牛一 (tmtplaza Phase 1)

Open Now

Now Closed

今天一家去屯門牛一吃火鍋, 叫了極上和牛，每人$178。牛肉品質有保證，配料、飲料也有不少選擇，包保一定可以大快朵頤😬就連乳酪雪糕亦有四款可以挑選，為美味的一餐劃上完美句號！

蔬菜選擇性蠻多!! 不過嫁這樣的價格還算合理! 只是啤酒是罐裝的有點失望! 另外覺得90分鐘吃得有點趕! 到最後都沒有真的吃到冰淇淋，跟服務生說我還沒吃到冰淇淋。服務生還蠻通情達理，讓我把美味的乳酪冰淇淋吃完才離開。

除夕lunch梗係要食得豐富啲～就去左牛一打邊爐！叫左「十勝芝士九州豚骨湯」，飲得啖啖芝士味！用完淥粉絲吸晒d味，邪惡得黎好好味！牛一d肉出名高質！豬肉滑身又有肉味～朋友話牛肉都很不錯（可惜戒緊牛🤦🏿‍♀️）因為肉可以任食，我地都encore左好幾次出面既配料都係任食架～主要都係菜同丸類，選擇唔算多不過最正係有任食yogurt，食兩杯已經回到本，配料都好豐富架 飲料bar就無咩特別了～因為係除夕，得任食揀，加埋一每位$140！平日揀唔任食肉（每人一盒肉），只係要70幾蚊咋～值得一試

最鍾去牛一，除左任食yoga仲有好多配料加落去，見到都真係好開心😍😍😍佢呢個和牛炒飯真係好食，打邊邊都忍唔住拎左少少黎食😍😍推介呀呢個咖哩和牛飯我就覺得麻麻地，太結身😆😆我所以選擇左食少少試下味自己去整左一大碗😍😍想食咩配料自己加，大人，小朋友都喜愛❤️❤️❤️見到好多小朋友食呢個都超開心😂😂😂自由想食咩味自己黎❤️❤️❤️湯底簡左豬骨蕃茄😍好味，自己再拎多小小蕃茄落去😂😂麻醬同老公兩份用,打邊邊一定要有辣椒豉油😍😍同老公拍拖食午餐happy😍😍❤️❤️

我不是素食者，而是一位食肉獸, 所以吃牛肉放題是最適合我的。每次經過這食店都排長龍, 所以我們早有準備於食店開門之前10分鍾已到達, 但已有數位人客在等候。門口以金色為主, 感覺貴麗， 門口更掛上餐牌, 讓客人於等待入座前可以先看看并選擇湯底和肉食。午市分為60分鐘和90分鐘兩種時段，60分鐘分別有6種肉類級數，可配指定肉類一碟，價錢由每位$62-$148；而90分鐘有4種等級的牛肉，價錢是成人每位$118-$248；60分鐘和90分鐘都可享用配料，汽水及乳酪/雪糕任食任飲。另外湯底共有8款可供選擇，加$18可選混合鍋。店内環境十分寬敞，燈光柔和，卡位數目比較多，其他四人枱的距離亦比較闊落，感覺舒適，我們當然是要求坐卡位。今天挑選了美國牛肉, 豚肉90分鐘放題及三文魚豆腐乳湯底。先往外面逛一逛，取醬油、配料和飲料。醬油一共四款，另有蒜泥、辣椒粒、葱花，更有麻醬。配料款式亦不小，有多款肉丸、菜類(黃牙白、油麥菜、羽依甘蘭、白菜仔、紫薯、南瓜、番茄、粟米)、東菇、腸仔、豆腐、玉子豆腐、烏冬；飲料可選3款擇盒装的健康飲品或是啤酒，另外更可選6款汽水或橙汁。當我們返回座位時，湯底、牛肉和豚肉已

