58
15
1
3-min walk from Exit N2, Tsim Sha Tsui / East Tsim Sha Tsui MTR Station continue reading
All Branches (2)
Introduction
The burger steak is made of beef ribs. In order to make it moisture and juicy, the burger steak was slow cooked. This branch launches slow cooked chicken burger series exclusively. continue reading
Opening Hours
Today
12:00 - 22:30
Mon - Sun
12:00 - 22:30
*last order: 22:00
Payment Methods
Visa Master Cash Octopus Apple Pay Google Pay OpenRice Pay
Review (79)
Level4 2021-04-30
134 views
🍔大滿足嘅漢堡🍔推介指數 ❤️❤️❤️❤️❤️寶勒巷除咗有唔少食肆仲有唔同嘅娛樂場所,出名夜生活嘅地方。响1997年曾經發生香港史上最嚴重縱火兇殺案。當年香港電影公司改編成電影,傳聞拍聞期間發生有唔少靈異事件,直至而家間中都有發生。靈異事件,信則有不信則無,都係講返食先!嘉寶漢堡飽已經由金巴利道搬咗去寶勒巷,地方大咗好多,座位闊落,價錢仍然大衆化!漢堡選擇有牛、雞、豬、蝦、羊同素,可以追加配料加蛋加菠蘿加薯餅,加HKD16升級套餐配指定小食一款同飲品,想試多啲仲可以優惠價再追加小食!✨B5 香辣煙肉蘑菇芝士牛堡新鮮即製份量十足,牛肉味濃郁,煙肉唔會過燶,蘑菇好新鮮,醬汁剛剛好,整體啖啖juicy,大滿足!✨C3 BBQ菠蘿雞扒堡BBQ汁夾有洋蔥,菠蘿多汁唔乾身,雞扒肉質軟滑,大概有菠蘿減少罪疚感,好滿意!無聊度一度,個雞堡成罐汽水咁高😂✨薯條:味道較叫淡,但粗薯條份外加分。✨薯格:比薯條更出色,本身已經夠味,鹹鹹哋又脆口。✨飲品:凍咖啡味道平穩,值得一提汽水係罐裝唔係平時其他快餐嘅汽水機汽水,又加分啦!高質素嘅香港人漢堡包,絕對值得一試、再試!尖沙咀邊有CP值咁高㗎?唔食包都仲有好多小食試,例如炸芝士、炸燒賣⋯總結:-食物 ❤️❤️❤️❤️❤️環境 ❤️❤️❤️❤️❤️服務 ❤️❤️❤️❤️❤️.··餐廳:嘉寶漢堡 (尖沙咀)地址:尖沙咀寶勒巷9-11號和益中心地下 continue reading
(The above review is the personal opinion of a user which does not represent OpenRice's point of view.)
