Le Viet

Open Now

Now Closed

其實我都幾鐘意食越南菜，今次食呢間未食過，例牌都係食香茅豬扒湯河加越南春卷+多個椰汁紅豆沙冰同蝦餅！香茅豬扒都好夠味，反而個越南春卷個皮有啲硬，蝦餅都好脆好香口，椰汁紅豆冰可以多返少少紅豆，因為只飲到椰汁味較重

好耐無食越南野。天氣開始轉熱，又係時候食多d東南亞菜。今次就黎尖咀Le Viet食個lunch。餐廳位於大商埸，座位舒適，裝修企理。最鍾意呢度既午市套餐，選擇多而價錢平，一共有九款，有飯有撈檬有炒檬有湯粉，價錢由$62到$78不等，有加一。每個午餐包一杯基本飲料，凍咖啡另加$5，特飲另加$8。香茅燒豬頸肉撈檬 $65 另加一一如以往，香茅燒豬頸肉撈檬面鋪上七塊燒豬頸肉，燒得香脆可口，美味非常。魚露分開上，滿滿的香蒜，酸酸甜甜，加上冷凍的檬粉，非常醒胃。蔬菜量充足，包括生菜、芽菜、蘿蔔絲、青瓜絲。必點之選！咖喱牛腩撈檬 $65 另加一咖喱牛腩撈檬大大碗，份量十足。有五舊牛腩左右，肥瘦適中，都算煮得淋。牛筋都有一舊。真係好鍾意呢度嘅咖喱汁，微辣微甜，香滑可口，好冶味！檬粉吸盡咖喱汁，非常邪惡。面頭有三大舊明顯新鮮炸起既薯仔，外皮少脆入面淋。其他配料有青椒、辣椒、洋葱。另一個必點之選！飲品選擇成個清單咁長。加$8就飲到大大杯嘅梛汁紅豆冰！梛汁紅豆冰 跟餐+$8  另加一椰汁紅豆冰唔會過甜，底下紅豆粒粒分明，不過有些少實。叫左少冰，所以唔會冰粒大過主人婆。飲完呢杯椰汁紅豆冰好似食咗甜品咁，好滿

The one 入面高質既越南野 我第一次食 都係聽人介紹話好食去試真係好唔錯 等我介紹下有咩好食先1. 蒜蓉牛油雞翼雞翼炸到好脆又大大隻又入味，唔會好多油上碟，加上炸蒜 好食！2. 串燒沙嗲三串 雞牛豬各一呢個串燒烤到有少燶邊 脆脆地幾好3. 咖哩鮮雞+法包呢個我最中意食，個咖哩甜甜地多椰奶香 ，仲有個火熱住食 100分！😻4. 滿載椰青海鮮飯份量真係好多🤣滿到山咁高 ，椰漿撈飯甜甜地好開胃 有蝦、魷魚、蜆肉 不錯👍🏻我兩個人食飽到傻 ，但齋睇menu 樣樣都好想食下次再食先得

放工行左陣THE ONE，有時放工真係想係街食就算，轉轉下轉左入呢間Le Viet醫肚先來叫左個札肉蒸粉包，呢個係我既至愛。呢度既蒸粉包都好好食，粉包裡面有重重胡椒味既肉碎同埋d菇呀配料夾埋一齊，好香口而個粉皮係薄面不膩，好食！另外，我叫左半打串燒同椰汁焗蝦，兩樣口味都偏甜⋯串燒個d雞牛豬烤得好好，d肉唔係話好嫰，但一定唔韌。問題係個花生醬真係唔係我熟悉個款口味，佢係偏甜而重花生味。椰青焗飯賣相唔錯但口味係偏甜，椰青水加埋佢入面提子乾呀肉鬆什菜食左一半就覺好溜。飽住肚滿足的一餐。

