Le Viet

Open Now

Now Closed

尖沙咀the one le viet一向係我嘅至愛，全因佢地點又方便野食又好味，仲價錢相宜！極力推薦俾大家！上到黎the one 4樓就見到好多餐廳，le viet係lift 口， 非常易搵，舒裝同格局非常舒適，座位之間隔得夠開，用餐體驗幾好食越泰菜一定要嗌串燒同埋咖哩！ 呢度嘅串燒好好，可以只叫3串，豬牛雞各一串，啱哂2個人黎食，平平地試哂所有味～串燒味道唔錯，唔會燒到乾哂身，調味啱啱好，配埋沙爹醬無得彈！之後就係我最愛嘅牛腩咖哩！咖哩係超香，而且份量極足，配嘅薄餅都好好食！所有配料都俾我地食哂咁濟🤣 呢度嘅咖哩真係我食過性格比最高嘅咖哩海南雞都係高水準，皮爽肉嫩！有例牌揀，又係好適合人少少黎食最後就係椒絲炒通菜，足料，夠火喉，調味惹味！推薦！嗌咗杯青檸梳打解濟，鍾意點都可以轉七喜。

📍 Le Viet小編平時好少食越南菜😮‍💨 見到尖沙咀有間越南餐廳見到價錢都合理 菜式都幾吸引 就同朋友去食～-大蝦菠蘿飯 $88個飯係用半邊菠蘿裝住🤣 造型好正🤭飯上面有三隻蝦同肉鬆做裝飾🥰 撈埋一齊食 食落去酸酸甜甜 鹹鹹地咁 飯入面仲有冇豆、菠蘿粒、粟米同埋蘿蔔等 食落去有口感又唔會油膩😬套餐我另外加$8轉特飲～ 椰汁紅豆冰飲落去椰子味重 但係如果紅豆分量再多啲嘅話就更好🙆🏻‍♀️同埋餐廳提供嘅飲管太幼飲唔到啲紅豆🥺生牛肉湯粉 $65碗湯粉熱辣辣上枱仲見到牛肉係紅紅地色～只要將牛肉浸落去熱辣辣嘅湯底一陣間就會熟😜肉質嘅口感食落去啱啱好🥰 湯底食落濃郁 湯粉食落滑溜 口感唔錯✊🏻另外午市套餐免費送飲品 我就叫左凍奶茶😜飲落去奶茶味都濃郁🙆🏻‍♀️鮮蝦米紙卷 $38一碟有四舊 每舊都包住一隻蝦 再配醬一齊食食落去酸酸甜甜 口感幾特別～越式甜品拼盤 $108甜品拼盤包括有芒果糯米飯、焦糖燉蛋、椰汁糕三樣嘢～小編三樣入面最鍾意食焦糖燉蛋🥰 食落去外脆內軟 表面嗰層焦糖脆夾埋下面凍凍地嘅燉蛋一齊食口感唔錯😻芒果糯米飯有兩大塊芒果🥭 芒果食落去好甜🥰 仲有兩舊糯米飯加醬一齊食 都好味😋椰汁糕就

越南菜真係食極唔厭，喺商場閒逛就隨便揀了一間越南餐廳，午餐價錢性價比好高，必選香茅燒豬頸肉撈檬（$69）燒豬頸肉份量超大方，十分惹味，欣賞佢肉質火喉佳，配上青瓜絲等配菜更加清新。越南滴滴咖啡（特飲+$8）久違了越南咖啡，香港好少地方可以飲到越南傳統咖啡，焦香烘焙氣息配上煉奶，口感香滑，頗有風味。牛油雞翼（$72）同炸蝦餅（$72）都唔少得，蝦餅超彈牙無法抗拒唔停口，雞翼上面鋪滿蒜蓉同充滿牛油香氣，炸物值得推薦。去骨海南雞飯（$78）出品不俗，好比專食海南雞飯嘅餐廳，肉質嫩滑，香濃油飯配上一碗雞湯，清清地都唔錯。—————————————————Le Viet (尖沙咀)尖沙咀彌敦道100號The ONE 4樓L402舖—————————————————