食放題的好處係--鐘意食咩就拎咩，食到食唔落為止，當然前提下是：不要浪費喔如果食過的朋友仔一定知道9點後入座就可以用100Coupon~ 變相平100大元，之前為左平，真係等到9點後先入座，但今次朋友生日就無理由等既😂，一早Book定6:30pm ～ 但發現原來感覺真係十分唔同，D野食好好多，唔再係「頭頭尾尾」，哩一刻只想講：平野無好野，頭啖湯真係唔同D。睇下☝🏻只係冰山一角而已。眼睇應該有10幾廿種～ 多到揀唔到，因為種種都想食，太貪心了👉🏻👈🏻最後拎左玉米、紫薯、南瓜、原條秋葵、菠菜、雞髀菇、萵荀、木耳、翠玉瓜⋯⋯ 至於比較飽肚既面條就謝絕叫😅我地叫左鴛鴦湯底（壽喜燒+辣湯），見佢滾到咁，已經等唔切放野落去～ 再逼不及待地叫左2客🐴同🐷先，其實我地揀左中間價錢，因為門口姐姐話：最平價錢個款肉會肥D~ 一聽到咁🙈，就即係話：識做啦。之後當然食完再叫，食完再叫，最終都係返唔到本，3個女仔食左8碟左右～

牛一嘅午餐放題真係好抵食啊！放題包括肉類一份，可以選擇牛肉或者豚肉。仼食有其他嘅火鍋配料，有丸類，蔬菜類，菇類，粉粉面面，飯等等。選擇唔算好多，但係覺得食材都好新鮮。另外最好嘅就係有乳酪雪糕任食，同埋有好多toppings 仼揀，價錢只係$62至到＄70不等。不過就要限時食，只得60分鐘。

話說今日星期六已經提早去拎飛仔等位，18:25 拎左張A056,二人晚市,當時叫到A006，都叫做正常。天光等到天黑，19:15已經企係門口等，當時叫緊A031，直到20:30都係叫到A036，B飛3-4人台就不停叫。我：點解會咁？點解成個鐘都叫唔到十張A飛，仲有後補區，幾堆人入哂去，都唔叫號？佢：門口後補區既人係有飛仔既，之後又話後補區根本冇人排，一路都叫緊飛，好多人都等緊。What?! 門口得幾群人，B飛點叫都冇人郁，全部都係兩個兩個仲有，7點已經冇得再拎飛仔！大家要食打邊爐，其他可以好多選擇，屯市另一間根本唔會排兩個鐘都叫唔到30個號碼，你地識揀啦⋯⋯利申：我不是打手！只係一個憤怒既屯門人...

七點半左右原本打算用apps攞飛，點知爆咗，但屯門友堅持要食，話屯門區其他火鍋都唔得。去到現場，飛都派完，要排後補。排咗大約45分鐘，入得。按不同級數的牛收費，這跟牛涮鍋有點像。我們選了178。鴛鴦鍋加$18，選了蕃茄濃蝦湯及麻辣，蝦湯蝦味不濃，麻辣也屬小辣。牛和豬同侍應落order任叫，其他就自助。混醬方面，生蒜+麻醬+黑蒜豉油，好好味。咖喱和牛飯同那個白汁飯都超好味，好食過好多日本餐廳同KFC。和牛炒飯就反而一般，啲三文魚籽好鹹。肉類肉味不太濃。麻辣爆醬丸同一隻方形的芝士魚餅都好食。蔬菜類選擇多而且也非常新鮮。另一正嘢係有frozen yogurt同宇治抹茶雪糕，好rich, 要咩配料都有。出面食frozen yogurt, 呢度就可以任食食個過隱。

今日終於都可以試牛一嘅午市，講左好耐，但次次都因為太多人，所以就無去到，今日終於試到午市真係相當多人，我吸取左教訓，原來可以用apps遠距離拎飛，我1點望一望，都要等成30個，由出門就拎定，去到2點幾就已經到我地，由於我地覺得午餐食唔到好多，於是就揀左套餐，一碟肉加無限食出面啲配料，時間60分鐘，食得比較倉促一坐低我就去瘋狂拎左好多丸啊菜啊豆卜等等，包裝野飲只有菊花茶檸檬茶椰奶仲有啤酒，無乜選擇，乳酪機旁就有汽水機橙汁等左5分鐘，個鍋同肉類都上左枱，我將啲配料一次過倒曬落去，等滾起期間我都唔浪費時間去唧左碗乳酪，後來食左先發現唧左牛奶雪糕，但都好好食，仲加左乳酪爆珠等左陣終於滾起，望落個鍋好足料，我今日係為黑蒜豉油而來，仲要落左辣，一試個湯底就知拿野，揀錯湯底，個湯底超重口味，落左好多辣椒同蒜蓉係底，蓋過曬所有配料豉油味，唔點野都好够味，所以試唔到個黑蒜油講返2碟肉類，第一碟係牛拼豬，牛只有3塊(因為一開始無影到，所以相中得返1塊)，豬原本有5塊，都切得好薄，豬肉味道唔錯，牛就一般貨色，勝在够平另一隻貴少少嘅極上美國肥牛花紋好靚，但唔知係個湯底太濃定點，食落同普通肥牛無乜分別，所以下次

