嘉寶漢堡 (和益中心)

Open Now

Now Closed

黑松露芝士牛堡 $52 套餐+$16由舊舖一直都想試既嘉寶漢堡 終於係搬咗新舖之後試到 新舖地方大 座位都闊落 坐得好舒服🤣 今日叫黑松露芝士牛堡 價錢雖然平 但質素都keep到🤩 漢堡非常足料🍔 黑松露既份量多到滿瀉 加埋半溶既芝士🧀同埋好有牛味既漢堡扒🥩 整體味道好豐富😚 跟餐加咗薯條同水 薯條炸至黃金色 入口香脆但唔油膩 而整體份量都算大 唔洗擔心食唔飽🤤 呢間直頭係cp值之冠👑評分: 9.5/10🌟———————————————————————嘉寶漢堡 (尖沙咀)尖沙咀寶勒巷9-11號和益中心地下

Mushroom cheddar bacon burger 香辣蘑菇煙肉芝士牛堡 🥩🧀 $52慢煮牛整成漢堡包，牛味濃郁，肉質鮮嫩，仲有唔同嘅煙肉蘑菇做配料，用了好有誠意😍BBQ chicken & pineapple burger BBQ菠蘿雞扒堡 🍍🍔 $40雞扒肉質好滑，好似食緊雞俾肉咁😎個麵包熱辣辣焗過仲脆脆地，連埋好Juicy 嘅醬汁同溶溶地嘅芝士，超正French fries薯條🍟 $15個闊薯條即叫即炸好新鮮，薯條嘅邊邊仲食到薯仔皮添，價錢唔貴得來又好食仲有自助醬料區，可以自己浸水同選擇醬料

喺尖沙咀有一間良心漢堡包店🍔，經常都見到有人係門外等位。依家「嘉寶漢堡」搬咗新店啦✨！新店規模大咗好多，採用黑白色光亮型格設計，點餐後可以係取餐位等一等，仲有唔少座位方便堂食😎。不變嘅係款式選擇一樣咁多，味道依然好味~————————————————👅黑松露芝士牛堡 ($52)👍🏻黑松露醬澎湃到遮住咗牛肉，獨特嘅黑松露香氣，完全唔似Gas味。除咗Juicy牛肉，仲有新鮮生菜🥬、蕃茄同芝士，麵包亦都有柔軟度，整體味道融合~👅升級套餐 (+$16)👍🏻升級多一款小食同飲品，揀咗Burger嘅好朋友—薯條同可樂🍟🥤！帶皮粗身薯條好多薯蓉，即使外賣唔係即時食，都好味過幼身薯條~————————————————🚩總結：良心漢堡店之選~———————————————— 🌟注意：葵涌亦都有一間分店，要多多支持————————————————📍Kabo Burger 嘉寶漢堡地址︰尖沙咀寶勒巷9-11號和益中心地下

新店係寶勒巷 個位方便好多！試左佢個Brie cheese beef burger , Brie cheese厚到成塊菠蘿咁 燒到溶溶地 芝士控表示心心眼！個薯格都好好食 真正內軟外脆 最值得讚係跟餐野飲唔止可樂 仲有凍檸茶 奶茶等等揀 仲可以走甜 終於有一間食burger而唔會逼你飲汽水既餐廳喇😆

終於食到港式人氣burger，排長龍輪到我，點左一個香辣煙肉蛋羊堡。牛堡就食得多，羊堡真係第一次食，果然沒有失望。😋😋😋只嘆我的口唔夠大，無從下口🤣🤣🤣🤣🤣最後只好一層層食🤩第一啖試煙肉，非常香口，有兩大塊。羊肉真的很有羊味但又絕對唔騷，配有洋蔥絲，有一個煎蛋，醬汁好夠，每啖咬落都擔心流汁，辣辣地好惹味。雖然口唔夠大，遺憾唔可以一啖食曬每一種食材，但分開食都非常好味，各種食材配合味道相當夾，絕對係高質素。

今日終於有機會試到呢間知名度高、好多人推薦嘅本地漢堡小店😋。餐單上除左有平時熟悉的豬牛雞肉漢堡，亦提供素食漢堡。店舖雖然唔大，但用餐期間不斷有人來幫襯同買外賣，可見真係好受歡迎。・⊳ 烤菇芝士牛堡因為真係好鍾意食菇，今次叫左呢個包試下。由畫面中見到滿滿嘅芝士醬汁同好有厚度嘅肉就知呢個包有幾邪惡。另外size都好大，如果女仔一個人真係未必食得哂。味道方面，烤菇整得好惹味juicy，口感滑嫩，好好味😋 而漢堡扒就不過不失，牛味唔算好突出，不過勝在好厚好大件，可以滿足到食肉獸。