今次嚟到尖沙咀，肚餓就去咗The One既Le Viet 食晚餐，見呢間餐廳係半開放式又係有我最鍾意越南菜，就入咗去試吓。嘢食方面我哋就叫咗越式拼盤、去骨海南雞飯同埋香茅燒牛仔骨。香茅燒牛仔骨火候剛剛好唔會太乾身亦都唔會燒到有血水，肉質亦都幾值得一試。去骨海南雞飯真係值得一試，啲雞啖啖肉，個飯都係有雞湯浸過好香得來又唔會太硬。拼盤入面有齊常見嘅越南小食，包括有越式春卷、炸蝦球、燒豬頸肉同埋素菜粉皮，每一樣都係新鮮即整熱辣辣。嘢飲方面我同友人叫咗一個椰青，個椰青夠大隻入邊水份較多，飲落都好清甜。越式咖啡好香好濃咖啡味，適合鍾意咖啡人士，要提提杯咖啡係加練奶，所以飲起上嚟會特別香滑。

上次食完覺得好好食，今日做完嘢經過附近就黎食，午市套餐好抵，我另外再叫左d嘢食，食到飽飽。柚子海鮮沙律 $78柚子爽甜多汁，海鮮份量多，青木瓜絲爽口，酸酸甜甜幾開胃。生牛肉湯粉 $65湯底鮮甜，生牛肉切到好薄身，湯夠熱一倒入去就剛剛熟，好嫩滑，牛肉味濃。咸魚炒芥蘭 $65咸魚味香濃，芥蘭用左大量薑絲同蒜頭去炒，爽口。手撕雞扎肉湯粉 $65手撕雞份量多，嫩滑唔鞋，扎肉彈肉。我地叫餐叫左凍奶茶同加左錢叫左青檸梳打。

原隻大蝦菠蘿飯 ($88)原個菠蘿殼盛住炒飯，比心心眼😍，有大蝦3隻🍤放起炒，真心好搶眼。配搭菠蘿、海鮮、肉鬆、炒飯底，口感豐! 配上冬瓜湯清熱降火! 無骨海南雞飯 ($72)海南雞已去掉骨，而且揀咗雞脾肉位，雞肉香嫩， 加上油飯🍚，非常perfect!三色冰 ($28)食越南🇻🇳野，必飲特飲三色冰，好有東南亞風情， 加入香濃椰漿沖調，又有三色粉條，好飲!香芒糯米飯 ($59)餐廳揀選新鮮當造芒果，味道好甜，配上紫糯米飯同埋白糯米飯再加上椰漿，好味到停唔到口!Le Viet 尖沙咀彌敦道100號The ONE 4樓L402舖喜歡的話，請關注我的openrice account

陪女兒去尖沙咀The One 買嘢，之後上咗去四樓Le Viet 食越南菜，之前都食過，海南雞最好食。但今晚去到已經賣晒！串燒雞中翼：一上檯已經聞到陣陣炭燒香味，雞翼皮脆肉嫩，而且好入味，點些醬汁辣辣地，可令味道提升。海鮮炒檬粉：蝦、墨魚仔彈牙，檬粉加左芽菜和蛋絲炒，特別香口！黃咖喱軟殻蟹鍋：軟殻蟹和黃咖喱分開上，重有一條法包。黃咖喱用火熱住食，內有薯仔、洋蔥和青椒，軟殻蟹炸得香脆，浸一浸黃咖喱食，啖啖肉好香脆，更有咖喱香甜味！將法包撕開一件件浸入咖喱汁，索曬啲黃咖喱，一口咬下去，滿口咖喱汁，相當惹味。香茅豬扒湯河粉：大大塊豬扒用香茅等香料醃製過，再煎炸至金黃色，味香甜又有口感。湯底香甜，河粉吸收湯底，再加入洋蔥、芫荽蔥和炸蔥頭，更香更美味！

