餃掂手工餃子雲吞專門店

Open Now

Now Closed

武漢肺炎來勢洶洶，想同朋友出街食飯都勁多制肘，唯有外賣返家食近近地喺fd屋企附近亂行，喺威靈頓街及擺花街交界見到間自家製手工餃子雲吞專門店，就入去睇吓。揀咗兩份一人湯外賣套餐，兩份都跟九鼎狀元湯，未喝已聞到d湯芳香馥郁！再揀兩款前菜~酸辣雲耳+手拍青瓜，辣味令人諗起大陸嗰股水煮味，都幾辣！至於主菜雲耳椰菜餃子同粟米餃子，兩者嘅餃皮同涵菜都控制得相當不錯，最後送嘅飲品，自家製雪梨水特別鮮甜解渴，正！

香港武漢肺炎肆虐，港人人心惶惶，生怕外出飯聚無辜中招，可是，政府唯恐天下不亂，更升級飯聚行為為犯罪行為，更加令香港陷入癱瘓狀態。可是，能屈能伸的香港人當然自有對抗疫情和政府的良方，外賣便成為飲食界的主導。我當然也不會執輸，好好品嚐疫情下的美味外賣！由於外賣有一定的限制，就是地點不能與家居距離太遠；因此中環便是不二之選！見到威靈頓街及擺花街交界有一間自家製的手工餃子雲吞專門店，便走進去試試看。我選擇了兩份一人湯外賣套餐，兩份都附有九鼎狀元湯，未喝已感到湯水芳香馥郁！然後便選了兩款不同的前菜：酸辣雲耳和手拍青瓜；前者不能走辣，但後者依然過辣，令人不禁想起大陸那股水煮味，便立即以清水清洗，才保得住雲耳及青瓜的原味道。之後便到主菜：雲耳椰菜餃子和粟米餃子，兩者的餃皮及涵菜都控制得相當不錯！最後還有飲品贈送，當中的自家製雪梨水特別好喝呢！

黎左一間有特別口味既餃子店，首先叫左至尊松茸豬肉餃，佢會跟一碗狀元九鼎湯。先介紹吓呢碗湯，店主話絕冇落味精，不惜成本去煲嘅！用了料豐富，有粉葛、鯪魚、鰂魚、鮮排骨等等。碗湯非常之鮮甜，飲完之後都唔覺得好口喝，我相信佢真係冇落味精！松茸豬肉餃味道新鮮，冇諗過餃子都可以咁樣食，好有創意！松茸味香濃，食完都想再食！😆😆👍之後嗌左大滿貫素餃，佢係由菇菌、菜苗、瓜類等組成嘅，蔬菜味好出，而且感覺上好健康，食素嘅朋友可以叫啦。👏🏻以上兩款餃子我都係叫灼餃🥟，所以叫咗一款煎嘅餃子，香煎軟心芝士餃子。我好鍾意食呢一款脆脆地嘅口感，芝士有好多，再加埋粟米，我覺得都幾夾😍熱辣辣，卜卜脆，濃濃芝士味，Very good❤️我最後叫咗一支自家製山楂雪梨水，佢啱啱煲好，正呀！可以清熱解毒，化痰活血，呢排喉嚨咁岩有少少唔舒服，飲呢一款嘢飲就最適合不過啦！如果叫支裝嘅話，飲唔晒仲可以拎返屋企添😁😁對於今餐我覺得都幾滿意，如果餃子可以再大隻啲嘅話，我會食得更加滿足！

勞動節假期同囡囡去咗大館行下，影下相，肚餓就搵嘢食。中環餐廳多，但係消費不低，最後去咗威靈頓街嘅餃掂食餃子，係經濟之選。松茸素菜（$48）餃入邊啖啖爽口蔬菜，非常健康，仲有松茸的香味。芝士軟心煎餃（$55）煎得非常脆卜卜，點啲辣醬食更正，中間嘅芝士流心香濃，好有驚喜。叫咗兩支飲品，一支係檸檬薏米水（$28），一支係山楂雪梨水（$28），清新足料，健康有益嘅飲品。餐廳內寫住所有食品都係用上新鮮豬肉，難怪咁好味，食到啖啖新鮮味道😋😋

