酷廚 (Closed)

情人節果日去左KOOL酷廚食西餐，而且提前一個星期己經訂左枱 ，當日有得食最喜歡嘅牛扒，而且當晚燈光調教得好暗都幾配合到情人節嘅氣氛。而且近期因為疫情蔓延，只要岀示醫護人員證，醫護人員並會享有50%折扣，覺得酷廚亦為香港岀一分力 鼓勵醫護人員謹守崗位👍餐廳都比較注重用消毒方面😃服務員主動為我哋提供清潔酒精。情人節嘅Menu套餐 我就選擇左食西冷牛扒😌男朋友就選擇食龍蝦汁扁意粉，賣相兩樣都好靚🤩最岩打卡，套餐仲包左一杯熱飲，但係我哋就另外叫咗朱古力芝士奶蓋😚覺得好好飲🙈仲飲咗個精選餐湯 粟米忌廉湯🌽仲叫左個啤酒薯條🍟賣相幾好睇、味道又好夠味👍令人回味無窮😊總結來說😌服務人員態度都非常好 、感覺親切食物質素亦配合得上價錢。