老掌櫃東北菜館 (海之戀商場)

Open Now

Now Closed

荃灣海之戀有間東北菜，平時經過見好多人排隊😱！見佢北京填鴨$168有交易，連埋10幾塊餅皮😳，好抵啊😳😳，呢個份量兩個人食啱啱好，過吓口癮都好😍,所以我又排埋一份😂😂-北京填鴨半隻$168比想像中大份同厚肉，鴨肉好香，表皮亦燒得好脆😍，配搭上蔥白,青瓜，同甜面醬係實在出色，佢個餅皮認真薄！薄到有時佢哋黐埋變成一舊都唔多覺😂，包埋填鴨食口感好正😍！基本上見到每一枱客人都必點😍-紅油抄手（10隻）$48鮮肉雲吞有肉汁，辣度唔高，10小辣可能都冇 😜-油潑麵$38 見到個名幾特別就試吓啦😂，可以當佢係滿滿辣椒嘅乾拌麵，呢個價錢黎講大碗到傻-桂花酒釀丸子$18桂花酒釀好香，丸子屬於較淋身😉-高力豆沙$12/件（最少兩件起叫）又係因為佢個名特別所以試吓叫嘅😂，完全唔知咩嚟，見佢表面好多糖估佢係豆沙沙翁，後來問返Google大神先知原來係將蛋白打至挺身，加入豆沙餡料，油炸而成嘅甜品，難怪嘅朋友食完話似中國版嘅梳乎厘😜-❗️不設+1服務費但每人有$8茶芥-🙆‍♀️：片皮鴨正，價錢算平😳，好多特色野都仲未試到，一定有下次😂😂，未試過朋友仔都值得一試-📍老掌櫃東北菜館 (海之戀商場) (荃灣)荃灣大河道10

嚟開荃灣西donki買嘢，晚飯時間，見到隔離有一間東北菜館，都好耐冇食東北菜，於是入去試下。餐廳有部分枱位於室外，可以望住荃灣海濱，吹住陣陣海風，好舒服同寫意。秘製牛犇麵。湯底好味，麵質爽口彈牙而且浸極都唔淋，牛肉好入味但就比較瘦。四川擔擔麵。麵質細滑，同樣爽口彈牙，花生碎同芝麻醬等增加咗香味。上海雲吞，雲吞爽滑，肉餡多汁鮮味而且份量十足。乾煸四季豆炸到乾身，豆質爽甜，肉碎香口惹味，微辣。孜然大蔥牛肉，一上枱就聞到好香孜然味，巨量嘅洋蔥、大蔥，爽口清甜。牛肉嫩滑但味道偏淡，但越食越辣，後勁十足。高力豆沙。口感軟綿綿嘅，豆沙餡軟滑香甜，面頭嘅一層砂糖食落更有口感。總結：份量十足，價錢親民，抵食。

已經吃過幾次，今次和親戚來吃飯，店員很好，有問我們要不要留片皮鴨。我們要求了户外餐桌都有會盡量滿足需要和安排，令我們可以有更舒適環境，能對著海峽呼吸一口新鮮的空氣，環境十分不錯。我們叫了時令限量的小黑羊腩煲，都很多羊肉，物超所值。又叫了蔥爆牛肉，這碟菜已堆到山頭那麼高，食物份量很多，如果一群人來可以和家人一起分享更多美食，可惜現在又四人限眾 。酒水價錢便宜，豆漿只是8元，藍妹30元一瓶而且沒有加一服務費，很滿足。4人全單吃了500多元，還要打包回家，十分抵食。

