吞POT 雞煲火鍋.住家菜 (山林道) (Closed)

今個冬天話凍又唔算太凍，所以都無咩機會打下邊爐、食下雞煲，而其實我都幾鍾意烚吓烚吓😞 聽朋友講佢試過有間雞煲幾好味，所以今晚一於去試下！所講既就係位於尖沙咀山林道一棟新起大廈銀座38既「吞POT」！去之前係openrice搵過見到有3間分店，尖沙咀店係新開既。因為想留番多d時間消化所以就book左5:30開食🤣 上到去餐廳樓底都幾高，檯與檯中間都有充足位置，唔會好似平時任食個d咁會覺得迫夾～而且被安排坐左係電視位，可以一邊睇新聞一邊食👍🏻原先同行朋友唔想食太濃味，所以見到有花膠雞煲就決定嗌佢喇～配料都有幾多選擇，而且入門口個時見到7:30前交檯配料小食有半價，好抵，咁就可以叫多幾款試下👍🏻最後叫左下面幾款食～☆滋補螺片花膠雞煲😋一上檯就聞到好香～雞已經熟左所以可以即刻食！啖湯好香，仲好足料！食極都有花膠😂半隻雞量都唔少，雞好滑👍🏻d菇都好好味☆十全大寶丸😋有5款丸包括手打生拆蟹粉墨魚丸、手打黑松露墨魚丸、手打黃金海膽黑墨魚丸、手打香煎鵝肝蝦丸、手打芝心牛丸，每款2粒，可以一次過試晒～丸入面真係有一小舊海膽/鵝肝，並唔係好似平時個d咁得d汁👍🏻墨魚丸仲真係有墨魚粒👍🏻個人最鍾意芝心牛丸，

冬天凍冰冰最啱梗系食暖笠笠既火鍋，呢間雞煲火鍋好似其他地方都有分店，尖沙咀呢間好似開左無幾耐，於是放工就黎試下啦。系menu見到呢度有生蝦，仲要系七十幾蚊有十二隻！超級抵食，平時d泰國餐廳一百蚊先得6隻。呢間d生蝦吾算話超高水準，但都正正常常，勝在夠平。打邊爐既配料叫左紅薯粉，口感好似粗身既粉絲，吾似平時出面食嗰種。仲有手打既墨魚丸，味道都吾算，幾彈牙，不過就多粉左少少，吾夠真材實料，同埋味道咸左dd。。。金茹，份量有d細。腐竹，放入火鍋煮完之後都幾滑，幾好食，呢個幾值得叫。青菜就叫左西洋菜，吾老幾嫩。餐廳食物既份量都ok，味道都可以，而且都有好多選擇，但我個人覺得價錢就貴左少少，除左生蝦真系好平好抵食。

雖然今年冬天吾系好凍，不過都好鍾意夜晚去打邊爐，今晚放工就去左尖沙咀系一間樓上舖，位置吾系大街大行，所以閒日7pm去都未有好多人，不過到左9pm就差吾多滿座。螺片花膠雞煲，聽落都好滋補養生，於是我地三個人就叫左半隻雞既雞煲，再叫左d其他餸黎打邊爐。d湯好奶白色，但飲落去味道就吾算好濃。雖然d花膠吾系話系好名貴嗰種，但都有好幾舊，幾大舊。雞肉就麻麻，可能因為解凍得吾好，有陣雪藏味，一般般。最值得讚既係魚片，落完單廚房會新鮮炸，超級脆超級酥化，仲暖暖地，食落吾硬身，同平時食嗰種真系有分別，大家黎到一定要黎試下。另外呢度仲有冰菜，系我好鍾意食既，但好多餐廳都無，竟然係呢間搵到，系冬天先有得食架咋，第二樣必點既。

有同事介紹這間新開餐廳話午餐質素不錯。於是約埋飯腳－齊去試下。餐廳位於新建的大廈內，一層－間食店，所以面積廣闊新淨！午餐每星期有八款選擇，一星期換餐牌－次，營造新鮮感！午餐包老火湯，主食，灼菜，白飯及飲品，已經覺得好豐富了優點是無加一收費！並且暫時上菜也很快我地叫了:老火湯 - 真材實料並無味精，味道好有家的感覺好飲灼菜 - 出面其他餐廳好少有，而且份量大碟，菜心甜及健康白飯 - 對我來說大碗！飯軟熟有好香飯味不錯！咸蛋蒸肉餅＄53 - 肉餅新鮮香滑，咬落啖啖肉，肥瘦均勻，肉味香濃煎封黃立倉＄63 - 賣相吸引，倉魚新鮮大條，煎得好靚又香口魚皮煎得香脆，魚肉結實不鬆散，好美味又抵食勝瓜雲耳炒牛肉＄56 - 略嫌勝瓜炒得過淋，不過牛肉嫰滑無渣本人覺得以這個價錢可以食到咁高質素食物真係好抵食，茶餐廳都做唔到啦！但味道再淡少許會更好！

I love Chicken Hot Pot. It is an upgrade version of conventional hot pot. However, it is not easy to find a good chicken Hot Pot~ The sauce of the chicken is most influential! Also, the texture of the meat is not always juicy. I would recommend this restaurant because the sauce and the chicken are wonderful 🤩🤪I love the green onion which absorbed all the taste from marinated chicken~ Actually, the quality of the suspects （like sliced beef and veggies）is another determined factor of a good restau

呢間山林道啱啱新開業嘅分店人流比較少，好適合想靜靜地同朋友食餐高質邊爐既客人，位置都唔算偏僻。豆腐清湯煱$70想打邊爐又怕食太多肥膩野，可以叫呢個豆腐清湯煱😋。佢清得來又唔會太淡，配料(菇，豆腐)好新鮮同埋落得好足。Wasabi 牛柳粒 $72呢款小食相當特別，平時食牛柳粒都好少會點Wasabi，但原來個配搭非常之好。牛柳粒嘅質素非常之高，唔會太硬淨，每粒既大細都令人十分滿意。😍👍餃餃陣 $115呢個餃餃陣有自製韭菜餃、自製鮮蝦雲吞、自製蟹粉蟹肉雲吞、魚皮餃。餃嘅質素就不過不失啦，而鮮蝦雲吞既蝦都幾大個，令人驚喜嘅！自創爆芝響鈴 $42/3件呢個爆芝響鈴簡直係全餐嘅精髓！滾完之後半溶嘅芝士再加又厚又脆既響鈴，令人回味無窮！😍👏👏稻庭烏冬$30爽口彈牙，正！有多款配料任君搭配

山林道店剛開業，所以走上去試下佢地出名的花膠雞煲，果然真材實料無味精，煲一上枱，湯頭呈奶白色味道非常濃郁而且雞肉食到後面還好嫩，好足料，花膠厚肉大塊量亦都多，媽咪都贊👍🏻食得出係用心之作，點左爆芝響鈴，超邪惡但好好食，店員呈上枱時話響鈴是即時炸的，實物大大件食時芝士融出來，終於明白點解起個名叫＂爆芝＂，還點咗手打丸雪花牛同雲吞，打邊爐點少得呢D。下次再去，會試佢地另一出名的辣雞煲辣酒花螺和炸魚皮