一點心 (通菜街)

Open Now

Now Closed

日期：2008年12月25日今晚黎九龍區行街，突然諗起朋友向我介紹哩間幾好既小茶樓．地方比較迫，鋪頭細細，銘茶每位：HK$2．感覺有ｄ似”點心皇”，款式雖唔太多，但都整得幾好食．１．叉燒腸粉：瘦叉帶少少肥膏，一般．２．皮蛋瘦肉粥：煮得好棉，掂啊！３．菜苗餃：最好味既一籠點心，真係好想叫多一籠食．４．古法馬蹄糕：究竟咩係古法呢？我食到係用片糖去整既，唔知有無估錯呢？煎燶左，唔太甜，okey．

2008.11.11(二) 遲交的功課 此店模式像以前的點心王，不過呢度有亞姐為你寫菜同傳菜(埋單除外)而且格局不像快餐店感覺不錯。是晚好想吃飯所以只叫了一個點心而已﹔兩個盅頭飯 ~ 咸魚肉片 & 鱆魚肉餅(各$16) & 錦鹵雲吞($10) & 油菜 等冇耐就有得食(有效率)，滿滿既盅飯(飯軟硬適中)味道不錯，雲吞脆卜卜，甜酸汁較酸，油菜算大碟絕對迎合港人口味...价錢平﹑份量多﹑傳菜快 茶錢每位$2 埋單 $56 眼見隔離枱既點心份量都幾大，下次一定黎點心一下先

和男友吃宵夜，還是第一次吃點心呢。可能太晚了(那天都晚上十點多)，很多想吃的點心都賣完了，我們吃了以下幾款︰排骨︰有點油，但蠻香的，差不多都是我清碟的。蝦餃︰皮煙煙軔軔，蝦肉彈牙，好吃。鳳爪︰幾乎每次喝茶都會點的，這裡的和平時吃的味道差不多，但好像size比較大一點。咖哩魷魚︰我一般喜歡這個，是因為沒有牛柏葉而點的。魷魚爽口，咖哩味有點淡淡的。在這裡隨時都可以吃到點心，又有粥和飯的選擇，只是地點不太方便吧。

今日去咗飲茶 <一點心>佢吔既糯米雞好一隻呀~ 16蚊喳~ haha (有冬菇,义燒及肉碎做饀呀)籠仔馬拉糕~ $12 好大個 , 好好味~ 但甜咗少少啦~奶皇包 $8 好味道~ 不是流沙架~ 我鍾意 鳳爪 $10 呢個就....差咗ddd 呀~

今朝被牙醫診所既姑娘耍...等我白白浪費左個早上，無得早d返公司做野...激死!! 好彩返到公司，"肥豬" 又陪我出去"冒險"，咁我先至開心返d咋~ 多謝"肥豬" 今日我地既冒險地點係>>>「一點心」! 好彩openrice既地圖位置清晰，所以我地好易就搵到(however，點都要多謝士多老板娘，經佢再指一指，話咁快就到達喇!!)~ 幸好時間尚早，所以都仲有位容納我地倆人! 但就無得揀位啦...因為都坐滿得七七八八!今日我地叫左都幾多款點心呀 因為咩都想試下丫嘛...灼時菜(菜心)﹕d菜都幾青綠，口感唔會太腍or太硬，配上豉油(但係...豉油無味既??)，都幾好既~古法蛋散﹕呢款係"肥豬" 揀既~個賣相都ok架，有3大大大件，但最後我地打包返公司，因為實在食唔哂其他點心...下午茶時候才食，口感都唔錯，甜度ok，下次可以再叫。盅頭飯﹕"肥豬" order既鱆魚肉餅都唔錯，d肉餅唔會死實實﹔我要既鳳爪排骨都幾好，排骨既數量都唔少，不過鳳爪就...得一隻，兼且都係果句>>>豉油無味既??) 但個飯都算好食既，飯粒唔會過硬或過軟~鮮蝦腸粉﹕個賣

