嘉寶漢堡 (和益中心)

Open Now

Now Closed

嘉寶漢堡 尖沙咀店前排搬左新店，而家係寶勒巷既新鋪大左又靚左，即使好多人排隊，都好快就搵左位👍🏻🍔 BBQ 菠蘿雞扒堡（$40）入面夾左炒洋蔥絲/生菜/蕃茄/雞扒，雞扒煎得好juicy 皮又脆😋加埋塊菠蘿直頭食到成手都係汁。除左BBQ 味之外，仲食到少少酸梅醬既味道，酸酸甜甜又有少少辣辣地幾開胃👍🏻🍔 黑松露芝士牛堡（$52）牛肉漢堡扒好juicy，唔會好似一般出面既漢堡咁乾爭爭👍🏻👍🏻👍🏻黑松露醬好多😋😋一拎到已經聞到好香，另外個麵包好似食到有加牛油同蜜糖煎過嘅香味💫 下次食會+$18 加個烤大啡菇👍🏻之前食過覺得應該會同黑松露好夾🥤 套餐（+$16）要左炸燒賣，炸得好脆，面頭加左d胡椒鹽

無食一排，嘉寶漢堡原來已經由金巴利道嘅小店，喺同區寶勒巷繞身一變成為千呎快餐店。唔洗再因為同時間太多客人排隊光顧而被迫叫外賣。座位闊落咗之餘仲有埋洗手間，喺寸金尺金嘅尖沙咀實屬難得。今次叫咗黑松露芝士牛堡$52加$22配薯格同柚子梳打，另外再單點一個蜜糖芥未菠籮豬堡$40。餐廳入面亦設有洗手機，方便大家用餐前可以洗洗水。茄汁，蛋黄醬同餐具則以自助方式。過咗無耐，提示機就響起可以到櫃位取餐。黑松露芝士牛堡絕無馬虎了事，麵包表面有微微烘焊，再塗滿松露醬，令香味四散，漢堡扒肉味香濃多汁。蜜糖芥未菠籮豬堡，芥未加菠籮根本就係絕配，不論小朋友還是大朋友都肯定愛不釋手。最難得一件事係雖然由细舖搬大舖，但並未有將成本轉嫁比消費者。

仲係細店果時成日夜晚都會賣到無曬材料，而家細舖搬大舖多左放貨嘅地方，希望唔會再咁易摸門釘啦。不過地段旺左舖面又大左，無曬食材嘅機會好似有增無減，唯有寄望佢未來開多D 分店啦💪🏻。🌖L2)香辣煙肉蛋羊堡🍔羊肉漢堡真係好少見，係葵涌總店時見到已經即刻order，食過返尋味，再黎食多一次😁。羊肉漢堡有羊味得黎又唔算羶，煙肉同蛋更加添多重口感。配上BBQ醬味道微辣夠醒胃，分量適宜唔會太咸👍🏻。🌗B2)黑松露芝士牛堡 🍔芝士牛堡無乜驚艷GE感覺，但我偷用左好多黑松露去點薯條，話佢平庸好似對佢唔多公平😛。➕$16升級套餐有罐裝汽水同小食一客，可選薯條、薯格、燒賣、炸燒賣等，我叫左薯條🍟另外再加BBQ味雞翼，雞翼醬汁味道偏重，食GE時候請自行減少醬汁。原本想叫埋炸燒賣，點知無貨🥺。Btw佢個logo設計得唔錯，一眼就知賣乜同叫乜名。

嘉寶漢堡 🍔排左20分鐘又食左20分鐘⏱好queue 多人一直都好長Queue 黑松露芝士漢堡$52+16轉餐啲黑松露多到好似唔駛錢咁芝士半溶，漢堡扒就ok la...中規中矩，麵包有烘過，整體幾好食跟餐嗌咗薯條，熱辣辣，新鮮即炸，小心熱氣另外加咗一份炸燒賣$12有8粒，都比我想像中多喎而且落左好多椒鹽，都幾惹味個皮炸到吹卜卜，入面魚肉軟淋淋！（個人認為）燒賣最好食應該係炸，而唔係蒸😂整體來講，都排得過嘅

