餃掂手工餃子雲吞專門店

Open Now

Now Closed

都黎過呢個餐廳幾次，每次都係叫淨煎餃或湯餃，今日就心血來潮，想試下特別野。。於是乎我就叫左一個雲吞湯麵，麵底好淋，好岩我箍牙妹食，即係話正常人會覺得太淋🤔。雲吞係小雲吞，一碗有12隻，肉質實淨沒有偷工減料，內有木耳碎，食落口感更豐富，但呢啲豬肉餡料用左其他醬料調味，跟餃子不同，味道其實一般般，沒有特別出色。湯底也不是湯餃的那一種，湯味不濃，但喝完都不覺得口渴，相信沒有味精。另外，偷左粒同事嘅韮菜餃，你睇，幾多韮菜，好料。這個雲吞湯麵今次試過就算，不會有下一次了，下次都係食返餃子。

我被湯底吸引來食，早早來就有位叫左一碗雲耳椰菜餃子，餃系飽滿，食足十隻餃，會否感覺到飽啦，餃子皮薄，餡料足但令人失望系粉葛湯偏淡，好似一鍋分兩鍋煮，食得出湯汁加左水似的，銅鑼灣分店有酸瓜食，這間就要俾錢才有得食

12:32落單買咗椰菜雲耳豬肉餃同埋芫荽豬肉餃，入去催促兩次都無人幫手包外賣！最後12:53才出到，堂食入左兩輪！🤯跟本吾夠人服務，食物普通，比八方XX 差，餃皮有燶味。

天氣好熱，飲杯豆漿解熱、食餃子醫肚檯面有酸蘿蔔，唔係間間有得食，都幾驚喜！ 同行朋友唔飲得甜野，想要一杯水，話無供應⋯⋯ 叫左雙拼湯餃、煎芝士餃，先講湯餃，湯清淡，粉葛湯吧？ 唔算好鹹，老人家都0岩食粟米餃，明顯無乜味精，幾好（不過覺得八方雲集好味d , haha ) 大白菜餃 （黃芽白），無乜特別，可食，唔係好食/難食跟住講芝士餃，味濃，食左兩粒都濟濟地😂😂😂美中不足係無水供應 同咪 兩位侍應姨姨都有點黑面（天氣太熱掛？ ）

路過呢間餃子店，見到門口標榜有有名食家蔡瀾介紹，即刻提起興趣吸引了我的目光。Menu裏面都有好多唔同款式嘅餃子介紹，今次點左招牌松茸豬肉餃，重慶小雲吞，還有煎韭菜餃。原本以為呢款招牌嘅餃子好美味，但識落比想像中普通得多。咬落的而且確有菇菌味，但不算很重，附送的湯底名叫鼎王湯，但實際上和滾水冇乜分別。重慶小雲吞最叫人失望，身為重慶通的我，完全感受不到一點重慶的味道，味不夠濃，辣不夠勁，完全係改錯名。

見到咁多like先黎試下，點知伏左。。。同朋友order左個元貝豬肉餃。。。點知食食下發現係酸的omg。原本以為係落左醋，企冇理由會落醋包餃子。咁岩隔離檯又食元貝餃，佢都食到酸，要求換。我同我friend問個侍應係咪落左醋，佢又唔知頭唔知路，話係咁既味，係我地食唔慣元貝。但我記得元貝唔係酸。。。佢地出名既狀元湯底一d特別都冇，好淡。。。於是最後佢幫我地換左個白菜豬肉餃同素餃，其實都唔係特別好食。總括伏

係屋企食餃子食得多 灣仔碼頭水餃好方便有時自己一個食飯 無咩時間 又想快又想食得健康 依個係不二之選 有無諗過食餃子都可以食到有人生態度依間連湯都可以飲埋既水餃🥟店感覺好正面🍏佢既湯底係 九鼎狀元湯 — 鯪魚粉葛扁豆湯湯水係標榜無MSG 味道清淡 有少少淡 但感覺好清新 🥟皮薄餡靚 每隻都大大隻 👍🏻大白菜豬肉餃 + 韭菜豬肉餃 都好好味 有肉汁得黎又唔會太肥 菜既份量都有2/3 感覺好健康🥬仲有加埋杯自家煲山楂雪梨汁 整個感覺都好fresh 😽水餃有分7隻/ 10隻如果女孩食既 7隻已經好夠飽繁忙時間有時要排隊

