252
35
7
Exit G, Central MTR Station/ Exit C, Hong Kong MTR Station
continue reading
Telephone
21669000
Introduction
L' Atelier de Joel Robuchon is a French restaurant that serves delectable foods amidst stunning decor. A few of their signature dishes include Wagyu beef sirloin, free-range quail with foie gras, and caramelized cream custard with pistachio and cacao.
continue reading
Awards and Titles
Michelin 2 Starred Restaurant (2009-11), Michelin 3 Starred Restaurant (2012-23), Asia's 50 Best Restaurants (2017)
Additional Information
客人不可自帶酒水和蛋糕
Opening Hours
Today
12:00 - 15:00
18:30 - 23:00
Mon - Fri
12:00 - 15:00
18:30 - 23:00
Sat - Sun
11:30 - 15:00
18:30 - 23:00
*Lunch last order: 14:30; Dinner Set Menu last order: 21:00, A La Carte last order: 22:00
Above information is for reference only. Please check details with the restaurant.
Signature Dishes
Recommended Dishes
RELATED ARTICLES
Review (321)
繼續摘下人生美食的星星，早在多年以照耀，但無耐年紀少少，荷包細見識少未能勇敢嚐試，今時今日荷包成長了人也大了，早在三星期前訂位，一如多間星班餐廳要在訂實以後落上訂金方為有效。。。午市以HK$880. 起跳至HK$1380. 套餐不等，亦都有一些迷你版嘅testing menu,就好取決於自己喜歡食邊一樣，又或是像我一樣貪心地在套餐以外揀選。。。當日職員亦都好好，由於我一人入咗建議我還是勿點太多，那就好吧點選一個午餐【最終還是加一份額外點上的餐單。。。】麵包籃真是陣容鼎盛，就算一人入座也依然彼得封厚，軟身包硬身包各有捧場客，自己還是淺嘗的好，因為還是要留肚留食力⭐️⭐️⭐️吃完麵包籃之後便是一個開胃菜，怪我在寫上這份食文當中已經忘卻了味道，原因當日真是一浪接一浪的令到味蕾更見精彩⭐️⭐️⭐️前菜是一份以紅菜頭配搭蘋果及牛油果與及芥末雪葩所做成，未放入口之前還感覺會否有紅菜頭的草青味道？但原來絕對可以放心，廚師的烹調技術令到嘴巴一次過感受了蘋果/牛油果/紅菜頭，兼且有微辣的雪葩感受，不論視覺及味道都值得一讚⭐️⭐️⭐️⭐️至於另一份油甘魚刺身薄片，配上檸檬味道的橄欖油絕對匹配，飛魚子加上少少辣椒粉，上菜的前後也絕對影響了味蕾效果⭐️⭐️⭐️⭐️主食方面用了緬因州出產的龍蝦，當日所吃幼嫩美味，自己還是第一次試上了Fregola 感覺有一點點咬口，但又不至於意大利米那樣黏糯，用上蝦殼以及蝦膏所製成的醬汁再打成泡沫，視覺與味覺都毫無挑剔⭐️⭐️⭐️⭐️自己在主菜以外，挑選了一份小型的鵪鶉，餐牌上寫上是放養的，那我就不知道放養與否對質感肉地有什麼關連？至少面頭前的十分好吃，雞胸釀入了鴨肝，做出來的熟成度恰到好處，鴨肝完全沒有油膩感，配上著名的（薯蓉），其實已經有七八成飽⭐️⭐️⭐️⭐️⭐️鵪鶉是配合上薯蓉的,少少一份不過自己就不大覺如坊間説牛油味超濃,相反合自己口味~自己還是不死心，跟上眼前的瀟灑男職員道：我還是要多一份主菜>.<牛面頰用上慢煮烹調製法，入口非常柔軟，刀义下隱約見到膠質⭐️⭐️⭐️⭐️甜品方面，我選取了簡單啲士多啤梨薄片配合士多啤梨汁和士多啤梨雪葩，整體上就是「士多啤梨」，原材料鮮已經贏了一仗⭐️⭐️⭐️⭐️結尾我點選latte, 這一杯latte是我近期在Fine dinning食府當中最為喜歡的一杯，豆香味道是自己喜愛的一類型⭐️⭐️⭐️⭐️法式甜品尾聲當然不能少的Petit Fours這裏就給了兩件小小的，一粒是馬卡龍，令一棵是朱古力脆米，由於馬卡龍外型吃起來感覺稔身少許影響了口感，輕微地將分數在自己心目中拖垮了少許⭐️⭐️⭐️整體上用餐體驗自己覺得非常滿意，較一般同類型的星級餐廳自己覺得沒有較多拘謹，而且坐於吧枱當中，可以全程觀摩一下大廚二廚，又或者三處廚作過程，自己就覺得是一件賞心樂事，重返指數⭐️⭐️⭐️⭐️⭐️訂位時要用信用卡支付HK$500.按金!有加一服務!