今日去咗睇買一送一波鞋，勁多收穫！買完野勁肚餓梗係坐低食食嘢啦，經過呢度俾個幫我炒飯吸引咗，就坐低試吓！大蝦菠蘿飯😋😋😋😋菠蘿炒飯好多材料，仲加咗我最鍾意食嘅肉鬆，面頭仲有幾隻大蝦，大蝦仲好細心咁剝咗殼，值得方便值得一讚，幾十蚊仲包杯嘢飲真係抵食！飯粒炒到粒粒分明，仲有少少酸甜清新菠蘿味，加咗啲雜菜提升口感，仲有我最鍾意嘅肉鬆撈埋一齊食！睇得又食得！串燒三色雞豬牛😋😋😋😋😋牛肉串燒勁好味，面頭有少少黑色焦香，看上去還會以為肉質鞋口，誰知食落有驚喜！一咬開爆出肉汁中間軟綿綿肉質超正！味道夠晒香囊，完全唔使點醬汁都好好食😋雞肉串味道少少香辣，肉質都keep到，點埋咖喱汁仲夾！豬肉都充滿炭火香，燒得好好味！好明顯老公覺得好滿意，仲話好彩叫咗半他，唔係實爭食咁話😂越式咖喱軟殼蟹鍋配法包😋😋😋😋😋迷你版軟殼蟹份量雖然得多，不過全部新鮮炸起，食起嚟仲keep到趣卜卜，輕輕沾上咖喱汁，已經鮮味爆棚！然後也不要忘記了薯仔🥔，輕輕炸過，薯味香濃，特別好味!推介將法包弄成小片浸在咖喱汁內，帶少少甜味的香辣咖喱汁就會軟化了有點硬硬的口感的法包，半脆的法包將海綿一樣吸收晒咖喱汁，勁好味！

座位舒適寬敞，提供紙巾和清水～裝修簡單別具風味，另收+1服務費大蝦 #菠蘿炒飯 $96鮮蝦爽口，熱騰騰的炒飯好香，炒得夠乾身和好夠味，配菠蘿粒少少甜，更加開胃。加上肉鬆好好味😋不會辣，推介#咸檸梳打 $28轉七喜鹹鹹甜甜好開胃，個人很喜歡❤️#越式拼盤 $98（優惠中）配泰式辣醬#蝦餅 ：有3件，厚切足料，吉列外脆內爽，熱氣之選#豬頸肉 ：5片，香濃肉味，不會太肥又嫩#扎肉蒸粉包 ：2件，粉皮夠嫩滑，清淡#春卷 ：4條，炸至外脆內軟，記得沾醬，小心𠝹口#咖哩牛腩鍋 $105 配印式薄餅牛腩鍋會點火一直燒，香濃越式咖哩味，甜甜的微辣，有青椒🫑洋蔥🧅薯仔等配菜，牛腩、牛筋 好有咬口，非常堅韌服務質素：8/10環境舒適度：8/10ᶘ ᵒᴥᵒᶅ個人口味評分：8/10

-平時經過THE ONE見到依間餐廳，裝修顏色好豐富，以為係食西班牙菜，仔細一睇原來係越南菜，好特別。瘦編終於有機會去試吓～-Menu有好多選擇，Lunch Set平均$70包一杯普通餐飲，尖沙咀正常價。瘦編揀咗越南菜嘅經典生牛肉湯粉，熱辣辣嘅湯底將牛肉輕輕灼熟，食落口有濃郁牛肉味，口感好嫩滑！朋友就揀咗香茅燒豬頸肉撈檬，烤撈檬味道酸酸甜甜，可以刺激食慾。豬頸肉咬落口爽口彈牙，好惹味，唔錯！-小食揀咗個小食拼盤，當中有新鮮炸起嘅越南炸蝦餅，無油膩感，好有咬口。最後食翻個芒果糯米飯，有白糯米同黑糯米，我自己鐘意食黑糯米多啲，更煙韌。芒果肉厚多汁，夠甜，滿足！-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ Le Viet (尖沙咀)📍 尖沙咀彌敦道100號The ONE 4樓L402舖

今日來到尖沙咀The One逛逛，跟著在四樓穩餐廳，之前旺角食過Le Viet覺得可以，so揀呢間。火車頭酸辣鍋：係用菠蘿燉湯酸甜多D，唔會辣，牛腩好嫩，牛百葉好彈牙，肥牛肥瘦相間口感嫩滑，湯底酸酸甜甜有D香味。串燒沙嗲：可以揀豬肉、牛肉、雞肉，我啲各2串，好大一串，濃郁嘅炭燒味，雞肉嫩滑，豬肉有DD肥肉但肥而不膩，牛肉肉質緊密肥嫩。沙嗲汁甜甜啲，串燒可以單食，也可以沾沙嗲汁，都好味。大蝦菠蘿焗飯：份量十足，大蝦鮮美彈牙，焗飯材料豐富，除佐三色豆之外，仲有肉鬆、紅腸、菠蘿，飯粒粒分明，食一啖酸酸甜甜，加埋咖哩嘅香味，口感豐富！佢嘅湯粉係招牌，下次可以試下。