上年去左大角咀食北京填鴨 覺得唔錯😋本身之前諗住遲啲要岀寫食評介紹下點知拖左成年都冇岀到😂😂最近發現荃灣有分店 於是琴日晏晝去咗食🍽片皮鴨都keep到水準🤩而其他嘢都幾好味👍🏼嘢食價錢都ok 仲要唔收加一添 推介🥰✨北京填鴨 (💰半隻168 一隻298)之前5個人去食 以為一碟係一隻 所以叫左一隻後尾先知原來一碟係半隻😳結果食唔晒...😂吸取之前嘅教訓 今次就緊係叫半隻啦🤣叫半隻鴨會包12塊餅皮 青瓜 京蔥同醬汁啲鴨肉幾香 而且有肉汁 同啲配料同餅皮一齊食 正🤤雖然呢個唔似片皮鴨咁多鴨皮 同有咁多油香但呢個都唔錯嘅 加上性價比高 推介😋😋✨四川擔擔麵(💰38)呢個好食過之前喺大角咀食嘅😆食落好香花生味🥜加上有少少辣🤏🌶完全係我鍾意嘅口味❤️.✨雞絲粉皮(+💰15)跟lunch set加配嘅凉菜 味道唔錯😋😙✨菠蘿咕嚕肉(💰47) ✨麻婆豆腐(💰47)呢2個都係lunch set 各自包左1碗飯咕嚕肉外層香脆 而入面唔會好乾身 有肉汁而個炸漿都唔會好厚 加上酸酸甜甜 好開胃😋而麻婆豆腐個調味幾好 啱晒餸飯👍🏼👍🏼✨高力豆沙(💰12/件 要起碼叫2件)我一向都麻麻地呢款甜品嘅不過屋企人鍾意食

星期六預約了夜晚6:00 ，用餐時間限時90分鐘，感覺很旺場！老實講，作為主菜嘅北京烤鴨好普通，鴨皮雖然脆，但係鴨肉好乾，包住片皮鴨層麵皮都好乾，呢個質素真係好普通，可能是但去間酒樓都食到更好🤷🏻‍♀️四喜烤麩味道正正常常最失望就係酸辣土豆絲，因為呢個土豆絲一啲都唔辣，而且調味唔均勻，一啖無味一啖鹹到喊😂😂全晚食得最滿意嘅就係高力豆沙😋，食落去熱辣辣而且Q彈Q另外仲點咗個燒茄子，但係差唔多食完先至上，最後都係取消咗總體來講呢間餐廳係唔會再去，完。

今日突然之間約食飯諗起之前食過一次唔錯，咁啱仲可以網上訂座賺埋飛行里數🤣即刻book 8:30，突然早咗8:00已經全場爆滿，即刻同店員姐姐講可唔可以提早入，好親切即刻幫我哋安排唔使10分鐘就已經入咗去，抵讚！但係唔記得咗定片皮鴨姐姐話冇晒，我哋好失望！因為上次食過平靚正，好失策我唔記得訂，我哋幾個即刻好煩咁係咁問姐姐可唔可以俾我哋，姐姐話真係冇辦法每個客人都訂咗，隔咗一陣佢同我哋講話有一台訂枱嗰度嚟唔到，問我哋有冇興趣？即刻勁開心😃做到嘢啊呢個阿姐攞返啲嘢食先今次係第二次嚟，上次覺得好抵食質素都唔差，不過今次唔知係咪太忙關係，本身其實都係茶餐廳格局咁嘅，但係啲餐具同枱就真係有待改善，叫咗好多款唔同嘢食片皮鴨平靚正，不過上次好食啲因為今日明顯係過咗火少少，睇啲肉就知道乾咗啲，但係食到已經好開心酸辣湯呢個真係差咗，唔夠杰身，同埋一啲都唔酸，似係加咗竹筍豆腐嘅碗仔翅蔥爆牛肉好鬼大碟頭，送飯一流酸菜餃子普通冇乜特別，分量十足粒粒飽滿口水雞佢呢度嘅口水雞並唔係四川嗰種風味，係類似有啲豆瓣醬嘅嘢，都幾好送飯東北大拉皮其實係寬粉，加紅蘿蔔，豬肉絲，青瓜，麻醬嗰啲涼拌，好食俾個like！當中仲有少少

終於有機會到現場，親身試試這間東北菜館，午飯時間人流非常多，差不多全場爆滿。只是餐廳的格調有點像food court，不太像中式餐廳，但有些座位可看到海景也是加了分的。午市套餐很抵食，$50左右已有交易，而且食物水準也非常高。我很喜愛這裡的水煮魚，那種麻辣跟我在內地吃的很相似，頗正宗，但這款不太辣，適合少辣者試試，魚肉也很厚身大大片的。東北酸菜餃子餐也很出色，最喜愛是餃子伴著酸辣湯，味道酸酸的很濃味，一次過吃了兩款美食。下次晚餐會再試試全隻片皮鴨。