以事論事，餃掂餃子係好食。我幫襯咗好多次。不過今次應該係最後一次，我唔想再食到提心吊膽。今日嗌咗碗粟米豬肉餃拼芫茜豬肉餃，食到第3粒粟米餃，竟然入面生勾勾  接近全生！我同其中一個阿姐A講，佢即刻攞咗隻餃入廚房，然後答我「我哋啲粟米餃係8成熟」(黑毛豬？)，又猛叫我睇吓另一隻餃熟唔熟。我對同佢講：「你哋有責任確保比客人食嘅每粒餃子都係熟！唔係另一粒熟咗就冇事！」佢見我冇比佢說服，就搵另一個可能係話事嘅阿姐B幫手。阿姐B就問我攞隻餃嚟睇，但送咗入廚房邊搵得返？佢就話粟米餃有啲落先有啲落後，可能有啲唔熟。好彩我影咗相。當佢見到幅相塊豬肉生到咁，先唔再砌辭，然後話叫廚房淥返粒比我食當無數。我拒絕，佢最後取消我張單。我行開咗再折返，同佢講：你哋唔係第一次煮得唔夠熟(上次外賣啲餃子都係偏粉紅)，請你同廚房講佢哋有責任煮全熟嘅餃子比客人！我今日係特登嚟開OPENRICE ACC寫呢篇食評，希望餐廳可以改善，唔好因小失大，而其他人如果想食呢間餃掂灣仔店，請小心留意餃子夠唔夠熟！

星期六下午，獨個兒在灣仔吃午餐。試吓雙拼煎餃 (四揀二)，我揀了大白菜豬肉，和韮菜豬肉煎餃子 ($61/ 10隻雙併)；無食早餐，所以好肚餓，再加多碗粟米豬肉餃子麵 ($52)。味道：麵，ok，中上，湯味有㸃特色。粟米豬肉餃子 (湯)，ok；煎餃皮好脆，有兩隻煎過火，整體都 ok 。

最近周圍都看到有一家餐廳叫"餃掂"，今天跟朋友去灣仔又看到，立刻去食一下。周圍環境又大又光明，還有好多特別的裝潢，第一感覺已經好舒服，本來好多人，沒有位置，店員非常好人幫忙轉一轉位，給我們坐。－香煎軟心芝士餃－每一樣都可以選擇湯的還是煎的，只有這個沒有湯的，煎出來剛剛好，黃金色的，裡面才是重點，芝士直接流出來，味道非常香濃，配有栗米粒，特別合適，外面脆脆，獨特做法。－蜜餞雞翼－甜甜的蜜糖在外面流進裡面，肉質有點硬，但出奇入味，甜在心頭。－上湯松茸時蔬－今天是菜芯，但做法絕對不是普通菜芯，它們是用上湯松茸來煮的，松茸是一種藥材，有助抗癌，穩定血壓，降低膽固醇等等，非常有益。－重慶鮮肉雲吞(小辣)－湯底唔太辣，麵質幾彈牙，雲吞比較特別，雲吞皮彈牙，裡面肉好鮮甜。－自家製山楂雪梨水，可樂－山楂雪梨水材料有：山楂片，雪梨，甘草，冰糖，麥芽，水等等非常解喝，消暑，清甜容易入口，夏天最好飲料。－麻辣松花皮蛋－少有的溏心皮蛋，麻辣味不會太重，有一點點蔥香味一齊。－元貝豬肉湯餃－湯底是它們最有名的狀元九鼎湯，材料有粉葛，順德活鯪魚，香山活鰂魚，紅蘿蔔，扁豆，赤小豆，新會陳皮，蜜棗，鮮排骨等等，非常豐富

本身諗住去bakehouse 食lunch, 點知去到條龍長到呢。。。🤦🏻‍♀️ 之後捐窿捐罅，上埋openrice搵，行下行下見到匿間餐廳，見有勁多餃子唔同味嘅選擇，剛剛好又唔使等位，所以就入咗嚟試吓喇！2條友仔，一人一杯豆漿，2個小食（黃金原味皮蛋 ＆ 蜜餞雞翼）及 2個餃子 （煎韭菜餃子 ＆ 湯大白菜餃子）😋豆漿 — 正常嘅！不太凍！不同醬料 — 菜甫豆豉醬好食，不過都幾辣😅蜜餞雞翼 — 好味！夠曬蜜👍🏻湯大白菜餃子 — 餃子好食，個湯更正👍🏻黃金皮蛋 — 一般煎韭菜餃子 — OK

