Just Eat (Closed)

< 🌯Just eat 🇻🇳> 📍西營盤琴晚搵食晚飯 就揀咗呢間越南餐廳🇻🇳餐廳有好多越式菜食 環境唔錯 而且都幾抵食😆🐔香茅串燒雞 $36有兩串雞串燒 燒得幾香口🧡 雞肉加咗香茅醃 醃得好入味 肉質嫩滑 唔會太嚡😆 另外佢俾嘅沙嗲醬好濃郁 仲有啲花生粒🥜 加埋雞肉食好夾😛 而且好香有多重層次 唔錯😋🍗蒜香牛油雞翼 $36牛油雞翼有三隻 每隻都好香牛油味🥰 雞翼炸得金黃香脆 上面仲有好多蒜蓉好惹味😋😋 雞翼唔算太油膩 推介👍🏻👍🏻🐥越式雞 半隻 $80開頭以為係燒雞 原來係類似海南雞咁 半隻份量都幾多🤣 同海南雞一樣都有甜豉油、酸辣汁同薑蓉😛 雞肉幾嫩滑 唔會好嚡 仲有啲青瓜同生菜墊底 好想叫多碗油飯食🤣🍍菠蘿海鮮炒飯🍛$88同一般菠蘿炒飯唔同🤣 擺盤好特別 菠蘿同炒飯係分開 炒飯入面有幾隻蝦🦐、魷魚圈🦑同細粒嘅墨魚仔🐙仲有啲菠蘿粒 好開胃😋 我地食晒所有野先食菠蘿當飯後果🍍 菠蘿幾清甜 唔酸 好味👍🏻👍🏻

好耐未黎過西環食嘢，今次同朋友嚟呢邊行吓順便食下野，去咗一間越南餐廳，位於民居地方，唔係咁易搵到。中午時間冇咩人，叫兩個餐再追加小食同飲品。🍜蕃茄濃湯海鮮檬粉 $64🍜特濃牛湯牛肉牛丸河粉 $62🍗香茅雞翼 $20🌮網燒春卷 $15🍹越式凍檸茶 $10🍹菠蘿冰 $20嗰兩個餐都偏鹹，唔知係唔係擺耐咗所以啲粉入晒啲鹹味，或者係濃湯過濃，不過就幾大碟幾夠飽👌。雞翼同春卷就幾好食，同埋性價比幾高👍。店舖裝潢幾靚，有啲壁畫🖼。

話說G有晚想食越南野 我地行下行下 行左去英華臺 發現一間新既餐廳 Just eat 望落非常企理 仲有唔少Vietnam既畫充滿風味手切牛肉河呢樣野 冇得唔食啦 牛肉香厚又有牛味 配埋個湯簡直絕配湯底夠香甜 飲完一d都唔口渴 望落湯底都清 一點都唔油濱海亦係我好鍾意既越南野 配上Just eat既燒雞 配上酸汁濱海略嫌有少少散 但味道一流燒海蝦 完全係即叫即燒 甚有誠意 海蝦好鮮甜 連蝦殼都食埋炒埋個椰菜苗 以為會冇鑊氣又比想像中香😍兩個人係西營盤 200蚊埋單 咁高質都真係少見😚😚

今天剛好在西環附近，在OpenRice上看到這間越南野食店，看到這個滴漏咖啡很吸引，好像也不錯，便打算試一試。半熟牛肉濃湯牛丸河這個想不到有驚喜，就是這個牛丸，不單止彈牙，而且又很重牛肉味，而且份量很多，非常抵食！牛肉片是額外加的，而且也有中上水準，推薦度4.5星！越南🇻🇳法包這個超級好味！是我在香港吃過所有法包之中的第一名！沒有之一，麵包不但看得非常香脆，而且裏面的材料也非常配合，這個必須吃！我認為是鎮店之寶！五星好評！水蜜桃茶這個飲品很有水蜜桃的味道，而且也不會過甜，甜到剛剛好。不錯越南滴漏咖啡☕️這個也還原到越南咖啡的味道，不錯！

