吞POT 雞煲火鍋.住家菜 (Closed)

同朋友行完新開既商場,用OPENRICE APPS搵到係附近既一間雞煲,見到7點半前離場,配料仲有半價優惠,即刻同朋友衝上去試!對花雕酒情有獨鐘既原故,二話不說揀左花雕酒做湯底。上雞煲前,餐廳有個味架比你自己調味,可以左溝右溝,所有材料都好新鮮,好香。係廚房出菜時,已經聞到一陣陣花雕香味,我就知無揀錯,雞件都好多,每一舊都好大舊,一D冰鮮味都無,值得一讚呀!配料方面,點左一客美國雪花牛,一客黑毛豬梅頭,一客餐廳自製既丸拼盤,仲有一客油麥菜。先講美國雪花牛,肉同脂肪比例非常好,油花唔會太多,肉質好鮮,好有咬口,每塊牛唔會切到好薄,無論就咁由花雕酒湯底度夾上黎,定係點小小自己整既醬汁,都遮唔到塊牛既鮮味。之後就係黑毛豬梅頭,同樣地,唔會太肥膩,所以食多幾塊都唔會好飽好濟,豬梅頭肉質比雪花牛再幼嫩小小,同樣好有鮮味。最出奇不意既係丸拼盤,餐廳將佢命名為十全大補丸,故名思義,就係有十粒丸,每款丸有兩粒,而當中有三粒丸係有餡,五款丸都各有特色,十分之有新意。而油麥菜就係想清一清口腔,亦都唔想咁多肉,而呢間餐廳既油麥菜可以話係我食過之中數一數二咁新鮮,因為打邊爐既菜好多時都會煮到林哂,而呢間餐廳既

同朋友行行下旺角，大家建議食雞煲，所以就揀左呢間係附近既呑pot火鍋雞煲！一睇個餐單，二話不說揀左花雕藥膳雞煲！五分鐘左右，個雞煲就到，一陣陣花雕味勁香！看似平平無奇，但每舊雞都好入味，好有咬口，絕對唔係冰鮮雞質素。自己diy既醬汁，最推介既係麻辣醬，好有驚喜！十全大寶丸，乜都有得試下！好有驚喜！內有乾坤！超級推介，因為真係好高質！入邊嘅餡都好好食！再推介既係呢個雪花肥牛，每一塊都有咁上下厚度，牛味濃厚之餘吸收埋花雕湯既味，點唔點醬都可以話無得頂！黑毛豬梅頭啱哂唔食牛既人士，同樣好有肉味，一啲雪味都無，咬落去唔會太乾，脂肪分佈又靚！咁多肉點可以無菜？所以揀左個油麥菜，油麥菜可以用新鮮兩個字黎形容，每條都好爽口，為成晚既雞煲做上一個總結！

終於忙裡偷閒「吞泡」黎食”吞POT 雞煲火鍋” ，比起任食火鍋，重質多過重量既我更加鍾情即叫即整既火鍋。一心諗住食雞鍋，為左夥伴們流晒鼻血，7款之中鎖定左唔辣又大補既滋補螺片花膠雞煲。揀好湯底，職員就捧左盤九官格既調味料黎俾我地揀，首選芝麻醬加次選豆瓣醬。終於對住23樓既靚景下，主角出場，趁熱一人整番碗螺片花膠雞湯，又幾足料，煲左咁耐都仲夾到完整成片上黎，上菜既速度實在太快，打得卡黎又到其他野都黎到。值得推介芝士嚮鈴，趁湯滾起放落去滾滾夾番上黎，咬開d芝士流出黎好滿足，一人至少預番兩件先夠喉！阿媽教落打邊邊肉要遲d先放，一次過掉晒全部丸落煲，睇住佢地滾熟浮番上黎既感覺好治愈，個人最鐘意食手打黑色墨魚丸(墨魚丸控) 鐘意彈牙既口感，第二都係無條件墨魚丸，下次好想試下手打黃金海膽墨魚丸。四個人岩岩好叫左個餃餃陣每人兩款，蟹肉雲吞感覺唔錯，另外食左咩，我都唔記得左！最後食肉獸既我緊係要揀雪花肥牛，賣相好好成個風車咁鋪係到賞心悅目，打完卡都唔捨得夾黎滾，個人口味會配芝麻醬，太渴求芝麻醬仲要翻添，第二喜愛五花腩，望落去好似少過牛，但食落飽腹感比牛更加強勁，食豬用豆瓣醬係最perfect matc

