果然冰室 (香港仔大道) (Closed)

今日同同事一齊去食晏，呢間💛店長期要排隊。今日終於有機會嚟食啦🥰‘咖喱吉列魚柳飯’魚柳好大件🐟，可以遮住晒啲飯。魚柳炸到卜卜脆，新鮮滾熱辣。咖喱味道啱啱好，有咖喱味但又唔辣，而且入邊有好多料👍🏻有蘿蔔薯仔。同事叫咗咖喱豬扒飯，吉列豬扒厚肉又大件。 好味道。杯奶茶都好正，茶香奶味比例啱啱好。Overall 黎講呢餐好滿意，無加一，CP 值好高。 highly recommend 👍🏻建議女士們可以叫小飯💓

一起果醬嘅南區新店開咗一排，仲要係富臨嗰間假龍門鋪位，終於有機會懲罰下啦🥰究竟呢一間集合左冰室同一起果醬嘅店表現如何呢？·首先，高度推介佢哋嘅抗疫套餐！最平50幾蚊就有找！今次叫咗一個賞心悅目嘅日式鰻魚滑蛋蓋飯，上碟嗰陣真係震撼左我嘅視覺同味覺啊！🤩😱滑蛋炒得非常之靚，一啲都唔老身，師傅功力有返咁上下🍳！鰻魚份量都唔少，撈埋啲滑蛋同飯、日式醬汁一齊食，好似去咗日本餐廳咁呀喂🥰仲要個飯勁大碟，好似有成兩碗咁多，雖然米質普通，但我哋兩個都輕鬆K.O.😌🤰🏻·玫瑰蘋果單骨雞翼性價比都幾高！可惜，同我哋想像中有啲落差：主要嘅原因係隻雞翼炸完之後應該撈左個果醬一段時間，令到個雞翼皮冇咁脆～調整左心態之後就覺得個果醬好鮮甜，蘋果味好出，都幾好食㗎🍎😋·至於果醬雪糕窩夫餅，其實就唔知個果醬去咗邊度，食完成個都唔係好feel到。不過個雪糕嘅朱古力味係非常之香濃嘅，好似食咗個Godiva，完全冇吹大左🤔（求🍫🍦牌子）·整體來講，作為南區絕無僅有嘅黃店之一，我覺得質素相當唔錯，而且絕對有驚喜！除咗啱少女心嘅菜式，好似全日早餐呢啲選擇之外🤤，仲多咗少少適合一家大細嚟嘅選擇，而主食又的確出奇地唔錯。整體來講合

其實南區真係好少黃店特別係香港仔 周圍都係藍嘅連鎖餐廳而呢個舊址就係富臨開嘅嘅龍門冰室喺前排佢終於執笠！！😈依家就變咗一間黃店！💛所以話 #黃色經濟圈 係有用㗎😆 ———————————————#黃金蟹肉軟殼蟹意粉($78） 💘推介味道： 7.8/10呢個意粉嘅醬汁非常多而蟹肉嘅份量都唔少所以淡淡都食到又creamy又有口感嘅意粉(⁎⁍̴̛ᴗ⁍̴̛⁎)軟殼蟹相對上唔太跪 但亦都唔會太鹹-#日式鰻魚滑蛋蓋飯($68） 味道： 7.5/10呢個係店入面嘅抗疫餐之一會附送埋餐湯同熱飲一杯但我冇飲湯所以唔知咩味🤣講返鰻魚飯先鰻魚嘅味道甜甜地滑蛋嘅份量非常多！！鰻魚加上滑蛋同飯一齊食真心不錯-#紅燒牛肉麵 ($65）味道： 6.5/10呢碗牛肉麵相對其他兩個會比較遜色佢嘅麵煮得比較軟係湯底方面 味精嘅味道比較重不過牛肉嘅份量都幾多而且幾入味～—————————————味道: 7/10環境: 8.5/10 服務: 8/10會想再食: 8/10———————————————店家資訊•店名: 果然冰室•地址: 香港仔香港仔大道198-200號地舖———————————————#foodhealinghk南區

第二次黎食lunch set🤣🤣真係改善左好多 2個餐都有返水準了👻👻今次叫咗鰻魚炒飯同埋和風牛肉飯 因為上次餐湯唔係幾好印象 所以今次叫左野飲🤭🤭和風牛肉飯正啊 好耐冇食牛肉飯 （吉野家罷左好耐） 份量好足夠 我食咗半碗已經飽 啲牛肉其實係多到瀉 個溫泉蛋撈埋落啲飯同啲汁度 味道啱啱好😋😋另一個係鰻魚炒飯？ 佢Menu上面寫炒飯蛋上到嚟唔係炒飯 不過唔緊要因為好肚餓 你可以見到個鰻魚係十分之大件 個滑蛋都幾滑🥴 一個字抵食！

