Video
Exit B1/ N5, Tsim Sha Tsui / East Tsim Sha Tsui MTR Station
continue reading
Telephone
23690422
Introduction
Creative yet authentic dishes are served in this Vietnamese restaurant, such as pho, giant river prawns roasted in butter, baked rice in young coconut and clams cooked in basil and white wine.
continue reading
Additional Information
限時90分鐘
Opening Hours
Today
11:30 - 23:00
Mon - Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
*Last Order: 22:45
Above information is for reference only. Please check details with the restaurant.
About Reward Scheme
RELATED ARTICLES
Le Viet位於The One, 座位闊落舒適. 好岩gathering 青木瓜大蝦雞絲沙律下面係滿滿青木瓜絲, 入口清爽. 再有對半切開大蝦係頂, 淋上酸甜泰式醬汁好開胃越式牛油雞翼外皮炸得金黃香脆, 而且牛油味香濃, 而中間肉質好嫩帶肉汁越式雪花牛肉湯河個湯頭幾香,牛肉雖然上黎已經差唔多全熟, 但夠軟嫩, 河粉順滑, 可按喜好擠檸汁減膩蒜蓉炒椰菜苗呢款椰菜苗好嫩, 簡單用蒜炒都好食精選拚盆十分推薦, 必食！有4款小食每款都高質. 蝦餅炸得金黃外脆而彈牙, 豬頸肉燒得香而肉嫩. 仲有炸到脆卜卜嘅越南春卷同皮薄肉餡香嘅越南蒸粉包. 咖哩牛腩配法包咖哩味道較港式, 帶椰奶味略偏甜完住唔辣. 所以怕辣嘅都食得, 牛腩份量都多. 法包焗熱過, 外層脆幾索汁.椰青海鮮飯上層用左椰奶, 都幾甜. 下面飯配左唔同海鮮, 仲有d 提子乾. 金不換粉絲虎蝦煲有2隻大虎蝦, 肉質都結實. 下面粉絲同唔同香料炒埋, 以肥肉爆香左蒜、香茅、薑、大量打拋葉, 再加左醬油, 岩哂重口味人士越式甜品拼盤甜品拼盤有香芒配黑白糯米飯、焦糖燉蛋同拉椰糕. 芒果酸甜配左香軟帶口感糯米, 特別係黑糯米好香, 加埋唔椰漿甜度恰到好處 另外焦糖燉蛋面層香脆, 蛋滑嫩帶蛋香, 相對芒果糯米甜d 但都好食椰青清甜好飲~ 椰汁紅綠豆都唔錯, 幾香又唔會太甜. 香港尖沙咀彌敦道100號The ONE 4樓L402號舖
continue reading
去開尖沙咀多數都行過The ONE，對呢間招牌十分搶眼嘅餐廳一定有印象，原來係佢越南菜嚟！上網睇番Le Viet係極高人氣店！好評有近1000🤩今晚同朋友睇戲前，決定嚟一試究竟。🍲 海鮮帽子酸辣鍋 🐙呢個越南地道帽子海鮮鍋，最大特色就係用咗個「帽子」形狀嘅鍋，熱力均勻，煮出嚟啲海鮮特別鮮甜，吸附湯汁力up up up👍🏻湯底飲落非常之酸辣開胃，帶住檸檬葉、香茅同辣椒嘅香氣，真係一試難忘，食完成個人都醒晒！好正宗越南嘅辣度🔥🥟 扎肉蒸粉包 粉包皮薄煙韌，咬落去啲扎肉同菇菌類超香口，肉汁鎖得好好，一啖落去即刻feel到豐富肉味，啱晒鍾意食肉嘅朋友。🦐 鮮蝦米紙卷 米紙卷包住新鮮蝦仁同埋蔬菜，口感清爽唔膩，蝦肉彈牙，配埋少少甜酸醬，真係一流，食完都唔覺得滯。🥗 青木瓜絲鮮蟹肉雞絲沙律 呢個沙律真係超級開胃，青木瓜絲爽脆清新，配埋鮮甜嘅蟹肉同嫩滑雞絲，口感層次好豐富。🦑 海鮮炒檬粉 炒檬粉煙韌彈牙，米香十足，唔會黐成一舊，炒得夠鑊氣，啲海鮮夠新鮮，大蝦鮮甜，鱿魚爽彈，食落口感層次豐富。🥥 鮮椰青 椰青水清甜又解渴，椰肉滑溜，飲完即刻refresh晒，食完酸辣嘢飲返杯，perfect ending！夏日炎炎嘅天氣最適合食啲酸辣而清新嘅越菜，呢間餐廳完全滿足哂我嘅期望😋特別推介：海鮮帽子酸辣鍋 一試難忘！酸辣得嚟香濃！海鮮新鮮份量多！大家快啲約埋朋友仔嚟試吓啦🤩
