老掌櫃東北菜館 (海之戀商場)

Open Now

Now Closed

是晚我地嚟到荃灣西站嘅海之戀商場，因為知道呢度開咗老掌櫃嘅分店，想試下東北菜。我地要求坐室外，因為可以睇到汀九橋嘅夜景。店員就叫我地等陣，轉頭會Call我地。咁我地就去咗Donki打咗個Round。轉頭收到Call, 咁我地就返番去。我地都點咗好多款菜式，好豐富！秘製牛犇麵。裡面都幾多牛腩同牛筋，牛腩炆得幾入味，都算軟稔，湯底嘅牛肉味幾濃，麵又很彈牙，值得推介。涼拌海蜇。海蜇頭很爽脆，酸酸辣辣的，是個開胃的小食！肉皮凍。湯多過肉皮，這個就較為失望。清炒萵筍。脆脆地，唔太油，都幾清新。羊肉餃子。羊肉味不是很濃，可以一試。好豐盛嘅晚餐呢！雖然冇乜服務，但係唔駛加一，都幾抵食架！

老媽子生日，但因為疫情關係冇左晚市堂食，唯有外賣自取同佢同細佬一家慶祝，一早經openrice預訂一隻北京填鴨，酸菜魚，宮保蝦仁，蒜蓉炒皇帝菜及甜品豆沙鍋餅，我同老婆訂左下午6點自取，未到6點到達已經準備好可以拎走，仲感到啲餸菜係熱既，跟住嗱嗱聲搭車返屋企開餐，北京填鴨幾好食，啲皮仲熱亦唔會痴埋一嚿，可以一試，酸菜魚我揀左魚柳，味道幾好，最好味係啲酸菜同薯粉，宮保蝦仁同炒皇帝菜就一般水準啦，豆沙銅餅餅皮煎得唔夠香口，整體呢餐我會比70分，疫情下外賣自取已經算唔錯，大家同心協力齊齊抗疫!!

六點後衹可外賣食物質素難免比堂食失色北京填鴨似欠缺鴨味，主要靠醬汁味道補救同枱七人也覺得唔好味但其實係今次外賣主打菜大家都有少少失望砂鍋雲吞雞係今餐最好味餸菜純粹係因為外賣返屋企懶得再煮熱覺得佢唔夠熱酸菜桂花魚真的不適合外賣要堂食熱辣辣才好味愛食魚之人表示魚唔夠滑可能因為始終係外賣啦焗都焗到過曬火喉啦其他較常見餸菜ok高力豆沙作甜品也一流總括 之前堂食覺得此店好有水準外賣真係差太遠了希望快啲有返晚市堂食

夜晚放咗工同朋友食飯，大家返屋企都要搭西鐵，於是揀咗喺西鐵站上蓋既餐廳食野，夠哂方便。餐廳望出去有無敵海景，睇住日落食飯夠哂寫意。如果有興趣，仲可以坐出面露天位tim~好耐冇食東北菜，樣樣都想試😋最後我地2個揀咗北京填鴨 半隻（跟12塊餑餑皮）、酸辣土豆絲、桂花酒釀丸子同豆沙鍋餅。自己最期待係北京填鴨，烤得外皮酥脆，肉質柔軟唔嚡口，再配上新鮮爽口既青瓜，好味~酸辣土豆絲切得幼身。上碟時見到啲辣椒仲驚好辣，點知又ok wor，屬於微辣程度，適合大眾口味。土豆絲麻中帶酸，麻味好過癮，酸酸地又幾開胃。成碟份量都唔少，兩個人食啱晒。豆沙鍋餅即叫即整，所以上碟既時候熱辣辣。佢既餅身比較脆口，豆沙甜度適中，甜而不膩。桂花酒釀丸子酸甜可口，小丸子煙煙韌韌，而且酒味恰到好處，作為甜品非常唔錯！兩個人食咗300蚊左右，唔洗加一真係好抵，仲有coupon 比我地下次用~

利申以下純屬個人觀感請自行判斷可信程度完全唔值得去首先等左45分鐘等嘅過程成間舖好嘈好多廢老一路除口罩一路撩牙有d檯又成台垃圾好恐怖然後一入去度體溫完全hea度我都幾肯定個侍應完全無望過個探熱計就走去帶位見蘋果日報報導過佢以為唔錯啦所以就諗住試下佢個片皮鴨寫單寫左幾樣嘢食再加埋一隻片皮鴨點知侍應（同量體溫同一個）可能見我地後生好無禮貌問我地有無訂鴨我地話無然後超無禮貌講左一句「無就無架啦」就走左吓搞笑啊入門口你唔講門口又無寫入到去落單先講好我算服務態度咁差🙂其他野食都係普普通通但係個雞絲粉皮真係好一般雖然18蚊姐但係個酒釀丸子少到好似無咁拔絲蘋果簡直係大笑話歡迎大家去幫襯了解下究竟發生meh事

