餃掂手工餃子雲吞專門店

Open Now

Now Closed

係旺角買完野，有點肚餓，去了餃掂手工餃子雲吞專門店食野。這裡有多款不同口味的餃子可以選擇，煎餃或湯餃也可以。我揀左龍鳳松茸雙湯餃配狀元九鼎湯。係依度食野，一定不要錯過佢地自家製醃蘿白，口感清爽又夠開胃。一次過試曬兩款口味，一共有八隻。餃子皮厚薄適中，吾會太厚身，餡料算幾多，入口有淡淡的松茸的味道。個湯完全無味精，這個湯夠滋潤喉嚨，尤其適合依加飲。我再加一個小食，就蜜餞雞翼。雞肉幾嫩滑。外皮沾了甜甜的蜜餞，特別好味。

上次幫襯係2019年年中喺界限街分店，當時中午過後、體力勞動工作完身水身汗，完工時樓下正正係餃掂，雖然熱辣辣食湯餃但對佢印象好好，所以一路等經過就再試。今次lunch時間路經始創，一於再食。舖面唔細(一定大過界限街嗰間)，奈何阿姐知我一位就指我埋去一張六人檯一角同另一食客搭檯，明明前後有四張四人檯吉。算，食餃子姐。肚餓，點餐！粟米豬肉餃拼元貝豬肉湯餃。粟米豬肉餃，裡面啲料口感硬，成舊嘢都係硬！唔係爽，係硬！元貝豬肉餃，少偏鹹，係食得出元貝料嘅少少鮮味，問題係我一定比一般人食得鹹，但佢嘅鹹都去到我上限！補充：料係足總結：元貝豬，尚可；粟米豬，差劣。

今日晚上唔想食飯，諗諗下男朋友就提議食餃子🥟🤭👍🏻 一野就諗起呢間餃掂，因為好味，所以翻食過好多次。疫情前，鋪頭會長期放一樽酸蘿蔔係度俾人任食；宜家就要問佢地先有，仲要得番一碟仔（不過都好過無）粟米豬肉餃 ($56)因為要share食，所以叫左10隻湯餃。我每次食餃掂幾乎都係叫粟米豬肉餃，因為d粟米🌽又爽又甜，配埋豬肉餡係正既。不過最正係個湯底，叫狀元九鼎湯。用蘋果、無花果、魚、淮山、豬尾骨煲成，甜甜地好易入口，我次次都飲哂。雲吞湯麵12隻 ($50)因為我唔太食得辣，所以叫左少辣，辣度對我黎講岩岩好。雲吞比餃子細粒好多，同埋麵一齊食，每一啖都可以食一粒雲吞😇

行完街，朋友突然間好想食餃子，帶咗佢去食餃掂，呢間分店都食過好多次，水準好穩定。😋野生松茸素餃每隻餃子都好飽滿，外皮煎得香脆，素餃清新唔油膩，正😋龍鳳松茸煎餃內餡有黑白松露，好香，配搭得恰到好處。雙拼 雲耳椰菜湯餃+粟米豬肉湯餃雲耳椰菜餃一如以往好食，今次想特別讚一讚粟米豬肉餃，粟米好清甜麻辣松花皮蛋份量唔少，麻辣味適中，朋友平時唔食辣都食左幾件。🤣豆漿 辣菜圃自家製辣菜圃配餃子又係另外一種風味，鍾意食辣嘅朋友一定要試吓

冬天真係要食返啲熱辣辣嘅嘢，食餃子都係一個不錯的選擇。🐷至尊松茸豬肉餃（ 湯） - $80 /8隻跟狀元九鼎湯，個湯好鮮甜，飲得出係真材實料。松茸令餃子更加鮮甜。🥟雙拼煎餃（韭菜豬肉、粟米豬肉）- $64 / 10隻餃子皮夠薄，韭菜又唔會太靭，粟米夠甜。啱啱知道有少少燶邊，好香口。🥚日本龍鳳蛋 - $32溏心蛋加黑白松露醬，成件事好高級。🥬上湯松茸時蔬 - $32碟菜煮得好夠林。🍗蜜餞雞翼 - $32/5隻好夠甜，蜂蜜味濃。🥛豆漿 - $15幾大杯，夠晒飲。

餃掂 的 餃子 食過夠大隻又多料，今次再嚟太子食過，我哋2個叫咗17隻餃再加3個小食和2枝飲品都係不用$130/位叫完食物當然叫待應拿酸蘿蔔，這裡必食又免費，酸度剛好又夠爽口，勁開胃。等一陣餃子一份 湯餃 和一份煎餃 就來到白菜豬肉餃10隻$56，湯味道剛好而且沒有味精，最後我都飲晒了，白菜令到個餃幾爽口，豬肉份量都不少所以整體都幾大隻少有來到必食的 壽喜燒牛肉煎餃 7隻$58，真心要小心勁多肉汁，一咬搞到張桌都有不少汁即時食得要小心，牛肉味濃煎餃又令到幾脆口黃金原味皮蛋$28，皮蛋帶點流心感有少少醋味夠開胃。手拍青瓜的青瓜好爽口帶點微辣幾惹味每次來都會叫的 蜜餞雞翼 3隻$24都保持到不錯，甜甜的幾入味，雞翼又大隻飲品當然叫自制的 檸檬薏米 和 山楂雪梨水 一大枝$28，味道濃十分足料又不甜，2款都帶點酸所以都幾清新