為左留家抗疫好多時都食外賣今日就叫左個外賣自取揀左個一人餐其實份量都幾多一份餃子，一份小食，一杯飲品，一個湯選擇都唔少！要confirm下，有無拎漏野😝餃子揀左白菜餃雖然變左外賣只要將湯翻熱再加入餃子度立即又成為熱辣辣好味晚餐！白菜餃一貫鮮甜！即使係翻熱都不失水準唔會痴埋一pat狀元湯味道清淡配湯餃味道一流！雲耳酸爽蒜味又夠！👍👍微辣正！山楂茶夠開胃近排天氣時冷時熱有時都無乜胃口酸味味好入口！又可消滯！

餃掂-餃子新煮意平時打邊爐餃子一定會落番幾隻，今次以餃子作主食，以不同的餡料、配搭、煮法，試試不同種類的餃子，一於化身為餃子控！狀元九鼎湯 古法製造的湯品，材料相當豐富，以粉葛、紅蘿蔔、扁豆、赤小豆、蜜棗和鮮排骨，再用香山活鰂魚和順德活鯪魚慢火熬製形成，湯底濃郁，半分味精的感覺也沒有。大白菜豬肉餃大大隻的餃子，每隻麵非常飽滿，餡料豐富，爽口的白菜混合多肉汁的豬肉碎，薄薄的餃子皮包著，一咬開時湯汁流出來。手拍青瓜爽脆的新鮮青瓜，配上酸酸辣辣的醬汁，惹味之餘又不會掩蓋青瓜的清新。山楂雪梨水自家製的飲料，以山楂片、雪梨、甘草、麥芽和冰糖鮮製的雪梨水，潤喉解渴。

One of my favourite❤️Nom Nom Dumplings🥟..餃掂🥟🥟🥟 真係一間我好愛既餃子店，食幾多次都唔厭💕。種類款式多、餡料足、味道好、分店廣、價錢大眾化，所以耐唔時都會去吃吃。ll $56 6隻Dumplings with Chives Rice Noodle Soup韭菜🌿獨特既香氣，令豬肉餃🥟 味道提升不少，最傳統但好味道既配搭。用上竹昇米線🍜，麵條更顯滑溜。ll $53 6隻Dumplings with Sweet Corn & Pork Noodle Soup粟米🌽既香甜，湯煮跟豬肉餃子融和，甜甜的 滿有粟米香。麵條類似上海麵條🍜，但更顯幼細，一樣滑滑的。ll $56 7隻Sukiyaki Beef Pan Fried Dumplings香口既煎餃🥟，壽喜燒汁令牛肉🐮 更顯香甜。香口餃子真係會令人吃過不停，味道更出呢。ll $24 3隻Candied Chicken Wings雞翼🐥 滷煮得很入味。甜甜既蜜饒醬汁，色水好靚，一款不錯小吃。-ll $32Celery and Been Bars with Spicy Dressing豆筋係大豆類製品，涼

餃掂手工餃子雲吞專門店 地址:中環威靈頓街55號地下今日胃口一般，可能天氣悶熱人濕氣重，晚上買外賣做晚還一於食清淡，心思思想飲湯同走去了買湯餃湯才是主角，簡單美味家中老火湯九鼎狀元湯 ，我都是因為湯才愛上這家餃子店的。點了客雲耳椰菜餃，一客7隻餡爽口唔濃味，皮又薄得半透明看，餡料若隱若現湯餃是分開上,拿回去不怕皮被泡軟爛，我都習慣湯直接湯，餃即點辣油醋來吃。 爽口青瓜都是幫我無胃口中提升食慾。加埋杯健康雪梨水，好飲消暑潤喉。