今日出咗太子去食"一點心"呀~ 自從果一次朋友結婚當日同朋友食過之後都無咗食嘞~最近睇openrice 食評後就想再食丫~(好掛住佢吔既馬拉糕)二点鐘到達目的地~ 等咗一陣間就有位坐 ^^叫咗奶皇包, 蝦米腸, 馬拉糕 (賣晒呀 @@ 好唔開心呀......), 焗义燒餐包, 雞絲粉卷 (唔好味...)整體係抵食呀．．．．會再去架．．

上個月唔多得閒 所以到依家至post~上個月話去一點心度食野點知第2日就打3號但都係照樣去左...入到去見到得30個位左右都幾爆..可能個時係食晏時候啦d野好熱辣辣 都幾快 又唔使+1 我地吃左 叉燒腸 雞絲粉卷 鳳爪排骨反 莧菜蝦餃 薑蔥牛柏葉 蘿蔔糕 奶皇包 奶皇酥3人吃了8個點心+埋茶錢都係$102算幾抵食全部都唔錯~特別係個叉燒腸同蘿蔔糕 好好味腸粉好滑+埋半肥瘦ge叉燒...正蘿蔔糕足料 煎得好香..熱辣辣奶皇酥都好得...我攤凍左至食都咁好味(諗住佢當甜品食 下次最後至落order)本身諗住影多幾張相但之後肚餓得滯同佢黎d野都好快下所以影得2張~

很久都冇去喝茶了，由於唔係咁鍾意，不過陪阿媽，無計啦～開頭聽"一點心"個名，以為係一間大酒樓，原來只係一間好細的食店......心諗唔方好食～ 點知門口已經好多人等位同外賣，等咗半個鐘....有位了～我和媽媽叫了蝦餃、芝麻奶皇酥、煎蛋牛肉飯和咸水角～ 這裡最好的是點心即叫即蒸，雖然要等，但勝在新鮮熱辣～ 不久 芝麻奶皇酥來了，奶黃不太甜，不是我杯茶～ 不過蝦餃和咸水角卻給了我驚喜，蝦餃皮薄，晶瑩剔透，蝦夠彈牙、冇雪味....十三蚊算好家啦～ 咸水角是聽人講話好味先叫，確實不錯，煙煙韌韌，好味 而我最愛的煎蛋牛肉飯，這裡做得唔好食，牛肉被鬆肉粉醃到好散，亳無口感，一個字"差"。總括來說，這裡的食物不錯又平，可以再來～

看門面的確沒太多信心入去,不 過聽了不少朋友都讚,加上看罷openrice的食評.在這星期日,和男友一起去了!兩個人共點了8個點心蝦餃牛柏葉馬拉糕鳳爪油菜叉燒腸牛肉咖哩魷魚樣樣都好食,尤其馬拉糕,好馬拉.........說笑!服務ok啦,坐係迫D,都幾舒服,100元有找,99元,抵食,開到零時一時,宵夜多了一個落腳點.!

媽媽想出街食晚飯，來了屋企附近的這間一點心。四寶滑雞扎：雞肉都幾滑，不錯。酸甜炸雲吞：不太油膩，也炸得香脆。牛肉腸粉：不夠熱，但挺多牛肉的。叉燒飽：這一籠最好，有兩大個。很多醬汁，叉燒不會切到很碎，可以很清楚見到一片片的叉燒。很熱很軟熟，GOOD！生炒糯米飯：這一碟最差。只有很少料，好似齋食糯米飯咁。而且d飯痴埋一堆，根本不是「生炒」。希望佢可以改過個名，例如係「臘味糯米飯」，咁就合理d！環境太迫，枱與枱之間幾乎冇距離，成日比隔離枱望住哂 (雖然我都成日望隔離枱食咩)。服務幾好，上菜既時間快慢適中，唔會一次過黎哂又唔會要等好耐，而且不斷有人加茶。可以再來的一間小店，特別是夜晚想吃點心的時候。