最近支持黃店行動在社會上又鬧得熱烘烘。作為消費者，大家自由選擇自己喜歡的食肆商店，其實又有什麼問題呢？一如其他黃店，果然冰室門外排隊者眾。餐廳內𥚃裝潢樸實，最大特色當然是牆上的各式標語海報。正值疫情期間，餐廳亦備有防疫消毒用品供食客使用，好等大家吃得安心。下午茶時段餐廳同時有飯麵主食及下午茶餐供應。茶餐定價由 $38 起。紅燒三寶牛肉麵內含牛腱子、牛肋肉及澳洲牛丸三款牛肉食材，另附有紅白蘿蔔及小棠菜等配料。淺嚐了牛腱子及澳洲牛丸，前者筋腱肉質層次分明，軟腍食感中規中矩；後者口感彈實味香，唔錯噃！白蘿蔔吸汁入味，無渣，但未到入口融化的質素。吉列豬扒白汁意粉汁醬麵食分開上，安排理想。主角豬扒炸得不算油膩，黃金外層薄薄的，脆香感合理。倘若豬扒能擁有更豐富的肉汁味道將會更為理想。餐廳的英文名字為 Let’s Jam，明顯與果醬有關。一場來到，當然要試試果醬相關菜式。這道英式奶油鬆餅餐手工果醬，擺盤賣相稍為「簡約」了一點。英式鬆餅講求外酥內軟，成品質感則略為硬實，切開鬆散，只屬普通水準之作。奶油忌廉挺香，士多啤梨果醬亦見美味，醬材成為這道餅點的增分點。點選凍奶茶時沒有特別要求，出品稍甜，OK 喇

我係晏晝1點幾去食 可能係因為黃金周嘅關係 店外有成八九個人喺度排隊幾受歡迎 入到去之後叫咗兩個餐 坐喺度傾左陣計5 6分鐘左右啲餐就已經到齊 第一個餐係All day breakfast 78蚊嚟講好足料 腸仔好夠味 煙肉調味啱啱好 唔乾亦都唔咸 唯一美中不足就係炒滑蛋煮耐咗 稍微過熟 香但唔滑第二個餐係黃金蟹肉軟殼蟹意粉 ($68) 對我嚟講份量啱啱好 大食嘅朋友要諗諗 個蟹肉炸得好食 忌廉蛋黃醬好濃郁但就稍微油咗啲 食到最尾有啲膩嘢飲方面叫咗朱古力 味道比較甜 要啲冰融哂先正常翻啲值得一讚嘅係店員服務態度好好!!好有禮貌 店內環境都好舒服 牆上面都癡滿晒文宣😆不過啲嘢食就有待改善！ 下次會再嚟試吓佢個下午茶餐🤩

**南區**其實南區不藍 但黃店真係幾隻手指數哂😭 所以由上年let’s Jam 宣布會進軍香港仔 就已經期待左好耐好耐 終於又多一間食肆可以去！ ！ 由於武漢肺炎既關係 我都好少出街食飯 然後又唔想新開張去排勁耐隊 所以到左4月中先抽到時間去食左個lunch 食左2個lunch set 跟左餐湯 然後額外加左2杯特飲餐湯無影到相 但係認真個餐湯唔係幾掂 可能係最後個幾碗？ 個羅宋湯有幾個蘿蔔同薯仔 都係燶既 結左焦嗰隻😂 而且feel到個湯好「結」 同好濃郁😅 不過都廢事叫佢換了 😂青草醬大蝦意粉 $58 蚊？ 正正常都唔錯 蝦都幾彈牙 溫泉蛋cabonara 意粉? 太肥了😂 超多汁 好creamy 😂😂 芒果醬梳打一般般 無話特別特出 $38一杯黎講 性價比唔算高 又唔instagramable 又唔係特別好飲🤭🤭養生嘅我嗌左一個熱特飲 木瓜雪耳（熱）個杯唔靚 無雪耳🤭 同埋唔知點解d木瓜係鹹嘅🤣🤣 可以整左木瓜醬？ 整體黎講 食lunch 2個人食左$16x? 都可以接受 最好就再好食d同再靚d啦🤣 不過再食飯我都會揀佢 會比多好多次機會佢 而且佢每日都會轉men

今朝放假約左個朋友落香港仔食早餐，我地就選左間黃店來幫襯下佢地。大量文宣支持香港人抗爭運動煙鴨胸野菌忌廉湯通粉$36鴨胸份量都比得幾足，味道就正常不過不失啦～反而個較為少機會食到忌廉湯底幾有驚喜，配埋索湯ge通粉食到我飲哂d湯😂😂😂黃店下次再來幫襯過先～

