果然冰室 (香港仔大道) (Closed)

又一次被社交平台 group介紹fake咗，因為「Let’s jam」比我意識到，食物係用菓jam做主角，但從餐牌上看，全部都是茶記食物，多士種類完全無選擇，只得「全日早餐」上那多士的”一督”jam。至於味道～普通。又要focus 番塊多士～凍嘅😨

十年先去一次香港仔好似冇咩值得消費，諗起Let’s Jam開左間係到見到Openrice食評也不錯就去試一試午市啦！叫左雪菜肉絲米，幾有誠意好夠意，滑蛋多士不錯不失正常茶餐廳質素。咖哩吉列豬扒黎到嚇親我，仲大過我條女塊面 #真野唔好講 #唔是花式自殺，咖哩正正常常50蚊唔會Expect專業香料既味道，薯仔沒有咖哩味道應該烚好先撈埋一齊下次如果再去都可以再幫襯！📍果然冰室 (香港仔)香港仔香港仔大道198-200號地舖

💛 #黃色經濟圈 一起果醬係香港仔開咗果然冰室之後都食過兩次~😚第一次啱啱開嘅時候食試過個意粉但質素好平庸🥱之前收早經過見到下午茶都幾抵食就決定再試多次~😋🍴全日英式早餐($78配飲品或餐湯)餐廳主打果醬所以一直都好想試~😋所以今次就叫左個All Day Breakfast試下❤️下午茶時候仲減$10~即係$68就食到啦🥰份量仲足以當埋晚餐我個晚淨係食左個橙咋~🤣All Day Breakfast有8款野食分別係炒蛋、煙肉、牛仔早餐腸、紐倫堡腸、焗車厘茄、炒蘑菇、茄汁焗豆同厚多士配果醬😋最欣賞厚多士同腸仔~厚多士好香脆鬆軟當日嘅果醬似係桃味/蘋果？🤔好香之餘仲會有啲果肉好正好濃郁❤️餐湯方面揀左羅宋湯~幾濃但係唔係好夠香😚📍 果然冰室 (香港仔)香港仔香港仔大道198-200號地舖

路過肚餓，就入咗間餐廳去試上網見到都多野食，本身想叫個窩夫，點知餐牌應該轉咗，而家都有1、2頁紙. 環境上裝飾簡單，不過我張凳有啲水，污糟咗. 食物方面，我地叫咗4個餐，分別係炸魚餐、沙嗲牛面、雪菜米、卡邦尼. 本身諗住茶記，食飽就算、要求唔高，但係呢間餐廳真係有驚喜性價比好高，所以特登俾個好評佢. 首先，好想推介係炸魚餐，薯角上檯係熱到辣親個嘴，而且塊魚好大舊. $38仲包埋熱飲，係抵食. 另外，屋企人話1/2號餐個炒蛋好認真，炒得好香，不過無影到相. 最後提1提，如果大家係2.30pm後叫餐，每個減$10，但係我地唔知道就貴咗幾十蚊. 多謝收睇

香港仔黎黎去去都係個幾間茶餐廳食早餐，因為唔鐘意個幾間大型連鎖既茶餐廳，所以一路都冇食，直至開左Let’s Jam，冇疫情既時候，好多人排隊堂食，依家就好多人叫外賣。之前鐘意食既街市茶記又執左，所以依家如果會食早餐都會揀Let’s Jam，叫左個通粉，連埋牛油方包，炒蛋，熱奶茶，$36。佢通粉個湯底比較特別，忌廉湯，估計佢落左D奶。個蛋唔算好滑，但都OK，本身諗住轉煎蛋，但唔記得左。奶茶，奶同茶比例適中。

佢哋一開店冇耐，我哋就已經去過堂食，幾好食的。現在因為疫情關係，經常嗌外賣，發現佢哋都可以外送，所以就叫咗。不單止和堂食一樣好味，而且份量10分充足，吃完之後可以開始工作，到下午茶的時間也不會肚餓。100個推介呀！🥰🥰🥰 （買咗滷肉飯和卡邦尼意粉，唔記得咗影相好快就食晒😂不過如果外賣也可以吃到你們的果醬和鬆餅的話就更加好了，我們好掛住鬆餅我哋下次一定會再嗌過㗎🥰🥰🥰🥰🥰🥰🥰🥰🥰🥰