continue reading
🙋🏻♂️餓底探員去咗尖沙咀調查呢間越南菜，餐廳主打越式湯粉，主食同小食，菜式更融合法式元素，餐廳最近推出越式湯鍋，配料放喺一個帽子造型嘅鍋上，好有特色，仲有小黃牛肉湯粉，將潮汕牛肉結合越式湯粉，咁fusion嘅pho，點可以錯過，快啲去試下啦🦐海鮮帽子酸辣鍋 $380🙋🏻♂️表示個湯鍋係傳統越式湯鍋，帽子造型鐵鍋上放滿配料，有虎蝦，元貝，芽菜，菠蘿，番茄等，配上特製酸辣湯，湯頭酸甜帶香辣，層次豐富，令配料食落更提鮮，呢款湯鍋好有特色👍🏻🥩越式雪花牛湯粉 $92🙋🏻♂️表示個pho口感滑順，湯頭清甜，選用雪花牛肉，屬位牛肩胛近頸部位置，肉質柔軟，油脂好似雪花點咁分佈，因此名為雪花牛肉，味道濃郁，另外仲有吊龍同匙柄牛肉選擇🍗牛油雞翼 $78🙋🏻♂️表示雞翼炸到香脆，面頭鋪滿蒜茸，食落外脆內軟，牛油同蒜香味超濃郁，非常香口🐚辣椒膏炒元貝 $168🙋🏻♂️表示元貝口感煙韌香軟，用青椒，洋蔥加辣椒膏炒成，炒得非常入味，香辣惹味🥩越南咖喱牛腩鍋 $108🙋🏻♂️表示咖喱牛腩鍋有青紅椒，薯仔，洋蔥等配料，配上香軟法包，牛腩肉質軟腍，咖喱香滑充滿椰香，法包蘸上咖喱汁一齊食更加惹味🥥椰青海鮮焗飯 $118🙋🏻♂️表示原個椰青放滿海鮮飯，滿瀉效果好吸睛，入面有大蝦，墨魚，雜豆，提子乾等，配上香滑椰汁，個飯吸收咗海鮮同椰汁精華，味道鮮甜，滿滿椰香，椰青入面仲保留軟滑椰肉🍮甜品拼盤 $118🙋🏻♂️表示個拼盤有芒果糯米飯，班蘭千層糕同焦糖燉蛋，芒果糯米飯有香軟糯米同有咬口紫米，配上鮮甜芒果同椰汁，千層糕口感煙韌，充滿清香班蘭味，燉蛋嫩滑，配上香脆甜蜜焦糖，食完超滿足🍹百香果綠茶特飲 $36🥥鮮椰青椰果特飲 $45🙋🏻♂️表示百香果特飲配上綠茶茶底，味道濃郁酸甜，飲落有百香果籽粒，口感豐富，椰青特飲入面有爽口嘅椰果，味道清甜充滿椰香📈吃貨指數😋好味度 9/10🔙返啅度 9/10
continue reading
呢間人氣越菜藏身The ONE商場4樓，餐廳走現代越南風藤製吊燈配深木色傢俬，感覺幾chill。卡位夠深，座位闊落。🍴越式拼盤- 一次過試齊4款小食：越式春卷，扎肉蒸粉包，炸蝦餅以及燒豬頸肉🐷- 春卷脆到「索索聲」，餡料爆滿 - 炸蝦餅彈牙好食- 豬頸肉有炭燒香，唔柴 🍴大蝦菠蘿飯- 用菠蘿上枱，打卡able🍍- 炒飯乾身唔油- 面有4隻蝦仲去埋殼，啱哂我，但感覺係雪藏蝦，無咬口🦐- 菠蘿偏小🍴椰青海鮮焗飯- 原個椰青上，椰香滲透每粒飯 - 望落海鮮多到瀉，但其實得頂🤣- 配埋椰漿，鹹甜鹹甜，食落唔太漏 🍴鮮蝦米紙卷- 米紙透薄到見晒餡料 - 蝦肉新鮮爽甜，薄荷葉清香 🍴香芒糯米飯 - 芒果熟到剛好，甜到漏 - 糯米飯暖粒粒，椰奶香濃 整體感覺ok食物唔算太差，性價比中等菠蘿芒果椰子，非常熱帶風情📝Le Viet📍香港尖沙咀彌敦道100號The ONE 4樓L402號舖#尖沙咀越南店 #椰青焗飯 #菠蘿炒飯 #香芒糯米飯 #熱帶風情 #尖沙咀theone #尖沙咀食店
continue reading
最近同朋友講起想食d正宗越式菜，聽講 「Le Viet」新推出左越南菜 X 限定小黃牛肉粉系列，有匙炳、吊龍同雪花湯粉，中意食牛既朋友真係必點！加上價錢好抵食，於是就相約左朋友一齊黎試下，順便聚一聚。.越式拼盤 $118一黎到就點左個越式拼盤，$118 真係好岩想樣樣都試下既人。拼盤入面有扎肉蒸粉包、蝦餅、春卷同燒豬肉，每款都好有特色。我最鐘意既係扎肉蒸粉包，外層係濕粉皮，入面塞滿材料，有扎肉絲、木耳、碎豬肉同甘筍條等，頂層仲有香蔥同乾洋蔥片點綴，食落口感豐富，味道清新又惹味。.手撕雞扎肉湯粉 $76主菜試左手撕雞扎肉湯粉，$76 一碗份量好足，入面有吾少手撕雞肉、扎肉同豆芽，湯底清清地但好濃郁，充滿雞湯既香味。河粉滑溜，配埋濃湯同材料食，暖笠笠好舒服。.特別火車頭 $88另一款試左特別火車頭，$88 一碗有牛肉丸、牛肉、牛肚、洋蔥同芽菜，湯底用左豬骨濃湯，味道好濃厚。配埋越式河粉，河粉吸滿湯汁，牛肉類既口感同鮮味一齊爆發.蘆薈柑桔檸檬特飲 $36飲品方面點左蘆薈柑桔檸檬特飲，飲落好清新，蘆薈粒粒爽口，柑桔同檸檬既酸甜味好夾，飲落解渴又解膩，食完湯粉黎一杯真係好正。
continue reading