餃掂手工餃子雲吞專門店

Open Now

Now Closed

之前同朋友試過一次，一試難忘再番兜，今次再試下其他款式1.煎韭菜豬肉餃（ $58/10隻）一上枱已經見餃子煎得兩邊金黃，一咬落去皮脆薄，唔係手工皮，但勝在皮薄，煎得香脆。咬落去多汁唔乾，最緊要內涵豐富，出面菜肉餃都係多肉小菜，食唔到蔬菜嘅口感，但係呢度咬落去有豐富嘅韭菜，煎完之後令韭菜嘅香味更突出，屬於高質穩陣之選2.湯瑤柱豬肉餃 /配九鼎狀玩湯 （$49/7隻）餃子包得好仔細工整，配個淡白的九鼎狀元湯，視覺上好吸引，一飲湯就知道真材實料， 湯餃其中一個關鍵在於湯同餃子配合，好既湯絕對有畫龍點精既效果。餃子有驚喜，食到一種特別的酒味，入面除咗有瑤柱、豬肉之外，仲有加入唐芹，所以食落有爽脆口感，仲有一浸酒香味，癖走淨豬肉的酥味，同瑤柱既鯹味，豬肉口感錦滑，又無肥膩感，唔乾身，整體好鮮味3.煎白菜豬肉餃（$62/10隻）如果怕韭菜餃味濃，可以考慮白菜豬肉餃，一樣外皮煎得金黃，入口香脆，裏面用了大白菜，有水份，食落唔乾，好鮮味4.熱山楂雪梨水（$20/杯）要掌握山楂雪梨水唔容易，因為山楂酸味突出，容易蓋過雪梨的清甜，要保存到雪梨清甜又有淡淡的山楂酸，調配比例很重要。這杯山楂雪梨熱飲有山楂的酸

最近澳門朋友很喜歡梁靜茹的這首歌 。。。引得我也快快上網聽一下 ，歌詞倒真是有點傷感，但是也不無道理！ 其實，人。。。就是每天要對自己好一點喎！歌詞說：「我很好，說給昨天聽。。。跟今天一言為定，換一張明天的風景，自己和自己同行。」好！今天雖然有點喉嚨痛，但正所謂：「 小病是福 ！」一於去吃點好味又清淡的小東西，鼓勵一下自己！！熱蜂蜜檸檬薏米水今天有一點喉嚨痛， 可能說轉季的關係吧， 這個一喝下去很舒服， 立即舒緩了我喉頭的不適， 而且感到很滋潤！ 而且我很喜歡飲料裏面薏米給我的咬口感覺。熱山楂雪梨水朋友點的山楂雪梨水，據店員所說是剛剛煲好的， 我偷偷試了一啖，酸酸甜甜的山楂， 配上雪梨自帶的微甜， 味道剛剛好。冷盤：四川涼皮這個出乎我們意料之外，沒有很辣， 但是醬汁很香！ 切得細細的黃瓜絲， 配上qq煙韌的粉皮， 和濃淡得宜的醬汁， 十分搭配，好吃。上湯松茸時蔬很喜歡這裡的菜式，沒有過多的油份、和過多的調味料， 感覺較為健康， 而且多吃也無妨， 就像這個灼菜， 很有吃住家菜的感覺。龍鳳松茸雙煎餃我覺得這個是今天最好吃的菜式， 煎餃雖然是煎的，但也沒有很油膩。 一咬下去，松茸的香味就像立

中環店鋪林立，要揾到平靚正選擇不多，今次行行下發現到呢間餃掂有一樣野特別吸引到我，就係有松茸餃了。龍凰松茸雙灼餃一咬之下入面既黑松露味就係口啌，而且好清楚見到一粒粒松茸，加上人面既豬肉又淋又滑，所以非常香口，無唸過食下去會咁香，而且餃子包得好飽滿，將肉汁鎖起，但一定要熱辣辣時食，呢個係必點之一。元貝豬肉餃水餃皮厚薄適中，餡料豐富鮮味，除左豬肉外，入面仲夾住好多元貝碎，好足料！食到第二隻，發現餃子很脆口，原來入面加左少量金菇。再加上由餃掂特製的湯底（狀元九鼎湯),一碗平平的湯餃變得不平凡,值得再去食！壽喜燒煎餃當然要試一試煎餃啦，入面牛味濃濃煎得金香脆身又夠香口，食下去又不會太油。店舖小小可能要座得親密少少，所以外賣都幾多都幾多人。餃子好食又多選擇值得一試。

