餃掂手工餃子雲吞專門店

Open Now

Now Closed

剛搬到中環工作，公司正位於威靈頓街附近商廈。一到中午放飯就見到呢間位於威靈頓街55號地下香港區有名第二分店餃子🥟店：「餃掂」大排長龍，決定簡單買個QUICK LUNCH，今次食一人湯餃套餐，包括有：惹味酸辣雲耳： 辣度比較強勁，辛辣刺激，大量葱姜蒜和洋蔥🧅配上一點辣油，雲耳非常爽口，帶有點點油份，好惹味😋作開胃菜一流。是日靚湯粉葛靚魚赤小豆：一煲慢火熬出來的老火靚湯，去了渣不會死咸，飲到原材料粉葛味，是一個舒筋活絡兼去濕的老火湯，放餃子🥟浸住食都不錯。韭菜豬肉餃子🥟：粒粒飽滿，滿滿韭菜粒和鹹香豬肉餡，每一啖做到皮薄喊靚，肉汁溢出，忍吾到口😋菜附感覺食多都不會有罪惡感。仲好細心比埋菜普辣椒🌶️油和醋，提一提升餃子🥟層次。凍豆漿： 吾甜，飲落順滑無渣，豆味濃。總結：保持水準的「餃掂」價位不高

中環餃掂手工餃子雲吞專門店見到手工餃特別喜歡💕所以同同事一齊去試下，店舖環境乾淨座位寬敞，但今天工作關係我與同事外賣疫情下特別喜歡外賣，感覺會比較衛生呢💗👍🏻餃子多汁且有香濃肉汁叫左份韮菜豬肉湯餃，正宗皮薄多汁又🥟煙韌，肉質鮮甜多汁原汁原味，食外賣也會超級滿足的加左一碗：古法下火靚湯套餐$43狀元九鼎湯做湯底無味精十分清淡，外餐原來都可以食得咁健康小食有醒胃清甜青瓜，小小酸味十分開胃，清新開胃

餃掂愈開愈多，已經去到第五間分店，就嚟好似周星馳咁係地圖上砌一個「掂」字🤣言歸正傳，今日同女朋友去左中環分店。分店仍然有呢一幅千字文，教大家如何控制情緒，可謂非常經典。另外餐廳亦掛左關於餃子嘅油畫，畫上的餃子畫得栩栩如生。- 龍鳳松茸雙灼餃配狀元九鼎湯上次食咗松茸煎餃，今次試下灼餃先！一咬開餃子皮已經聞到好濃嘅松茸味，估唔到灼冋煎都咁好味。至於九鼎湯非常滋潤，完全冇味精架！- 壽喜燒牛肉煎餃壽喜燒牛肉餃係餃掂嘅新產品，味道激似點心牛肉球，同壽喜燒扯不上任何關係，不過味道都唔錯。- 重慶鮮肉雲吞雲吞皮非常滑，餡料新鮮，味道唔算太麻辣。食得辣既話，大家可以試吓餐廳兩款辣椒醬，我試咗少少已經辣到可以噴火🥵豆漿好大杯，超級抵飲。松茸餃仍然令我如痴如醉，中環嘅朋友有福啦！

星期六去左山頂吹下風，落番山就去中環周圍行下，去到威靈頓街見到都有幾間餃子店，原來呢到都有餃掂！為左信心保證所以就食餃掂啦！！實在有太多款餃子，我地叫左好幾款１齊ＳＨＡＲＥ，因為有朋友唔食肉，所以就叫左一款松茸素餃，另外叫左龍鳳松露餃，同埋叫左幾款小食。松茸素餃要左烚既，唔好以為得菜無肉就會好PLAIN, 點知呢個松茸餃都好香，口感同平時肉餃差唔多，感覺都好JUICY仲好健康!龍鳳松露餃有黑松露同白松露，呢個要左煎餃，所以好香口，估唔到黑白松露ＭＩＸ餃子都幾夾，令Ｄ肉更加香！呀姐推介四川涼皮，所以又試左一份，涼皮好彈牙，唔同平時既粉皮，辣油好好食，又麻又香！野飲可以試下佢既山渣水，酸酸甜甜夏天飲都幾好～～

