吞POT 雞煲火鍋.住家菜 (Closed)

終於忙裡偷閒「吞泡」黎食”吞POT 雞煲火鍋” ，比起任食火鍋，重質多過重量既我更加鍾情即叫即整既火鍋。一心諗住食雞鍋，為左夥伴們流晒鼻血，7款之中鎖定左唔辣又大補既滋補螺片花膠雞煲。揀好湯底，職員就捧左盤九官格既調味料黎俾我地揀，首選芝麻醬加次選豆瓣醬。終於對住23樓既靚景下，主角出場，趁熱一人整番碗螺片花膠雞湯，又幾足料，煲左咁耐都仲夾到完整成片上黎，上菜既速度實在太快，打得卡黎又到其他野都黎到。值得推介芝士嚮鈴，趁湯滾起放落去滾滾夾番上黎，咬開d芝士流出黎好滿足，一人至少預番兩件先夠喉！阿媽教落打邊邊肉要遲d先放，一次過掉晒全部丸落煲，睇住佢地滾熟浮番上黎既感覺好治愈，個人最鐘意食手打黑色墨魚丸(墨魚丸控) 鐘意彈牙既口感，第二都係無條件墨魚丸，下次好想試下手打黃金海膽墨魚丸。四個人岩岩好叫左個餃餃陣每人兩款，蟹肉雲吞感覺唔錯，另外食左咩，我都唔記得左！最後食肉獸既我緊係要揀雪花肥牛，賣相好好成個風車咁鋪係到賞心悅目，打完卡都唔捨得夾黎滾，個人口味會配芝麻醬，太渴求芝麻醬仲要翻添，第二喜愛五花腩，望落去好似少過牛，但食落飽腹感比牛更加強勁，食豬用豆瓣醬係最perfect matc