蘑菇芝士加bacon小妹食到笑哈哈你地都一齊嚟食嘉寶漢堡喇，好食過麥當勞㗎！ 香辣煙肉蘑菇芝士牛堡Price：$52📌層次超多，啲醬同材料多到瀉出嚟😋辣醬係美式bbq醬，有少少似辣肉腸嘅味，更加惹味👍🏻大大塊嘅煙肉，橫跨咗成個漢堡，同蘑菇一樣燒得好焦香😚牛肉好多汁，加埋芝士，令到成個burger提升咗另一個層次🤩脆薯雞堡Price：$40📌好足料嘅burger，見到好清楚一大舊薯塊同炸雞！😋炸雞醃得比較少，食落去無乜味🙊同埋成個burger就咁食落去偏乾，因為都係炸物😝中間都有啲千島醬調味。建議大家可以食脆薯牛堡，牛堡好juicy同脆薯夾啲，食落去無咁乾😍香脆粟米片雞塊Price：$10/3pcs📌跟餐加嘅雞塊，竟然有驚喜😱因為用粟米片炸嘅，所以外面好金黃色😝雞塊超脆之餘雞肉好鬆軟👍🏻雞塊嘅size都大大舊，再配埋蛋黃醬真係無敵！😋有4隻醬揀㗎。無論任何方面都打敗麥樂雞😍😍😍

😋 黑松露芝士牛堡黑松露汁爆曬出黎,濃郁嘅醬汁味真係隔住張相都聞到!!牛肉漢堡勁JUICY!!!油脂感唔會好重,加埋芝士黑松露汁嘅配搭埋,真係超夾,味蕾夠晒衝擊!!麵包一樣焗得好香,其他品牌嘅漢堡都一定唔會將呢個港式漢堡比下去呀!!😋 孜然香辣羊堡羊肉一Ｄ都唔會羶，而且加上店家特制嘅香辣洋蔥醬，用酸酸甜甜嘅微辣味，吊起咗羊肉獨特嘅肉香！！！生菜蕃茄令味道再多一重層次。略嫌羊肉肉質未夠厚實，但味道方面就加晒分！！！‼️好味指數 8/10‼️推介指數 8/10😋 蕃薯條平時好少食番薯條，尤其係食快餐嘅時候，所以突登試下，結果喜出望外。外層炸得啱啱好，唔會覺得好熱氣!而且咬入去，食得出蕃薯本身嘅甘甜，蕃薯甜加上油炸香味，唔駛好似薯條咁點醬汁，已經好食到一條接一條！‼️好味指數 9/10‼️推介指數 9/10😘 炸燒賣外層炸得香晒脆口，入面亦唔會炸得太乾身，仲幾有咬口，唔錯！‼️好食指數 7/10‼️推介指數 7/10🍽 嘉寶漢堡 Kabo Burger📌 尖沙咀寶勒巷9-11號和益中心地下（港鐵尖沙咀/尖東站 N2 出口, 步行約3分鐘）⏰ 星期一至日12:00 - 22:30

尖沙咀行吓街覺得肚餓，搵個地方醫下肚，順手休息吓。揀左啱大人細路食嘅 #嘉寶漢堡，叫左個$40脆薯牛堡， 另加$16配可樂及薯格！同埋叫咗個 芝士牛堡都係 $40 ，芝士勁香😋牛堡嘅牛肉漢堡都好厚身多汁，配埋脆卜卜薯餅蕃茄🍅蔬菜🥬，好夾，口感好清爽😋。薯格好好食好脆，小朋友搶住食。加多$10 配兩隻雞翼，叫咗兩set，原味同BBQ 味，新鮮炸起又脆又多汁，正！而且店員都好有禮貌，下次經過一定會再去幫襯過👍🏻

黑松露芝士牛堡 $52 (+$16套餐)黑松露香氣撲鼻，牛肉味夠濃，麵包夠軟而且新鮮。••••••••••••••••••••••••••••••BBQ菠蘿雞扒堡 $40 (+$16套餐)雞扒多汁嫩口，菠蘿有燒烤味道。••••••••••••••••••••••••••••••薯格和薯條的薯仔味很香，炸得夠跪口。薯格有少許辣味比薯條更惹味。••••••••••••••••••••••••••••••香脆粟米片雞塊3件追加小食(+$10)香跪可口，粟米與雞塊是一個好的配搭，新奇又特別，推介！••••••••••••••••••••••••••••••