今日放假，難得食個下午茶再買嘢回家。選擇當然是良心小店啦下午茶餐及常餐選擇，更有飯、麵、粉、小食等等，豐富又多款環境服務也很好，有型又乾淨的設計，好光猛好乾淨的環境；服務員好有禮貌好細心，送餐收碟都好快手，有效率的服務飲品點了熱朱古力，好香濃的又熱熱的溫度，甜在心中下午茶餐：台式魯肉飯好大碗喔！有半隻鹵蛋、入味配飯一流的味菜粒、爽口小唐菜、半肥瘦香口滷肉，肉汁好香好正，白飯軟硬剛好又足份量，好味道

最愛日式咖哩吉列豬排。以前遊日本，媽媽不吃生，找遍街頭，為她找到家小店賣咖哩吉列豬排。原是陪她吃，豈料吃出個感情來，事實是現在我很多的下午茶，都是這味兒。疫情下客人不多，疏疏落落的，都是一個人，這段日子，香港人都像斷六親了。等了 6 分鐘，豬排送上。《以食論食》《豬排》--件頭：頗大件-咖哩汁：足夠、風味濃郁、有少量薯仔及紅蘿蔔-熱度：超熱辣辣-味道：硬實、很瘦、沒有帶骨因而缺少油脂，味道麻麻-口感：乾身，沒有滿口油膩《飯》--份量很多，男士亦應該夠飽-質地軟硬適中，很不錯《凍檸檬茶》--跟餐+＄3-有四、五片檸檬-喝到最後都夠凍《服務》-禮貌：職員制服整齊，極有禮貌，有“唔該“、“多謝“-效率：凍檸茶2分鐘送到，豬排6分鐘-專業：對餐牌很熟悉，能回應客人查詢-沒有+10%《環境》-裝潢：格局和用色不俗，很多物件沿用舊舖，如地磚、卡位。-景觀：街景-窗戶：對街一列固定窗戶-室溫：較熱-照明：較暗，換個說法就是有情調《衛生》-枱面：乾淨-地面：沒有濕滑、油污、垃圾-餐具：-防疫探熱：沒有《性價比》-一般。＄58一客午餐，香港仔區有不少選擇。《回頭率》-應該不會了。

今日獨自去食個下午茶，這間冰室之前同媽媽黎過！今日就獨自享受下環境還是一樣好，乾淨舒服，喜歡良心香港人小店，所以一定要支持支持！服務這裡也好好，好有效率又有禮貌，會問左客人先收嘢，送餐快手下午茶有優惠，每個抗疫餐減$10，連飲品有飯有意粉有豬手選擇，款式都多，更有下午茶餐有常餐及豬扒雞翼等等我點了台式魯肉飯及熱朱古力台式魯肉飯好大碗好香又熱熱的飯，飯多又軟硬剛好，配有開胃酸菜粒、魯肉半肥瘦又香口、半隻鹵蛋，好豐富又美味熱朱古力朱古力好濃又甜美香港人要多多支持💪🏻💪🏻💪🏻

疫情期間冇乜人食，所以啲位比較鬆動，坐得好舒服。Menu 每日都唔同。星期二有得揀蟹肉軟殼蟹意粉，個意粉好靚仔，蟹肉味好香同好出，軟殼蟹都冇減料，香口同埋啖啖肉，而且意粉都好夠。凍飲加$3，特飲加$12，我同朋友都揀咗特飲，分別係冰糖木瓜雪耳同埋香橙果醬紅茶，木瓜雪耳OK，但果醬紅茶有啲太甜。埋單只係$70一個人，性價比高，出邊應該搵唔到～環境相：餐廳係黃店，支持～有好多文宣，同埋環境都幾好。餐廳仲有自製果醬賣，鍾意可以買。

