Le Viet

Open Now

Now Closed

Le Viet 。大蝦菠蘿飯 $88午市套餐嘅其中一款，配有飲品同餐湯。上面有大蝦同肉鬆，炒飯底有唔同嘅配料，菠蘿粟米嚟增加口感同味道。份量多，幾抵食。青木瓜大蝦雞絲沙律 $78 有木瓜絲、雞絲、青瓜、紅蘿蔔絲同大蝦。醬汁酸酸地好開胃，會另外裝起，可以按自己嘅喜好佢調味。。香茅豬頸肉米紙卷 $48 係用米紙包住豬頸肉、生菜同粉，因為本身冇咩味道，所以要點多少少醬汁一齊食。。香芒糯米飯 $59賣相方面唔錯，芒果嘅份量都幾多，而且幾甜。白糯米就有少少硬，紫糯米就好啲。椰漿分量多，所以好重椰香味。凍咖啡椰汁紅豆冰。📍 Le Viet (尖沙咀)尖沙咀彌敦道100號The ONE 4樓L402舖

餐廳坐位都好多，但員工明顯地唔夠，一個區域都無一個員工幫客人落單加水，見到黎黎去去都係果2個員工執枱出餐落單，辛苦哂.我地3個人都唔係好肚餓，去搵間野輕食，叫左3樣野.推廣緊既越南海鮮酸辣鍋，個人認為唔抵食🤣啲海鮮只有有1隻蜆，3隻墨魚仔，2隻蝦開4邊，湯底有菠蘿蕃茄芽菜，飲落酸酸甜甜帶炒炒辣味半隻無骨海南雞，肉質好滑，唔會煮到啲肉偕烚烚，點佢配既辣醬幾好食雞牛豬沙嗲串燒，唔會燒到乾哂，keep到啲肉汁，配埋個沙嗲醬一流👍🏻

東南亞菜係我最鍾意既菜系，而越南菜係我數一數二鍾意。最近去左公司附近既連鎖越南餐廳【Le Viet.】食lunch。Lunch time有lunch menu同regular menu叫。我地就叫左兩個lunch set、兩個小食同甜品。Lunch Set（包飲品一杯）：越式生牛肉粉：分量超大一碗，湯底濃同鮮，但又唔會好重味精。生牛肉分量都好多，唔會因爲lunch而變少。而且新鮮熱辣！香茅豬頸肉撈檬：豬頸肉分量好多，調味岩岩好，魚露酸味濃、非常開胃！+$8轉特飲 青檸梳打&鹹檸梳打：泰國梳打水加青檸/鹹檸非常清新解渴蔗蝦：味道中規中矩，同埋分量比較少。個人唔係太推薦牛油鷄翼：5隻炸鷄翼再加牛油蒜蓉醬。鷄翼新鮮炸起、裏面肉好juicy！外面牛油蒜蓉醬味道好夠，但又唔會太油。非常推薦！焦糖燉蛋：好重雲尼拿味、好creamy重蛋味。上面焦糖好脆！

朋友話呢間餐廳坐得舒服而且位置好方便，禁不如就試下餐廳位置好方便，the one一上就搵到價位唔貴，可以話呢個質素抵食去個陣唔洗等位，安排左圓台無骨半隻海南雞，份量俾我想去中多仲有醬汁配搭，最鍾意就係呢隻雞唔係好肥，同埋雞肉夠滑，切件嘅嗰個全部都有肉試過有啲其他餐廳好多骨頭就唔好啦！春卷扎肉撈檬粉，春卷嘅配搭都唔錯真係熱辣辣炸過！配上汁，酸甜既滋味非常開胃香茅豬頸肉燒得正好，非常入味又夠份量，微微脆皮，如果飲酒🍻都好夾最後食埋沙爹串燒，有齊雞、牛、豬，配搭特質沙爹醬，更加有風味！

泰越菜從來都是好難分開😹平時食開九龍城嗰間金字頭，今日試下佢太子爺開左越式le viet...一坐低就已經比個裝修吸引左，有設計得黎又唔太浮誇。價錢亦好合理，嚮大商場入面都咁平民價其實好難得。今日試左牛肉沙律，好清新，好開胃。同其他越式沙律唔一樣，呢款不會太濃味雞翼亦是必食之選，其實食食下覺得好飽，有諗過打包，但最後都係忍唔住要清埋，真係食唔停最後再點多個越式火車頭鍋，牛肉好多，絕不hea 場，而且質素好好，好似食緊牛小排咁😋牛味同口感都5星⭐️⭐️⭐️⭐️⭐️，湯底有蕃茄，香茅，洋蔥，子薑等，酸酸甜甜，越煲越香濃

