餃掂手工餃子雲吞專門店

Open Now

Now Closed

天氣熱辣辣唔想食飯，食餃子都係一個唔錯嘅選擇。今日路經荔枝角，見到這間餃子專門店，門面光鮮，內裡座位坐得舒服，枱面擺着各式醬料，乾淨整齊，店員仲好親切有禮。店員先送上餐前小食酸蘿蔔，酸咪咪蘿蔔可以醒醒胃。龍鳳松茸雙灼餃，跟狀元九鼎湯，個湯唔係普通味精湯，係湯味濃郁嘅老火靚湯。松茸通常在家會用嚟煲湯，無諗過可以作餃子餡料，食落好香嘅松茸味道，配搭新鮮，味道出色。韮菜豬肉煎餃，餃子煎起熱辣辣，兩面都煎到金黃色，外層少少脆，內裡鎖住肉汁，半肥瘦豬肉和韮菜比例適中，口感豐富好味道。蔥味酸辣雲耳和松茸時蔬，雲耳夾口麻辣勁惹味，青綠時蔬新鮮又合時。除了餃子好味，飲品同樣出色。蜂蜜檸檬薏米水和自家製山楂雪梨水，足料炮製，清甜又解渴。

餃掂（旺角）經過旺角，去左餃掂食野😍😍韭菜餃子麵$53😋入面有6粒韭菜水餃，入面韭菜會多啲，肉會少啲，啱晒想清清地食嘢嘅朋友👍👍整體評分：3.5/5味道：3.5/5抵食：3.5/5地址：太子荔枝角道1號嘉業大廈地下E號

次次去太子上堂前食米線食到有啲悶，咁啱落車隔離就係呢間食餃子嘅，決定會一會佢餐廳環境基本上整潔光猛，座位之間寬闊，真通常俾人舒服嘅感覺基本上又唔同我款式嘅餃子，有湯炒油煎餃，而我就選擇咗比較特別嘅煎芝士栗米餃同埋涼麵，亦都可以外賣生餃返屋企整醃蘿蔔係自家製，可以叫佢比一細碟你芝士餃外層煎得好香脆入面真係啖啖芝士同栗米，試試這行同粟米嘅甜加埋一齊幾新鮮特別，都幾夾至於涼麵就一般般啦，唔夠凍另外麻醬亦都唔係好香，下次都係食返餃子算啦

雲耳椰菜豬肉餃(連湯)$43味：ok-食到菜爽脆-肉質滑，應該無咩肥肉。不過除而代之嘅就係無肉汁-皮都薄-湯清清地，無湯渣，飲落舒服嘅，可以再濃d-有醋、豉油、兩種辣椒油可點服務：無禮-見不到餐牌，問侍應，原來係最側邊，侍應拎起後，‘啪’ 一聲擗落張枱度環境：舒適-乾淨嘅-都靜，唔迫，當日人少，有一位樓面，兩三枱客

幾次到太子餃掂分店幫襯，都遇到短髮粉紅色口罩亞姐，實在忍無可忍，不吐不快。事件一：唔俾客人坐喺入面嘅area,要趕晒啲客人坐出面,話員工要用膳，係呀！員工係人要食飯好正常！但係咪要用半間餐廳嘅座位黎食？仲要食三四個鐘？有冇咁多員工先？有生意都唔做？咁係咪明趕走啲客？間舖頭佢開架？要留意返係就算員工食完飯都係唔俾你坐。事件二：佢真係冇得頂，叫佢落單，叫N次先肯行埋黎，以為終於落到單有得食啦，最後嗰位阿姐原來根本冇落單，要知道佢肯企係你面前望一望你，並唔代表佢有聽你講嘢，等到唔對路再追單，就答你一個字：「冇！」心情唔靚仲會用啲極衰嘅眼神啤住你，要知道佢肯望下你已經好好，多數都係店行店過，擺明話俾你聽亞姐我好忙唔得閒，走咪走囉咁嘅態度，叫10次佢都唔so你，永世都唔會攞碗仔俾你，到你自己行去攞呢佢就離遠狂啤你。我相信好多有幫襯過呢間分店嘅客人都遇到相同嘅遭遇。直情見過有一個男人嬲到拍枱走唔食。但都要講返一句公平嘅說話，另外幾位長髮後生女店員係好有禮貌好勤快，除咗呢位阿姐之外。

