馬仔粉麵

Open Now

Now Closed

第一次來這裡打邊爐, 街市大排檔式很有風味! 服務爽快, 食物唔錯。欣賞雙併份量唔少之餘和單併同價,唔似有些火鍋雙併要貴些。兩個人飽食都係每人150元左右 !ok! 唯一牛肉細碟都要200幾元覺得唔抵無叫。

選擇不多但樣樣新鮮，沙嗲湯底保持屈機水準，呢度嘅肥牛arm 晒d 牛魔王，牛肉雖然不是頂級，但係口感一流，淋得黎有肉味同相當juice, 仲大大碟魚卜同脆骨腩其本上係無敵，好少食到juice 又有魚味嘅脆脘，其他丸類都算水準之上，最重要係性價比極高，叫晒成枱野食6條麻甩佬飲左20支大啤都係$250，確實係三五知己Man's talk 好地方

市政大廈哩間馬仔粉麵早上賣粉麵一到夜晚就變身做火鍋，呢度主打係沙嗲湯底和牛肉，賣的都很有懷舊風味。牛肉是真正手切冇冰，一份大牛肉（$280）成座山仔咁高，和現時大多火鍋店所用的紙片安格斯完全係兩回事（而家好多火鍋牛肉都追求油花同入口即溶，反而令人懷念牛肉個咬口同肉味）。沙嗲湯底濃情化不開，可以較甜和太濃，吃落會較漏，建議點個雙併中和番。望望周圍既食客，你一言我一語 跟住豪邁地唱飲，呢啲就係我哋嘅草根文化！提提大家如果想食埋泰國嘢可以去格離嘅泰國餐廳落order ,佢地會送過黎㗎！by the way, 如果要同方榮記比較，湯底我會揀方榮記，牛肉會揀馬仔（但牛肉final boss 當然是新東記，但一分錢一分貨吧)。另外有各類火鍋料，只分兩個價錢，$45和$70,還可雙併，人少少也可食多幾款。其實馬仔粉麵真係有賣粉麵，不過我就未食過（因早上去多數食樂園), 但馬仔粉麵部將會係9月19日光榮結業，fans/想試下的就要快d去喇。

認真係麻甩佬打邊爐最佳之選！成班大男人飲飽食醉都只係每人兩舊水！雖然係市政局街市食堂，地方都算坐得幾舒服、通風好又唔逼夾。最緊要係阿姐態度非常友善，食幾次認得我班人之後好似返屋企食飯咁親切！食物方面，雖然唔係山珍海味，但係性價比上應真係冇得彈！牛肉＄200到一大碟，雖然係雪牛但係肉味及肉質一都唔差，好過好多火鍋店聲稱機刨「本地手切肥牛」。分量方面一碟頂人碟半至兩碟！更加值得一讚係脆骨腩，一丁點泥味都無、好食！P.S. 順帶一提，係馬仔記食飯仲可以叫埋隔離泰國菜食又有椰青、小食同甜品。不過衛生方面就冇馬仔咁好啦、有一次我食到隻小強事後佢請返我飲支啤酒就算數。

這間火鍋吃了很多年了，一想起沙嗲火煱湯底，方榮記以外，就是這間了。2人或1人來吃，碟數無法點太多時，又愛大牌檔的沒有精巧賣相與地道食品及風格，這間絕對是好選擇，又不用加一，可選雙拼，食材新鮮，又可柯打隔離檔泰國菜，正!(當然前題是，不介意是大牌檔。噪些。。。有貓。。冷氣機會滴下水咁。。)。沙嗲湯:必選，沒有方榮記般濃，用石油氣爐，但沙嗲味也絕佳，薄薄的鍋是其標記。脆肉鯇骨腩及脆魚片($70): 新鮮的脆鯇絕對絕對是絕配。不欺場的新鮮香脆。不是每間店也有這水準。韮菜餃拼魚片頭($45): 很香很新鮮韮菜，咬開一粒粒分明的韮菜粒，日間為粉面檔所售的魚片頭也很難會失望，配沙嗲湯一流! 必點。其他雙拼如牛丸(一般)，釀豆卜等多為$45雙拼，魚類海鮮為$70雙拼，豆腐粉面等雙拼為$30，菜，生根各$30等。這裏要早些來，會沽清某些食材。是日賣光了牛肉，生蠔，沙鯭。再單點了泰國舖的青檸沙冰($22)，完美!