今日放工又係買外賣番屋企食突然間好想食水餃 本身諗住搭叮叮去灣仔餃掂 但一search發現中環原來都有 太好了份餐包括左中碗7隻水餃 一碗湯 一份小食 一杯飲品外賣等左一陣就有喇 仲比埋唔同醬汁 非常好！水餃簡左韮菜豬肉豬肉唔會係全肥豬肉 感覺比較健康加上碗湯係狀元九鼎湯 係粉葛湯味 都好健康飲品簡左蜂蜜檸檬薏米水 呢排天氣好濕 飲呢個岩曬蔥味酸辣雲耳 勁開胃 唔係好辣但好夠酸建議大家買完番屋企將啲水餃連埋個湯一齊煲番熱後黎食 滋味無窮🥳

WFH 咗一段日子，原來連公司附近開咗我最鍾意嘅餃子店都唔知，以後唔使去返灣仔食啦，公司5分鍾胛程已經有lu，好開心！帶咗個大食同事一齊去食，嗌到成枱都係野食，呀姐仲話做咩兩個女仔胃口咁大，笑死我，其實有七成都係我同事負責，笑咗呀真係。因為我呢星期食素想清下腸胃，所以就嗌咗灼嘅野生松茸素餃，因為係素所以就唔係放湯。餃子入面有好多菊，仲有啲雲耳絲，同埋主角松茸。同事就嗌咗龍鳳松茸雙煎餃，係豬肉所以我都無食到，但啲松露味係勁香，同事食完講野會有松露味哈哈，佢話黑松露正過白松露，但其實兩款都好味，最重要係佢煎得唔會油淋淋同埋啲皮唔厚。不過其實重點都係佢d 醬，我成日都唔知食四川辣椒好定係菜脯辣椒好，今日都醬兩隻溝埋一齊再加啲醋，狂點呀。跟住我地嗌咗個四川涼麵 share，平時夜晚去灣仔店成日都賣晒好sad，所以今次都係我第一次成功食到。其實都幾抵食，$30就大大碟落足料，最鍾意佢啲麻醬勁重花生味。好啦最後我都係忍唔住嗌咗碗狀元湯，我知唔係素不過是但啦好想飲，自從搬咗出嚟住都無咩湯飲，喺街我好少飲湯，因怕佢啲味精或者溝水，但呢度唔會呀，廿蚊仲大大碗又無味精，仲要有魚有葛，諗諗下，其實我平時就咁

記得以前常和男友到灣仔的餃掂吃晚餐，一吃就$200多埋單，又想吃煎的又想吃湯的又想吃麵又想吃小食，真的是很誇張。不過灣仔店都不是太方便我，除非是餃子引起便會的起心肝去，我是剛剛才發現原來開了一家分店在中環啦！*龍鳳松茸雙煎餃 $86/6隻最喜歡的還是這龍鳳松茸雙煎餃，是豬肉底，一半是配黑松露，另一半是配白松露。記得一定要點煎的才香口呀！一咬就是juicy，皮也煎得脆脆看不油呀，松露的味道不會太搶，互相配得很好。*野生松茸素餃 $48/7隻素餃也是我很愛的，因為是素的關係所以就沒有狀元湯底。我喜歡素菜配搭一起的爽口感覺，而且餃子皮不會太厚和太乾，建議配菜脯辣椒醬一起吃，真的是會吃不停。*回味手拍青瓜 $25小吃點了回味手拍青瓜，青瓜清涼爽口，蒜蓉味重，而且還有一點點微辣，很過癮。*四川涼麵 $30同行說吃很少的朋友吃著吃著又說不夠飽，她在涼麵和粉皮之間選了涼麵，涼麵也不錯呀，有點脆口的花生碎，跟很香濃麻醬拌著吃，有點台灣涼麵的感覺。*狀元湯 $20後來我太想念那湯所以又點了，就是魚味看湯最合我意。**

今日喺中環番工，好耐冇過黎呢頭，見到換左好多新餐廳，呢條街除左舊有餃子店之外嘅新開左呢間特色餃子店，味道同室內裝潢感覺都係唔錯嘅！叫左至尊松茸豬肉餃配狀元湯，個餃子好好味，個湯就ok la, 不過可能係無添加所以有媽媽煲嘅湯嘅感覺。仲叫左壽喜燒牛肉餃子，味道幾特別，不過唔覺有壽喜燒味，好想食辣，所以叫咗重慶鮮肉水餃小辣，待應話小辣冇乜辣，不過個人覺得OK！枱面上有啲醃左嘅酸蘿蔔、蔬菜可以任食嘅，好味仲好開胃👍🏾