成日聽人講西環呢邊有好多好野食，今次就黎左西營盤站行唔係好遠既英華臺附近其實都真係有d隱閉，不過都成功揾到，餐廳門面係型格既黑色落地玻璃門，今次黎左呢間叫Just Eat既餐廳，入面好有越式風味，牆上面都有油畫裝飾，我叫左一杯越式咖啡凍奶，職員話係用左越南咖啡粉同越南煉奶整成既，奶味比起平時飲既更香滑好飲，小編好鐘意呢杯咖啡奶，叫左碗手切牛肉河粉，牛肉用左紐西蘭牛柳，牛肉紋理清晰，入口軟熟，湯底香濃牛肉味，而且份量都好大碗，加埋青檸汁調味一絕。

#yumyum西環西環嗰頭有好多隱世美食，今次就試咗呢間越南菜！餐廳雖然比較細，但環境夠晒光猛，坐落都幾舒服😌芒果軟殼蟹米紙卷（$68）米紙卷皮晶凝通透，食落口感煙韌，薄薄地包住豐富嘅餡料，軟殼蟹炸得好香脆🤤加埋爽口嘅青瓜同香甜嘅芒果一齊食唔單止減低左軟殼蟹嘅油膩感，味道仲好夾🥰無論賣相定味道都值得一讚👍蕃茄濃湯海鮮檬 （$68）平時我都好鍾意食蕃茄湯底🤤 咁梗係要試吓呢個啦！湯底顏色好鮮艷🍅 海鮮都好足料，有鮮蝦、魷魚圈青蘋果柚子沙律（$56）沙律有驚喜🥗 配料好豐富呀💕 有柚子、鮮蝦、青蘋果、腰果、紅蘿蔔絲同埋青瓜等😋隻蝦好新鮮，柚子肉夠曬甜，一啲都唔會澀，加埋啲酸甜汁食落真係好fresh好開胃！🥰-Just Eat (西環)📍西環英華臺1-6號華輝閣地下2-3號舖抵食指數：😚😚😚😚/5舔舔脷指數：😚😚😚😚/5

今次去咗西營盤呢間越南野 間野就係喺好出名三文治隔離! 食越南野就梗係要食撈檬，但係我今次見到樣好特別既野！濱海！咁就一於叫個黎試試～燒牛肉拌濱海：燒牛肉調味十足，肉質嫩滑多汁濱海其實就係喺一團團嘅米粉上曬上炸蒜，蔥花再配上魚露用生菜包住嚟食，有啲似泰國嘅生菜包咁，但呢個就係越南清新版haha朋友就叫左濃味牛湯浸牛肉河：呢度嘅湯頭用咗好濃郁嘅牛肉湯，遠遠都聞到牛肉湯嘅香味牛肉上檯時呈半生熟嘅狀態，等食果陣靠湯河本身嘅餘熱，令牛肉嘅生熟度剛好，牛肉肉質保持嫩滑。芒果軟殼蟹卷：軟殼蟹即叫即炸，香脆非常，配上清甜香芒，足以令軟殼蟹帶嘅油膩感銳減，再配上其他清新嘅配料如青瓜，米粉，生菜等，口感變得更為豐富。香茅串燒雞：陣陣嘅香茅香味四溢，再配上附上嘅濃郁嘅沙嗲醬，就更為惹味。

在西環正街附近，有間越式cafe做得幾多，環境舒服！越式凍檸檬茶， 青檸嘅味道非常吸引，好有東南亞風情。墨魚餅即叫即整熱辣辣！ 金黃色的外表非常香脆！ 質感爽而且q彈！有粒粒嘅墨魚粒在內， 口感層次非常豐富！ 震震嘅墨魚之味深入口中！越南香茅豬扒三文治， 包底為法國麵包！ 麵包非常香脆！唔會淋哂， 內層夾雜住青瓜，生菜！ 豬扒夠曬入味，而且有陣陣嘅香茅味道！ 非常吸引這size非常大份，夠哂食！濃味牛湯浸牛肉河， 牛丸質感q彈，而且非常濃郁嘅口味， 湯頭濃郁入味！ 再有啲香葉，令到湯更甜！