店內地方不大，但衛生情況良好，就算要搭枱都算坐得舒服。餃子款式甚多，真係花多眼亂芫茜餃拼元貝豬肉煎餃👍🤤每隻煎餃都外脆內軟，脹卜卜，十分足料！龍鳳松茸雙灼餃👍👍👍❤️龍鳳餃分別係黑松露同白松露豬肉餡，咬開見到每隻都有濃濃的松露醬，香味泗溢湯餃配上招牌狀元九鼎湯，用上粉葛、鯪魚、赤小豆、陳皮、蜜棗等等材料製成，清熱下火。麻辣松花皮蛋🤤微辣帶酸，必點的開胃前菜蜂蜜檸檬薏米水👍👍整體來講感覺餃子味道偏健康清淡，偏愛重口味人士可以加辣醬或蒜茸醬，更滋味☺️

上次叫外賣覺得性價比低，又貴又唔好食，今次就俾多次機會佢，試堂食，叫左一碗餃子麵$54，餃子可以自己簡，我就簡左最正常既韭菜餃。碗係大既，麵都係多既夠飽，但食落去真係麻麻地，個麵幾條幾條痴埋一齊，仲有d係明顯未熟，有白色麵粉係到，好彩食完冇肚痾。韭菜餃子就一般般，餡係幾多，湯底有少少醋味，略鹹左少少，食完個麵口渴，問阿姐攞水，點知佢話佢地冇，結果搞左好耐先攞左一個杯裝滾水，態度麻麻。機會俾多左一次，但質素同服務態度都係一般，下次唔會再幫襯。

發覺原來中上環都好多專食餃子🥟嘅舖頭 餃掂係中環係新開嘅分店 . 叫左一份雙拼淨餃($6x 10隻 特別餃加多少少錢) 有芫茜餃同韮菜餃 (豬肉餡) . 芫茜真係好足料 芫茜控必叫 個餡係多都塊皮好易一夾就穿😂😂😂 . 韮菜就正常啲 唔會一夾就穿左 穩陣之選 . 而個湯底都好有來頭 叫做狀元九鼎湯😂 飲落好清 唔油膩 不過飲得多都會口渴 . 餃子係現場有姐姐即包即煮👍🏻除左湯餃仲有煎餃可以選擇㗎😀

今日同朋友去山頂行街 行到咁上下又熱又攰就搵一間冇咁多人嘅餐廳去歇下 經過一番搜尋之後見到呢間叫做餃掂嘅餐廳 清清哋食餃子又可以慢慢坐正合符心意 所以就一齊入去試下首叫咗個至尊豬肉松茸餃 豬肉同埋松茸配合非常之新鮮 而且豬肉同埋松茸互相輝映 令到呢兩樣食材鮮味倍增 值得一讚之後就叫個元貝豬肉餃相對上口感比較清淡 但係都食到豬肉嘅鮮味再之後就叫咗一個壽喜燒牛肉餃 壽喜燒大家都知道係甜豉油 配上牛肉可以令到牛肉味更上一層樓 亦都好好食最後就叫咗蜜餞雞翼 雞翼喺蜜餞嘅襯託之下有雞味又有鮮甜味朋友叫咗一個蜂蜜檸檬薏米水 夠去濕又甜甜地 飲落非常之清新好飲 仲有一個山楂雪梨水又係甜甜酸酸咁樣非常之開胃 唔錯唔錯

$59/10粒雙拼湯餃，平均差唔多$6一粒，真係幾貴，同事話想食先跟黎試下，我地office都唔係好近呢到，來回到要行差唔多半個鐘，我地叫外賣自取，等左10分鐘左右，還可以，但餃子好一般，係有住家味道，比較淡，我雙拼大白菜豬肉餃同雲耳豬肉餃，味道冇咩分別，個湯又係冇咩味，結果10分鐘已經食完，仲要唔係幾飽，所以我見堂食既客都係清一色女士，因為女仔都食唔飽，男仔就更加食唔飽。不過我見佢都有d特色餃子，壽喜燒牛肉餃、黑松露餃，都可以試下，收銀姐姐都好有禮物好熱心，可惜定價有d貴。