continue reading
時隔一年，終於再次encore L'Atelier de Joël Robuchon。L'Atelier轉左menu，唔再提供3-course，最少都要從4-course開始揀。牛油同麵包籃，一如既往出色。L'Amuse-Bouche, 用咗當季mushroom，鵝肝同西芹製作，鵝肝同西芹味好重，我唔係好中意西芹，所以這個前菜麻麻地。L’Hamachi，當季油甘魚刺身，食落好肥美，入口即化，油甘魚做了調味，食落味覺層次好豐富，唔錯。La Betterave，紅菜頭搭配芥菜雪葩，好特別啲搭配，侍應特別交代要兩個撈埋一齊食，話分開食都唔好味。兩個撈埋一齊食，真係好清爽，唔會食到芥菜D苦味，OK喔。Soup, 湯底有層薄薄啲燉蛋，上面插住當季啲栗子脆片，倒落湯都係撈埋一齊食。湯同燉蛋一齊食，有少少奇怪，好似食更泡飯。Le Black Cod, 銀鱈魚煎得啱啱好，食落好幼滑，同埋黑胡椒source帶出銀鱈魚鮮甜，極其好味。La Volaille,第一次在Robuchon食到更大份啲主菜，睇到都O晒嘴。一份有3件雞肉，每一件都有巴掌更大，雞肉煎得啱啱好，表皮好焦香，內裡爆晒汁。不過份量真係太大啦，食完好滯，一份比一件雞肉好足夠。Le Framboise, 哩個甜品以respberry為主，食落好清爽，仲有少少酸TIM，中和了之前雞肉D油膩，啱啱好。Le Parfum Des Iles, 哩個甜品係全場最佳，之前一直覺得甜品係Robuchon短處，今次這個甜品真係好好食，椰子慕斯，加埋朗姆酒雪葩，再配上熱情果cream，分開都好好味，撈埋一齊更加好味，味道不會互相遮蓋，仲互相搭配TIM。Petit four同咖啡，由最初啲5件小甜點，到去年啲3件，再到今年啲2件。雖然失望不少，但是5件又真係太多，我覺得maintain返3件會好少少，2件完全唔夠喉。已經唔記得encore過幾多次Robuchon，都係一如既往D好味，值得再encore！
continue reading
呢間餐廳係我八年來最喜愛嘅餐廳。係一間米之蓮三星高級法國餐廳。基本上每年生日/ 重要節日我哋都會去呢度。今年情人節都唔例外。因為工作關係，我哋將慶祝情人節延遲左一個星期。餐廳裝修屬於高格調。設有吧枱位置及用餐雅座。吧枱位置可以望入廚房廚師烹調食物嘅過程。我哋比較喜歡坐吧枱用餐。入座後，餐廳會送上一籃新鮮焗製嘅唔同種類法式小麵包。例如牛角包、法式酸種、芝士麵包、煙肉麵包等等。今日我哋兩位就點餐廳Signature Menu - 六道菜晚餐。分別點左紅酒同埋一杯bloody orange cocktail 。之後送上主廚精心安排welcome course。第一道：Le Caviar Imperial de Sologne(Sologne Imperial caviar with fine jelly and cauliflower cream)底層由法國魚子醬做成啫喱再配上面層係由椰菜花做成忌廉。呢個配搭好新鮮！好多時食魚子醬都偏咸，呢個完全唔會。食到淡淡海水味！魚子啫喱鮮甜唔腥。第二道：La Langoustine(Langoustine ravioli with lobster coral sauce and green peas)簡單來講就係海螯蝦餛飩配龍蝦珊瑚醬和青豆。海螯蝦屬於其中一種龍蝦品種，又稱小龍蝦。餛飩裡面混有龍蝦肉同帕馬森芝士，而個汁做到好似泡沫咁。食落去好輕盈唔覺得好heavy。第三道：Le Zéphyr au Fromage(Smooth Emmental cheese soufflé with black truffle coulis）嗱嗱嗱! 呢個好特別呀! 係用Emmental 芝士做成疏乎厘配黑松露汁。