有行過荃灣donki 基本上都會見過老掌櫃既大招牌今次好奇望下有咩食，一秒就畀$168半隻北京填鴨吸引住，就決定試試佢__________________________🔹 北京填鴨(半隻) $168初初以為人地好大碟嗰啲相係全隻鴨無諗過原來只係半份，超級抵食.上枱既時候勁香油脂味、皮都香脆、食落有肉香、帶有少少野性既騷味不過始終係填鴨，唔係片皮鴨，雖然有油脂，但肉會厚身啲，口感會乾身少少但就真係啖啖肉、半份4個人食都得.本身已經有12塊餑餑皮，唔使另外嗌黎嗰時熱辣辣，皮夠薄、但又唔會穿，係有少少乾身.配既青瓜同葱普普通通，總合黎講鴨體唔錯，其餘合格，性格比甚高.🔹醉雞 $68雞本身唔錯，肉唔係滑但好嫩個皮都幾靚，雖然未去到水晶皮咁，但已經幾靚幾好味佢個酒好重味、但無乜其他調味最大問題係唔入味，啲酒味唔喺個雞肉.🔹乾煸四季豆 $68價錢黎講都唔平、不過份量搭救豆煮得好脆，咸咸地都幾好味雖然見到好多辣椒、但其實只係吊吊味、基本上唔辣食到個底有少少油，但唔會太膩

想食老掌櫃好耐，雖然屋企附近就係總店，但因為想去行下Donki，索性去荃灣海之戀分店。總店平時人氣旺盛，繁忙時間要等位接近1小時，以為分店會好一點，點知一樣全場爆滿，好受歡迎。好彩老公一早排隊，我放工後到等一陣已經可以入座！入到去先發現餐廳有海景露天座位，對住海景食飯，環境舒服又浪漫。可惜今次坐室內，唔知有無得訂位要求呢？北京填鴨（半隻 $168)幾乎每枱都必點，因為$168有半隻填鴨實在太抵！份量亦絕不欺場，超足料！雖然老掌櫃主打食東北菜，但味道明顯有改良過，唔會好濃味或太油膩，迎合番香港人口味。每片有皮有肉，餅皮亦好薄身，包住青瓜，大蔥等一齊食，口感豐富，唯有需要改善嘅係鴨肉比較乾身，肉汁唔夠。京蔥羊肉餃子(10隻 $46)餃子頗有水準，羊肉調味剛好，而且保留肉汁，皮薄餡靚，唔錯。老醋海蜇頭($64)海蜇食得多，海蜇頭就比較少見，難得見到，當然唔可以錯過！海蜇頭冰涼爽滑，配上酸甜有致嘅陳醋汁，非常開胃。特別係配搭填鴨，不失為醒胃嘅一道前菜。

平時出街食飯就算食中菜都好少會食東北菜，呢間東北菜館原來係老字號黎，雖然係Donki 附近，不過位置唔起眼，但食飯時間非常full，睇黎幾受歡迎！仲睇到海景添架😆..◾️雞絲粉皮 • $58本身以為細細碟，點知份量幾多，可以當主食。粉皮晶瑩剔透，口感爽滑，麻醬好香濃，加上青瓜十分清爽，但雞絲可以再嫩滑啲🙈◾️四喜烤麩 • $56烤麩就係類似麵筋，口感軟綿綿咁，用黎吸收左醬汁就～整體就係甜甜地嘅南乳味，有啲似食盤菜嘅味道◾️京燒羊肉 • $128羊肉真係唔可以冇左孜然粉呢個最佳拍檔，加左之後唔單止可以僻羶味，仲可以令羊肉香味昇華🤩羊肉唔會乾柴仲帶點嫩滑，外皮亦酥脆😋◾️豆沙鍋餅 • $48係甜品黎嘅，餅皮入面夾住軟滑而不膩嘅紅豆餡，即點即整熱辣辣。

黎到荃灣就諗住去行下donki 但又唔想買到一袋二袋咁先去食野所以決定去搵左野食先估唔到Donki隔離岩岩好就有一間所以今晚就黎試下呢間東北菜 呢間環境都幾開揚不過座位編排上有啲逼同隔離座距離都有啲近有壺茶放檯比你自己斟 但要收茶位價錢每人8蚊野食方面 叫左乾煸四季豆 $68呢個炒得幾香 唔油 豆都好爽口 幾岩送飯小雞燉蘑菇 $88同我想像既係唔同既 入面有冬粉 茶樹菇 同雞先講佢既雞 應該係用雞全翼切件 不過入面勁多雞翼尖 呢兜入面都有7隻雞翼尖同佢啲雞既肉質已經燉到好爛 仲有啲鞋 冇咩雞味佢既湯汁好濃既花椒八角既味 冬粉都吸收晒湯汁既味茶樹菇就正正常常秘製杭州骨 $78呢個似糖醋排骨 酸酸甜甜 幾開胃排骨粒唔會好韌 包住晒醬汁 都好送飯入面仲有啲薯仔粒同菠蘿粒薯仔粒應該炸過 幾脆口呢間野食價錢唔算貴 但份量十足性價比唔錯👍🏻