之前系旺角分店食過一次，就一直對Le Viet念念不忘😆今次經過尖沙咀，就同男朋友過黎撐枱腳啦👫🏻-其實我對越南菜有個情意結以前細個DSE之後，第一份工就係番越南餐廳🇻🇳成日做野果陣聞到果陣香氣真係好肚餓好想食🥺宜家大個咗有能力就好想再次回味🥰所以我對越南菜都有d要求🤭而哩一間餐廳真係好符合我既口味-每一次食越南野就會叫既金邊粉😚炒得好有鑊氣，金邊粉夾埋d芽菜好有口感😋而且豬頸肉肥瘦均勻，真係食到我舔舔脷男朋友就order左生牛肉河佢個腌尖鬼就要走芽菜既但好得意呀，店員竟然onside左，仲比左個咁可愛既野裝住比我😆雖然個生牛肉河係男朋友order既，但係我係咁搶佢碗野黎食🤣真係好鍾意加咗青檸酸酸地同果陣九層塔既味道必點既炸蝦餅✌️唔會好大塊，幾啖就可以食曬🤩串燒落左蜜糖甜甜地好開胃

依間旺角分店成日full booking尖沙咀反而無咁迫 想試好耐今日終於食到啦越南嘢嚟講算好食價錢都比較合理叫咗4樣嘢食$400埋單 好滿足 煙三文魚米紙卷 (還好 無咩特別)特別火車頭河粉 （兩個人分 都幾大碗）香矛燒豬頸肉（ 我同我朋友都話好食）越式咖喱鮮雞鍋配印色薄餅（印色薄餅得一塊上 本身以為跟兩塊）二杯凍檸茶 （都叫大杯 ）2個人食都食唔哂行完山撘船過嚟食如果有下次簡我都會選擇過嚟食 重要係嚟返依間分店 旺角太迫

呢間越識料理開業都好耐，之前已經食過幾次覺得佢個價錢合理，午餐仲幾經濟。多年來依然保持水準，算係平價抵食！我哋揀咗午餐及單點咗兩款食物。午餐包基本飲品，凍飲加$5；特飲加$8。▶️生牛肉湯粉$62湯粉湯底味道有越式風味，有洋蔥🧅、芽菜等等，配料另外有檸檬🍋、香茅葉比你加，牛肉亦都幾大塊！▶️精選拼盤$115拼盤新鮮夠熱辣辣有炸春卷揸得好夠趣夠熱春卷入面黑椒味蛟龍郁精粉包兩件都大大件餡料爆滿亦都有農鄉嘅黑椒味豬頸肉吼得幾香肉夠林味道偏鹹炸蝦餅金黃香脆蝦肉都幾彈牙▶️越式咖喱軟殼蟹鍋配法包$113火鍋一路有火興住，所以非常夠熱。咖喱唔會太辣，有椰汁味。炸軟殼蟹夠香脆，而且有好多薯仔 🥔 法包係一條，軟林林，相當夠飽。

尖沙咀The ONE 是港人及游客愛到的商場，今日我也來到。晚餐揀了4樓的食越泰菜的Le Viet。The ONE 的樓底非常高，較有空間感，所以坐得舒適。Menu的菜色都有很多，越式泰式都有。越式咖哩牛腩鍋配印式薄餅$105越式咖哩牛腩鍋，可配法包或印式薄餅，我揀了印式薄餅。咖哩牛腩鍋用爐熱著，牛腩很大件，還有牛筋， 咖哩味很香。印式薄餅很軟腍煙韌，點上咖哩汁，好味，真是食到別有一番滋味的特色越菜！香茅豬頸肉湯粉 $68平時食泰菜及越南菜較少叫湯粉，原來湯底非常清甜，河粉軟腍度剛剛好，與湯齊食，真的很美味。香茅豬頸肉另外分開盛載， 豬頸肉入口有很香的香茅及胡椒味道 ，口感帶爽又香口，真是推薦之選！椒絲炒通菜$62 椒絲炒通菜， 炒得剛剛好，帶爽口又不會腍，炒得夠入味。焦糖燉蛋$36 焦糖燉蛋面上的焦糖超脆香口，燉蛋又軟又滑非常香甜，真是推薦！椰青$42食泰菜飲品我都喜愛要個椰青，清涼又清甜。今晚食了越泰菜的特色菜，食得非常美味。