原本都帶有期望，以前去過尖咀店食過。今次因為家住香港仔，開左舖1,2日都想去試，但奈何太多人排隊沒食。隔左幾星期再去，結果唔洗等，可即刻入，食完個 $68 魚柳後極度失望，品質和價錢相違背。魚柳一Pat 野，講得難聽 d , 連鎖快餐都好過多多聲。我希望老闆做好 d QC , 唔好成日令黃店出黎宣傳。普通野食都攪唔好，跟一般茶餐廳沒分別。

開張無耐，加上香港仔無乜黃店選擇就簡左星期三黎試下let’s Jam @aberdeen價錢：$100-150@1香港仔黎講依個價唔算平，但如果係cafe黎講都算ok 既，可以再平少少🤏服務：武肺時期有先為入場既客人量體溫🤒️同有消費洗手液俾客人用，都算體貼，大部分員工都有禮貌👍🏻👍🏻食物：意大利粉煮得唔會太淋身，個黃金蟹肉醬都好好味，咸香好好味😋另外，我哋兩個人仲叫左個all the breakfast $78份量偏小，同埋好似唔太夠熱，不過個果醬係好食既，如果個多士可以再脆身少少就perfect 👍🏻個晚餐除左有杯飲品，仲有甜品🍮作為女仔食完晚餐有乜好過有甜品食個抹茶紅豆蕨餅以普通餐廳🍴都算合格有驚喜既👍🏻👍🏻👍🏻👍🏻👍🏻都算有下次

見到新開黃店，內裏貼滿poster好似好黃，香港仔終於有黃店，正，約朋友去試，但實在失望透頂，試業期間你最好改進下是日下午茶，餐牌上menu選擇不多，同午餐分別不太，諗住係試業，正常既，揀左個日式咖喱飯配香草雞扒，因為熱氣，其餘選擇都係吉列，醒熱飲，價錢為68蚊，都吾平，貴應該有理由既等到餐到，一碟飯上，咖喱汁，一扒半手掌大既扒，一大舊飯，4粒紅蘿蔔粒同2粒薯仔，正咖喱汁係粉開既日式咖喱汁，紅蘿蔔同薯仔粒係無經額外處理，有著最原始既味道同硬度，香草雞扒可能太好火而呈現左炸既口感，但應該係有細心抹走左香草改進外觀但不小心影響左香草味既存在感，令雞扒接近原味，煮飯嗰個應該都吾係食軟飯既，所以比較硬 生，但個飯承為68近70價位，你玩我？下午茶同午餐一樣，又何來下午餐？ 黃店係支持，但可以做番好啲嗎？合理啲嗎？ 貴吾係問題，但你拎出令人折服既食品呀，吾係掛poster就得嫁了!

香港仔開黃店點都要幫襯下啦🥰由於而家疫情嚴重同佢既影響下，七點幾都唔洗排隊，不過張張枱都有人既😚餐廳好細心，入餐廳之前佢會幫你探熱，確保無發燒先可以入去，又有酒精搓手液提供👍🏼有需要仲可以有紙袋俾你入住個口罩，唔洗周圍放，好貼心😊😊由於佢而家係試業既關係，得十款左右揀下，不過啲款式都好吸引😍我款都有餐湯同沙律，西蘭花湯，好滑好濃既味道，沙律好新鮮一碟入面都有三款蔬菜軟殼蟹意粉，個汁好cream入面再加左蛋黃係度，一啲都唔膩，好好味👍🏼卡邦尼意粉，好多配料，加左隻生蛋令意粉既味道層次增加🤤🤤最後個甜品係綠茶蕨餅，好香既綠茶再加軟綿綿既感覺好好食，仲有啲紅豆襯托🤗🤗

無諗過let’s Jam 會開係香港仔喎，睇到menu先發現原來中文叫果然冰室。今日係來食晚餐，套餐價錢由$118-198，於呢一區嚟講價錢算貴的餐廳。有意粉同扒焗飯等等選擇，可能而家係試業中，選擇唔係好多。我叫左温泉蛋卡邦尼意粉，蛋味香濃，忌廉香滑。老公叫左軟蟹蟹肉意粉，鐘意蟹嘅佢表示唔錯，意大利粉汁撈入不少蟹肉，口感不錯。前菜有沙律同椰菜忌廉湯。甜品有日式抺茶蕨餅，配有香甜嘅紅豆同忌廉。如過試業期間去幫趁，留意返只收現金。