之前有一次喺尖沙咀同朋友食晚飯，記得The One 有間唔錯嘅越南餐廳，所以就去咗食啦。佢哋啲食物嘅份量都幾大，所以一定食到超飽😂😂 同埋都好好食😋越南小食不嬲都好吸引，樣樣都想試吓，所以就叫咗佢哋嘅小食拼盤 （$98) - 有豬頸肉、越式春卷、蝦餅同埋扎肉蒸粉包。全部都好好食！份量都幾大，適合二至四人分享😊越式咖喱牛腩鍋配法包 ($105) - 呢個超級推介！咖喱唔係太辣，配埋法包食完全係一流！如果唔想食牛腩嘅話都可以選擇雞肉或者軟殼蟹👍平時食越南野都一定會食一碗撈檬或者湯檬，我就叫咗碗豬頸肉撈檬，豬頸肉大大塊幾好食😋

尖沙咀的The one 商場，是購物及美食集於一身的購物商場，購物完後，再坐下美美地嘆番個晚餐。喜愛食泰越菜，今晚被我選中的就是 位於L4的這間Le Viet。越式咖哩牛腩鍋配印式薄餅$105越式咖哩牛腩鍋配著一個蘆，一邊滾著熱辣辣的食，有一種特別的美食體會，煲內有薯仔大大件、青紅椒、洋蔥……，牛腩炆得夠腍，吸收了咖哩汁， 又腍又滑，沾滿了咖哩的香甜， 跟配上的薄餅剛剛煎好還帶熱，沾上淡淡的又香中帶甜的咖哩，是特色的異國風味。香茅豬頸肉炒金邊粉$82豬頸肉切得夠薄，燒得香口，醃得夠入味，非常爽口，金邊粉切得比較細條，整個金邊粉裏面有芽菜、雞蛋、韭菜、洋蔥……等， 一齊食口感及味道多元化！雞中翼兩串$48雞翼面上的燒烤顏色好吸引，雞翼面上還有一粒粒的胡椒碎及其它調味料，雞翼燒得剛好熟，裏面肉質嫩滑又多汁，真的香口美味！焦糖燉蛋$38 我很喜愛食焦糖燉蛋，而這裏的焦糖燉蛋價錢平民，焦糖香脆焦甜，燉蛋嫩滑可口。至於飲品方面，要了椰汁紅豆冰及椰汁綠豆冰。

和友人撐枱腳The one四樓好多餐廳，我們想食越南菜，午餐不用$100就有粉和餐飲，我們比較大食！🤫🤪甜品食完才叫滿足。人均：$186.越式生牛肉粉有新鮮芽菜，是有水的杯裝住芽菜好有儀式感、青檸辣椒自行選擇加入湯河，湯底牛骨味，份量足夠。.菠蘿焗飯有三隻蝦在菠蘿焗飯上，好吸睛，友人說加了肉鬆的炒飯很好吃，三色豆、火腿、雞蛋加上新鮮菠蘿炒成再焗，而酸甜菠蘿十分刺激味蕾。.煙三文魚米紙卷健康簡單，米紙卷上有花生碎增加口感。.柚子海鮮沙律柚子新鮮香甜，有墨魚、大蝦、腰果、木瓜絲、蘿蔔絲，很豐富，味道酸甜有一點點辣，開胃菜。特別讚賞蝦是有挑走蝦屎，比掌聲。.芒果糯米飯必叫，甜甜的芒果配上黑白糯米飯，加上香甜椰汁，口感甚佳。芒果糯米飯還有造型，你看到是甚麼？.飲品：凍檸茶、熱檸茶

