酷廚 (Closed)

荔枝角D2 place有好多唔錯既餐廳,今次去左D2二期睇下有咩好食,見到呢間唔錯所以去左試下😆佢地以西餐為主,但都有泰國同越南既野食扭扭薯條好好味,係一片片既薯條,好新鮮,份量都有好多唔係得少少黑松露野菌忌廉流心蛋闊條麵味道好濃好入味,隻流心蛋第一眼睇好似芝士🤣,個麵都好大,share食都食到好多泰式青咖喱燴雞紅米飯個樣望落唔似青咖喱😂似黃咖喱,偏辣,食唔到辣可能會覺得好辣,不過雞好嫩口,整體唔錯泰式串燒有兩款分別係雞同牛,牛味道一般,$68六串但啲肉好少,呢個有少少唔抵食

好耐冇同兩位同我一樣kai嘅老友撐枱腳，限聚令下搞到好多食肆都叫苦連天，有好多黃店都告急所以難得齊腳開飯，點都要支持黃店！呢間餐廳係D2 TWO一樓，平日有戲睇人流都叫OK，而家戲院暫停左，平日晚上真係好靜，要靠大家多啲去懲罰呢間高汁黃店呀！先黎兩個小食，香辣雞翼同串燒，雞翼個皮炸得好脆，串燒個醬汁都幾惹味～之後就到主菜，先介紹返個安格斯肉眼，肉質好淋，有肉味，Just fit~最精彩嘅係呢個蟹肉鵝肝意大利飯，食落口啖啖蟹肉同松露香氣，食晒成碟都唔覺漏

要控制體重同人食飯未必好麻煩，反而啲Junk Food可以偷食兩啖😋然後有人可以幫你清埋佢。白飯又有人幫你食，真係好好😂～～～🥗酷廚凱撒沙律 ($58, 加煙三文魚$20)蔬菜新鮮爽脆，醬汁唔多唔會好膩。煙肉碎烘得好脆，加埋芝士碎，令成個沙律更香口。煙三文魚份量都好夠，呢廿蚊加得好抵！🤩跟餐嘅即磨咖啡都好香濃，加上下午茶環境都幾清靜，坐得好舒服😌～～～🍟扭扭薯條($48)驚喜地好味，形狀係彎彎地嘅薯角，外皮超級脆，加埋芝士粉更正😍一定要試下！

成日嚟到D2 Place 都係幫襯樓上嘅素食店，今日決定試新野！餐廳門口未算非常吸引到你必定要入去試既程度，但員工熱情同友善態度值得加分！食物方面主要以西式為主，午市餐牌：意粉、漢堡包、扒類最起碼有兩款以上選擇，餐牌入面亦有一兩道泰國fusion菜。食物價錢大眾化，份量好足夠，連杯凍檸茶都大過出面茶記！而且全單免加一，真心覺得低！粟米忌廉湯：雖然唔大碗，但係絕對唔係罐頭湯！因為食到有原粒同打碎左既粟米。煙三文魚蜆肉扁意粉: 意粉多汁，軟硬程度岩岩好！爆多煙三文魚同蜆肉（蜆肉-我數過有12隻），味道好之餘仲好夠飽。芝士牛肉漢堡跟薯條：芝麻包配上厚厚既牛肉層，咬既時候有肉汁，只係芝士層比較少，較為失色。P.S. 有留意過其他枱客人嘅餐點，都係非常大份足料餐廳員工服務態度值得一讚！

上星期同2個朋友一齊食晚餐地方好易搵，扶手電梯一上就到環境幾好feel，上菜幾好，唔會太快d野食凍晒，但又唔會慢到餓死因為想叫試多d野食，所以3個都叫左清清地既黑松露蘑菇意粉，然後叫左個小食拼盤小食拼盤啱啱好每款3件，好香口好食上菜熱騰騰好惹味最鍾意係春卷，好脆好好食雞翼都好入味食完小食就啱啱好主菜送到黎意粉食落好香好creamy不過對女仔黎講有d大份，食唔晒埋單果陣做埋會員，會有折必定再去試其他野食

見到告急就黎 (分散投資呀)🤭要上一層 的確reach rate好少🥺晚市去都剛好full咗半場 其實可以再多啲人🥺Anyway聽講午市好抵食🥰🥰.🐏法式香草燒羊架 五成熟$188🐏三支羊架 份量都夠 2-3人share剛好燒得唔錯 表面微焦香 鎖到肉汁肉質亦唔會韌 帶微羊羶味 性價值唔錯·🐄美國安格斯西冷牛扒 五成熟$208🐄好大一塊 亦夠厚切雖然肉質粉紅 但呢個就韌啲啦 牛味夠嘅 亦有層肥油 呢個價錢同份量不過不失啦.🍛蟹肉鵝肝意大利飯$168🍛足料蟹肉絲 但蟹肉味道唔太出反而嗰鵝肺幾香口 油香夠出意大利飯濕潤度剛好 但可以更韌啲啲 .🐟香煎比目魚扒配檸檬牛油汁$188🐟我冇食到 但賣相好靚又好大份.🍟啤酒薯條$48🍟幼細脆口 我鐘意呢個多啲🤣🍟扭扭薯條$48🍟脆中帶淋嘅炸扭紋薯角 飽肚啲 朋友鐘意呢個多啲🤣.