行過幾次見呢度有間獨立漢堡包店經常有人排隊幫趁，今日有時間就嚟試吓…… 幫趁的主要是年青情侶居多，我雖然一支公但掹車邊都扮吓年青…… 点左個芝士牛肉漢堡，extra加了煙肉，套餐跟薯條及零系可樂，盛惠$64元，預左佢會比金拱門貴的了…… 倒茄汁要自助响店內坐位對面，離柜位有少許距離，首次到訪如果唔坐入面真係唔會知…… 薯條係傳統粗條，似係原個薯仔切成，但又係急凍的那種，入口有点粉，且炸得唔脆！ 漢堡包咬落去牛肉比較散，冇咩牛味，內加了炒過的洋蔥及醬汁，但仍未能提升整體的味道…… 失敗！如果我集合全港我食過嘅漢堡包來做個評級的話，這裡的出品應該會是在金拱門之下了…… 真不明白為何仍有這多人來幫趁…… 🤦🏻‍♂️🤦🏻‍♂️ 最令我吃驚就是隔離枱一對情侶也是点了套餐，跟餐的並不是薯條而竟然是燒賣？OMG! 😱😱

喺尖沙咀睇完戲朋友話要帶我食好西🥰🥰🥰原來就係食嘉寶🍔想食好耐㗎啦開心🥳食左烤菇芝士牛堡個包極足料極厚一啖完全咬唔曬🙈🙈🙈烤菇唔會好乾身牛肉大大塊加埋芝士生菜蕃茄咁多嘅配料食完好滿足😍加$16仲有小食同嘢飲性價比唔錯喎！炸番薯條有少少甜味食落又唔會好油膩個人幾鍾意嘅💕炸燒賣同埋沙律就正正常常啦同出面一般食到嘅都差唔多一個人平均幾十蚊就食到咁多嘢正👏🏼👏🏼👏🏼可唔可以開多幾間分店呀？係咁我就可以隨時食啦😎

剛剛開舖排隊出到街外 十幾個人到啦十分鐘到就排到，點左餐俾咗錢會俾個call 機你等響就可以拎啦香辣煙肉蘑菇芝士牛堡牛肉食唔出肉味唔Juicy蘑菇又冇乜味啲菜係好新鮮但整體都食唔出咩味道普普通通🤪凱撒沙律套餐+$21啲菜好新鮮好多芝士都多好多，但係略嫌醬多咗少少太鹹啦黑松露芝士牛堡睇人哋又話啲黑松露醬多到爆漿流出來其實本身我以為呢個係比錯左嘅芝士漢堡要用力按中間咇啲醬出來先至會見到食到有黑松露味但係仍然都係食唔到有牛肉味合格嘅薯格個人唔喜歡，太鹹啦！而且有啲韌唔夠脆！套餐加$16其實綜合質素來講係合格嘅但係就唔係特別高質如果經過唔知食咩都可以食下不過如果要特登嚟食同埋排好耐隊嘅話呢我覺得就唔需要牛肉始終都係欠缺肉味同埋唔夠Juicy而且個包太扁啦!

新鋪睇落黎乾淨又舒服正常快餐店裝修有自助餐具/醬汁counter唔花巧 好明顯係真材實料 唔係靠打卡呃like搵食12點幾已經要排到出面好彩鋪頭大咗好多 人手又足夠好快就有得食+16蚊 可以轉套餐 有野飲同小食（薯條/薯格）最意想不到的係咖啡幾好味快餐店黎講真係超水準                                                                                                                                                                                                                                                                                                                           黑松露醬好香~呢個漢堡好有實力！ 食完呢次以後可以成日黎買外賣喇好味又抵食             

牛肉好厚身同軟熟多汁呢個價錢黎講好抵㗎啦連埋野飲同薯條都係$54餐廳仲有消毒洗手機好方便，消毒完手就可以直接用手食薯條🍟大家記得食完後自己執返自己啲餐盤去丟，因為無staff 去執太既