「特別火車頭」啱曬貪心嘅我，事關佢有齊曬牛柏葉、牛丸、牛肉同牛腩，可以一次過食勻曬！牛肉睇落好薄但食落好有咬口，感覺實在。配菜重有清甜冇渣嘅白蘿蔔同洋蔥🧅。河粉好滑。加左少少莞茜令湯底更香。呢碗河粉份量好多，要兩個人share先食得曬！去骨海南雞飯預早去晒骨，食嘅時候啖啖肉，正😋！雞肉嫩滑，點埋酸辣汁，味道一流。我同朋友去嘅時候係下晝5點。估唔到重有得食lunch set！佢個lunch set去到5點半！正呀！😍跟餐重有野飲。同朋友各自嗌左杯熱檸茶。用原個菠蘿盛載嘅大蝦菠蘿飯好多蝦🦐，蝦夠新鮮肉唔會霉。加上肉鬆、菠蘿粒等食材，口感豐富。飯同食材嘅份量多到就黎滿瀉，個菠蘿都唔夠裝！不同食材的各種色彩拼在一起，七彩繽紛，賣相好靚～😍👍🏻海鮮炒檬粉撈檬就食得多，炒檬粉好少食到。上枱時剛剛炒起，未食已經聞到好香，夠曬鑊氣！鍾意食海鮮嘅朋友我推薦你嗌「海鮮炒檬粉」，因為有多款海鮮：蜆肉、墨魚🦑、蝦🦐等。墨魚大大粒！用了韭菜、芽菜同埋蛋一齊炒，食嘅時候更添口感。

/ /尖沙咀CP值高越南菜🇻🇳真係好耐都冇食越南嘢啦今日同朋友嚟開The One，見到呢間門面又幾靚，環境好大，咁啱個時間都唔洗等位，就入去食咗個晚餐😛✨越式拼盤呢個拼盤真係可以滿足哂我呢啲為食嘅人咩都想試，咩都想食！呢個拼盤有蝦餅、春卷、豬頸肉、札肉卷🫔仲要即叫即整，熱辣辣，食落好香脆✨LE VIET招牌飯見到好多人都食呢個，等我都試下先招牌飯有一串雞中翼、札肉等中間仲有一隻荷包蛋，撈飯真係一流！好有越南嘅味道呀🤩✨串燒沙嗲3串有豬、牛、雞各一串食落都好嫩口，燒得啱啱好唔會太乾身！最中意個沙嗲汁食落特別惹味😍😍

跟朋友係商場行到又累又餓😆係商場搵左間餐廳試試原來呢間餐廳食越南菜每樣份量都好多，而且價錢唔算太貴最欣賞🦀黃咖哩軟殼蟹鍋配法包🍞咖哩好香又濃郁！一試完全愛上💓椰汁飯的椰汁多到滿瀉！😍好有驚喜又滿足的一餐🍽 滿載椰青海鮮飯份量好誇張，上枱時都嚇一嚇！🥥 整個大椰青都充滿椰汁海鮮飯🦐 椰汁多到流落碟邊！好香椰香味，真係好正呀！加上豐富嘅配料：墨魚仔、大蝦、提子乾、青豆、紅蘿蔔粒、粟米粒，所以口感非常豐富，係視覺、味覺、嗅覺都💯的菜式🍴黃咖哩軟殼蟹鍋配法包上菜時會配一個爐仔，可以滾住慢慢食，令咖哩一直都保持同一溫度！黃咖喱好香小小甜微辣，岩晒唔食得太辣嘅我，🦀軟殼蟹非常酥脆，食落除咗有咖喱香味之外，仲有蟹嘅肉汁咇出黎，好juicy！！配料方面有青椒、洋蔥、薯仔，而薯仔仲要係已經炸過，好有口感🙌🏻仲有好有驚喜的法包，本來擔心會好硬好乾，但食落口真係好有驚喜！做到外脆內軟，法包上碟時熱辣辣，再加咖喱汁非常惹味，好滿足🍽 牛油雞翼總共有5大隻雞翼🐥，外皮香脆可口，肉質嫩滑，內裏肉汁滿滿！加上牛油香味，每淡都好滋味呀！🍽 煙三文魚米紙卷鮮蝦米紙卷經常有機會食，今次試試煙三文魚米紙卷。原來煙三文魚跟米