可能我味覺有問題吧,我真的唔覺得此店像評家們說的好食.1. 腐乳通菜$12 ~ 好彩沒灼過久2. 蒸魚雲$15 ~ 呢碟最抵食,魚頭又夠大3. 鮮蝦腐皮卷$15 ~ 一碟三條,即叫即煎,但饀料太少4. 精製馬拉糕$12 ~ 只得甜味,一點香味也沒有5. 鱆魚肉餅飯$16 ~ 亞媽話味精好勁喎! 但我覺得肉餅好難食,有點好假的感覺 6. 豉汁蒸肉排$10 ~ 成碟都係肥肉7. 四寶滑雞扎$13 ~ OK,魚肚都幾大件8. 豐料糯米雞$15 ~ 瘋了?只得兩件雞做饀料,沒其他配料?????9. 叉燒焗餐包$10 ~ 唔熱,唔軟=唔好食廚房那兩位嬸嬸唔係人咁品,去廁所行過都當你係仇人,狂講粗口被她罵,最後我當然怒到無去廁所啦.

點了數款點心，味道還不錯的。點了燒賣、蝦餃、奶皇酥、蒸爽肚、牛柏葉、雞絲粉卷、奶皇飽和鮮竹卷。燒賣不夠彈牙。蝦餃比較細隻，但蝦肉彈牙，只是十三元！奶皇酥口感不錯。蒸爽肚漏了單，和牛柏葉一樣但味道不錯。奶皇飽只得二個 茶茗只是二元一位，而且沒有加一，下次應該會再去的

上星期經過,發現開左間"一點心",仲見到好旺場,所以今晚(21:30)我都嚟試下先4人,要等位,10分鐘左右落完單,好快就上枱,唔會好似酒樓咁,等咁耐貢多款點心,基本上全部都好好味,無咩問題,好過去酒樓,就好似酒樓既快速版,食物嚟得快,又保持酒樓點心既水準.有時夜收工,又想飲茶,一盅兩件,lee度就最啱掛住食,仲有沙薑雞腳和腐乳通菜和唔知一盅咩湯無影相4個人食到好好好飽但係我食唔到馬拉糕(賣哂)$240

尋晚我又去一點心開飯, 不過來來去去都係叫牛肉球, 腸粉, 四寶雞扎, 但味道都無變, 一樣咁 good今次我地就叫多兩款新野試試1. 錦鹵雲吞......同出面酒樓食架都差不多, 不過都幾脆幾好食, 一碟3件, 我朋友食緊一件話好脆好脆, 好食好食, 我就同佢講"你食多件呢, 咁好食"2. 奶王芝麻酥..嘩好鬆散, 而且唔太甜, 真係好好食, 到我同我朋友講好食好食, 咁佢就叫我"咁好食, 你食多件呢"好懶無影相"佢地免收加一架, 好過去酒樓"

琴夜家姐生日原本已去九龍城食左夜飯慶祝, 但係真係麻麻唔好食同唔低食, 屈住到氣出太子行街, 行完街個friend話肚餓, 咁咪想想食咩好, 吓!記得有friend話太子警處後面有間一點心幾好食, 咪大家去試試囉我地叫左"生竹牛肉球", "蛋散", "棉花雞", "牛肉腸粉", "黑椒牛仔骨"牛肉球好彈口...好過食酒樓 d 淋da da蛋散...................雖然脆, 但我唔鍾意佢用練奶+花生碎同芝麻棉花雞...............雖然油d, 但係d棉花(魚肚)好爽好好食, d雞又好食牛肉腸粉...........唔油, 賜粉好滑黑椒牛仔骨.......唔好食, 又油, 味道好似BBQ叉燒味, 食唔到黑椒味跟住都有外買返屋企馬拉糕...............圓looklook, 好好味糯米雞...............唔係我食, 所以講唔出個味道燒賣...................普通鳳爪排骨飯.......好入味佢地影d圖都有介紹啦.......你地都去試吓啦