午市嚟食有午餐，價錢幾抵。我哋想散叫小食，所以只揀咗一個午餐～小食揀咗咩都有嘅拼盤。有春卷、粉包、蝦餅及豬頸肉。拼盤唔錯，春卷好香脆，餡料夠豐富。粉包漲卜卜，皮幾厚實。蝦餅幾脆，肉質實實地有蝦香味。豬頸肉薄薄地幾香。健康啲叫咗炒椰菜苗、有少少蒜蓉味，椰菜苗都幾大棵，硬硬地爽口。午餐：豬扒湯金邊粉 包飲品豬扒湯金邊粉食到尾聲先到，應該太多人，制作需時。豬扒冇肥膏，金邊粉較碎身，林林地，清清地～飲品叫咗椰青夠大個夠多汁！

喺尖沙咀行完街唔知食咩好，突然記起朋友介紹過一間越南餐廳俾我，於是就去試一試。咖哩炒大硯($158)硯肉都好大粒 而且幾新鮮硯肉索哂咖哩汁 好入味咖哩唔算好辣但係有好濃郁嘅香味配上印式薄餅一齊食 薄餅吸收哂d咖哩汁好好食生牛肉湯粉 ($70)牛肉既熟度掌握得唔錯河粉夠幼同薄身湯底都有好濃既牛肉味 再配埋其他香料都好夾泰式去骨海南雞 ($78)海南雞雞件好新鮮而且好嫩滑 一啲都唔鞋去完骨後啖啖肉既感覺好正點埋個酸汁食一流🤤

去The One食lunch，有一排冇食過越南嘢，呢度lunch set都幾多選擇!! 🔘海鮮炒檬粉海鮮數量都唔少，有蝦、魷魚同蜆肉，炒得唔算太油膩，但如果可以濃味少少會更加好!! 🔘去骨海南雞飯海南雞飯is my all time favourite，呢度嘅雞係比較肥美嘅，所以食嘅時候唔敢食皮，雞味香濃而且肉滑，有兩款醬汁可以點!! 🔘越式拼盤呢個超抵食，有炸蝦餅、越式春卷、扎肉蒸粉包和豬頸肉，每款份量都唔少，啱晒咩都想試吓嘅人，自己最鍾意豬頸肉同埋蝦餅!! 🔘焦糖燉蛋朋友話最後想叫個甜品share食，焦糖薄薄地一層好鬆脆，燉蛋幾滑甜度啱啱好!!

在尖沙咀區工作完到The One食午餐，朋友介紹這間越南菜餐廳，地方寬敞舒適，價錢亦算親民。點了一份午餐菠蘿焗飯($88)，午餐包餐湯及飲品，焗飯用料十足，配上幾隻大蝦，份量2個人食都還足夠。另外加點了蔗蝦 ($45)、柚子海鮮沙律 ($78)。蔗蝦彈牙、鮮味。 柚子海鮮沙律有魷魚、鮮蝦，除柚子外還有木瓜絲，沙律汁酸中帶辣，越食越開胃。值得一試的是越南滴滴咖啡($35)，配煉奶又滑又香濃。我和朋友都是甜品控，所以最後再點了越式甜品拼盤($108)，有多款甜品，焦糖燉蛋、越南綠品拉椰糕和香芒糯米飯，非常滿足。

今日黎到食經典越菜，lunch set $65 起有交易！✅越式生牛河粉（$65）同香茅豬扒湯河（$65）都係lunch set,有新鮮芽菜按自己喜好加入。份量都算夠大。+$8仲可以有特色飲品。除左lunch set, 另加左✅串燒沙嗲（$102）小食，6串有齊豬牛雞，新鮮惹味😋。最推介✅黃咖喱軟殼蟹配薄餅（$118）。咖喱有一個熱鍋上，好似打邊爐咁，可以再加軟殼蟹。如果有白飯送咖喱汁就正啦😋。另外坐得好舒服，值得一讚