吞POT 雞煲火鍋.住家菜 (Closed)

同朋友行行下旺角，大家建議食雞煲，所以就揀左呢間係附近既呑pot火鍋雞煲！一睇個餐單，二話不說揀左花雕藥膳雞煲！五分鐘左右，個雞煲就到，一陣陣花雕味勁香！看似平平無奇，但每舊雞都好入味，好有咬口，絕對唔係冰鮮雞質素。自己diy既醬汁，最推介既係麻辣醬，好有驚喜！十全大寶丸，乜都有得試下！好有驚喜！內有乾坤！超級推介，因為真係好高質！入邊嘅餡都好好食！再推介既係呢個雪花肥牛，每一塊都有咁上下厚度，牛味濃厚之餘吸收埋花雕湯既味，點唔點醬都可以話無得頂！黑毛豬梅頭啱哂唔食牛既人士，同樣好有肉味，一啲雪味都無，咬落去唔會太乾，脂肪分佈又靚！咁多肉點可以無菜？所以揀左個油麥菜，油麥菜可以用新鮮兩個字黎形容，每條都好爽口，為成晚既雞煲做上一個總結！