 菜乾咸骨粥 $14︰大大碗，粥底夠綿，最LIKE係個味，充滿咸香 沙薑雞腳 $22︰有5隻，可惜非常硬，唔夠入味叉燒餐包 $10︰雖然無咩驚喜，合格就得啦! 餡多汁多，叉燒唔係肥騰騰，上檯時熱辣辣，好滿意。蝦餃 $16︰皮真係好薄，我鍾意個味道，如果加埋筍粒更加好 生炒糯米飯 $16︰份量少左D，又無乜料，只有臘腸粒和蝦米碎，呢個價錢，唔係太抵，個人覺得始終銅鑼灣強記最好食 咸水角 $10︰即炸熱辣辣，可惜又係無乜料，得D肉碎 春卷 $10︰有蝦和韮王，可惜炸到黑蚊蚊，食得出係番炸 整體OK合格，埋單都係 $133，滿意!!臨走時見到盅頭飯剛剛出爐，香到不得了呀!!! 可惜太飽了，心想「唯有等下次啦!」之後一路行街一路想著那些盎頭飯，忍唔

想飲茶既一個下午，但係得一個人，又唔係好想到茶樓去。想到有專賣點心既店子，一個人就方便得多，飲茶都變得好容易。叉燒包叉燒包一籠兩個，比一般既叉燒包大一點。叉燒包非常軟熟，十分新鮮!! 叉燒餡夠多汁，而且肉都係偏瘦，但叉燒汁嫌甜左少少。菜乾排骨粥好多料好多菜乾! 個粥好棉，食唔到有味精，但係好有味道。 大大件排骨，仲有得食。米粒化開晒，完完本本係用米粒煲出黎，唔落鳳米漿既呢~呢個係我食咁多個菜乾排骨粥最好味既一個!鮮蝦菜苗餃多菜，菜苗甜! 調味剛剛好! 而且餃皮都好好味，但係餡就多左D油姐。不過冇油就唔滑LU~好味道! 茶水都不錯，地方都闊落，服務好，有求必應。

星期日未到8點就醒咗，真係慘呀，難得一日可以瞓晏，但生理時鐘卻根據平時的時間把我弄醒。喺屋企hea 吓hea吓，阿媽提議去一點心食點心。十一點幾去到，好多人等緊位。攞咗飛之後周圍行，點知行完番黎，一個number都未郁過。原打算食第二樣野，但點知隔一陣再去睇，下一張竟然就到，可能太多人費事等已經走咗。地方不大，也不夠光猛。叫咗7、八個點心。蝦餃：見搭台茶客嘅蝦餃好似好得，所以又叫番籠試試。點知個賣相同人地嗰籠差好遠。我地嗰四粒超細，好似鵪鶉蛋咁。好在個皮真係夠薄。不過餡料只有蝦，沒有加入荀粒。馬蹄糕：掂！好彈牙，有馬蹄粒，仲唔會太甜。姜葱牛百叶：味道好淡，唔惹味。鳳爪：ok，夠淋身，不過味道偏甜，唔辣山斑魚響螺片煲清補涼：讚！真係好夠火候，無味精，原汁原味，足料。鮮蝦腐皮卷：炸得香脆，個皮唔會韌，好多蝦，味道幾好煎蘿蔔糕：average quality，有蘿蔔絲，不過唔算多蔥花蝦米腸：呢個唔掂！第一，個皮好淋，一夾即斷，質地好削；第二，d蝦米劣質，好多殼；第3，d豉油超不濟，有色但無味，唔咸又唔甜。鱆魚肉餅飯：飽膜之選，但完全無鱆魚粒，or even 鱆魚味！芒果奶皇卷：sun 限定

和老爸弄完眼鏡後，我們一起來到一點心這裡醫肚子，這裡的點心價錢經濟，最貴的好像也不超過$20，所以有許多街坊來光顧，由於這裡的鋪位細，空間不大，所有和別人搭桌的需要，要注意囉~燒賣──這個沒有什麼特別，更有感覺比平時吃的遜色。他的肉並不結實，也不爽口，肉裡充滿了油份，蝦子也不太新鮮，只是屬一般，以他的價錢來看也算是可以接受。牛肉腸粉──牛肉的量不算多，但也富牛肉味，腸粉皮就較厚，整體上很滑溜。搞笑的是用兩條青豆作伴碟，大概是不太熟，超草青味xdd老火湯──今天的老火湯似乎是螺片湯，他的量不多，我和老爸每人可喝1.5碗，但這個湯很好喝，味道濃郁，只是螺片過老，難以咬開。奶黃包──由於一開始我就誤會了他是流沙包，所以當我吃下去，發現他不是流沙包時非常失望由於沒了咸蛋黃的關係，奶黃顯得不香，也不太好吃，很稠，我覺得只是一般。鮮竹卷──好一般的鮮竹卷，味道普通，他的料不多，咬下去很油。總結：好一般，但經濟實惠。