高質越菜___ Le Viet 空間感重，樓底高，坐得很舒服；以木傢俬為主，整體感覺溫暖Menu 菜色超多，越式泰式都有lunch set 有9款，價錢$6x-$7x，有湯及飲品，以尖沙咀來講價錢不貴春卷 ($52) : 配生菜，非常新鮮，青綠爽口，配春卷口感豐富特級牛頸脊河粉 ($88) : 肉質鮮嫩有少少肥膏 & 牛味濃郁 👍🏻 湯頭清甜 😋 我喜歡加青檸和少許辣椒調味Le Viet 招牌飯 (set $76) : 份量大，有香茅豬扒、雞翼、扎肉；餐湯有冬瓜、紅蘿蔔；凍咖啡 +$5芒果糯米飯 ($58) : 糯米飯有兩球，正常糯米和紫糯米，比較特別少見；淋上椰漿，有8片芒果🥭 椰漿不會過膩，芒果超甜的 💕綠豆拉椰糕 ($38) : 口感非常軟糯，不是有彈性那種，很喜歡 💟📍尖沙咀 THE ONE L403舖

每次經過The One呢間le vein越南餐廳都座無虛席，今次平日晚上8:30行過一樣都係，決定試一試😋越式拼盤 $98四款越式小食勝在分量足夠，有蝦餅🦐、春卷、燒豬頸肉同蒸粉包，cp值高。味道不過不失，豬頸肉略為乾身。海鮮炒檬粉 $78賣相雖然唔係最吸引，但勝在海鮮份量夠多，有大大粒魷魚🦑、蝦，同蜆肉。而且蛋味非常香濃，夠穫氣👍🏼不過就油咗少少。 椰菜苗$66蔬菜🥬當然唔小得，炒出黎蒜容味香濃😍，但油略多，影響口感。飲品： 三色冰 $22 + 鮮橙汁 $22三色冰椰香濃郁，入口順滑👍🏼😋 鮮橙汁係鮮榨🍹，夠fresh!

很多年前，筆者曾跟男神 (伴侶) 在越柬泰背遊一個月，對於正宗越南餐廳的印象就是髒、亂和吃不飽😂。最近，筆者到訪位於尖沙咀的Le Viet，作為柬埔寨華僑第二代的餐廳主理人巧妙地為傳統的越南菜注入新元素，重新演繹越南菜，成功為餐廳打造了一個新派的型格形象，令筆者從頭了解越南菜。環境：✨餐廳裝潢色彩鮮艷，以紅、藍、黃為主調，感覺年輕有活力。服務：✨樓面職員以女性為主，態度友善親切。食物：🍍 大蝦菠蘿飯 ($78套餐價，配湯及飲品)✨在炎熱的初夏會較想吃點開胃的菜式，以水果入饌是個不錯的選擇。✨菠蘿是筆者喜愛的亞熱帶水果之一，用原隻菠蘿盛載菜式，令人眼前一亮。✨酸甜平衡的菠蘿配搭加入肉鬆的蛋炒飯和海鮮，清爽開胃！🍗 牛油雞翼 ($72)✨雞翼外表金黃，炸得外脆內嫩，不會太厚粉，且沒有雪味。🫔 精選拼盆 ($115)✨拼盆有春卷、蝦餅、扎肉蒸粉包及燒豬頸肉，非常豐富。🍮 焦糖燉蛋 ($33)✨面層是香脆的焦糖糖衣，配上混合雲喱拿籽的香滑Custard，成為這一餐的完美收結。總結（5分滿分）餐廳環境🖼🖼🖼🖼🖼餐廳服務🤵🏻🤵🏻🤵🏻🤵🏻食物賣相🌸🌸🌸🌸味道質素👅👅👅👅👅整體價錢💸💸💸性價比值⚖️⚖️⚖️