同朋友一齊食雞煲 黎之前係有book位既 叫左個花膠雞煲 味道偏淡 雞件份量都正常 好食在於墨丸係人手打既 彈牙 又有口感 另外 午餐肉都唔錯 本身上菜時係熟既 之後滾兩滾就食得 外脆內軟 味道不錯 肥牛都新鮮既

今日同女朋友去旺角街，佢話夜晚想食雞煲，見到附近有呢間就去試下。入到去個環境都好乾淨，坐既位置都好闊落，兩個人都會比四人枱我地，8點幾個場都幾full好多人。一坐底就有調味架俾我地，調味料種類都齊全，有八種任我哋跟返口味落。我哋叫咗個辣酒花螺雞煲，同女朋友都比較食得辣，所以叫左中辣。雞煲分量好足夠，兩個人食岩岩好。味道比較辣，有少少酒香味，女朋友本身唔太好酒都話好香好好味。花螺煮得都好入味，花螺食落新鮮夠大粒。雞肉夠嫩唔會老，即使係雞胸位都好嫩滑，都仲有肉汁唔會話好柴。另外都叫左杯大大杯鹹檸七，解辣一流，杯比平時既既大一至二倍，一飲落去即刻gur哂。食完雞煲就梗係唔好哂用埋啲汁加湯打邊爐，雖然食完都有少少飽，所以配料叫左唔係好多。我地叫左自家制蟹粉蟹肉雲呑、蘿蔔、金菇、紅薯粉。雲呑皮唔厚，餡料食得出有蟹粉味，蟹肉味都幾突出。蔬菜新鮮，蘿蔔食落都無渣。金菇同紅薯粉都吸引哂啲汁都唔需要咩醬料再調味。整體嚟講都幾好，下次有機會經過會再嚟。這

(放工後…..)終於可以光明正大咁吞POT喇！地方雖然不大，但環境舒適，望出去仲有街景睇添。而且通風系統都唔錯，大熱天時，打邊爐都唔會身水身汗。今次豪食雞煲火鍋，因為唔特別好辣，揀左滋補養顏既螺片花膠雞煲半隻。一黎到就急不及待試試個湯，味道濃郁，雞同花膠都足料，如果唔係空肚黎，可能真係食晒個雞煲已經飽左一半。點左必食既邪惡爆芝響鈴，即叫即炸，新鮮熱辣上枱，未食都見到流心芝士好澎湃！襯熱浸一浸湯即食，正。仲有食肉獸必點既特級肥牛，份量十足，脂肪比例均勻，過一過湯即食。唔食牛既朋友，絕對要試依到既豬腩片，厚薄適中，唔需要滾太耐，配埋芝麻醬食，肉味一絕！手打四寶丸亦相當唔錯，一碟4款，每款2粒。當然有我最愛既墨魚丸，爽口彈牙，必食！最後，當然唔少得近年打邊邊之寶，娃娃菜啦！浸到軟身，索晒湯底既精華，真係好入味。

旺角的「吞pot雞煲火鍋」一直在我的口袋名單，一路拖一路拖拖到而家先食。佢有麻辣雞煲、藥膳雞煲、胡椒豬肚雞煲等等，不過佢的招牌都係螺片花膠雞煲（半隻$208），個湯係幾好飲的，清清地味精感覺唔重，越煲越濃。雞件肉質唔夠滑，味道淡淡的，要靠醬料增味。花膠同菇分量都唔少，煲得耐個湯會漿口，感覺好滋保，好啱女士食，對我呢種喜歡重口味的，偶爾一餐清清地都不俗。