以前返工係金鐘, 行過灣仔食午餐時, 成日見到呢 間餃掂大排長龍, 無機會食到。今個月公司搬左去中環, 午餐時段, 發現公司樓下附近有間餃掂, 一於試下佢, 由於疫情加自己一個人, 決定買外賣午餐。點左雲耳椰菜豬肉餃 (湯餃-跟狀元九鼎湯)有7隻餃子, 餃子皮吾厚, 好滑身不乾, 而且雲耳椰菜夠爽脆新鮮，豬肉粉紅嫩的色看出都好新鮮, 好好食。外賣有黑醋和類似菜脯豆豉辣醬, 幾用心, 但覺得吾夠辣‧哈哈 狀元九鼎湯是粉葛鯪魚赤豆湯, 中式湯配餃子原來是不錯的配搭。蔥味酸辣雲耳呢個好好味, 推介, 首先酸辣麻味道好恰當, 其次雲耳爽口入味，有埋生蒜, 指天椒和洋蔥的配菜, 味道口感都多好多層次。自家山楂雪梨水_好健康, 不甜, 幾好飲!整體來講，食物都幾用心而且味道好好, 而且餃子口味款式多， 值得推介的!

與友人同行香港島，遊到中環，肚餓了，於威靈頓街附近找到這家“餃掂”的餃子專門店，眾人一致決定今晚就吃餃子。餃掂作為餃子專門店，當然是有種類繁多的餃子。除了有傳統的豬肉類餃子，還有牛肉的壽喜燒煎餃，還有新穎的芝士餃子類。另外還有很多餃子店有的傳統小吃款式。這次我點了7隻 壽喜燒牛肉煎餃子加一個上海剩麵。壽喜燒煎餃子表面金黃香香脆，令我口水都流出來了。配上陳醋的酸味一口咬下去牛肉的味道一下就爆發出來，加上鬆脆的外皮，配合得天衣無縫!之後再吃一口上海剩麵，唔~餃子麵就應該是這樣。之後再配了一個麻辣松花皮蛋，吃餃子麵是必然要點的!餃掂，好吃，好掂

大老遠走到黎中環食呢間餃子！哈哈～其實呢間餃子掂非常出名，香港都已經有好幾間分店，咁岩今日去左中環做野，突然好想食餃子，即刻諗起佢！中環呢間原來都幾細間，仲要係斜路最高，好野係辛苦Ｄ既！我見好多外賣，咁岩我地去到既時候有位坐～舖仔細細，但選擇非常多，每一款餃子都可以選擇蒸／湯／煎既方式食！仲有好多其他既小食/麵~－至尊松茸豬肉餃（灼）－呢個我地叫左灼既食法，因為灼先有呢碗最出名既湯，松茸味好濃郁，豬肉料滿滿，在加個非常健康既清湯，腸胃好舒服！－元貝豬肉餃（煎）－另外呢款就叫左用煎既食法，煎既味道特別香，脆邊非常好味，唔會有成口油既感覺，材料十足，啖啖肉，元貝香既感覺！－回味手拍青瓜－爽脆，微辣，好開胃！－四川涼皮－花生超多超香，配上芝麻醬，味道一流，涼皮又薄又滑，非常推薦～－蜜餞雞翼－超級好味，蜜糖超香超甜超配，雞翼岩岩好，流出肉汁～－雲吞麵，四川涼麵－雲吞細細粒，一口雲吞啖啖肉，皮薄～涼麵份量好多，生麵配上芝麻醬，又係好夾！基本上咩口味既人都可以黎食，最岩一家大細一人一款！

雖然呢排直情好似有啲悶減退， 但保持社交距離仍然係必須 。 一條友總要醫肚， 唔想食咁多又想食得精緻 健康 ，今次就揀咗 以手作餃子出名的餃掂。 餐廳出品唔同嘅餃子有韭菜椰菜粟米等等， 有湯亦都有煎，任君選擇。 另外仲有各式其式的小食， 梗有一款啱胃口。酸辣雲耳 雲耳 分量都幾多 ，而且口感非常爽口， 自製的酸辣汁清新惹味。狀元九鼎湯 嚟得搞掂餃子店當然要飲埋狀元九鼎湯 。湯頭 以粉葛，活鯪魚活鰂魚， 蘿蔔，赤小豆 等等煲成的湯， 溫腎益氣 ， 滋潤腸道 ，而且係疫症期間最重要是維持良好體魄， 呢碗湯仲可以提升免疫力添。韭菜豬肉餃子 韭菜豬肉湯餃子， 每隻 餃子大小均一 ， 外皮皺摺 都包得好漂亮 ， 而且韭菜餃的 內涵份量很多， 每一隻都好飽實 ，豬肉味道鮮甜， 配上韭菜的辛， 唔使點豉油都好好味 。 檸檬薏米水 清新好飲，健脾清熱，仲可以改善水腫和排毒清新好飲，健脾清熱，仲可以改善水腫和排毒