-餃掂手工餃子專門店-@旺角.晚餐唔想食得太Heavy的時手，就會諗到食餃子，夠飽肚又多選擇。餐廳座位都好闊落，唔會坐得迫夾。.龍鳳松茸雙煎餃 (8隻/ $98)餐廳鎮店之選，將白松露同黑松露分別混入豬肉餡料內，咬落都幾香松露味。而且餃子煎到金黃香脆，好香口。估唔到松露同煎餃原來好夾。.另外想讚一下這裡的餃子都算幾大粒，餡料好足，餃皮唔會好厚好硬。.重慶鮮肉雲吞 (12隻/$42)選擇左小辣，湯底唔算好油，加入蔥花同芫茜調味。雲吞皮好薄好滑，每粒雲吞細細粒，味道不錯。.狀元九鼎湯 ($20)以蘋果、生魚、無花果、淮山和豬尾骨煲成，比想像中清淡的味道，有魚的清甜香味。飲得出無味精，真材實料煲成的。.另外點了麻辣松花皮蛋($25)和四川涼皮 ($32)，皮蛋通常都唔會出錯，哩個都夠流心，調味不錯。.四川涼皮 ($32)晶瑩剔透的涼皮，唔會痴成一舊舊，口感煙韌，加埋花生碎、蔥花同辣椒和陳醋調味，非常開胃。.另外要一讚餐廳的調味料—菜脯豆豉醬，加入左菜脯和豆豉的辣醬，本身唔會太辣，亦令口感同味道更有層次，就黎配餃子真係更添風味。

6點幾放工未係太肚餓，又見到佢寫住天下第一餃咁勁😏，就入咗呢間餃子店試下，入到去係比較舊式ge中式裝潢，甚至係有d老土tim🤐叫咗個最普通ge 韮菜豬肉湯餃配狀元九鼎湯（10隻）$56首先試咗個湯底-狀元九鼎湯🥣，睇返網上講佢係粉葛加生魚煲成嘅湯，的確係飲到粉葛味，但感覺好淡，似素湯，又勁淺色🫥，我自己會寧願飲返媽媽煲嘅老火粉葛湯～至於個餃子🥟不過不失，天下第一餃就名過於實了🫣餃子皮一般厚薄，韭菜餡料亦都冇咩特別，其他餃子店都做到嘅水準🙃不過值得一題係佢嘅醬料💧，分別有香辣醬同四川麻辣醬，前者冇咁辣，加入咗豆豉同菜脯，個人來講幾鍾意，就咁食啲菜脯都覺得幾好味😋，同埋餃子一齊食又有另一番風味，後者辣汁就比較似跟住落嚟講嘅四川涼皮醬汁，偏辣多少少四川涼皮-BB辣$32晶瑩剔透😍，酸酸辣辣，個人來講辣咗少少🌶，十分開胃，加上花生碎🥜，食落就更加有口感，啲涼皮唔會黐埋一舊，每一塊涼皮都可以分開，呢個涼拌小菜絕對會係食完會想再食🤤如果要食餃子嘅話，我就唔太推薦，因為價錢偏貴💸，品質一般，湯底可以話唔推薦，所以仲有其他更加好嘅選擇，但其他涼拌小菜都建議大家可以去試吓嘅，最後亦都要提吓個廁所，十分之

今日又要ot，收買人命咩，放左工，好肚餓啊，快啲搵野食先。經過餃掂，食餃子都好喎！好，坐低睇吓有咩好食先。至尊松茸豬肉餃，煎到表面金黃色，好香好脆，咬落去卜一下，裡面嘅餡料好juicy，松茸味好香。仲有個醬可以點，左邊甜，右邊辣，我就喜歡辣多啲。今日係蘋果生魚豬骨湯，冇味精，飲落好鮮甜，食完煎餃潤下。蜜餞雞翼，個蜜糖唔會過甜，剛剛好掛係雞翼上，個甜味好特別。蜂蜜檸檬薏米水，飲薏米水去濕，又潤又健康，好過飲可樂，岀街食飯都可以好味又養生。

太子唔知點解特別多餃子選擇，喺啲小街入邊有一間成日都排長龍，雖然冇食過嗰間，但試吓呢間都無妨，起碼唔使排隊。入到去真係有驚喜，啲餃子餡料用了非常之好，尤其是松茸餃子，巨型煎餃。下次一定要再嚟食過。