中環有一間餃子店，價錢都好實惠，最近冇得去酒吧飲酒，今次收工就同個friend食！食物都幾多元化，雖然重點係餃子，但係都有好多唔同款式，比較得意嘅係好多地方都見唔到有呢啲口味但係呢度都有。野生松茸素餃$65-10隻煎元貝豬肉餃$66-10隻煎兩隻都幾好食，不過我就比較鍾意松茸素餃 ，比較有水份同埋有好香嘅松茸味！ 元貝豬肉餃味道都比較清新，唔會好鹹～蜂蜜檸檬薏米水$20/杯凍豆漿$15薏米水酸酸地都幾開胃，個豆漿都好吸引，特別如果食辣野更加要叫杯飲品中和一下蜜饑雞翼$32.5隻甜甜地而且鎖住裏面肉汁，都幾香滑，Size適中。壽喜燒牛肉餃子餃子麵$53/6隻+$8 好搞笑，平時日式牛肉壽喜燒就聽得多，呢個味道嘅餃子都係第一次食，但係又幾吸引，甜甜地好Fresh。最重要係個面嘅湯底有醋，味道酸酸地，加埋啲芫荽真係好好食，如果想食麵真係要叫呢個。仲有其他配料可以自由配搭

之前已經吃過一次餃掂的餃子，知道最近在中環也開了分店，剛巧經過就決定晚餐就吃它的外賣吧！🍽手拍青瓜手拍青瓜不算太辣，但是我喜歡它的蒜味很重，非常開胃。而且也不算太油，所以會吃得很清新，不會只有油的感覺。🍽手工湯餃-白菜豬肉餃雖然煎餃子很吸引，但是因為它的湯十分好喝所以還是選擇了湯餃。店家很貼心地把湯和水餃分開，這樣就不怕餃子會很軟身。首先喝一口湯，就會覺得很清甜，而且完全不會有油或重味精。能夠喝得出來很濃的粉葛味，加上其他湯料熬了很久。然後再把餃子加進去，讓湯的熱力把水餃弄成微熱。水餃皮完全不會很厚，而且裡面有大量豬肉和大白菜，咬下去肉汁飽滿，配上老火湯很好吃。餃子皮也很煙韌，很有口感。記得一定要點上店家秘制的菜脯，小小的辣味令整個水餃的鮮味提高了。🍽雪梨水最後再來一杯雪梨水潤肺，正適合這個時候喝，而且完全不甜，只有雪梨自己本身的甜味，所以非常健康。

呢排WFH嘅人生真係好苦悶，又唔敢出街食飯，又懶得自己煮，外賣又食到冇哂樂趣🤷🏻‍♀️呢日終於頂唔住同朋友夜晚出去食個快飯，見下，傾陣計。是夜跟朋友去咗佢收工最常去嘅餐廳食餃子。枱面上有各款調味料，仲有一大樽酸蘿蔔自助。酸蘿蔔爽脆，酸甜適中，好開胃🤤✨自家制山楂雪梨水 $28我地叫咗枝山楂雪梨水share，係店家自家制，味道濃郁，清甜👍🏻✨至尊松茸豬肉餃(灼)跟狀元九鼎湯 $73餃子皮薄有彈性，餡料飽滿，豬肉鮮味彈牙，隻隻餃子都脹卜卜👍🏻點埋松茸醬食，味道香濃惹味。狀元九鼎湯湯底非常濃厚足料，有粉葛/鯪魚/鯽魚/紅蘿蔔/扁豆/赤小豆/陳皮/蜜棗/鮮排骨等，啖啖清甜鮮香。餃子同狀元九鼎湯分開上，更能慢慢品味各自嘅味道😋✨芫荽豬肉餃拼元貝豬肉餃(各5只) $67我係芫荽怪，見呢到有芫荽餃，緊係要叫嚟試試！芫荽保持翠綠，份量適中，唔會太多太重味，同時提升豬肉嘅鮮味，果然冇令我失望👍🏻元貝豬肉餃係朋友推介嘅必試item！足料鮮甜👍🏻✨粟米豬肉煎餃拼雲耳椰菜豬肉煎餃(各5只) $62煎餃子外皮金黃香脆😍單係賣相已經極為吸引！同湯餃絕對係完全不同嘅風味。粟米豬肉餃入面嘅粟米大大料，係新鮮粟米，唔係罐