餃掂手工餃子中環店，啱啱開咗無幾耐，成日行過都未有機會試，今晚獨自晚餐，就買個比較正氣嘅外賣返屋企食啦～等外賣嘅時候，留意到牆上面由始創人提嘅八句肺腑之言，第一句已經好合我合尺(何車)「你成不了心態的主人必然會淪為情緒的奴隸」，估唔到食個餃子會順便學道理；就聽佢建議，先試吓個古法下火湯，再食佢哋嘅手工餃子。九鼎狀元湯粉葛鯪魚赤小豆，補氣活血，有助提升免疫力，啱哂依家抗疫時期飲，最重要係無味精！韭菜豬肉餃超足料！！皮薄餡多，材料新鮮，韭菜味好香，但又唔會搶到豬肉嘅鮮味，互相配合得好好，每一啖都係享受惹味酸辣雲耳麻香，少少酸，少少辣，雲耳爽口彈牙，果然惹味！自家製山楂雪梨水近排有啲乾燥，的確係清潤之選

細細個媽媽成日包餃子比我食，搬在出去間中都會特登揾餃子食，呢啲可能係情意結🥰今次試下呢間 「餃掂」手工餃子尊門店 （佢個logo公仔好得意好吸引到我）鋪頭裝修簡潔，特別見到牆上寫上八句肺腑之言，几有意思。因為疫情，所以都係外賣。佢有好多種味道餃子，我揀了以下；大白菜豬肉餃我揀灼餃，好大隻，皮薄餡正，同我媽媽包形狀一模一樣 店員好細心比麻醋同菜脯豆豉醬外賣👍🏻個豆豉醬好野味。個醬自家制仲可以單買 ，可以買返屋企送麵食🥶九鼎狀元湯足料傳統老火湯，啱哂我呢啲忙人保養下身體。湯底無味精，少鹽少油（見湯面都少油）味道滋味清淡鮮甜。**建議一邊吃食餃子一邊喝湯，湯味道更出更好喝**（材料包括粉葛、紅蘿蔔、赤小豆、扁豆、陳皮、蜜棗、鯪魚、鰂魚等）酸辣云耳- 香料均勻，爽口唔太辣，好食。檸檬薏米水- 薏米煲得好林配檸檬水好醒神。女仔要多飲薏米水有助祛濕、去水腫。下次再試佢個韭菜餃

好耐未出過街食了, 最近見好似穩定返唔少,星期三OT到好灰, 決定同同事博一次叫外賣, 落去食好掛住既餃掂!依架除左肺炎外, 我都會關注非洲豬瘟, 見到佢咁寫貼左係當眼處, 真係食得安心唔少見杯野飲係餐廳飲, 同係屋企公司飲既感覺真係唔同, 有仿如隔世既感覺煙薰蛋-$18一隻蛋$18其實真係有D貴, 但想食都冇計, 都係叫左, 食落又真係幾好味, 有D流心既感覺, 如果平D會更好龍鳳松茸雙灼餃-$86/8pc分別有黑同白松露, 都有好香既松露味, 個人更喜白松露, 可能特別D掛, 放落餃子都好夾, 好有驚喜元貝豬肉餃(煎)-$66/10pcD個之前食過, 今次再叫, 果然冇令人失望, 元貝味都係超香, 放落餃子令餃子層次再進一層, 煎得幾好, 好香口韮菜豬肉餃-$58/10pc煎元貝餃實在太好味, 我地決定叫多個, 還原基本步, 叫個韮菜豬肉餃, 韮菜好香口, 有佢獨特既味道, 唔怪得韮菜豬肉餃咁多年黎都咁受歡迎總結真係好好味, 見佢衛生都做得好好, 令我地都食得好放心, 會再黎