餐廳門口的招牌十分奪目 ，環境舒適， 用餐時 ，透過落地大玻璃， 欣賞到無敵海景， 剛好遇上鹹蛋黃的日落美景 ， 真令人胃口大開。製牛犇麵$46牛肉啖啖肉 ， 分量相當多 ，牛味香濃、入味， 肉質細膩，麵條口感煙煙韌韌， 軟硬適中， 湯底鮮甜， 香而不膩 ， 與牛肉相當搭配。肉三鮮(十隻)$44餃子外貌十分飽滿 ， 賣相吸引， 餡料豐富 ， 有豬肉 、韭菜及蝦仁， 大口咬下去， 肉汁在口中綻放， 做得出色。酥炸小黃魚$78小黃花新鮮煎起，外表煎至金黃帶脆，魚油四溢， 魚皮入口脆皮酥化，魚肉輕輕一叉便散開， 魚肉雪白，味道鮮而軟嫰， 好味到停不了口。雞絲粉皮$58粉皮切成片狀 ， 晶瑩通透， 入口煙韌冰涼， 與雞絲及青瓜絲拌勻 一起吃 ， 配上胡麻醬汁， 清爽和冰冰涼涼的口感， 炎炎夏日， 令人食慾大增。高力豆沙四件$48高力豆沙， 用打起的蛋白去炸， 灑上砂糖， 內裏豆沙蓉 餡料， 十分綿糯、不太甜， 口感軟綿綿， 窩心的飯後甜品。凍豆漿、 酸梅湯$8凍豆漿豆味香濃， 酸梅湯酸酸甜甜， 幫助消化和解膩， 不二之選。

喺荃灣行完Donki，正要物色晚飯地點，諗起家姐之前曾經推介過Donki門口轉角嘅呢間東北菜館，由於位置唔起眼，一直都冇留意到佢，擇日不如撞日，決定喺度食埋晚飯。豬耳整成果凍狀再切片，巧手精緻，入口口感爽脆，膠質豐富而且一啲都唔油膩，令人食完一片又一片，非常開胃。口水雞肉質嫩滑，醬汁味道層次豐富，鮮香麻辣，非常惹味。土豆燒牛肉以煲仔上，份量好足，牛肉夠哂腍，薯仔亦夠軟身，加上香濃嘅湯汁餸飯一流。蔥爆牛肉大大碟，而且牛肉大大片，份量亦算多，軟腍入味，同樣係白飯殺手。白菜嫩豆腐家鄉味濃，冇過多嘅調味，湯浸旺菜配上嫩滑嘅豆腐，連湯都可以飲埋，清甜舒服。酸辣湯酸度辣度都好夠，鮮香醒胃，而且份量亦好大，三四個人分享都唔係問題。秘製牛犇麵湯底香濃之餘，麵條爽滑彈牙，加上牛肉嘅份量俾得相當大方，而且煮得酥軟入味，價錢亦超抵，性價比極高，喺一致認為最推薦嘅一道！東北農家炒飯配搭簡單，但炒得非常乾爽，而且好有鑊氣，味道亦唔錯。自家製豆漿味道較淡，但勝在低糖，係健康之選。大商場裏面都食到地道風味嘅小炒，實在係非常有驚喜，雖然匿埋喺商場嘅小角落，但勝在環境舒適，食物質素唔錯，而且性價比高，相信會成為常客。

呢間東北菜真係抵食之選！咁大份填鴨都只係$168其他小菜涼菜價錢都好合理 性價比好高！走嗰陣時仲見到佢哋而家外賣仲有九折🤣〰️北京填鴨 半隻幾乎係每張枱都會必叫嘅北京填鴨呢個亦都係我黎嘅主要目的 哈哈半隻其實都已經好大份 兩個人好夠不過要留意佢係填鴨 而唔係片皮鴨鴨肉結實而且唔肥 鴨皮燒到好脆 帶油脂香而且佢哋嘅餅皮都整得好薄 一份有12塊包埋青瓜 京蔥同醬汁一齊食真係冇得頂重點係咁大份 連埋皮同配料 都係$168！另外仲叫咗二個小菜 醉雞同四喜烤麩兩個人清晒所有嘢都真係幾夠飽咁多嘢食都係人均$150 好推介🥳