雖然睇到部份食評不太好，但還是想試。睇地圖去係會被點錯路的，實際位置只係係太子別樹華軒附近，非常就腳。食物方面︰1. 菜苗蝦蛟︰蝦係彈牙，皮係薄到透明，不過其中一隻爛左少少2. 古法馬拉糕︰好鬆軟，唔係好甜3. 糯米雞︰so far so good4. 炸奶皇包︰細細個，好味，不過唔係流心的5. 叉燒腸︰幾滑呀，唔係其他人所講的厚皮。不過，食落好似叉燒還叉燒、腸粉還腸粉。但咁的價錢，得囉！6. 油菜︰真係唔油，另上蠔油雖然搵左一陣間先搵到，但坐得舒服，唔駛等位，waitress有禮貌、反應快、always添茶。兩個人只食了$85，唔收加一，但食到飽。下次帶埋d friends黎先。

去完聖堂準備來這裡吃點心作午餐，竟然要排隊!!! 大概是因為星期天的緣故吧，竟有十多人在外面等著，問阿姐要等多久，她說大概十張檯，我們心想應該不會等很久，而且又不是很熱，就決定等一等了。一直等的時候可先拿點心紙挑選想吃的點心，等等等，等了大概二十分鐘就有位了，也不算等得很長時間，是可接受的。想不到這裡位置雖不是大街，卻仍頗多客人呢。內裡環境也算不錯，其實位置一樣不多，只可容納二、三十人，但它比較寬闊，不用很迫的左閃加避，總算可以坐得舒舒服服。我們起初選了叉燒餐包，可是阿姐說已賣清光... 當時只是下午兩時，竟然已賣光？那晚上如何做生意呢？最後只好選其他食物，我們首先叫了一籠薄皮鮮蝦餃。來到的時候賣相可以，它的皮真的很薄，可以用晶瑩剔透來形容，薄得見到入面的餡料。咬下去皮薄又滑，蝦爽口但不算很新鮮，沒有什麼鮮味。吃下去吃不到筍粒等等的餡料，但也是不難吃的。另外我們亦叫了一個炸兩腸，不過這個就一般般了。先講腸粉皮頗厚，而且亦不算滑，但就嚐到一點點米漿的味道。中間的油炸鬼是暖的，不夠熱令它亦不夠脆，吃下去淋淋的，所以這個不算很好。我們也叫了一客馬拉糕，它將整個馬拉糕切成六份，原本應該賣相不錯

两人午餐，座位拥挤，茶淡如水白灼生菜：这道菜也没什么花样，图个健康而已蟹皇烧卖：吃到的第一只里面有鸡肉，第二只里面有虾仁，难道只只不同？味道OK，不过都牢牢粘在一起，用筷子分开以后卖相已遭到破环鸡丝粉卷：皮太厚，而且馅似乎不是鸡肉做的，像是猪肉蓉裹着虾仁，肉里粉放得有点多，再加上粉卷都粘在一起，一用力就皮馅分离，吃得有点狼狈韭黄鲜虾肠粉：皮太厚，入口即溶，感觉像是在吃糕鱼汤浸腐皮卷：腐皮软软的又不失韧性，最好味的一道菜，但和鱼汤二字没关系，我甚至喝了些汤，一点鱼味都没有姜葱牛百叶：味道非常好，但是我牙齿不太行，咬不动，眼巴巴望着同去的朋友大饱了口福中途去洗手间感觉厨房么不是那么太干净啦……不过也不要要求太高不是……明天考试期开始，加油！

專程和朋友來試這間..下畫5點多..非繁忙時間..客人只有7.8個!! 但樓面阿姐就有起碼6個!! 坐底就對此店印象麻麻..非繁忙時間..客人已經不多..嗰幾位樓面阿姐就傾計傾過不停..大講麻雀經..佢地七咀八舌..全店每個客人相信都能清楚聽倒佢地O既閒談內容!! 要傾都細聲啲啦..街市咩?! 連一個應該係大家姐的物體..都不理客人感受高談濶論..實在過份!!點了鳳爪..GOOD..好夠味!! 鮮蝦腐皮卷..好油..勁多芫茜..好一般!! 蝦餃味道唔錯..略嫌細粒左少少!! 蝦腸..普普通通啦!! 叉燒飽咸左啲..但個包幾好味!! 食品不算好出色..但服務真係有待改善囉!!