<沙嗲出色生料靚 - 馬仔>九龍城打邊爐要吃靚牛肉及出色沙嗲湯底，唔一定要去招呼又衰又迫既方榮記。相比下街市的馬仔來得更親民地道更值一試。沙嗲湯底愈滾愈濃郁，吃下是滿口花生香。掛在生料上極美味。特別是手切牛肉；生料新鮮可雙拼，$45大大碟，岩哂人少少食多幾味，推薦自包的韭菜餃，抵吃！這夜點了細牛肉。生料及菜再加兩枝大生力，每位$200﹐抵食好味道！值得推介！小弟FB: smallsmallsmalllin

九月九日紅日(中秋節翌日)去咗九龍城街市樓上間馬仔粉麵打邊爐雖然一行十二人去但都好快有位，不過記住要事先預約啊~冇乜食過間嗰嘢嘅粉麵，不過就聽講過佢嘅餛飩出名好食嘅，所以打邊爐都有點嚟食。餛飩既質感做得不好，好易容一夾就散 但味道方面就系不錯，肉的比例做得不錯，而調味也很好湯底方面，識食一定係食沙爹湯底~本身唔食辣嘅人都覺得辣嘅程度係接受到嘅，而且食落去真係好爽好獨特，甜甜地帶有微辣，真系好好食當食物吸收左沙嗲嘐底既味道，顯得更加惹味　(特別系豆腐，金菇等食物)，返到屋企一再回味！以後要多啲嚟幫襯

N年前 食過泰苑 印象唔錯冇耐前 知馬仔夜晚有邊爐就黎個 crossover一見馬仔餐牌 大驚!外帶食物加 $50好彩 泰苑係唔算外帶既泰苑 青木瓜沙律 + 燒豬頸肉 + 芒果沙冰好食馬仔邊爐1) 手切牛 ($180) -- 厚切 新鮮 2) 鱔片 ($65) -- 新鮮 3) 墨魚丸 / 牛丸 ($40) -- 有咬口4) 菇 / 菜 / 餃 ($40) -- 幾抵食5) 鮮雞件 ($40) -- 嫩滑沙嗲/莞茜 湯底 -- 幾好場地不大 好有氣氛越夜越多人價錢 比坊間稍平可惜質素亦成正比若平平地跟老友聚舊都不知為一個好選擇

下午出花墟行街~行完都差不多六點lu~順便食埋飯先返屋企囉咁岩大家都話想食火鍋~咁岩又諗起沙嗲湯底所以決定再去"九龍城市政大廈 - 馬仔"估唔到星期一都咁爆場~越坐越多人黎食(好熱鬧)我地先點個鴛鴦鍋.."沙嗲/番茄湯底""沙嗲"比一般火鍋店做得出色..好香又濃郁味道唔辣帶偏甜例牌"牛肉"..好新鮮另一半一人獨享雙拼.."白鱔+脆鯇魚腩""白鱔"好厚肉+超新鮮~鱔味夠濃"脆鯇魚腩"又係超新鮮~肉質仲超脆雙拼.."生蠔+鵝腸""生蠔"..熟左之後縮晒水~肉質味道較普通"新鮮鵝腸"..另一半最like~我就覺得過份超肥所以灼完要起晒d肥膏先比佢食囉(佢扁面都無計lu)整體用料依舊好新鮮+用靚料(除左個生蠔欠少少外)沙嗲湯底同樣好出色+好味道~服務亦好好呢

十次來馬仔，有八次都是吃水餃，剩下的一兩次，就是吃腩撈，數年前吃過，覺得一般，絕比不上同區，已結業多年的陳南記。這個早上狠心撇下樂園，坐在隔離馬仔吃腩撈，＄24一碟，在今天的物價來說，也是便宜的，沒有能與早幾年相比啦。麵條彈牙，但有輕微的鹼水味，柱候牛腩炆得入味，肉質軟淋，不過味道未算很香濃呢。另上的大地魚清湯，有少少鹹，對我是還可接受的級別。已經有很多年，沒試過晚上到九龍城街市晚飯，聽說泰苑人氣依然，水準則不及往年，馬仔就超過十年沒來，看來是時候溫故知新，來個小型麻甩火鍋聚了。

九龍城是否只有泰國菜？ＮＯ！上一次慕名來到市政大廈一嚐泰國菜，看到隔枱煙火鼎盛，決定今次來一試這裡的特式火鍋！這裡人還算多，幾乎滿座，有的一家大小，有的親戚朋友，更有跟環境格格不入的「西裝友」共冶一爐，舉杯暢飲！注：其後更發現「幾分傷心幾分痴」的王傑同場吃飯！這裡環境尚算整潔，至少地板沒有污水。先選火鍋湯底！沙爹 + 蕃茄！沙爹湯底非常足料，少少辣之餘又有濃濃的沙爹味。反而蕃茄湯底比預期遜色，味道過淡。火鍋料選了：生菜　－　ＯＫ新鮮墨丸配雲吞　－　墨丸非常好吃！！足料彈牙又不會有＂墨魚渣＂攝在牙縫之間，魚肉分佈非常均勻。推介！！！（放入較淡味湯底滾熟較好，不會被湯底蓋過其墨魚味）腐竹配豆腐　－　普普通通金菇　－　份量比預期多脘魚腩　－　新鮮！手切本地牛肉　－　脂肪比例較小，分佈平均，厚切，亦沒有雪藏味，放入沙爹湯底滾熟一流！！我們還點了啤酒，絕對是豪邁的享受！這種舊式火鍋爐如今已經很少食肆沿用，配合這裡沒有裝潢的環境，實在別有一番風味。