Level4 2021-04-07
4381 views
大家有否覺得以前吃快餐店的漢堡包是平靚正的選擇?但是今日吃漢堡包動輒也要過百元一客(當然我相信用料會升級不少),但我始終覺得吃漢堡包就應該是親民的美味才夠貼地和吸引。早在三月頭我已經見到這間由金巴利道搬往到寶勒巷嘉寶漢堡,可惜當天人龍甚長最終放棄了!之後趁着車爸爸放假便捉他往新舖來朝聖!星期六的晚上七點許來到已座無虛席,可幸的是不用等候已經找到位置安座堂食!到快餐店開餐大家也知首先要到收銀處點餐及付款這兒也不例外!我們只選了一款心水的漢堡額外加錢轉成套餐,為何只點一個套餐因為我們還有下場嘛嘻嘻!看看餐牌內有齊豬、 牛、羊、雞和蝦共有十多款不同口味的漢堡選擇!當中不乏烤布利芝士、黑松露和是拉差等特色口味,最便宜的只須$38已有交易真的十分親民,而點選漢堡更可額外加配$16升級戊套餐,便會得到飲品和小食各一那就吃得更加滿足了。餐廳雖然是以快餐店形式經營但點餐後會有現代化的呼叫器,這樣大家便可坐定定等它呼叫您往取食物,這樣客人便不需呆企於取餐處等候啦!第一次來這兒吃漢堡包由我用直覺去選這個BBQ菠蘿雞扒堡$48來品嚐,另加$16由一杯飲品和一份薯條組成了套餐。套餐飲品可選罐裝汽水、支裝水和熱飲,更可加$2轉點凍飲或另加錢轉配其它飲品,而我當然選了最愛的凍飲檸茶走甜吧!估不到這兒的凍檸茶喝下去也挺富茶香,最重要是完全沒有反茶我鍾意喔!薯條方面亦令我十分有驚喜呢!首先那連有薯皮即叫即炸騰騰的出品已經加分不少,再者吃下去香脆不油膩還帶滿滿的薯仔香氣,比起連鎖店的出品的確是迷人多了!!來到品嚐這個BBQ菠蘿雞扒堡!包身烘至微脆夾著一片厚身的菠蘿和香嫩雞扒,另外還有嫩綠高質的生菜配合香甜惹味的BBQ醬,吃下真的很Juicy超美味哦!!第二次來這兒是往Staycation之前來吃個快閃午餐,來到時餐廳還未開門所以甫入到時影了一張沒人坐的高檯,但其實10分鐘之後已經全場爆滿了!有了上一趟美味的經歷後今次我們放心地點選了兩款漢堡來享用!飲品我倆也死硬派的分別點上凍檸茶走甜和熱奶茶,凍檸茶水準依舊但估不到熱奶茶也挺香濃美味,連嘴刁的車爸爸也表示十分滿意呢!兩份漢堡也同樣加錢配成了套餐,一份點了吃過又滿意的炸薯條另一份則選上燒賣,可惜車爸爸點錯了炸燒賣那既來之則安之吧!炸燒賣我還是第一次吃可惜感覺沒有比蒸的好吃!車爸爸點了這個芝士牛肉漢堡$40,真是很喜歡他們用的生菜確實極鮮嫩爽脆,然而他的吃後感是這個價錢絕對絕對能收貨啦哈哈哈⋯而我則點了重口味的是拉差芝士蛋豬漢堡$44,那個率性的炒蛋配上微辣的是拉差醬吃下味道是我喜歡的,豬肉漢堡口感有點鬆散可幸的是肉汁豐盈,令吃下成件事總算不錯!!最後這天往剪頭髮前再次跟車爸爸來重溫美味漢堡,這次我選了日式芥辣蝦寶$45、車爸爸則選上香氣撲鼻的黑松露芝士牛漢堡$52,而我的日式芥辣蝦堡口感很有驚喜,蝦餅咬下去挺彈牙雖然吃下不算十分鮮味但這個價錢亦絕對收貨有餘了!!大頭蝦的我竟然影漏了美味番薯條的條寫真!原來這兒的炸番薯條香甜軟糯十分好味道,雖然要額外加多$5才能享用,但我還是十分推介大家點選來品嚐,吃飽飽還有洗手機供客人洗手很貼心喔!! continue reading
(The above review is the personal opinion of a user which does not represent OpenRice's point of view.)