同朋友突然間想食餃子☺️於是乎就嚟咗呢間擁有唔少分店嘅餃掂😌見到佢哋新推出左麻辣湯底！😍😍😍😍麻辣豬肉湯餃（10隻—$58）紅卜卜嘅麻辣湯！你可以自己選擇大中小辣邊一個程度！我就叫咗麻辣小辣，真係麻到個嘴都腫腫哋正！豬肉餃都好入味！龍鳳松茸雙灼餃（$86）煤氣未勁重嘅黑白松茸餃🥰！皮薄餡靚配招牌湯大補湯果然名不虛傳！惹味酸辣雲耳（$25）雲耳爽口！酸酸辣辣！非常之開胃😌麻辣西芹豆筋（$32）西芹好爽脆！豆筋彈牙！辣辣地唔錯！蜜餞雞翼（$32）甜甜蜜蜜嘅雞翼！真係有層蜜糖拉絲嘅質感☺️豆漿（$15）當然要飲杯豆漿解下辣啦！

車媽媽絕對是位切頭切尾的餃子控，但礙於車爸爸興趣不大所以不常在外品嚐，但偶爾餃子癮起又不想自己包時他也會陪我去吃餃子止癮！像這天便到太子這間餃掂手工餃子雲吞專門店來止餃子癮了！來這兒除了想吃餃子外其實還有一個目的呢！平日的晚上來到不須等位已可入座，環境也光鮮企理也坐得蠻舒適，檯上調味盤放有陳醋、醬油、菜甫辣椒醬和四川辣椒醬等，喜歡重口味的我當然很受落啦！我們點了四款口味的餃子分別選吃煎及湯餃，另外點多客小食和一杯飲品共銀＄145，便宜說不上但也不貴最重要的是值得吃。剛才提及另一目的就是店家每天限量供應的醃蘿蔔，有錢也吃不到皆因只供試食沒得賣，這一點絕對加上不少良好的印象分，醃蘿蔔酸甜度弄得恰好吃下口感亦爽脆，吃罷一碟再請姐姐添加也沒托手踭抵讚。小食麻辣松花皮蛋＄25雖未致流心但可以接受，配上那麻辣醬汁吃也不失美味。先品嚐韭菜豬肉拼粟米豬肉煎餃＄53/7隻，餃子隻隻飽滿之餘煎得金黃香口，吃下外皮透薄又香脆先過一關。粟米豬肉煎餃的內餡充斥滿滿的香甜粟米粒，配上富肉香的豬絞肉是美味的。而韭菜豬肉煎餃則更為惹味，韭菜新鮮味濃吃下香氣非常，韭菜餃永遠也是我心目中最好吃的餃味道。來到湯餃我們揀了雲

在公司職位調動在下終於差不多能回到自己的地盤但種種因素在下依然未能真正歸位並且相對工時增加了跟愛人見面的時間就是反比讓在下總是心有種悵然若失的感覺想要吃好吃的 但只有我一個人想要找點特別的 但未能與君分亨最後最近都在公司隨便攪掂自己昨日本來在九龍城和太子都找定了餐廳想說懶出門就在家附近吃出門了就去買點仙人掌🌵和去親愛的去過的地方可惜今天哪兒都去不了因公事影響 在下今天需要用一點時間處理好和為自己明天分擔一下工作..但攪掂..餃掂..好像生活上發生的什麼事都能讓在下想起你好吧…把自己事情做好後 回公司前在下要去吃餃子 就襯10：00前..看一下店在界限街..不過路痴的在下在路上發現了旺角分店於是直接進去了 😶味架上有貼上小紙說明那是什麼汁醬是個細心又溫馨的服務而他們的四川辣醬和菜脯辣醬如果喜歡可以買支回家送飯 🤣看一下餐單 芝士芝士..香煎軟芝士餃 $55必需要至少7粒嗎 😅可否每種一隻..點餐時還聽到後面座的要10隻會不會太飽了還是其實份量很細？餐牌上有製作需約20分鐘的溫馨提示但相信在下沒等到20分鐘可能是因為不在爆場的晚巿時間吧熱騰騰的餃子到了皮很脆也很香內涵不可說是豐富但很有踏實

