Video
Read full review
2020-07-13
228 views
想食老掌櫃好耐，雖然屋企附近就係總店，但因為想去行下Donki，索性去荃灣海之戀分店。總店平時人氣旺盛，繁忙時間要等位接近1小時，以為分店會好一點，點知一樣全場爆滿，好受歡迎。好彩老公一早排隊，我放工後到等一陣已經可以入座！入到去先發現餐廳有海景露天座位，對住海景食飯，環境舒服又浪漫。可惜今次坐室內，唔知有無得訂位要求呢？北京填鴨（半隻 $168)幾乎每枱都必點，因為$168有半隻填鴨實在太抵！份量亦絕不欺場，超足料！雖然老掌櫃主打食東北菜，但味道明顯有改良過，唔會好濃味或太油膩，迎合番香港人口味。每片有皮有肉，餅皮亦好薄身，包住青瓜，大蔥等一齊食，口感豐富，唯有需要改善嘅係鴨肉比較乾身，肉汁唔夠。京蔥羊肉餃子(10隻 $46)餃子頗有水準，羊肉調味剛好，而且保留肉汁，皮薄餡靚，唔錯。老醋海蜇頭($64)海蜇食得多，海蜇頭就比較少見，難得見到，當然唔可以錯過！海蜇頭冰涼爽滑，配上酸甜有致嘅陳醋汁，非常開胃。特別係配搭填鴨，不失為醒胃嘅一道前菜。
入到去先發現餐廳有海景露天座位，對住海景食飯，環境舒服又浪漫。可惜今次坐室內，唔知有無得訂位要求呢？
北京填鴨（半隻 $168)
幾乎每枱都必點，因為$168有半隻填鴨實在太抵！份量亦絕不欺場，超足料！雖然老掌櫃主打食東北菜，但味道明顯有改良過，唔會好濃味或太油膩，迎合番香港人口味。每片有皮有肉，餅皮亦好薄身，包住青瓜，大蔥等一齊食，口感豐富，唯有需要改善嘅係鴨肉比較乾身，肉汁唔夠。
京蔥羊肉餃子(10隻 $46)
餃子頗有水準，羊肉調味剛好，而且保留肉汁，皮薄餡靚，唔錯。
老醋海蜇頭($64)
海蜇食得多，海蜇頭就比較少見，難得見到，當然唔可以錯過！海蜇頭冰涼爽滑，配上酸甜有致嘅陳醋汁，非常開胃。特別係配搭填鴨，不失為醒胃嘅一道前菜。
Post