大家有否覺得以前吃快餐店的漢堡包是平靚正的選擇？但是今日吃漢堡包動輒也要過百元一客(當然我相信用料會升級不少)，但我始終覺得吃漢堡包就應該是親民的美味才夠貼地和吸引。早在三月頭我已經見到這間由金巴利道搬往到寶勒巷嘉寶漢堡，可惜當天人龍甚長最終放棄了！之後趁着車爸爸放假便捉他往新舖來朝聖！星期六的晚上七點許來到已座無虛席，可幸的是不用等候已經找到位置安座堂食！到快餐店開餐大家也知首先要到收銀處點餐及付款這兒也不例外！我們只選了一款心水的漢堡額外加錢轉成套餐，為何只點一個套餐因為我們還有下場嘛嘻嘻！看看餐牌內有齊豬、 牛、羊、雞和蝦共有十多款不同口味的漢堡選擇！當中不乏烤布利芝士、黑松露和是拉差等特色口味，最便宜的只須＄38已有交易真的十分親民，而點選漢堡更可額外加配＄16升級戊套餐，便會得到飲品和小食各一那就吃得更加滿足了。餐廳雖然是以快餐店形式經營但點餐後會有現代化的呼叫器，這樣大家便可坐定定等它呼叫您往取食物，這樣客人便不需呆企於取餐處等候啦！第一次來這兒吃漢堡包由我用直覺去選這個BBQ菠蘿雞扒堡＄48來品嚐，另加＄16由一杯飲品和一份薯條組成了套餐。套餐飲品可選罐裝汽水、支裝水和熱

一直都想試嘉寶漢堡，上次專承去金巴利道舊址但可惜當日嘅包已經賣晒😂。今次得悉擴充至寶勒巷，地點方便得多，周末決定再去一次🤓！新店非常旺場，當晚7點幾去到，買完外賣已經見到店員截龍，原來又係賣晒包喇😂。慶幸早嚟咗少少，今次終於試到呢間火紅嘅漢堡店👍🏻。今次點咗兩個set：芝士牛堡set $56 (包薯格 + 可樂 + 香脆粟米片雞塊 (另加$10)；蝦牛堡set $78 (包炸燒賣 + 0%啤酒 + 香脆粟米片雞塊 (另加$10)芝士同牛一向係絕配，呢個芝士牛堡令人非常驚喜👍🏻！牛漢堡肉汁好夠，幾乎每咬一啖都會有肉汁滲漏出黎😋。配料方面番茄同生菜都好fresh，配埋芝士🧀，同店方秘製嘅醬汁，呢個經典配搭穩陣得黎有驚喜。蝦牛堡非常巨型，蝦餅比牛漢堡仲要大多少少添。同樣牛漢堡一咬就出汁，同一啖有埋蝦堡嘅滋味，配上秘製醬汁，味道濃郁而唔膩口👍🏻，非常令人滿足。跟餐嘅薯格正常發揮，因為即製夠熱，所以比起連鎖快餐店稍為出色，但以性價比而言已經非常足料超值。另一個跟餐嘅炸燒賣係非常非常令人驚喜😳！跟餐有八粒炸燒賣已經令人感覺到誠意十足👍🏻，一食入口，魚味非常香濃😳，炸香嘅燒賣口感更不在話下，絕對比

老實講本人真係對食漢堡感覺一般,覺得冇咩甘特別只係似三文治高級版,都係將野食夾埋落去啫😒但今次介紹這間漢堡包店令我對🍔有小小改觀,先唔講食物質素只講佢個餐單,已經見到好多種唔同款比你選擇(🐂🐖🐔🐑蝦🍄) 如果嫌漢堡入面的配料唔夠食仲可以追加配料,唔駛特登叫多個漢堡甘浪費👍講番正題今次點了(圖二) #是拉差芝士蛋漢堡 朋友就點了(圖一) #烤菇芝士牛堡 加配 #薯條 #薯格 🐮🍔(🍄好多汁仲好香菇味,如果再夾埋牛一齊食簡直雙重享受😋牛咬落去唔會好多根又唔算好"林"仲好重牛味,估唔到平民價錢食到幾高質的牛堡👍)🐷🍔先講講佢個煎蛋,煎得唔錯因為佢係流心煎蛋黎,但蛋白位置好多煎燶的黑色點點令整體扣左分,不過豬肉的肉汁都幾多,食落唔算好乾身另外值得一讚係溫度調節得唔錯,因為當芝士溶落去豬肉個刻咬落去個下芝士味好濃同豬肉味好夾😋🍟薯條薯格味道比較平平尤其薯格味道似某快餐店的味道,薯條味道偏咸落得太多鹽

