吞POT 雞煲火鍋.住家菜 (Closed)

(放工後…..)終於可以光明正大咁吞POT喇！地方雖然不大，但環境舒適，望出去仲有街景睇添。而且通風系統都唔錯，大熱天時，打邊爐都唔會身水身汗。今次豪食雞煲火鍋，因為唔特別好辣，揀左滋補養顏既螺片花膠雞煲半隻。一黎到就急不及待試試個湯，味道濃郁，雞同花膠都足料，如果唔係空肚黎，可能真係食晒個雞煲已經飽左一半。點左必食既邪惡爆芝響鈴，即叫即炸，新鮮熱辣上枱，未食都見到流心芝士好澎湃！襯熱浸一浸湯即食，正。仲有食肉獸必點既特級肥牛，份量十足，脂肪比例均勻，過一過湯即食。唔食牛既朋友，絕對要試依到既豬腩片，厚薄適中，唔需要滾太耐，配埋芝麻醬食，肉味一絕！手打四寶丸亦相當唔錯，一碟4款，每款2粒。當然有我最愛既墨魚丸，爽口彈牙，必食！最後，當然唔少得近年打邊邊之寶，娃娃菜啦！浸到軟身，索晒湯底既精華，真係好入味。