今日同男朋友睇戲，睇戲前食午餐。在網上訂了座位，環境寬敞舒服、設計靚靚有心思、整齊清潔，有自助區（餐具、醬汁等），到門口位置買食物，食物服務員會取到客人枱上。午餐餐牌有扒類、意大利粉、薄餅、漢堡、飯餐等。點了推介的泰式青咖哩燴雞配糙米紅米白米飯好惹味香辣，青咖哩唔會好辣好開胃，雞肉軟滑配有茄子、香菇、翠肉瓜等，飯又軟硬適中又夠熱！另外點了煙三文魚蜆肉忌廉扁意粉三文魚是熟了又香又健康，蜆肉好多隻唔咸，忌廉好香滑，扁意大利粉軟硬剛好，都好味小食拼盤男朋友喜歡香口的食物，這個小食拼盤有芝麻醬沙律，四款小食（雞翼、春卷、蔗蝦、蝦卷）點了飲品（凍檸茶去甜）加熱奶茶！

今日屋企冇飯食，收工同呀妹去咗呢間喺D2 TWO嘅黃店KOOL酷廚食飯。唔知係咪因為肺炎關係，餐廳好多位，但食嘅人唔多😢我哋叫咗 香煎去骨香草春雞配香橙燒汁（半隻）（$158）、泰式串燒（6串）（$68），兩個餐同一個小食。泰式串燒（6串）（$68）✨泰式串燒總共有三串牛肉同三串雞肉，如果三個人就啱啱好每樣嘢一人一串😋啲肉燒得好好食，加埋泰式辣醬就仲正😋香煎去骨香草春雞配香橙燒汁（半隻）（$158）✨呢個係最好食嘅🤤🤤隻雞超滑超Juicy，啖啖肉超級正！配埋個香橙燒汁好特別。香橙燒汁好特別，有少少酸酸哋甜甜哋咁，都幾正。不過因為隻雞原本都夠曬香同多汁，我淨係點咗好少醬都夠了🥰估唔到嘅係，伴碟嘅蘿蔔、西蘭花同蕃茄仔都好juicy、好好食。店入面仲有自助區比食客自己加tabasco、芝士粉等等咖😋

在ig上看到朋友介紹後，所以前來試下一入到門口就有好熱情嘅員工歡迎我哋，佢哋主動带我哋就坐，不過原來係要岀去落單架啲椅子都坐得幾舒服，可以係到hea時間。店內播嘅歌都好岩我聽幾岩同朋友聚舊，係一個幾唔錯嘅聚腳點。我嗌左午餐带子意粉🍝仲加左餐湯飲覺得意粉幾好食 幾有口感 賣相都唔錯嘅！唯一要改善係冷氣比較大不過同店員講熄細啲冷氣 佢哋都即刻幫我熄細左整體來講不錯。

因為公司喺荔枝角，經常同同事嚟KOOL食飯，呢段時間係完完全全感受到佢地對食物嘅熱誠同進步呢款燒牛肉沙律啲牛肉有淡淡焦香味，肉質一啲都唔韌咬落好有肉汁同牛味，沙律用上牛肉汁做調味，濃香嘅肉汁同清新蔬菜，強烈對比吓相得益彰，有驚喜有驚喜小食拼盤一共有4款小食，蔗蝦炸春卷炸蝦炸雞翼，樣樣都係即叫即炸熱辣辣，入口唔會係乾哂無哂香味，咬一啖入面都係熱辣辣外脆肉軟彈牙，差支啤酒呀呢個鮮蜆扁意粉要激讚，啲蜆食得出係新鮮料，肉質有口感無沙，橄欖油煮嘅汁薄薄地咁包住哂啲扁意粉，帶住蜆肉嘅鮮味好正呀

情人節果日去左KOOL酷廚食西餐，而且提前一個星期己經訂左枱 ，當日有得食最喜歡嘅牛扒，而且當晚燈光調教得好暗都幾配合到情人節嘅氣氛。而且近期因為疫情蔓延，只要岀示醫護人員證，醫護人員並會享有50%折扣，覺得酷廚亦為香港岀一分力 鼓勵醫護人員謹守崗位👍餐廳都比較注重用消毒方面😃服務員主動為我哋提供清潔酒精。情人節嘅Menu套餐 我就選擇左食西冷牛扒😌男朋友就選擇食龍蝦汁扁意粉，賣相兩樣都好靚🤩最岩打卡，套餐仲包左一杯熱飲，但係我哋就另外叫咗朱古力芝士奶蓋😚覺得好好飲🙈仲飲咗個精選餐湯 粟米忌廉湯🌽仲叫左個啤酒薯條🍟賣相幾好睇、味道又好夠味👍令人回味無窮😊總結來說😌服務人員態度都非常好 、感覺親切食物質素亦配合得上價錢。