donki應該係最近大家常去的地方去完shopping當然去搵食一向麻麻地東北菜因為怕佢太濃味但見到有片皮鴨食入去坐下食下侍應服務好好環境望海坐近窗位風景相當唔錯眼見都幾多台留座肉三鮮水餃餡多夠juicy醉雞花雕酒略甜雞肉嫩滑啱我口味清炒蝦仁蝦仁份量多不失爽口北京填鴨半隻半肥瘦鴨肉配脆口鴨皮再加配菜同暖身粉皮入口滿足半隻份量都好多四至五人都夠食都幾抵食最後主角登場拔絲蘋果記得細個係酒樓食過之後就好小見有得食功夫菜唔食唔得當然冇令我失望外層拔絲脆口甜蜜蘋果不失爽甜重拾兒時回憶肥幾磅都無所謂記得食個陣要浸一浸凍水焦糖更脆口下次要encore拔絲地瓜

為左去行don don donki，就黎左OP mall行下！行完donki一出去就見到呢間餐廳，見佢價錢適中，又好耐無食過片皮鴨所以就入去試下😂**********<北京填鴨> $168北京填鴨以呢個價錢黎講嘅話性價比算高，填鴨上枱嘅時候仲暖暖地，鴨肉唔算好肥，餑餑皮夠熱而且厚度適中，重點係有好多塊，所以包到好多嚿，啱曬鍾意食填鴨嘅朋友👍🏻**********<黃金四季豆> $74一上枱咸蛋陣味已經好濃烈，撈落四季豆好香，咸蛋控一定好鍾意！美中不中係啲四季豆無搣到啲根，搞到食落會有渣😩**********<麻辣海蜇> $60海蜇食落幾爽脆，份量都幾多，不過辣油好多，味道都幾辣下，唔食得辣嘅話可以叫蔥油海蜇🙊**********<高力豆沙(2件)> $24呢個唔推介，個皮無咩味同埋口感好實，好似食緊炸麵包咁，感覺唔太正宗🙄

自從海之戀的商場開了之後，真係對我這些西鐵來說是天大喜訊，就算打風落雨，西鐵上蓋唔使淋雨就可以開飯。今晚同老公去了幫襯這間東北菜館。東北肉皮凍簡直係女士補品，肉皮凍骨膠原豐富，食啫喱般，加上鎮江醋令整體唔會太膩。韭菜豬肉餃正宗東北餃子是唔會皮薄，所以這個餃皮好正常，唔會成舊粉，亦都唔會薄到透，餡料調味得剛好，肉餡都很juicy。雞絲粉皮粉皮份量很多，夏天食最清爽，麻醬味夠香。京式炸醬麵表面舖滿了炸醬，跟麵拌勻一起，麵質就偏腍，但唔會糊口，炸醬亦唔油膩，比較健康。紅燜豬碲豬手又係充滿了骨膠原，炆到入口溶化。桂花酒釀丸子丸子煙韌彈牙，充滿桂花香味。食物抵食夾大件，會再翻兜👍🏻👍🏻👍🏻

久不久都會幫襯大角咀嗰間老掌櫃，雖然次次都排好耐，但食完都會覺得值得～驚荃灣開咗分店，我又住得近，就過來呢間試吓。結論就係比大角咀，美味程度-30%左右。片皮鴨，需要預訂先有得食，呢個就正常不過不失。京醬肉絲唔係好夠味，因為用嚟包餅食可以濃味啲。拔絲蘋果，剛剛炸起，又甜又脆好美味～酸溜土豆絲，都係唔係好夠味。總結來講，我會去大角咀本店食

第一次吃這家是在 大角咀時候，記得個陣好多人排。呢加難得荃灣開左分店，梗係要試下！預先在app 上訂位 ，由於是星期六早幾日訂也只有6點這位置。但幸好有book! 7 點過後基本上較要等位。先叫了前菜麻辣海蜇頭，這個十分推介！因為好少地方有得食，海蜇頭係挑選最爽滑的部分，所以食落去好似食緊啫喱咁！加上麻辣味好夠好開胃。主菜片皮鴨都好食，唯一敗筆係甜品個拔絲地瓜。總括泥講，野食跟大角咀時一樣 環境開揚了坐得舒服啲。如果泥荃灣donki 行的話 都推介可以食呢間，除左donki foodcourt 之外

打電話去訂位，佢話要訂到8:30，一係你嚟攞位啦！咁我6:30去攞位，點知佢要我坐露天，但係入面大把位，又要限定個半鐘，員工態度又差，未食已經卻步走人！好彩冇食睇到評語勁差！