平時食疏乎厘都係甜，估唔到放芝士入去疏乎厘都幾好味，質地好似食緊好light 嘅芝士蛋糕。又有濃厚黑松露汁 Emmental 芝士香真係好夾。鍾意食黑松露同芝士朋友一定要試。第四道：Le HomardRoasted Maine lobster with baby spinach and “béarnaise” sauce 終於到我最鍾意食嘅龍蝦出場，起左成條龍蝦尾上碟配嫩菠菜和蛋黃醬 。龍蝦肉好彈牙爽口，配埋特製蛋黃醬帶出龍蝦肉鮮甜👍🏻話咁快就食第五道菜，再追加多一杯Cocktail 。食左幾道菜都係海鮮嘅菜式，係時候食返啲肉第五道: La Caille (Free-range quail and foie gras with seasonal wild mushrooms ) Le Bœuf Wagyu (Grilled A4 Kagoshima Wagyu beef with French beans and mustard sauce)我哋兩個分別每人點一道。我嘅主菜就係鵪鶉和鵝肝配時令野生蘑菇，而男朋友就係烤A4鹿兒島和牛四季豆芥末醬。講下鵪鶉同鵝肝，我食鵝肝嘅時候最初以為食緊鵪鶉，係肉嘅感覺。後來經理講解先知道原來係將件鵝肝慢煮再煎，平時食係滑嘅口感，估唔到可以煮到咁特別嘅口感。當然好好味😋而A4鹿兒島和牛四季豆芥末醬，呢款和牛嘅脂肪分布平均但唔算多。煎到和牛表面少少脆，保留左大量肉汁，口感似返牛扒。平時食開和牛脂肪含量多，食落口好多油咁，我反而幾鍾意呢種和牛，完全唔油膩。第六道： La Forêt Noire (Mushroom in Black forest style with griottine and chocolate cream flavored with kirsch) 黑森林風格嘅蘑菇配用櫻桃酒調味嘅牛古力奶油。本人非常欣賞呢個甜品，將黑森林蛋糕做成蘑菇形態做得好靚，朱古力配上榛子慕絲，底部有餅乾crumbs 同埋朱古力奶油味道好有層次。今次Fine Dine體驗一如以往質素，每一道都好有水準，我比足滿分。真係好好味好滿足！三星米之蓮名銜實至名歸，所以每年都要返黎食一次。
continue reading
餐廳出晒名一位難求，因為口碑實在太好，喺香港已經攞咗連續11年嘅米芝蓮三星🌟，絕對係fine dining 必試之作😍餐廳嘅裝修風格以紅色同埋黑色做主調，而且係使用開放式廚房，平實得黎時尚簡潔，🖤黑白配⚪️今次就揀咗A La Carte menu，試咗佢哋好多招牌菜🤤🤤Bread basket 🥖 🍞 🖤黑白配⚪️都好驚嘆點解連啲麵包都可以咁好食🤤差唔多成10款麵包俾你選擇，有croissant、果仁包、咸火腿麵包，鍾意食麵包嘅朋友，一定要試晒佢哋嘅麵包🤡我地就覺得個芝士包同埋煙肉條🥓做得最出色🫶🏻🫶🏻前菜季節限定南瓜sorbet成個口感層次好豐富，上面鋪咗開心果碎Steak tartar with black truffle and hand-cut French fries 🍟 $650 一出嚟個賣相已經贏晒，黑松露配牛肉他他，突出左松露嘅香同生牛肉嘅鮮嫩完全係開胃之作Pan seared Hokkaido sea scallop with kumquat reduction and Sologne caviar $650帶子表面香脆，食落去好嫩滑Main lobster spaghetti with imperial caviar and coral emulsion 🦞$850招牌龍蝦意粉🍝，個意粉幾幼身咬落去個質感恰到好處，龍蝦汁係用咗黃酒同埋蝦膏去煮，所以完全食到龍蝦嘅鮮味 😙龍蝦肉係大大隻嘅波士頓龍蝦，咬落去好彈牙 Milk fed lamb cutlets with fresh thyme eggplant cannelloni and garlic confit 🐑 🥛 $700BB羊架，奶味好重食落去一啲都唔騷👍🏻👍🏻Petite four小甜點🍮