今晚清清地食下餃，雖然係清清地但係依然係要勁食一下。黎到先上番杯山渣雪梨水，$20 size 夠晒大，酸酸甜甜。仲有個醃蘿白，夠爽脆，食完呢兩樣真係個胃都開埋。今次叫左三十隻餃，佢個湯底好正，清甜無味精。原來係有生魚，蛇果，無花果，豬骨煲成，就咁叫都$20 碗，而家連埋餃抵食d.佢d 餃皮薄饀靚，元貝豬肉餃真係食到有瑤柱味，韭菜餃冇得輸，非常好食。煎餃真係香好多，又有另一番風味。粟米豬肉餡食得出粟米好新鮮，夠甜夠晒爽，加上流心芝士饀真係食完一隻又一隻。龍鳯蛋就夠晒香滑流心，加埋松露更吸引。最後食埋個蜜餞雞翼，個甜味好特別，作為我既飯後甜品，都真係好很飽。

「餃掂手工餃子雲吞專門店」是我最喜愛的餃子店，今晚帶另一位餃子控再吃過痛快。必吃「 龍鳳松茸雙餃(跟湯)」$86，這餃子是鎮店極品，餃子皮薄餡靚，入口有鮮甜豬肉香， 再配上黑松露惹味，白松露香甜，再加上秘製四川辣椒醬及 菜脯辣椒醬更添滋味。跟湯是「狀元九鼎湯」可單點或跟餃子，材料有粉葛、順德活鯪魚、香山活鰂魚、紅蘿蔔、扁豆、赤小豆、新會陳皮、蜜棗及鮮排骨等。這個湯絕冇味精，味道清香， 滋補養生之湯。「元貝豬肉餃(煎餃)」$53，煎後餃子香脆可口，元貝惹味再加上豬肉的鮮上加鮮，加上煎的香口，非常美味。不可不吃的「壽喜燒牛肉餃 (煎餃)」$56，一口咬下爆到滿口肉汁，超惹味，不要錯過，必吃之選 !「 惹味唐芹拌豆荀」$32，這小食份量十足，入口麻麻辣辣，豆荀有香濃豆味，配菜唐芹更添清爽感。必飲「自家製山楂雪梨茶」$20 夠濃味，以及「檸檬蜜糖薏米水」$20 滋潤清甜，非常健康。不得不讚，他們每間分店味道差別不大，水準質素依然如一。

成日經過旺角依間舖頭都想試依間餃子店，因為佢最大嘅特色係用咗野生松茸去做餃子嘅餡料。首先我哋嗌咗十隻白松茸素餃 ($60 - 10隻)， 松茸有護膚同埋促進免疫能力嘅作用，有助穩定血壓降膽固醇改善動脈硬化，仲係抗癌嘅補品，有好多好處， 我哋仲點左素餃，更加健康，而且松茸味好香所以就算冇肉響裏面，一啲都唔該得dry。另外點咗7隻香煎軟心芝士餃 $55, 餃子內有好多芝士，十分滋味，面裏面嘅豬肉一啲都唔肥所以唔會好膩。 同點7隻 大白菜餃 $43 ，菜同肉嘅份量平均，食得出無味精，依間嘅餃子都好健康，而個餃係連湯上，係狀元九鼎湯，用蘋果，生魚，無花果，淮山同豬尾骨煲嘅，清甜健脾！ 黃金原味皮蛋$28呢度竟然有黃金皮蛋食， 呢種皮蛋冇一種鐵銹味，除左有流心嘅感覺仲啲sticky，好有feel!(依家viutv個節目🤣)自家制山楂雪梨水 （$20/杯）呢個山楂水十分濃酸酸味味同甜甜地嘅雪梨水有啲合襯， 消滯得嚟又滋潤！ 整體上我覺得依間餃子食完無滞嘅感覺, 而且健康, 真係食多幾隻都唔怕.