今日又去咗吞pot食火鍋今次揀咗花膠雞煲半隻三個人食208蚊正常價錢都唔貴因為佢呢啲滋補湯可以連湯底飲所以都健康嘅雞塊冇急凍味道都算新鮮叫咗自創爆脂 響鈴 三件入面全部都係芝士流心輕輕浸一浸火鍋嘅雞煲湯已經可以入口因為芝士分量都幾多食落好快會食飽45蚊三件一人食到一件因為牛肉控朋友點咗牛肉粒食份量都幾多血水少凍冰冰的一口牛肉粒尺寸90蚊一碟西柚特飲好大杯一個人飲係飲唔曬嘅飲落去似係普通汽水36蚊杯最後講一講下餐廳整體嘅感覺一入到去有一個大魚竿 望落都幾廣闊窗外有景睇如果唔鍾意火鍋氣味 喜歡乾淨嘅人可以同店員講將衣物，袋放入 locker入面食完嘢先拎返出嚟醬料一人12蚊 加三碗白飯36蚊再加一人均人頭計算一人200左右

打邊爐最緊要梗係個湯底我哋嗌左好清甜又好補身嘅螺片雞湯就咁飲已經好好味啦！我哋喺未落嘢食之前已經飲咗兩碗😂😂😂因為怕落嘢食之後太油，影響咗雞湯本身嘅清甜兩個人打邊爐真係叫唔到好多嘢食好多想食嘅都怕食唔晒所以冇叫到建議真係想來試嘅朋友記住叫多幾個人嚟一齊食！招牌四寶墨魚丸，蓮藕，粟米，象拔蚌片墨魚丸好有驚喜，彈牙，仲有唔同嘅味道另外仲試咗Wasabi牛柳粒牛柳都血淋，配上Wasabi送酒一流🤤環境唔錯，可以encore!

係久仰大名嘅吞pot雞煲火鍋！😍😍😍好興奮我終於黎試吓啦~~~今日唔想太重口味食雞煲，所以就揀打邊爐叫咗招牌螺片燉雞湯鍋，真係冇揀錯👍🏻👍🏻👍🏻雞湯清甜但濃郁，感覺滿滿膠原😂😂螺片真材實料 有好多塊！正呀清清地唔落豉油，食物一樣夠味道兩個人食唔到好多，嗌左幾樣餸招牌四寶 墨魚丸真係好彈牙！而且好入味！強烈建議平時鍾意食墨魚丸嘅人一定要試吓😌另外我打邊爐一定要有嘅就係粟米一定唔係平時超級市場買開最平嗰啲，粟米非常清甜爽口👍🏻👍🏻👍🏻海鮮嗌咗象拔蚌片試吓，都幾爽脆新鮮!

滋潤螺片花膠雞煲半隻 208hkd兩個人撐枱腳，又一次去到旺角呢間再次食雞煲今次揀咗， 滋潤螺片花膠雞煲半隻 去食，次次入到餐廳， 窗邊一排枱都好花比客人霸佔左，佳因果個位置睇到令令的香港景色。 湯大方面， 花膠特多，雖然只係得半隻雞，但係非常足料，兩個人食半隻雞都有點太多，飲盡曬湯底都唔口乾牛柳粒90hkd額外點咗少少 ，吊吊湯底嘅味道， 豐富口感， 牛柳粒食物ok，但放喺火鍋內煮，好容易煮過熟，最好係一件一件咁煮， 今次失手咗，因為一次過放曬入煲內煮， 令湯底降溫， 煮過咗龍。大杯大檸茶（配火鍋，最正）分量好多，杯好大，大概1200ml ?? ，坐低慢慢飲2個鐘一定夠飲。12hkd@醬料大挑戰：麻辣醬，驚人既麻辣，一小匙都嚇親