一講中環 諗到嘅 只有貴價餐廳 coffee shop估唔到都搵到間平靚正餃子專門店🥢舖仔細細但乾淨企利 而且裝飾佈置可愛得黎好地道餐牌簡單易睇8-9款餃子任揀 仲可以揀 灼/ 湯 /煎驚唔飽可配麵 或小食我揀咗雲耳椰菜豬肉湯餃 7只 $43先講湯底🥣湯底味淡 重點在於唔係味噌湯 而係似自己煲嗰啲湯 叫狀元九鼎湯 成份有美國蛇果、生魚、無花果、准山、豬尾骨所以絶對可以飲埋同伴餃子一齊食至於餃子🥟皮厚薄啱啱好 唔會厚到硬 又唔會薄到爛開 而且好滑雖然size 一般 但係料十分足因為我有椰菜 咬落脆脆地 雲耳味道都幾出 豬肉更是一流 採用新鮮豬肉 有豬肉味之餘夠腍 一啲根都冇😍試咗朋友啲上海麵 都唔錯 少少彈牙又試咗佢一隻韮菜豬肉餃 味道比我嗰隻雲耳椰菜豬肉餃濃 韮菜味十分出 鍾意濃味嘅朋友建議揀韮菜-埋單2個人都係$100有找 好抵食😋最重要係好食而且服務姐姐好好人👍🏻推介!

Happy Saturday約了2位好友食lunch, 我們3個都很喜歡吃餃子, 所以揀了餃掂中環店。呢間餃掂第一次嚟, 店子座位不算多, 但乾淨企理, 服務員也熱心。Menu餃子的選擇十分豐富, 有和風餃子, 素餃, 韮菜、 大白菜、 雲耳椰菜、 芫荽豬肉, 更有用料 矜貴的松茸和黑白松露餃, 可自行選擇用灼或煎, 亦有中碗和大碗的選擇。前菜小食, 各類麵食和飲品亦應有盡有。今日我們order 了一款小食, 2款餃子, 1個麵食和2杯飲品。龍鳳蛋$32~煙燻蛋煙燻味濃郁, 半凝固的溏心蛋黃非常香醇, 配上白松露醬更滋味。至尊松茸豬肉餃(中)$73~8隻松茸豬肉餃另附上九鼎湯, 由粉葛, 鯪魚、 紅蘿蔔、扁豆、赤小豆、陳皮、蜜棗和排骨淆製而成 , 完全冇加味精, 雖然不是很濃味, 但卻感覺健康。餃子皮薄, 豬肉鮮甜 , 另附上兩種松茸醬, 一個辣一個唔辣, 松茸味非常香濃。龍鳳松茸雙煎餃$86~ 外皮煎得金黃鬆脆, 非常香口,裏面分別是充滿黑松露和白松露的豬肉餃, 黑松露味非常濃郁。壽喜燒牛肉餃子麵(6隻)$61~肉質鮮嫩的牛肉碎混和芝荽造成的餃子好惹味, 配上嫩滑的麵條和清甜的湯汁好

🔎餃掂手工餃子雲吞專門店 (中環)📍中環威靈頓街55號地下-餃掂係好多區都有分店 價錢雖然比其他貴 但質素確係有保證 除左好多款特別嘅餃子之外 仲有養生靚湯🔹龍鳳松茸雙灼餃（跟湯） $86/8隻龍鳳即係有兩款不同的松茸，除左有常用嘅黑松露 仲有比較少用嘅白松露，兩款都各有特色。灼餃配送一碗狀元九鼎湯，食材有粉葛、鯪魚、鰂魚、紅蘿蔔、扁豆、赤小豆、陳皮，蜜棗、排骨等。絕對係養生靚湯，絕無味精架。🔹煎韮菜豬肉餃 $58/10隻試完特色餃當然要試返basic餃啦，重口味嘅朋友當然要食韮菜餃，識食一定係食煎餃，皮薄煎得夠脆，加埋菜脯辣椒醬食就perfect啦，不過都偏辣架，唔食得辣嘅朋友仔就點少d啦。🔹麻辣松花皮蛋 $25少辣少麻，皮蛋爽身，前菜必食🔹蜂蜜檸檬薏米水 $20/杯話明要養生，飲品都要養生嘅，薏米水去濕夏天岩哂，就算飲凍嘅都唔會好凍 涼涼地，熱嘅都只係暖暖地🍴搵返相關地區👉🏻 #90sfoodieshare_中環#食在中環