貴公司明明有派飛system,但係就唔比人攞飛要來排隊等位，是什麼玩法？問職員，一位主任級既職員就只係識話你去隊尾排啦，一樣姐，但重點係見唔到隊尾！咁即係排邊？問就剩係識話最後面咪隊尾囉！愈來愈差既服務

牛質素對於放題黎講屬於幾高質 配料及配菜都有好多選擇 仲有雪糕做甜品 每次都食到飽飽先走 大回本原過希望可以增加更多甜品同增設訂座功能 因滿座時要係門口等都唔知有冇機會可以食到 曬時間等 訂座時可預先和客人溝通

每次都會揀lunch黎，因為真係好抵食！揀左午市60分鐘放題 可以揀牛豬or混合 價錢由68至148不等 睇你想食咩質素la 我通常揀中間價位 哈哈湯底方面 有眾多選擇 你想清清地有混布 干貝清湯 揀有d味道 又有蕃茄 豬骨湯 想辣都有泡菜湯 而我揀左佢最新出的 中華麻辣 同 京都藥膳湯 個湯底一黎已經聞到超級香！你睇到張相就知 真係好吸引 材料好足！以後黎應該都會叫呢兩個湯底 推介！野食方面超過50種配料 好多選擇 而且會定期轉下d野食 令你唔會厭 野飲仲有健康工房選擇 岩晒我唔中意飲汽水的人 食完仲有乳酪or雪糕 自己整 咁ge價錢 真係好抵食！

我今晚替家人在這裡慶祝生日，本來想試試這裡和其他日式放題有什麼分別，結果是食物種類都頗多選擇，蔬菜類多一點，但是問題中有三個，首先，其他日式放題是進去後才選擇要食什麼級數的價錢，但是這裡要在門口選擇好。 其次，其他日式放題是一人一鍋，但是這裡是家庭式鍋底，即是只可以選一種湯底，如果要兩種湯底要加錢。最後，就是顧客的問題，因為我的家人取雪糕的時候，有另外一個女顧客故意擋住，後來我找經理投訴，但是當我離開付款的時候，竟然那個女顧客走出來擺出一副惡人先告狀的樣子嚟兇人，自己攪事還要惡人先告狀。

今日兩公婆飛甩百厭仔去拍拖.  首先去睇早場, 跟住就過市中心食牛一.  行到過嚟11:45 唔使等位,  order  90分鐘 美國牛肉,豚肉放題, $118.00.湯底叫咗季節限定湯底 (京都藥膳湯).嚟到呢度梗係主攻牛肉啦, 我哋叫咗好多round呀! 多到唔記得幾多.  係首輪order啲牛肉頗肥, 之後都唔差, 係越後order嘅反而越靚 (唔知點解呢!)都有拎出面嘅丸類, 菜類, 冬菇, 薯粉......牛丸頗咸, 黑色嘅丸以為係墨丸啦, 但入口又似豬肉丸, 冬菇無剪腳, 食得較麻煩. 菜類竟然有羽衣甘藍喎. 飲品方便有紙包雪梨茶, 紙包羅漢果, 紙包檸茶, 汽水, 啤酒, 仲有我like嘅jolly shandy. 食飽主菜, 當然要食埋佢嘅乳酪雪糕先至perfect啦! 可自行加上朱古力/士多啤梨醬, 仲有好多topping揀添 . 食完真係好滿足.118.00 x2 另加一 埋單$259.60