本人很喜歡吃片皮鴨，所以會周圍找片皮鴨食。是日會遊荃灣，故找找這區有沒有片皮鴨食而找到這間。是晚點了：雙併水餃：在水平上，但不至於皮薄涵靚咁誇張。咕嚕魚塊：醒胃好味重點推介：片皮鴨一隻非常多肉，而且嫩滑切得好好，塊塊皮肉均衡，皮脆肉滑配料和皮也足夠又新鮮大愛四個人都幾乎食唔哂咁大隻鴨抵食防疫算做足，有隔開哂，食得安心。店無咩裝修，走平民感覺。侍應唔太夠，而且送餐收餐同一人做，這點有防疫漏洞。但愛食鴨者要來

明明話用餐時間有個半鐘，但食左半個鐘度就開始有職員過黎問收得碟未，有個仲衰到一行埋黎就想直接收野（但碟餸明顯仲有大半碟未食完），講左話未食完唔洗收住但轉個頭就揾第二個職員埋黎問收得未。。。成餐飯除左頭半個鐘之外，每隔幾分鐘就有職員走埋黎問收得枱未。行出去埋單果震仲要有個職員突然係後面撞左我一下仲叫我睇路🤬有冇搞錯呀？真係大排檔職員態度都比佢好。行到出去埋單（叫飛同收銀係同一個位），個疑似經理ge 男人竟然除口罩叫飛，企附近d 人即刻彈開，但佢真係話之你繼續除口罩叫飛。d野已經唔係特別好食，職員態度仲要咁差。真係唔會再有下次😠😠😠

係荃灣住的我，真係好少行海之戀， 因唔係幾順路， 去幾次都係去 donki 買野，今次係媽咪話我知原來呢到有間食東北菜話想來食下， 我咪同佢來。去到見到，有一邊露天好好 feel 咁，依家呢個天涼涼地，就想去座啦！點知侍應話已經比人book 哂😔，咁冇計啦下次再座，但侍應好好安排我地座窗邊，可以望到青馬大橋。今晚想媽咪話涼涼地想食點辣野， 我就叫左以下幾款：⚛ 酸菜魚 ～ 夠哂酸，小小辣，龍利柳吸哂d 湯幾好幾滑， 下面仲有酸菜和薯粉。⚛ 蔥爆牛肉 ～ 大大碟，全碟都係牛肉片， d 蔥爆得好香，一片牛肉夾住蔥一口咬，超爽甜。⚛ 紅油抄手 ～雲吞皮薄，內裡肉質夠味，點一點辣椒油，甜豉油和生蒜拌起來食，冇得輸。⚛ 酸辣湯麵 ～ 拎來時有點驚訝，竟然咁大碗喎，呢到酒味有d 濃，但越食越香，材料都好足夠。而每條麵都掛到酸辣湯，麵連湯食正呀！⚛ 高力豆沙 ～ 食完咁多辣野，我地叫左呢個甜品解一解濃味， 即叫即炸， 咬落小小鬆軟，入面有一層豆沙，微甜岩我。呢到有靚景又抵食，下次可以一家4口來食。

食唔夠9個字，就有一個待應走過黎就話仲有5分鐘，就要埋單走人。態度勁惡劣。明明出面個塊寫住用餐時間係1.5小時。食物質素雖然係正常。但係甘樣服務態度點樣再次光顧呢？

最近愛上吃片皮鴨，但外賣片皮鴨還是第一次，真想像不到外賣會否影響食物質數，結果還是現場熱辣辣時進食才是明智的。回家開動晚餐，原隻片皮鴨雖然暖了一點點，但薄餅皮很多片，鴨肉啖啖肉配上青瓜及蔥絲，味道其實是不錯噢，我是接受的。蝦仁炒蛋很適合一家大細，蝦仁份量多又相對大隻，雞蛋炒得很滑身很美味。菠蘿咕嚕肉也很大盒，菠蘿及醬汁不酸，咕嚕肉大大片吃不完的，抵食！雞絲粉皮味道還可以，略嫌麻醬太多過於糊口。擔擔麵的湯底幸好是分盒上的，使其麵條還帶有彈性。