想當年，九龍城既大排檔算係一個我幾常到既地方，以前有一間叫陳記既，而家已經關門大吉了今次試既係食粉麵既馬記單併$18，雙併$25，可惜既係無餐，飲品$12，$14一杯點左牛腩墨丸河牛腩係上網是口碑唔錯，墨魚丸係兒時印象中好食既牛腩切成薄薄既，捲作一團既，同一般食開一舊舊哥種好唔一樣食落一啲都唔硬，但總係覺得欠缺左傳統牛腩應有既香味反而墨魚丸同以前食既味道同口感係一樣既墨魚丸很足料，一啲都唔泡同出面食到既好唔一樣，好食淨雲吞:雲吞皮夠薄,包住少少鮮蝦同豬肉,冇肥肉既, 幾好食,但可能算不上可以係招牌消費：$35

街市嘢... 如果唔係有高人指點, 真係唔曉搵... 價錢完全係街市價, 抵食!!抵食!!火鍋配料唔多, 但勝在樣樣都可以雙拼!! 唔知因咩解究, 佢地嘅鍋全部都係用人地泰國飲冬陰公嗰啲鍋... 特別左少少~ 沙嗲拼皮蛋莞茜呢個沙嗲湯底堅OK~ 並唔係外面食開稀leu leu嗰啲咁 完全食得出係花過心思撈嘅...不過少左花生碎... 始終有少少失色...魚蛋有魚味+彈牙!! 餃就不值一提 魚片頭大大件不錯, 魚卜太腥, 鯪魚肉打得唔錯, 爽口~ 脆鯇片同鱔片都頗新鮮...$20蚊碟菜... 大碟到!! 比起出面街幾十蚊得嗰幾條...呢到真係大碟夾抵食~~ 2杯芒果沙冰喺隔離泰國餐廳點嘅...用鮮芒果打, 出嚟芒味OK, 不甜~ 其實喺街市一個平價地方有咁出色嘅湯底已經好意外~而其他配料又咁嘅價錢!! 所以有時打邊爐嘅嘢, 真係要花少少心思去搵~

說起九龍城街市, 必定會想到街市頂最出名的大排檔樂園.不過其實樂園旁邊, 還有一檔港式粉面, 做的是自家製雲吞水餃.這家馬仔晚上會做火鍋, 不過平日就做回老本行, 魚旦, 雲吞, 墨丸牛丸, 甚至豬手粉面都不缺.這天上來本想試試他的水餃, 怎知道下午1時左右巳賣哂,唯有先點個淨雲吞 (HKD$18)一碗6粒不多不少. 每隻剛好成一匙大小, 雲吞水餃這種食物, 正如蝦餃燒賣一樣, 不是講求大隻抵食, 反而著重一口份量, 味道精細.咬一口, 蝦肉豬肉份量平均, 不過蝦肉很乾有點霉, 不算新鮮. 雲吞皮薄. 整體普通未能算是好吃.雲吞不行, 再點個牛腩面試試 (HKD$18)牛腩很碎偏瘦, 味道就算幾入味, 不過這種偏乾的五香牛腩不是我杯茶, 還是喜好大大舊的坑腩...湯底很咸, 生面太硬, 但尚算彈牙. 不過對我來說, 整碗面還是不太合格.埋單HKD$36, 算是便宜, 但食物味道實在比我想像中失色

從來不知道原來九龍城街市內有如此GOOD的邊爐星期日晚,我地去到7點左右我以為會無咩人,因為星期一D人都要返工但去到已經無咩台7點乍WO~~~~~好彩仲有位,不過15分鐘後已經要等位了一坐低就叫左個沙嗲湯底先其他火鍋配料全部可以雙併都只係$35雖然份量係有DD少不過少人打邊爐既我地非常適合街市內的另一邊係泰國菜好多人都將佢地crossover我地就cross左芒果沙冰同炸蝦餅(球)味道一流炸蝦餅有少少有,但好味沙冰有濃郁芒果味,絕無渣流灘沙嗲湯底非常濃郁真係配咩料都食到湯既味同肥牛魚皮餃超夾不過手切肥牛就"痴"刀有D就碎濕濕有D就大大塊睇黎師父要換過把刀枝竹亦很OK.....煙煙韌韌出面好少食到菜--係可以自己出去攞個籃夾的我出左去夾,仲揀左兩種菜不過原來可以夾好多的我只夾了剛好滿下次要夾多DD了~最特別係除了烏冬出前一丁仲有生麵同河粉打邊爐比較少見不過最後的雲吞拼水餃就一般最可惜沒有我最愛的栗米~~~~愛打邊爐者,必去~~~