終於試咗呢間人氣漢堡包店啦😍 店舖搬咗之後，環境闊落左好多🥳 燈光夠光猛👍小編當日係平日下晝去，好彩唔使排隊🤩黑松露芝士牛堡（$52）黑松露醬多到接近滿瀉🤩未食已經聞到陣陣香味😋 漢堡扒牛味尚算濃郁，如果Juicy啲會更加好！包嘅配料有芝士、蕃茄、生菜等～ 芝士係半溶狀態🧀🤤真係好邪惡啊！😈孜然香辣羊堡（$44）羊味好重，但又唔會有好強烈嘅羶味🥰個秘製醬酸酸甜甜，係平時食中東菜會食到嘅嗰種味～ 惹味得黎又開胃，食完都唔會覺得好膩，只要加$16升級套餐就有一款小食同飲品炸燒賣燒賣份量都幾多，咬落煙煙韌韌，略嫌鹹咗少少，但整體都唔錯😋薯格薯格炸得香脆可口，味道出眾！幾高質🤩

一直以來都好想試吓呢一間嘉寶漢堡，今日終於有機會帶老婆嚟試吓位置唔算太難搵，由地鐵站行到過嚟只係大約5分鐘左右，門面好新淨，上網睇返應該係搬咗新舖餐牌有多款漢堡選擇，豬牛雞蝦羊肉都有得揀，仲可以升級轉套餐要埋小食同飲品添最後我同老婆分別要左一個套餐同一個漢堡包，除翻開大約每人$50左右大約等咗5分鐘左右食物就新鮮熱辣整好，呢一個係老婆叫嘅脆薯牛堡，牛肉上面有一大塊薯餅，成個漢堡都好大個，普通人應該好難一口咬落去，而食落去嘅時候有多重口感，既食到薯餅嘅香脆，又食到牛肉嘅香濃味，再加埋千島醬汁嘅酸酸甜甜，整體味道好平衡至於我就要咗BBQ菠蘿雞扒漢堡，冇諗過雞扒同菠蘿會咁大塊，配埋BBQ醬汁一齊食出奇地夾，食落去完全唔會覺得好油膩，反而仲有少少清新嘅味道，可能因為有菠蘿嘅關係，再加上個漢堡包有烤過嘅痕跡，所以咬落去有少少脆最後當然唔少得漢堡包嘅最佳拍檔炸薯條，呢一間店舖嘅炸薯條每一條都切得好粗，所以食落去嘅時候充滿口感，而且調味好足夠，但係又唔會覺得太鹹，真係好過連鎖店嘅薯條

今日終於經過見好多好平就即刻去試下！40蚊有個漢堡仲要咁足料！真係cp值極高而且仲要好juicy好好食！脆薯牛堡薯餅夠脆！漢堡好有牛味而且非常juicy配上千島醬番茄同生菜，好fresh! 本身真係冇諗過40蚊有咁樣嘅質素！而且仲要係黃店，真係唔多啲去懲罰佢都唔得！！另外bbq菠蘿雞扒堡都係好值得一試！雞扒煎得非常之香和嫩，肉質好滑！加上菠蘿和bbq醬，滋味十足！如果係一般西餐廳至少都買七八十蚊一個漢堡呢度40蚊起就已經有一個質素絕對比媲高級西餐廳嘅漢堡，而且仲係即叫即製熱辣辣，真係一間高質嘅黃店！