美中·鴨子 (Closed)

經過美中.鴨子很多次，每次都好人排隊，難得今晚不太多人，時間又許可，就決定一試。結果失望之餘，仲要一肚氣。 首先，無任何茶水免費供應 (因為沒有收茶錢？！) 就算冷水/熱水都要收$10(忘了是每杯或每位計)。好！迫住要叫兩杯$3x的茶餐廳質素飲品。~*~*~*~*~*~*~*~*~*~*~*~*~*~*~*~*~*~「填鴨兩食」~ 鴨湯入正題，當然要試招牌菜「填鴨兩食」(其中一食係鴨湯)。湯先上，一放低，已經呆一呆 ，得半碗，又唔熱。第一口，以為自己飲緊茶餐廳例湯，咸而且無鴨味。~*~*~*~*~*~*~*~*~*~*~*~*~*~*~*~*~*~*~「填鴨兩食」到填鴨，鴨皮不夠脆，醬太甜；鴨肉還好，正所謂「鴨有鴨味」。~*~*~*~*~*~*~*~*~*~*~*~*~*~*~*~*~*~*~「紫蘇葉蝦春卷」同茶樓炸春卷無分別，完全無紫蘇葉的香味，價錢係美心酒樓的三倍。~*~*~*~*~*~*~*~*~*~*~*~*~*~*~*~*~*~*~「小籠包」終於有樣食物一讚，上枱時夠熱。皮薄，包住大量嘅肉湯，湯甜肉滑。~*~*~*~*~*~*~*~*~*~*~*~*~*~*~*~*~*~*~

喂，大佬，生日想食咩呀? 我問。佢話：「你話事得啦!」我揀了我們長大的地區，長沙灣的火滾，去打邊邊。在六、七度的寒天下，以火鍋慶祝生日，想起也覺得爽丫！約會前一天，另一老友身體抱恙，問除了打邊爐外，仲有無其他選擇。既然係咁，不如去美中. 鴨子，吃我喜歡的片皮鴨。不過，麻煩早收工既先去霸位，因為這裡暫時不設訂座，同埋都好旺場的。有商有糧，定好了是晚的菜色。不過，呢度真係好討厭，因沒有水供應，正確點來說是要收費，咁我焗住要柯打杯飲品。來了杯熱情果菠蘿梳打，賣相合乎預期，喝下去都幾清新。鴨，當然是必需品，來半隻，兩食的。片皮之外，第二食是鴨湯，有豆腐和蔥，可惜仍是偏淡口，喝過便算。至於片皮鴨，餅皮夠熱，只不過偏韌，好彩鴨片仍脆，肉質不韌，連同京蔥和鴨醬同吃，味道還好，我也吃了好幾片。看見餐牌中的香焗玫瑰鱈魚，是按位上的，便點了三位用，結果出來時卻是一碟過，雖然都是花了心思去擺盤，但賣相仍跟餐牌按位上的圖片有些距離。幸而，鱈魚是外脆內嫩滑，雖不太發現玫瑰香氣，但照自己心水，沾上沙律醬、茄汁或是芥末，味道是討好的。三個大男人，多吃一點肉也不是問題，再來一款椒鹽小羊腿。羊腿的肉質無疑是嫩口，仍保持

琴日好無聊同幾個朋友去海港城行街，經過美中鴨子，幾個朋友比佢嘀裝修吸引左，話要系果度食。😔😔😔😔😔本來我唔系咁想去，因為鴨子店啱開果陣，去過一次，感覺其實就不怎麼樣。果時覺得嘀員工唔夠熱情，冇嘀笑容。不過嘀食物就都ok嘅，比較有特色囉。咁琴日去食，比我嘅感覺好左好多囉，嘀服務水準高左唔少，同上次相比好左好多。嘀員工都好nice好熱情咁介紹菜式，搞到我地都不知不覺間叫多左菜總體離講呢餐都食得好開心好滿足，下次都會繼續去。希望下次會有新驚喜新發展仲有要講，個甜品炸雪糕都一定要試啊，因為唔系度度都食到。我個人比較偏好甜食，所以個炸雪糕🍦，我比10個贊。

餐廳餐具有心思，環境也有特色。可惜各式菜式味道一般。招牌菜北京填鴨，欠鴨味，醬汁太咸，蔥沒用上北京大蔥。胡椒包是沒味道的，有點粉。小籠包尚可，湯汁剛剛好沒破皮而出，但湯味又偏回重。回到那個東魯肉醬伴面又變得沒什麼味。總括而言，偏油偏咸但缺味道。店名可改為，美中。不足。鴨子。

呢間餐廳乜都做得靓，但服務就……要我俾分？我會精神分裂！會唔會再幫襯？一定唔會！安格斯牛肉： 味道OK。上枱時不熱！帶子路筍： 帶子夠大。上枱時不熱！鱈魚 ： 沒味道。上枱時不熱！

原本很期待的,進入餐廳氣氛和佈置都不錯,不過食物真的很一般,味道跟美心差不多。However,果汁很新鮮,西瓜汁的西瓜肉都在裏面,菠蘿汁也很新鮮。其他的食物真的太差強人意了