經過旺角，見到呢間餃子店門面幾光鮮，見啲人食得好滋味就試下喇menu 有各式各樣既餃子，選擇困難既人會好慘因為真係樣樣都想試。我哋簡左好耐 終於簡左幾款壽喜燒牛肉餃-有煎和湯餃選擇，我地簡左煎。一咬落口，陣壽喜燒味撲鼻，好香好香，加上點ge 調味醬都好足料，成件事好高級呀！餃子每隻都煎得好香口，餡料足，估唔到真係好夾好好食！呢款非常有gimmick,迎合香港咁中意日本野ge 文化。元貝豬肉餃-元貝一絲絲好有咬口 加左個湯 完全係perfect match白菜豬肉湯餃-傳統口味款，其實有好多選擇，心大心細下選了這款，非常足料，皮薄餡靚，好有肉汁，好快就KO 了。松茸菜心-好清新 菜心靚又甜黃金原味皮旦-賣相非常特別！！金黃皮旦！！味道係皮旦味！！份量唔小ga,有幾隻旦。山楂雪梨水-自家製點可以唔試！好好飲，唔會好甜，山渣同雪梨味足，飲到底仲見到d 渣，真足實料。總括今次真係入岩餐廳，價錢經濟又試到咁多好野，要encore 先得。

Openrice睇下弼街附近有咩好食，俾我見到佢，個人幾鐘意食餃子，就黎左叫份外賣拎返公司食🙈叫左10粒壽喜燒牛肉煎餃，俾錢嘅時候嚇左一跳，估唔到咁貴，平時食開單點10粒餃子都係$50蚊樓下，但呢到除返開都$7.5/粒，不過佢呢到都幾快整好，大概等左12分鐘就拎得走，而且當時人唔多，店員態度好Nice咁叫我隨便坐住等🥰坐係到等外賣嘅時候俾我見到佢地裝修牆嘅掛住寫嘅嘢都幾得意（如下圖）🤣外賣拎到返公司打開覺得好貼心，有係外賣盒蓋煎個口透氣，煎炸嘢如果唔俾個窿俾啲濕氣散發，煎餃就會淋曬，貼心加分👍🏻而且除左餃子醬之外，我無特別說明要辣醬，佢都有配埋，又再加分👍🏻佢嘅煎餃個款好似日式波多野餃子咁款，但係大粒小小，但好食過日式餃子因為佢有更多湯汁，我無特別點醬，一咬開入面就爆汁因為好熱差啲辣親，不過真係好好食，全部無點醬就靠湯汁食曬😋

無晚市堂食難吾到香港人嘅～ 外賣都可以食得好好！ 香港最潮 dinner ～ 自駕dinner time 雲吞湯麵🍜 有12隻雲吞 $49雲吞 係細細粒的， 吾係平時食開大大粒好多料嗰種。 麵質適中。松茸豬肉餃 跟狀元九鼎湯 灼餃 $73 8隻正宗嘅鄙薄餡靚， 內裡 keep 到 juicy! 龍鳯松茸雙煎餃 $86/8 隻 外賣依然 keep 到 外脆內軟，有2 款醬汁， 大大隻，餡料非常豐富。 仲係微熱， 每人4 隻吾夠食 😂蜂蜜檸檬薏米水$28 自家煲， 不甜！ 蜜餞雞翼三隻$24 甜甜地， 幾好食喎！

早幾日同家人去完太子間銀行辦理匯款手續，到附近的餃掂手工餃子雲呑專門店食下午茶，好多款式選擇，有湯餃又有煎餃，真是好吸引呀！店舖裝修時尚，地方闊落，環境明亮潔淨，覺得好舒適。至尊松茸豬肉煎餃  $79上次食過依款湯餃，今次就叫煎餃，因為好鍾意配合松茸醬一起吃，所以想再次品嚐。煎得香香脆脆的豬肉餃，肉質新鮮，肉味香濃，好有肉汁，不會乾身，外脆內嫩，沾上松茸醬確實另有一番風味，真是百吃不厭，非常讃！一邊吃煎餃一邊飮狀元九鼎湯，用多種真材實料煲製而成的老火湯，香濃粉葛綾魚味道，清甜潤喉，保健湯水真的不可少，好好飲。(升級版)  狀元九鼎湯    $20飲完覺得太好味，所以再另單點了碗淨湯，飲起來很順喉，身體好滋潤，美味健康的老火湯，必飮。壽喜燒牛肉煎餃     $74第一次食到爆汁的煎餃，外皮好脆，牛肉質感嫩滑，味道濃厚，肉汁非常豐富，吃完令人好回味呀！元貝豬肉餃      $49一絲絲的元貝加豬肉做餡料，超級鮮味，豬肉爽滑，口感豐富，配合狀元九鼎湯底，鮮甜無比，百吃不厭的湯底加餃子，滋味無窮。自家制山楂雪梨水       $28凍凍的雪梨水，口感清新，帶有雪梨的清甜，亦有山楂的微酸，好味道