晚上8點，一個人食，唔駛等位。不過，餐廳內九滿。啲侍應阿姐好忙，唔太得閒招呼你。問佢拎餐牌，佢好無禮物咁叫我自己拎隔離檯。有客來，又好無禮物咁叫我坐過隔離。差啲嬲到想起身走人，但在太肚餓，唔想再周圍行搵野食，唯有忍一忍。成餐就係不停聽到啲阿姐呼喝。好嘈。無叫貴野，叫左個雲耳椰菜餃。其實個餃係幾好食，仲有個葛湯做湯底，感覺似老火湯，幾好飲。我係飲哂個湯的。不過，我諗呢個服務質素，再好食，我都唔會再幫襯了。食完即走。

Fatbrown 是日約左舊同事食飯，黃同事近排減緊肥，所以想食得清淡D 於是乎，推介左呢個餃子店俾Fatbrown，想清淡可以嗌佢的湯餃子，想簡口D又可以叫煎餃子，名副其實的「豐儉由人」<雲耳椰菜豬肉餃$52> (好味:3.5/5) (抵食:3.5/5)朋友仔叫左湯餃，Fatbrown 試左啖，湯底都算清甜唔系好重味精，唔錯豬肉餃用的豬肉唔見好多肥膏，減肥人士之選，加埋雲耳同椰菜，呢個組合系健康人士之選<韭菜豬肉餃$56>Fatbrown 鐘意食香口野，嗌個煎豬肉餃就perfect 喇煎得香口又唔會好油膩，隻隻餃子都好肥美，咬落去巧多餡，好味<四川涼面$30>涼面相對普通，面條太硬，Fatbrown 呢D老人家咬得好辛苦胡麻醬唔系好特別，都系餃子正D

呢期天氣又熱又濕，好似飽飽滯滯咁，搞到成個人都冇晒胃口，唔食野又唔得，所以最好就係輕食餃子，一講起餃子，我就一定諗起呢間餃子專門店。由我最初食既太子店開到去港島區都有分店，今晚我就黎到灣仔分店喇。佢同其他分店一樣，裝修都係清一色簡潔光猛，而牆上面就掛左佢地既宗旨。Menu呢度既招牌就係至尊松茸餃，仲有其他唔同口味既煎餃、湯餃、麵類、小食等等...食開重口味既朋友唔駛擔心，呢度仲有自家制菜甫豆豉醬、四川辣椒醬、豉油、醋等等既醬料比你調味，加埋醃制蘿蔔幫助開胃tim至尊松茸豬肉餃（大）$115今次呢個松茸豬肉餃我就揀左煎餃，煎餃外皮煎得香脆金黃，食落卜卜脆，口感一流，至於入面既松茸豬肉餡都塞滿成個餃子皮，夠晒juicy惹味；配埋個狀元九鼎湯，去濕清熱健脾，arm晒宜家翳焗既天氣飲龍鳳松茸雙灼餃$86呢個龍鳳松茸雙灼餃係黑松露同白松露餡，灼餃食落仲更加原汁原味，餃子皮薄多汁又多餡上湯松茸時蔬$32呢個菜心鮮嫩爽口，又唔會overcook

個人一向對餃子情有獨鍾，所以成日都會周圍去試下唔同嘅餃子店。呢間餃掂就係其中一間我覺得好好食嘅餃子店。今次係我放工一個人去食，所以叫嘅份量唔多，但每樣食物都非常好味！小食方面我就叫左呢個蜜棧雞翼，雞翼煮得較惗，食落非常之甜，我個人都幾鐘意。主食我就叫左餐廳招牌嘅松露松蓉餃，非常值得推薦！松露餃分別有兩款口味，就係黑松露同白松露，兩款都非常香，味道一流。每款湯餃都會配上一碗葛菜湯，味道相當清甜，飲得出係無加味精。