被其裝修及片皮鴨吸引去左美心集團新開既美中.鴨子食晚飯，叫左餐牌寫住”半隻”(唔系半份)既片皮鴨(兩食連湯)$150。黎到見到片皮鴨既分量勉強只算得上例牌，而個碗叫做鴨湯既湯，分量少到好似跟雲吞撈既個碗湯，得半碗，送黎時真係比個分量嚇一驚 ，再查問另一位侍應個分量系米有問題，剛好有其他侍應羅住幾碗湯經過，先知分量真係只得半碗多少少。呢個餐牌寫住所謂”半隻片皮鴨(兩食)”既分量應該叫"半份"囉，湯同鴨既味道普通到唔普通。加上座位又逼(差唔多台貼台既距離)，就算細細聲講野隔離都聽到既環境，真係試一次就算，仲話系美心集團，好失望。

路經海港城，見這裡不用排隊，於是便坐下吃過晚飯， 結果好像被搵笨一樣，怪不得沒有人排隊。分量少，價錢貴，又吾好食，必定無下次。點菜後等了約30分鐘，才上第一起味餸 ………………片皮鴨一點也不脆。炸蟹鉗得兩隻，是凍的。小籠包皮厚，内沒有汁，又是凍的。全晚最好就是那一熱茶 。

年初三拜年後行尖沙嘴海港城途經這間店舖見人頭湧湧一條長龍在排隊 心諗橫掂都要食就即場試吓佢 準時6點安排入坐裝飾簡約（有個玻璃廚房幾有睇頭，其實扮烤鴨隻隻從大廚房攞出來） 兩個人點了半隻招牌烤鴨二食 馬蘭頭栢葉味道唔錯  嗰個煎牛肉包小啲牙力都征服唔到佢，仲有餐牌寫漏個乾字囉 又乾又韌食到成口油！新疆羊肉湯麵味道尚可，但已經被個牛肉包倒了胃口呢！特別強調 這間是集團經營的重炮手，食到成口味精，竟然無清水提供，想飲嘢俾$$啦！全場侍應生連傳菜亞嬸都好有節奏感，個個急急趕趕，令你集中唔到精神舒服食餐飯。

連五星級酒店都免費附送嘅熱開水，美中、鴨子做到要收錢了。位於海港城，自不然不會要求美而廉。可惜，蘿蔔絲海蜇中蘿蔔絲與海蜇粗幼差別之大，有感厨師可能是想試下客人對刀功切絲要求、抑或是試下fusion口感？？？牛肉餡餅D皮既厚兼好有頭。好彩牛肉味道真係唔錯。還好，四川担担面真係幾好食。花生好香！胡椒芝麻肉餅也不錯，但面D碎肉調味稍嫌不均，胡椒味不是啖啖有、有D奇怪。終結，同是美心，北京樓會吃得較為舒暢😓

突然韓國癮起，原本打算去尖沙咀食韓國菜，結果路過海港城港威商場三樓的美中．鴨子，看見還未開門就已經有人龍排隊，出於捨遠求近的心態，我們也決定排隊湊熱鬧。18:00正的時候，店員開始安排入座，座位編排從內到外，其實該店佔地甚廣，大約有200個位置，18:30左右開始全店滿座，除非特別想坐內裡靠窗位置，否則也不用急於17：30就在門外排隊。室外有露天位置，亦放有火爐讓客人取暖，但按當晚觀察該處只淪為職員用來吸煙的空間。「美中」是美心中菜的意思，餐廳前身是越式餐廳Rice paper。店內裝修以全木為主，枱櫈和地板都是木製，感覺自然舒服；偶爾牆身鋪有寶藍色長方形瓷磚，配上復古吊扇和近期大熱的鎢絲燈，既懷舊又有異國風情；餐廳主題是鴨子，所以在咭片設計、餐具選擇方面也離不開以鴨子為題材。用餐的時候，碗碟處處鴨蹤，設計非常活潑可愛。雪花松葉蟹拑於餐牌的賣相跟實物有明顯落差，本來像芋絲卷般狂野的外形，現在變成再普通不過的蟹拑。可幸內𥚃蟹拑的size尚算巨型，蟹肉嫩滑又絲絲分明，$58/隻也不算過份，不過最少要叫兩隻。另一個亮點是醬汁，雖然顏色普通，毫不起眼，但味道既酸帶辣，令人胃口大開。雖然是炸物，

本人當日是下午去用餐的,該食店是沒有訂座服務,故需要等位。 入座後,食店是沒有提供茶水,當要求時,店員只說茶水每位計算,即使要白開水也要收費。(我寧願他們埋單收茶位好過,感覺很差)當天我們四人,叫了一鴨兩食,炒飯,及數個小菜食物上位的時間很慢,吹了兩次才到,而且店員的咀臉總讓人不好受,基於同行有兩位長者,他們說的是上海式廣東話,店員總顯得不耐煩。一鴨兩食,包括湯及片皮鴨,當中湯是以人頭計算,每人一細碗,並非用一隻鴨份量來上枱,很不合理。另外其他菜式均是碟子大,份量小。當中兩位長者(上海人),均表示食物不地道,而且低價料,扮上菜。店員除了買單同執野快,其他都慢。  