突然心血來潮lunch想食越南菜 , 所以去咗公司附近嘅Le viet，選擇咗應該唔會有咩問題嘅大蝦菠蘿炒飯，拎到返公司食嘅時候打開有少少驚喜，因為餐廳提供埋半個菠蘿作器皿盛載炒飯，難怪提取時特別重 ，味道上不過不失，調味偏淡，配料及整個炒飯份量都正常 ，但如果菜色以大蝦做主體則有少許失色 , 蝦嘅味道唔算話十分之突出以依個價錢黎講算中規中矩 , 唔算驚艷 ,  如果突然口痕想食下越南菜都可以選擇 不過餐廳位置十分方便 , 位於鄰近地鐵站嘅The one L4 ,中午時份因lunch hours所以都有需要排隊輪候入座

喺Openrice見到呢間餐廳有好多好評就同朋友book咗星期六19:45黎試下.去到等咗一陣已經好快入得安排咗一張二人枱俾我地仲好細心比多張凳俾我哋擺背囊❤️.餐廳樓底好高所以空間感十足.等咗十分鐘左右就上咗主菜前菜就等咗好耐先上😅所以呢到上菜次序係有啲奇怪.椰青: 😋😋😋😋😋好清甜，十分推介.滿載海鮮飯: 😋😋😋😋😋個人覺得有少少太甜，不過一次半次唔怕啦🤪兩個人share都食唔哂.越式拼盤: 😋😋😋😋😋豬頸肉有咬口，蝦餅厚身香脆！只係油咗少少.整體而言，味道同環境都唔錯。只係人手有啲短缺，所以未必可以serve得好貼，不過服務態度都好好！回頭指數高😍！

Le Viet~唔好以為個名係法文就係食法國菜🤣 其實佢係一間新派越南餐廳嚟架😋Menu選擇非常多，想食傳統定新派越南菜都得👌🏻有選擇困難症嘅小編揀咗好耐，因為咩都想食🤣🌟 去骨海南雞飯($72)呢個海南雞去咗骨已經好加分，可以食到啖啖肉😋 最加分個位係啲肉質度，非常嫩滑～ 靚雞配埋大大碗油飯同雞骨熬製嘅湯，好滋味🤤 同小編一樣鐘意食雞嘅人一定要試佢🥰🌟大蝦菠蘿飯 ($88)想打卡一定要嗌呢個飯🤣用原個菠蘿代替左個碟，風味大增🍍炒飯好有鑊氣，小編打左好耐卡，啲飯仲係熱辣辣嘅🔥 而且好足料，啖啖飯都有料😋如果Lunch時段叫呢個飯仲會平10蚊，係尖沙咀返工嘅上班族可以去試吓~🌟 香茅豬頸肉米紙卷 ($42)越南小食點少得米紙卷！一碟有四大大大舊，好飽肚嘅小食😂 呢度既米紙又薄又煙韌，再點埋滿滿越南風味嘅酸辣汁，好食！小編今次揀左香茅豬頸肉做餡，其實佢仲有其他餡料同素菜俾你揀，大家不妨一試！🌟 三色冰 ($28)食越南菜配埋杯越南特飲，簡直置身於越南一樣！呢杯三色冰多冰得黎椰奶味都仲好濃郁🤣 🌟越南滴滴咖啡(凍) ($34)呢間越南餐廳連越南滴漏咖啡都有得飲🥰 望住啲咖啡一滴滴咁滴落個杯度

朋友約我去尖沙咀The One 食飯，四樓全層有不同種類的餐廳，朋友就係喜歡食越菜的Le Viet ,佢話餐廳嘅海南雞係最好食，叫我不訪試吓！去骨海南雞半隻，份量十足又新鮮，已經去骨啖啖肉，雞皮爽口，肉質嫩滑，配以酸辣醬汁和甜醬油，更添美味！大蝦菠蘿飯，用半個新鮮菠蘿盛載上枱，三隻大蝦好吸睛，蝦身已去殼方便進食，蝦肉新鮮彈牙，飯加入新鮮菠蘿粒、火腿和粟米粒炒到粒粒分明，上枱再加上肉鬆增加味道，啖啖飯都香噴噴有咖喱香味！蝦餅，又脆又彈牙既蝦餅配泰式雞醬拌食，酸酸辣辣特別惹味。椰汁紅豆冰，紅豆夠林，椰汁味香甜。