之前都食過餃掂嘅餃子，味道都唔錯，而且係中環呢啲地段比較貴嘅地區食飯嘅話，價錢來講相對都叫做平少少，打工仔唔使餐餐捱貴lunch🤣無論叫煎餃定湯餃，都會跟狀元九鼎湯，佢哋嘅賣點係滋潤腸道養顏保健，不過今次飲落嘅味道就偏淡，唔係特別出色！**********<壽喜燒牛肉餃(7隻)> $52依度有得叫平時常見嘅餃子，另外都有一啲比較新穎嘅配搭，今次就試左壽喜燒牛肉餃，本來以為會似日式壽喜燒嘅味道，點知反而係似中式牛肉球嘅味，感覺有少少失望🤨

中環食飯多數不便宜，臨近糧尾找朋友吃晚飯，當然要間性價比較高。所以朋友推介了這間店給我。是一間餃子專門店，地方尚算寬敞，所以環境都叫不錯。野味酸辣雲耳$25，醋不太多，偏微辣，所以比起開胃更屬惹味派，雲耳挺爽身。龍鳳蛋$32。有黑松露及白松露兩種，蛋黃很香又是流心。配上黑白松露更滋味。四川涼皮$32。涼皮很軟偏滑，質感很適合夏天吃。味較合香港人，不會太辣，剛好。香軟芝心餃$55，重點。因煎餃是即弄所以要點時間，但出來效果是不同。特別香口惹味。芝士融在餡料裡，熱辣辣吃好吃。龍鳳松茸雙灼餃配湯$86。湯是濃郁的，餃中的黑白松露味都突出。整體這店還不錯，價位也適中，所以算是cp值還不錯的店。

係炎熱嘅中午去到中環附近都搵唔到食乜嘢，咁岩見到肥妹仔自己既飯堂，就入咗去嘆吓冷氣，食返個午餐。龍鳳蛋$32半流心嘅糖心蛋，上邊再加埋少少嘅松露醬，好食。四川涼皮小辣$32其實佢呢度嘅涼皮又唔係肥妹仔印象左個涼皮，因為佢比較有幼啲，但係佢個味都好出色，真係辣嘅，但係涼涼地，加埋啲青瓜花生碎食好開胃好消暑。回味手拍青瓜 $25青瓜好爽口，清甜，微辣，好惹味。韭菜豬肉餃連湯 $43韭菜豬肉餃好好食，韭菜超多，好香韭菜味。鍾意食韭菜朋友一定要試！湯就係佢哋自家煲嘅湯，一啲味精味都冇。香煎軟心芝士餃$55呢一個芝士餃又係肥妹仔每次去都會叫，超好食。芝士味好香濃，做到拉絲嘅效果，又煎得夠趣口。

食厭左飯麵 可以轉下食餃子做正餐呢度有各式餃子供應 有湯餃也有煎餃呢度出名既係松茸餃 當然要一試另外亦都有啲麻辣小食 同埋麵食絕對唔需要擔心食唔飽叫左龍鳳松茸雙灼餃跟狀元九鼎湯 湯係啖啖魚湯味 唔覺有味精 因為飲完都唔會渴龍鳳餃內餡是豬肉和松茸配黑白松露黑松露餃超香黑松露味 加埋滿滿既鮮肉 好令人滿足白松露相對淡口啲 但配埋松茸 會食到內餡既松茸松露味另外叫左至尊松茸豬肉煎餃餃子煎得薄脆同金黃色 外皮脆卜卜 外表又吸引內餡是新鮮豬肉同松茸 沒有多餘的調味料 有鮮豬肉既味道 餡料漲卜卜 真材實料真正皮薄餡靚最後試埋涼皮凍冰冰又爽口 麻辣味恰到好處 唔會過辣 反而仲好fresh配埋自家製山渣雪梨水同檸檬薏米水 消暑解渴👍🏻❤️而且唔會太甜 有埋功效超有心除左樽裝 仲有杯同壺裝當然仲有汽水豆漿等飲品豐富既一餐