今晚同女朋友 2個人去食雞煲 咁岩係旺角呢頭 所以搵左間比較多朋友推介既試下先 咁佢就係23 樓 一塔lift 去到間餐廳就已經睇到黃昏 當時大約7點3 左右 好靚 叫野食之前比個menu大家睇睇先咁我地2 個都唔算好大食 所以就叫左半隻麻辣雞煲（bb辣）$178 價錢唔算太貴 個雞煲有埋洋蔥係入邊 煮得好入味 同d雞一樣 夠曬濃味 d醬汁甜甜地辣辣地 岩曬食麻辣既人啦 如果唔食得辣既人就建議你叫返個無辣既雞煲啦呢間餐廳有樣抵讚既野就係 個雞煲上之前侍應就會拎曬全部醬過黎比你落左個碟到先 醬汁既配料選擇都好多 好高質 除左個雞煲我地之後打識爐都叫多左幾樣野食 叫左碟唐生菜（$38），2 隻雞蛋（$16），同埋萵筍片（$38）另外叫多2杯野飲 野飲夠曬大杯 可以止止辣主要想講講之後食完雞煲打邊爐 萵荀片好爽口 好好食 同埋叫唐生菜既原因係因為個湯底好夠味 希望d菜可以吸到個湯底既味 結果都成功左 唔太油 菜又新鮮最後我地2個人賣單就400$ 價錢合理 野食都夠食飽我地2 個人 望住咁靚既旺角夜景食飯真係一流 值得一試 另外想讚一讚侍應既服務態度真係好好

花膠雞湯厎足料，可以做出嫩雞效果當然材料入貨方面下了功夫，烹調配合花膠尚算一絕，再加上23樓的高空吃火鍋，真是美景！牛肉跟羊肉質素挺高！響玲也新鮮炸出來，更值得給一個Like!

放咗工有d肚餓就想食返d好嘢慰勞自己，咁啱網上見到呢間d食物相好吸引，又喺旺角呢個中心地帶，就即管試下新嘢。見間餐廳喺23樓，就估應該望出去個景色都唔錯，結果真係無令我失望。到咗23樓一出lift口有幾塊落地大玻璃，我7點鐘去到，一望出去就係日落時分既藍天白雲紅霞，真係美不勝收。見到咁靚既景色真係心情都好d，又會特別開胃。打開個餐牌就見到餐廳推介辣酒花螺雞煲，同埋有頂級美國肥牛，因為肚餓既關係，我同個 friend 就毫不猶豫地揀咗呢兩樣。食雞煲當然唔少得飲品啦，我地試下青瓜特飲同埋咸檸7。本身以為係平時d凍飲杯size，點知餐廳係用特大既杯，差唔多有2罐汽水咁大杯，等我地補充足夠既水份，真係好貼心。咸檸7味道中上，青瓜特飲幾fresh又唔會太甜，值得一試!喺正式上菜之前，餐廳會畀好多款醬油配料畀我哋揀。至於主菜雞煲，果然係餐廳招牌推介，d雞同花螺都好入味，而個頂級美國肥牛肥瘦分佈均勻，肉質鮮嫩，真係物有所值!總括嚟講，今晚真係食得好滿足，環境舒服，窗外有靚景睇，食物質素都幾好，下次都會再嚟呀!

係旺角，位置方便，一入，唔洗等太耐位。最震撼係個靚view,等多一陣都要坐窗口位！有個無敵夜景view.Menu方面，平時食得太多雞煲，呢家好在有醉雞、辣酒呢d花巧野。我叫咗個辣酒東風螺，因為朋友唔食得辣所以我就走左辣。另外加咗個美國頂級肥牛。煲嚟啦，味道同普通雞煲差唔多，酒味唔算太重，但加咗啲東風螺之後係正d,d螺好易食，有比牙簽撩出黎。不過要好快食晒佢哋啦，因為個湯底會變得慢慢越嚟越咸。可能我走咗辣嘅關係，所以個味係咸左少少，食得辣嘅朋友記得要加辣啊，相信會好食好多。冇幾耐之後，就加湯落肥牛，啲肥牛果然冇叫錯，好重牛肉味，而且人口好快就鬆化，我哋都係滾10秒就即刻食，諗返起都正。另外要提嘅係佢哋飲品，我叫咗杯青瓜特飲，一飲落去Fresh,雖然感覺似係青瓜加咗落啲七喜到，但估唔到真係幾正，甜得來又有少少草青既清新而又唔會腥。鍾意食青瓜嘅人一定要叫一杯，當清熱都好丫。總括來講，依間野個景同環境都ok,可以比朋友敘舊傾吓計，完全冇壓力會催你走。