Level4 2021-04-03
1712 views
一直以來都好想試吓呢一間嘉寶漢堡,今日終於有機會帶老婆嚟試吓位置唔算太難搵,由地鐵站行到過嚟只係大約5分鐘左右,門面好新淨,上網睇返應該係搬咗新舖餐牌有多款漢堡選擇,豬牛雞蝦羊肉都有得揀,仲可以升級轉套餐要埋小食同飲品添最後我同老婆分別要左一個套餐同一個漢堡包,除翻開大約每人$50左右大約等咗5分鐘左右食物就新鮮熱辣整好,呢一個係老婆叫嘅脆薯牛堡,牛肉上面有一大塊薯餅,成個漢堡都好大個,普通人應該好難一口咬落去,而食落去嘅時候有多重口感,既食到薯餅嘅香脆,又食到牛肉嘅香濃味,再加埋千島醬汁嘅酸酸甜甜,整體味道好平衡至於我就要咗BBQ菠蘿雞扒漢堡,冇諗過雞扒同菠蘿會咁大塊,配埋BBQ醬汁一齊食出奇地夾,食落去完全唔會覺得好油膩,反而仲有少少清新嘅味道,可能因為有菠蘿嘅關係,再加上個漢堡包有烤過嘅痕跡,所以咬落去有少少脆最後當然唔少得漢堡包嘅最佳拍檔炸薯條,呢一間店舖嘅炸薯條每一條都切得好粗,所以食落去嘅時候充滿口感,而且調味好足夠,但係又唔會覺得太鹹,真係好過連鎖店嘅薯條 continue reading
(The above review is the personal opinion of a user which does not represent OpenRice's point of view.)
忽然好想食漢堡包,那就想起又平民價又超好食的嘉寶漢堡,這才發現它們搬了新鋪位。新店位於尖沙咀寶勒巷,面積大了四倍有多,完全變成一間大型漢堡快餐店的模樣。這天中午時間來到外面還有人龍排隊呢,非常誇張。尖沙咀的分店搬了鋪位,新店位於寶勒巷,唔好行錯錯鋪啊!新店裝修有高級快餐廳的感覺,室內燈光光猛,顏色線條簡單舒服,一入門口就係點餐櫃台。相比起細細間的舊鋪,這裡座位多了四倍有多,個裝飾又幾新潮,好似去左外國大品牌連鎖漢堡店一樣。自助茄汁、餐具及紙巾檯,最犀利係有埋自助洗手機,我上次見到這部機係在 IFC Shake Shack,高級高級。廚房採用開放式,不過油煙沒有太飄出來,可以望住點整又幾放心。餐牌同以往差唔多,亦依舊提供兩款素食漢堡,Impossible漢堡只賣HK$62,算係全香港CP值最高。漢堡可以升級小食炸物和飲品,我上次食過薯格,今次要加錢食下番薯條。 V2) Impossible素肉芝士漢堡 HK$62 / 升級套餐+HK$16 番薯條+HK$5 / 熱奶茶素漢堡賣得唔貴,但都幾足料架,入面有齊番茄、生菜、芝士和烤洋蔥,不過我覺得上次吃的時候比較有鑊氣,可能新鋪個爐未夠火喉(?)。番薯條亦不過不失,都食到少少番薯甜點架。作為一間 Comfort Food 專門店,嘉寶漢堡絕對平民價又好好食,最重要係有佛心素漢堡滿足唔想食肉的人。 continue reading
(The above review is the personal opinion of a user which does not represent OpenRice's point of view.)
今日係尖沙咀收工,趕住睇戲,一於嚟食下嘉寶漢堡。以前趕時間的話真係未必會幫襯,當年舖位細得幾個位,想食的話要排好長時間先有位坐。宜時搬左新店,自己搵位坐再排隊落單攞食物,舖位大左多左好多位,可以食到個真正既快餐。蜜糖芥末菠蘿牛堡餐牌原本寫係豬堡,轉左做牛堡。煎香過既麵包咬落鬆軟,夾一片煎香左既菠蘿同淋上蜜糖芥茉醬,食落非常juicy。芝士牛堡叫左個套餐,配薯格及可樂。熱溶左既芝士非常吸睛,牛堡唔算充滿肉汁,不過就食落鬆化。薯格偏淋,可以係自助區自行加醬汁。整體來說,能夠係尖沙咀搵到$5x既漢堡包,而且食物質素都唔錯,絕對值得再嚟幫襯。 continue reading
(The above review is the personal opinion of a user which does not represent OpenRice's point of view.)