呢間餃掂係基榮小學巴士站隔離，幾方便，愈來愈多分店……睇黎真係幾好生意😂大約1年前係cwb食過，今次再食，食太子店😊精選菜式🙊龍鳳松茸餃 - 湯每隻餃子都有齊黑白松露，勁Yummy，配埋招牌狀元九鼎湯，補氣健脾，老火湯，超岩都市人😆 1個價錢，有餃子有湯飲，超值。壽喜燒牛肉餃 - 煎食肉獸黎講，呢款餃子絕無欺場，咬落去feel到平時食壽喜燒果種口感，連自己燒嘅氣力同時間都慳返🤣大滿貫素餃 - 煎食咁多肉啊，熱氣野，自然要叫返d菜平衡下，與其$32叫碟菜，不如叫個素餃啦。本身諗住叫湯，點知姐姐提議煎，香口及更好味，唯有聽專業人士意見啦🙊 每粒餃子都足料，有菇菌、菜苗及瓜類等，食返d蔬菜類，即刻無咁guilty 😉黃金原味皮蛋自己係屋整唔到，豐富蛋白質😜凍凍地，醒胃👍蜜餞雞翼食完第一隻有點後悔沒有叫5隻款，因為真係好好食！！ 甜度適中，令人食不停口……自家製山楂雪梨水山楂味較濃，要留意，一路飲都係山楂味搶咗雪梨味，山楂始終較重口味，要留意喔，健康之選😁環境：好闊落，仲有唔少卡位，坐得舒服，最緊要唔限時⏰ 枱面有齊辣椒醬、醋、豆鼓醬及醬油，真正混醬無難度😂😂 CP值高，會再次光顧😍

⁂ ⁂ ⁂⁂ ⁂ ⁂ 餃掂手工餃子專門店（旺角店） ⁂ ⁂ ⁂⁂ ⁂ 媽咪係餃子達人，今日又約左佢出黎食。媽咪亦指定要食旺角店！兩點幾去到無咩人，座位任選。-自家製山楂雪梨水HKD20-蜂蜜檸檬薏米水 HKD20每次黎都會飲，感覺養生，唔係假嘅糖水味-元貝豬肉湯餃 HKD50今次唔係太食得出有元貝喺入面😅反而食到金菇？-龍鳳松茸雙煎餃 HKD98 難怪係皇牌！好濃厚既松露味-壽喜燒牛肉煎餃 HKD58今次食冇上次咁甜 相對特色減弱左-黃金原味皮蛋

旺角既街坊都知呢間餃掂真材實料，屹立不倒多年就知係信心保證，午市晚市多數滿坐，有時一邊食一邊見到姐姐係到包，就知佢地對自己既餃子幾有信心！芫荽豬肉煎餃$65芫荽餃出面比較小見，芫荽愛好者一定要叫！芫荽夠香夠多，配埋豬肉，食到啖啖芫荽味，又有肉味，配合得好好。香煎軟心芝士餃$68芝士餃又係比較新式既款，熱辣辣既溶心芝士有拉絲，好邪惡啊！😍😋韭菜豬肉煎餃$60韭菜有韭菜味！配埋零味精狀元九鼎湯，好完美既一餐！麻辣松花皮蛋$25皮蛋有流心，加埋麻辣醬絕配啊😋

今日又黎到餃掂，主要因為佢又近又抵食又無味精，都市人好難自己日日煮飯，所以好需要一間無味精既日常飯堂，餃掂就係最好既選擇，真材實料，食完都唔口喝。龍鳳松茸煎餃 $147我鍾意食黑松露，所以每次都會叫淨黑松露，咬開勁香黑松露味，見到入面好多黑蚊蚊既黑松露，多到成隻都係嫁，係呢到既必叫食物！韭菜豬肉湯餃 $56韭菜好香，有一種媽媽包既味道，湯餃都有配埋狀元九鼎湯，由粉葛、鯽魚、紅蘿蔔、赤小豆，排骨等熬製而成，清甜滋潤，配餃子一流！大白菜豬肉湯餃$45大白菜餃好好味，白菜有咬口夠爽，肯定係新鮮白菜先有既口感。自家制山楂雪梨水$28我覺得呢到第二個必叫既係山楂雪梨水，唔會太甜，十分清潤，夏天飲一流！

做日做完GYM , 突然好想食D餃子, 由旺角行到太子俾我見到一問叫餃掂既餃子専門店, 一於去試試, 係門口見餃子個湯係老火湯, 係咁咁正丫?入到去睇下餐牌, 普通餃子價錢都合理, 但係店員推介龍鳳松茸餃, 係貴少少, 但係包無失望, 食過一定返轉頭, 講到咁誇咁就要試下啦另外仲叫咗元貝豬肉餃同韭菜豬肉煎餃, 應該會好飽下, 龍鳳松茸餃-不得了, 入口好香菇菌味, 松茸味將D豬肉提鮮得好緊要, 店員無介紹錯, 好女子味元貝豬肉餃- 第二最值得叫既餃子, 元貝有少少咸鮮味, 好惹味,韭菜豬肉煎餃 - 香口推介, 外脆內多汁, 再點下佢地既菜甫辣椒油, 好好味結論: 好出色既餃子店, 味道100分