今日同媽媽去香港人食早餐，這間冰室開了一排都無機會去，難得星期六放假就去品嚐品嚐。環境地方一流，舒適又享受，喜歡這裡有型的設計食物方面都幾多選擇，豐富又美味！我們剛剛到達剛好可以點早餐，點埋我哋就要轉午餐了我們點了2個早餐：1. 沙嗲牛肉通粉沙嗲牛肉片好軟好易咬，牛味都幾好，口感幾正；通粉軟硬剛好，唔會太腍身；湯底夠熱，唔會太咸；配有香草炒蛋及白麵包，好足夠份量2. 忌廉仿鮑片火腿通粉忌廉湯底唔會太濃，香滑幾好味；仿鮑片好彈牙又多火腿絲，通粉口感剛好；還是配有炒蛋及白麵包3. 飲品熱檸水及熱奶茶，剛好的又好飲

香港仔開左Let’s Jam嘅子分店 果然冰室！我地叫左2個飯 ！一個係溫泉蛋牛肉丼飯🐮另一個係咖喱雞扒飯🐔丼飯啲飯有啲太林 但係牛肉量十足 味道都唔錯！咖喱飯就正常 雞扒都好脆口 不過味道普通 另外仲叫咗一個魚柳拼薯角魚柳超長成隻手臂咁長 食落都ok 急凍魚扭咁😂薯角亦都好熱辣辣但佢個熱情果他他一開始唔記得左比我地😂食落都係好一般食唔出有熱情果味 好似普通沙律醬味咁 🤔🤔🤔但整體價錢偏貴 所以唔會經常去食😂

幾個月前因為入香港仔搭船入蒲台島無意中試咗呢間果然冰室，當時食咗個All Day Breakfast。一試之下發現CP值極高，本來想推介但係由於時間倉猝沒有寫食評。今日又入去香港仔心血來潮好想食，雖然好想encore All Day Breakfast ,人總是貪心的，所以食咗三寶牛肉麵。用了揼本，個麵好滑份量好多，多到食唔晒。　湯底不錯，願唔口乾。　牛肋條炆得非常之林或滑 ，牛丸由澳洲入口。By the way 素食主義者可以選擇Veggie All Day Breakfast我會再來吃😋😋

一起果醬let’s jam出品應該唔陌生香港仔新開嘅果然冰室雖則係一間茶餐廳但係出品一啲都唔差Tea time 限定嘅scone 英式鬆餅、司康whatever it calls...其實我想食好耐Scone本身好鬆軟牛油味濃香、外脆內軟再配上果然冰室特製嘅果醬我今次揀咗蛋黃菠蘿醬睇落比較特別果醬入面有見得到的果肉一粒粒好有口感不得不讚既係果醬上枱嘅時候係凍Scone岩岩烘熱熱脆scone配上凍粒粒果醬口感觸感都衝擊味蕾最開心係食scone做afternoon tea 可以隨心所欲不顧儀態沒有酒店high tea既包袱沒有顧慮餐桌禮儀的需要完完全全的做回自己真心想高唱謝安琪首「我愛茶餐廳」🎼我愛你個性樸素平民化會教顧客暢快滿意如歸家🎼後記：值得一提嘅係疫情期間餐廳除咗提供酒精搓手液外仲有獨立包裝濕紙巾同口罩紙袋衛生意識100分💯

尋日同我屋企人去咗呢間開咗冇幾耐嘅冰室食午餐(知道佢係黃店)💛話到明係黃店，店裏面嘅設計當然唔少得唔同嘅畫報，為冰室增添唔少色彩！因為疫情嘅關係，枱與枱之間都會有屏障，令食客覺得安全啲👍🏼👍🏼呢一個冰室每一日都會有唔同嘅午市套餐，都有四五款餐選擇，而且食物都幾多樣化。我就叫咗黃金蟹肉軟殼蟹意粉🍝 加凍檸茶~個軟殼蟹意粉好重蛋黃同忌廉味，軟殼蟹亦都煮得唔會好油膩，蟹嘅份量亦都唔少~成個餐加埋嘢飲都只係$61，整體十分唔錯😋👍🏼下次會再嚟呢間高質黃店!!!💛💛