餃掂  好掂🥰🥰疫症下 市區冷清 但食好西系不能停止嘅😅呢間餃掂外賣都幾多人叫不過小編今次系堂食 衛生不錯!餃子種類繁多 選擇困難症又黎啦就黎個招牌餃子 龍鳳松茸餃如果你本身好中食truffle ......呢個真系必點！好香嘅味道 配上個招牌湯 真系無得輸個湯真材實料 無咩油 好健康😋😋😋再黎個fried dumpling ...大白菜豬肉餃子🥟煎得好香 加佢嘅菜甫醬 一定停唔到口Last but not the least...山楂水犂水 唔飲就走寶😅😅😅😅

今日早放工同同事一齊落中環食下午茶經過呢間餃子店一齊食少少頂下肚其實話食少少我地食左29隻🤫🤫未食餃之前同事食左唔少呢個蘿蔔話幾好味喎，酸酸甜甜，夠開胃！我地一人一款湯餃，粟米餃同白菜餃貪佢有埋狀元湯，濕下口湯底真係夠清淡絕對唔會搶到餃子嘅味道粟米餃夠香甜，幾清新白菜餃反而比較濃味我地再另加左芝士煎餃同龍鳳煎餃，試下新野煎餃好香脆，配芝士，新鮮感爆燈！芝士帶鹹香，好滋味龍鳳餃有松露香味但唔會過濃幾特別！臨尾我叫左個山楂雪梨水黎清下油膩山楂味唔會太濃太酸口感都幾平衡，清甜

而家疫情咁嚴峻，我又冇得在家工作。返工帶飯帶到咁悶，都要搵啲可靠衛生便捷嘅外賣comfort food食吓，先可以慰藉一下心靈，為枯燥嘅生活帶來一點飽肚又健康嘅滿足感！之前食過餃掂嘅太子分店，已經知道佢哋嘅九鼎狀元湯好有保證，今次新店地點方便，仲有連湯套餐可以叫，梗係試啦！套餐包七隻餃加小食，我就揀咗至愛嘅韭菜餃湯餃，皮薄餡靚，隻隻都尺寸均勻飽滿。我就揀咗手拍青瓜，味道醃得剛剛好，有埋蔬菜配搭，又有湯飲，真係養生健康嘅首選！如果鍾意食香口啲仲可以叫煎餃㗎！我仲叫咗一支自家製雪梨水，用料十足，一飲就滋潤喉嚨，養顏護膚靠曬佢，連原本喉嚨乾嘅感覺都冇晒。政府仲剛剛立例堂食枱仲要隔1.5米，舖仔細細生意真係會受影響，睇嚟呢一排返工都要幫襯佢多啲，先可以幫高質食肆捱得住呢個疫情！

收工後肚仔餓，上OpenRice搵吓公司附近有咩食，發現我最愛的「餃掂手工餃子雲吞專門店」喺中環威靈頓街開咗分店！店舖面積雖然不大，但係燈光明亮，感覺乾淨衛生菜單上除咗有多款口味嘅餃子🥟，仲有唔少新品，選擇眾多野味酸辣雲耳涼拌雲耳新鮮又爽脆，加入左芫荽、辣椒🌶️、紅蔥、酸醋等等拌勻，酸辣惹味，好開胃呢至尊松茸豬肉餃配狀元九鼎湯餃子外皮厚薄適中，有麵粉香，包住本地新鮮豬肉及至尊松茸，充滿鮮味，散發著陣陣松茸菌香！狀元九鼎湯無添加味精，鮮甜美味，火候十足元貝豬肉煎餃煎餃呈金黃色，外皮香脆得來帶有嚼勁，好香口！內裏嘅餡料份量充足飽滿，啖啖肉！帶香濃豬肉味之餘，同時亦有元貝嘅鮮香