天氣潮濕留在家中感覺有點鬱悶、約朋友出來吃飯聊天散散心情。尖沙咀方便大家，去了the one一間越南菜餐廳，原來午市套餐好抵食，一百元左右，有多款選擇。豬頸肉檬粉魚露汁另上，案自己喜愛加減。豬頸肉非常軟熟，肥位不多，燒得香口惹味。大量的菜蔬配檬粉有嚼口。魚露汁調味恰到好處。越南咖啡越南咖啡比較濃郁，喜歡以煉奶的配搭，入口滑溜。芒果糯米飯朋友最鐘意食的甜品。黑與白糯米飯，黏黏靭靭，好有口感。芒果甜美。

中午喺尖沙咀搵午餐，發現難得喺商場入邊嘅抵食午餐！午餐有好多唔同嘅選擇，全部都好有越南特色。價錢都係$60至$70左右仲送咗湯同埋飲品，坐得舒服可以同frd傾偈，性價比極高！而且嘢食真係都好好食！今次我哋嗌咗大蝦菠蘿飯同埋香茅燒豬頸肉撈檬，額外再嗌左個牛油雞翼。香茅燒豬頸肉撈檬 $65雖然係午餐但係豬頸肉嘅份量完全唔吝嗇！超足料！肉質鮮嫩，燒過嘅豬頸肉更添炭燒味。重點係個醬汁，呢個撈檬汁好出色，好香青檸味，味道好開胃好清新，比起出面嘅醬汁係有啲唔同！大蝦菠蘿飯 $78呢個菠蘿飯份量唔係一般嘅多，係超大份！食唔晒🤣三隻大蝦彈牙爽口，菠蘿飯材料豐富除咗三色豆之外，仲有好足料嘅菠蘿火腿等等！菠蘿酸酸甜甜好開胃。菠蘿炒飯味道香口，口感粒粒分明，以呢個價錢算係十分不錯。而且外貌好靚可以打卡😂牛油雞翼 $78超級邪惡嘅牛油雞翼！表面有勁多炸蒜！！好正。雞翼好香脆，牛油味超濃，見到個底有超多牛油汁。而且雞翼熱辣辣，肉汁豐富。好食！越南滴滴咖啡 （套餐加$8）呢個咖啡值得加$飲。咖啡好香，唔係一般嘅港式咖啡，真係有越南嘅風味。而且睇住佢滴落嚟好治療。跟餐飲品總括來講，喺尖沙咀返工嘅我一定會再嚟食呢間餐

餐廳裝修簡潔明亮， 座位寬敞舒適 ，透過餐廳的一排大玻璃，採光度十足之餘， 亦可看到旺角熱鬧的街景。牛油焗大頭蝦$228牛油焗大蝦真係超級大隻，上枱時， 香氣十足 ，大蝦鋪滿海量的蒜蓉及牛油， 大蝦已開邊，因此更加入味， 蝦肉鮮甜彈牙，入口散發著香濃牛油及蒜香 ， 十分誘人， 舐舐脷爆燈，墊底的薯角， 吸收了醬汁的精華， 增添吸引。 海南雞飯配例湯(午餐)$68肥美的海南雞，油光亮麗，配上金黃色的雞皮， 賣相令人垂涎， 雞皮爽彈， 雞肉嫩滑細緻， 十分滋味， 再配上香香的雞油飯，別有一番風味， 跟配的例湯， 清甜唔肥膩。三色冰(追加)+$8雪白的椰汁冰，冰爽蜜甜， 甜度適中， 還有彩色的啫喱粉條點綴， 賣相吸引，粉條口感 QQ彈牙， 入口散發著迷人的椰香，甜度不會隨冰溶化而減退， 十分欣賞。