#嘉寶漢堡 上次喺葵芳試過牛堡夠厚肉配上大啡菇，一試難忘。 ♥️今次去到尖沙咀新搬遷嘅分店，地方更寬敞，仲有店舖設計較時尚，有新款洗手機，夠哂方便衛生。平日夜晚六點去唔需要等位，人手更多，等候食物時間亦更短。整個體驗較順暢。🍔 黑松露芝士牛堡($52)👉🏻轉雞堡小編作為黑松露控，覺得漢堡係非常足料，以呢個價位食到黑松露，好滿足。松露香氣撲鼻，快滿瀉嘅黑松露醬配合邪惡嘅芝士，煎得金香嘅雞扒，夾雜着新鮮嘅生菜同蕃茄，係價廉物美之選。另加$16轉套餐炸燒賣+忌廉之前食過好受歡迎嘅薯格，今次試埋炸燒賣，份量比想像中多，約十粒，每粒都香脆可口，鹹味略重。⚠️轉左新地舖，唔喺金巴利道啦🇭🇰尖沙咀寶勒巷9-11號和益中心地下港鐵尖沙咀/尖東站 N2 出口, 步行約3分鐘

嘉寶漢堡搬新鋪了💛~空間同座位都比之前間鋪大好多! 仲多左個角落係比你自取拎醬汁餐具同埋好貼心有洗手機等你食野前後可以洗乾淨對手 🙌🏼烤菇芝士牛堡 + 薯格 + 柚子梳打 $81大啡菇加芝士加牛肉真係perfect match! 咬一啖勁juicy ~ 薯格都炸到好香脆🤤日式芥辣蝦堡 + 薯條 + 烏龍茶 $ 71蝦餅食到粒粒蝦肉好彈牙 🦐仲食到蝦肉既鮮甜~ 芥末辣辣地好開胃! 粗薯條都炸得好香脆一包好快就清袋🤪唯一美中不足既地方係餐枱有d污穢 希望可以多d清潔🙈🙈大家要繼續支持黃店呀!!!🤗

嘉寶尖沙咀搬咗新鋪都係第一次去幫櫬🤩，環境大咗又靚咗，最緊要座位都好寬躺同多位，最好係有埋洗手機方便勁多！/每個漢堡都熱辣辣新鮮整出嚟，+$16升級套餐會有埋飲品同小食🍟， 當中最推薦係炸燒賣，外脆內軟口感煙韌😍，炸蕃薯條味道都唔錯，食落甜甜哋甜薯味出眾！/🍔芝士牛堡 $40牛肉漢堡厚身肉汁豐富，超juicy！配上半溶芝士同生菜🥬，絕對好食過五兄弟，性價比無得輸呀😛！/🍔BBQ菠蘿雞扒堡 $40BBQ醬汁勁多一到食一到滴🤣，雞扒煎得脆香配上甜甜酸酸菠蘿🍍勁夾，成個包好有驚喜！即時中和油膩感，推薦😍！

$40 一個芝士漢堡，我沒有太高期望。中環閑閑哋食一個好少少都要成舊水😌。不過見朋友極力推介就即管試一試😅⋯⋯點知有驚喜😱！勝價比超高，100%回頭食之選看看下圖的芝士牛堡，睇相已經極度吸引，牛肉又厚又都唔「鞋」，生菜勁新鮮，望到融融哋嘅芝士，真係急不及待咬落去。呢個質素只售$40 ，實在太抵第一次食烤布利芝士，又有另一番驚喜😱，芝士厚厚，香味濃郁，我終於感受到咩叫齒頰留香😂，回味無窮👍🏻👏🏻👏🏻加$16 可選一款小食和飲品。薯格好多，差啲食唔晒😝最後都要形容一下餐廳環境，清潔光猛，地點都方便，一定會再幫襯🥳

對上一次吃嘉寶漢堡已有一年前，連他們開了新店也不知道，我們是在前往舊店途中發現新店的😱 新店比舊店大很多，座位是以前的3倍左右，而且不會擠逼，坐得比以前舒服很多👍🏻我點了一個芝士牛堡🍔，額外加了薯餅，配薯條🍟和可樂漢堡包的牛肉多汁，有淡淡芝士香，蕃茄很甜，生菜非常爽脆有驚喜！加上烤洋蔥和香脆薯餅，讓我一口接一口停不下來🤤 套餐的薯條是即叫即炸，吃到最尾都是熱呼呼的。最驚喜的是店內除了有茄汁之外，竟然還有蛋黃醬！支持蛋黃醬的我非常滿足😜同場加映朋友的黑松露芝士牛堡🍔