忽然想食中菜又諗唔到食咩好, 醒起前幾日見到好多人既M.C DUCK, 美中鴨子, 因為佢個名幾日式, 所以我就好好奇佢究竟係D咩… 上網先知佢原來係under 美心集團放工, 行快兩步去拎位, 因為佢係不設訂座, 小妹好好彩去到就有位 講真, 佢既裝飾都真係幾靚, 本menu 感覺好似畫冊, 好舒服~ 朋友未黎我就自己係咁睇下menu. D野食都其實幾貴下 , 每個頭盤都70+… 都幾難簡得落手… 佢既招牌菜烤北京田鴨 半隻150 一隻288, 兩味… 不過冇得你簡第2味點整…好啦~ 點菜:1) 半隻烤北京田鴨 $150,鴨其實要等好耐,食哂小包同麵先上, 配料超級少, 夾兩下冇哂, 個鴨皮唔脆一好油, 我難聽d 就係”林林”地既… 不過 佢d 肉都幾厚身, 好大件.最唔開心係 “兩味” 佢唔似大都xx 咁比你簡你想點整, 佢只比湯你. 而d湯係同出面餐晚”餐湯” 味道一樣, 仲要少少鴨你都見唔番... 感覺太差, 好似比人 “握”左咁.. . 我都係比較鍾意自己有選擇 見到我d鴨骨!2) 一籠小龍包好細粒, 比隔幾步既翡翠細粒好多, 食落好, 好淡冇咩味…3) 一碗擔擔麵 $30佢

近期每當靠近晩飯時間，海港城商場的一角總會出現一條見首不見尾的人龍。倘若留神細看，原來人龍源自新店「美中 鴨子」。美中鴨子是美心集團的新攪作，店舖去年底取代了集團旗下另一位成員 - 東南亞菜餐廳 Rice Paper 之後，已火速成為區內的飲食新熱點。從名字已可以聯想到美中鴨子是間烤鴨店，但除了烤鴨外，餐廳還有主打的摩登京川淮揚菜。   桂花糕凍伴鴨件, 3/5餐牌當然不乏以北京填鴨為題的菜式，當中幾款還特別溶入了融和菜的造法，個人特別喜愛這款桂花糕凍伴鴨件 ($80/四件) 的構思。原來北京填鴨不一定要配搭薄餅和青瓜，桂花糕啫喱和薯片一樣得！填鴨件皮脆肉滑，味道的確不錯，但配上桂花糕啫喱實在格格不入，無論質感和口味都有點兒古怪。細心一想，填鴨跟青瓜味 (或蜜瓜味) 的啫喱和海鮮醬泡沫可能會更匹配，而且還有份子料理的噱頭！   雪花松葉炸蟹拑, 3.5/5接著是飲宴必備的炸蟹拑 ($58/件)。廚師特別花了些少心思為菜式設計造型，放在匙羹之上亮麗登場。但說到醬汁，還是傳統的酸醋汁最合襯。啖啖熱騰騰的蝦膠包著蟹拑肉，實在令人回味，加上醋汁亦是絕配。   無錫灌湯小籠包, 4/5六隻

我和太太於星期日(11-1-14)在尖沙咀海洋中心逛街，途經貴店「美中、鴨子」，知道是剛新店開張不久，於是決定入內品嘗，我們給編坐了第三十四號檯，坐下來我們點了一客小籠包、兩件牛肉餡餅及一碟九王肉絲炒拉麵。最早送來的是牛肉餡餅，我倆咬下餡餅同時咀嚼的時候，眼睛自然望地向餡餅，我們竟然同時發現餡餅內的肉仍是「生」的，於是我叫一位侍應問個究竟，他即時道歉及替我們取消這份餡餅的記錄，但他完全沒有解釋為何生肉仍端出給客人，廚房水準令人極度失望及詫異，即時胃口亦打了節扣。其餘的小籠包及九王肉絲炒拉麵相繼送到，小籠包能達水準但炒拉麵卻給我印象是「油淋淋」，味道紙能說是一般。 在完成以上兩份食物後，我倆希望再嘗試其他食物，看水準會否能滿意一點，於是點了一份胡椒包。在等候了約十分鐘後，侍應端來的竟是剛才取消的牛肉餡餅，我問侍應說我們點的是胡椒包，為何再送來牛肉餡餅，這侍應亦解釋不到原因，祇說立刻替我更換。經過一次又一次的極不專業的表現，同時我亦不希望再浪費十分鐘在等侯更換，於是我們決定就此結賬離開。短短三數十分鐘，我倆經歷了吃生的牛肉餡餅及等候了十分鐘卻換來不是自己想要的食物的兩件事上，我衹覺得此店枉