continue reading
𝑳'𝑨𝒕𝒆𝒍𝒊𝒆𝒓 𝒅𝒆 𝑱𝒐ë 𝑹𝒐𝒃𝒖𝒄𝒉𝒐𝒏✨6 courses Menu Signature✨-米芝連3星，被譽為要塔飛機都要試一次嘅法國餐廳！整個體驗十分滿意，環境氣氛好浪漫，適合dating(˶‾᷄ ⁻̫ ‾᷅˵)一坐低有Breadbasket, 種類多而且數量都好多！所有麵包都係homemade! 好鬆軟，個人最鍾意係蕃茄味！提提你，如果食唔晒仲可以take away添架٩(˃̶͈̀௰˂̶͈́)و首先amuse bouche係waffle內有lobster加urchin！口感夠哂crunchy! 但咬落去好creamy! 係一個好好既開始！🍽️ Le Caviar Imperial de Sologne (𝘊𝘢𝘷𝘪𝘦𝘳 𝘑𝘦𝘭𝘭𝘺 𝘸/ 𝘤𝘢𝘶𝘭𝘪𝘧𝘭𝘰𝘸𝘦𝘳 𝘤𝘳𝘦𝘢𝘮)有Lobster同無限量既caviar 做成既jelly放係cream底，啫喱入口即溶！用上百隻lobsters熬出嘅味道夠濃郁！Caviar 嘅鹹味加埋龍蝦嘅鮮味 balance返成件事。🍽️ L’Artichaut(𝘉𝘉 𝘢𝘳𝘵𝘪𝘤𝘩𝘰𝘬𝘦 𝘸/ 𝘤𝘶𝘳𝘤𝘶𝘮𝘢 𝘦𝘮𝘶𝘭𝘴𝘪𝘰𝘯)BB artichoke營養價值十分高！用tempura嘅方法炸，裡面既artichoke好嫩滑！加埋creamy既醬，一啲都唔會食到好油膩既感覺，反而更突出主角artichoke既鮮甜！🍽️ Les Ravioles Truffées(𝘙𝘢𝘷𝘪𝘰𝘭𝘪𝘴 𝘸/ 𝘣𝘭𝘢𝘤𝘬 𝘵𝘳𝘶𝘧𝘧𝘭𝘦, 𝘤𝘩𝘦𝘦𝘴𝘦 𝘧𝘰𝘢𝘮)雲吞夠哂cheesy, 一咬係濃郁嘅芝士慢慢地滲出！加上truffle碎點綴，兩樣味道較強烈既食材並冇令人抗拒，反而拿捏得啱啱好！全部small bite, 唔會太膩，點到即止！🍽️ Le Homard(𝘓𝘰𝘣𝘴𝘵𝘦𝘳 𝘸/ 𝘣𝘢𝘣𝘺 𝘴𝘱𝘪𝘯𝘢𝘤𝘩, “𝘣é𝘢𝘳𝘯𝘢𝘪𝘴𝘦” 𝘴𝘢𝘶𝘤𝘦)Lobster tail好鮮甜！爽口彈牙！反而個sauce不過不失，可有可無~🍽️ La Caille (and) 🍽️ Le Bœuf(𝘘𝘶𝘢𝘪𝘭 𝘢𝘯𝘥 𝘧𝘰𝘪𝘦 𝘨𝘳𝘢𝘴) & (𝘉𝘦𝘦𝘧 𝘢𝘯𝘥 𝘧𝘰𝘪𝘦 𝘨𝘳𝘢𝘴)Quail 煎得香，岩岩好係粉色，夠哂tender夠哂juicy! 加上好淋好silky既foie gras，十分眼前一亮！再食埋側邊既野菌，配上香滑既招牌菜-薯蓉簡直一流！十分推薦！到beef係唔需要花力氣去切，好淋好juicy!! medium rare, 每次一啖加埋foie gras簡直係無憾！但易飽人士要注意，beef & foie gras食2啖已經會飽哂。🍽️ La Framboise(𝘍𝘳𝘦𝘴𝘩 𝘳𝘢𝘴𝘱𝘣𝘦𝘳𝘳𝘪𝘦𝘴 𝘢𝘯𝘥 𝘴𝘰𝘳𝘣𝘦𝘵 𝘸/ 𝘭𝘺𝘤𝘩𝘦𝘦 𝘤𝘩𝘰𝘤𝘰𝘭𝘢𝘵𝘦 𝘤𝘳𝘦𝘢𝘮)甜品既presentation 可以用藝術品嚟形容！除此之外，食完比較full嘅主菜，食返啲酸酸嘅紅莓加埋sorbet，完美地解滯！你以為會好酸？佢就加埋白朱古力嘅點綴，帶少少甜味中和！總括，今次係一個十分之唔錯嘅體驗，食物質素絕對係一流。( ´▽｀) 如果每個人心目中都要放一間米芝蓮餐廳去試吓，JR一定係其中一個選擇٩(˃̶͈̀௰˂̶͈́)و 你一定要體驗一下咁有藝術感嘅烹調方法~📍Shop 401, Landmark Atrium, 15 Queen’s Road Central#jcfoodgasm @joelrobuchon_hk
continue reading