💛💛💛黃店推介💛💛💛今日放工就同2位朋友一齊去食野，其中一位朋友係荔枝角放工，我地就去左D2 Place搵食。上到一樓就比佢嘅門面吸引到啦，係好有香港特色嘅霓虹燈、但竟然係西餐廳入到去嘅裝修都好chill、播啲港台嘅流行曲，大多都係輕快嘅歌所以好適合朋友一齊食！但都見到唔少情侶撐枱腳～入座嘅時候係7點幾，人流未開始多，餐廳大概一半full。餐廳入面仲有自助區有tabasco及芝士粉等自由拎。晚市menu選擇有好多，有dinner set就配野飲。但單點嘅扒類雖然冇餐飲、但就有跟薯條，大家可以自己斟酌下啦。我地三個女仔就叫左2個dinner set同一個小食，大概等5-10分鐘就逐樣上菜了。第一個叫嘅係香煎去骨香草春雞配香橙燒汁（半隻）（$158）一上菜已經聞到好香啦，切開見到裏面雪白綿滑嘅雞肉，正呀！隻雞同香草完美配合，燒到個外皮好香口，但裏面嘅雞肉就好軟熟一啲都唔「鞋」！好有驚喜更有驚喜嘅係個香橙燒汁，甜甜地意外地好match燒雞～另外佢有配一啲薯菜係旁邊，份量都好大！我地3個人一致好評，如果下次黎一定encore！第二樣就係扒房必點嘅美國安格斯西冷牛扒（$208）佢配左兩種汁，一個

位於荔枝角D2 Place二期一樓110-111號的酷廚 KOOL，主打多國菜。餐廳的環境悠閑舒適，而且食物即叫即點，頗為新鮮。餐廳現在也提供了區內外賣，上班族又多了一個選擇。餐廳也實行了不少衞生措施，門口也有提供消毒酒精供客人噴在衣服及鞋上。晚市套餐約有十款選擇，包一客熱飲。特別加了一客餐湯，熱騰騰的龍蝦蕃茄忌廉湯，質感濃厚，味道頗濃，裡面還有幾件小蜆肉。泰式青咖喱燴雞紅米飯 - Thai Green Curry Chicken with Mixed Rice 來到了。青咖喱香氣撲鼻，能聞到少許椰漿的香氣。咖喱味道香濃，口感香滑，而且份量十足。紅米飯質感軟硬適中，比普通白飯的口感更有嚼勁 (咬口)。廚師把雞扒剪成小件，再與青咖喱同煮。雞扒質感頗嫩滑，沾滿了醬汁，一口一件。雞扒下還有茄子、車厘茄及翠玉瓜作伴菜，整體感覺更加清新。朋友則點了 大蝦龍蝦汁扁意粉 - Linguine with Prawn in Lobster Sauce。意粉的賣相頗為精緻，大蝦炸得頗為香脆，味道鹹香。意粉軟硬適中，龍蝦醬汁也頗為充沛，整體味道不錯。餐飲則點了一杯熱檸檬水 (Hot Lemon Water)

食物以西式為主，卻又有別於一般西式的菜式，部份套餐帶有一點東南亞風味，看似幾有特色也頗吸引，不過今次先想試試餐廳推介的其中一款套餐。珍寶炸魚薯條• 炸魚的大小的確是珍寶的級數，極之大塊，覆蓋了一半的碟面。• 魚肉外層炸得鬆脆，甚至有點空氣感，內層則保持著一定程度的鮮滑和魚肉味道。• 薯條是我喜愛的波浪紋厚切型，炸得同樣香口，不過略嫌咸味不夠，影響了惹味的程度。• 套餐可以跟一杯熱飲，整體份量作為午餐的話非常合適。

荔枝角最近幾年好多餐廳食肆選擇，不過咁耐以來食過好幾間食物質素令我印象最深刻的，其中一間就是 KOOL 酷廚。喜歡餐廳門面開揚之餘，最重要係環境空間舒適，又近我返工，放工仲可以約埋三五知己詳談，真係好方便。當然我哋每人先叫一個Set Dinner 先，價錢又唔貴，介乎$88-$238，仲有我最鍾意嘅燒羊架🤩，仲只係加$15配以精選餐湯，好抵！賣相很吸引的「法式香草燒羊架」，羊架來到我即刻嘩然一聲，因為羊架超級大塊，而且煮得恰到好處，味道還帶一點羊騷味，正是我想吃到的羊肉質素，認真唔錯！朋友就點了餐廳推介的「香煎去骨香草春雞配香橙燒汁」，先講雞件有我手板咁大，確實十分足料足秤，而外皮煎得很香脆，雞肉肉質鮮嫩，很滿足🥰！還有女士們養顏滋補的紅棗茶，味道很濃郁，非常足料呢！相信下一次這裏繼續是我的晚餐飯堂呢！