今日同朋友行西環，睇下啲歷史野，都好chill﹐唔知點解個境特別岩秋天黎行🍂..晚餐去左一間覺得幾高質嘅越南餐廳，好想介紹比大家✨環境都幾舒服先點左，越式蝦卷Rice roll一定係我地去越南鋪必點菜式之一，佢啲菜都好fresh﹐每啖都索索聲🥬﹐蝦量適中，都係頭盤之選。Main 我想食牛肉，又心絲絲想食牛丸，朋友話why not both😋😚! 要左濃味牛湯浸手切牛肉河，加牛丸四粒！果然係冇錯架！半生熟嘅手切牛好嫩滑，牛濃湯夠晒香。最令人驚豔嘅真係牛丸😍 粒粒爆汁..係香濃牛嘅油脂味，絕對唔會膩，而係滿足🥰朋友嘅燒豬扒撈檬都好唔錯。豬扒香口，更keep得住juicy...真係好少做到咁嘅lv🤤 感覺醃料係調校過，係比HK人嘅口味，唔會過鹹👍🏻 個人都幾欣賞。加埋撈檬汁，愈食愈開胃🤤朋友好奇想試越南啤，揀左比較濃味嘅，不過不失，點都比飲水gur啲嘅😆 輕鬆下lor~~

西營盤一帶越嚟越多啲特色小店，今次搵到呢間專食越南菜既「Just Eat」小店，餐廳既美食同個名一樣，只要食就會知有驚喜😍🌟蕃茄濃湯鮮檬 $68🌟對蕃茄濃湯既湯麵又係抗拒不了，習慣先飲一啖湯底，個湯底可能係海鮮料煮，飲落唔係清湯咁簡單，會有啲海鮮既雜質，層次好豐富😍個人認為蕃茄味可以再濃啲，好鐘意濃濃既蕃茄湯🤤🌟濃味牛湯浸牛肉河 $62🌟同蕃茄濃湯海鮮檬比起，個人比較鐘意呢個濃味牛湯多啲，真係同個名一樣係濃味牛湯，飲落肚好暖胃，岩曬依家既天氣，補補身🤩

今日放左工唔想咁早對住四面牆，就約左友人去西環搵食，比我地發現左呢間餐廳，就黎試下啦。首先我叫左個濃味牛湯浸牛肉河，個湯底係香濃既豬骨湯，味道好正中，啲牛肉非常可口，口感一流，河粉好滑溜，我勁鐘意。友人就選左個香茅豬扒湯河，個豬扒勁好食，非常入味，而且唔會好油膩，份量十足，友人勁喜愛。小食方面就選左越南香茅燒牛肉三文治，外脆內軟，個包非常香脆，加上牛肉味道好好，勁大個包，份量十足。最後叫多個蒜蓉包，唔同一般既包，係用越南既法包，所以非常香脆，重有香濃既蒜蓉牛油味，一定要試試。

距離西營盤站只係數分鐘路程正值晚飯時間 人流都幾多等左一陣就可以入座 食返餐熱辣辣既越南粉✨濃味濃湯浸手切牛肉河✨黎到第一啖緊係試啖個湯先 非常濃郁牛肉方面 可以用厚砌黎形容 成碗牛肉河份量好足 非常飽肚✨蕃茄濃湯海鮮檬✨最特別係個湯底 唔係單單蕃茄味應該係連埋海鮮一齊整既香濃湯底非常咁特別✨芒果軟殼蟹卷✨就咁食兩個粉麵覺得太單調？可以叫多個米子卷 軟殼蟹從不令人失望😛飲品都幾多選擇配埋野飲 簡簡單單又一餐 👍🏻👍🏻

住西環的老友話有間越南/泰國菜抵食，約我英華臺1-6號華輝閣地下2-3號舖，餐廳裝修簡單優雅，我們點左燒牛肉撈檬粉$62，燒牛肉入口軟滑味帶甜，檬粉加酸甜汁開胃又美味。超濃味牛湯浸手切牛肉河$78，是生牛肉片用滾湯浸熟，牛味香濃，牛肉質是軟滑又嫩，配香濃的牛肉湯底，河粉香滑，極不錯👍👍芒果🥭軟殼蟹卷$68，米紙卷包住炸得脆脆的軟殼蟹和生菜、芒果🥭非常香甜又爽脆，清新醒胃。很美味。網絲春卷$38，香口鬆脆，配生菜🥬一齊吃，爽脆可口😊這餐我很滿意老友推介，會回頭再吃。

今日為左去中環donki朝聖而走左轉港島區，順路搵食，就揀左西營盤站附近嘅Just Eat。餐廳外一片空地好空曠好舒服。之前爬過文，見到呢度嘅越南湯河幾吸引，於是就order左呢碗濃味牛湯浸手切牛肉河（$78），加牛丸（$24），先呷一啖湯，牛味濃郁；之後加檸檬及辣椒粒，口味又去左另一個層次。蒜香牛油雞翼（$36）：蒜蓉、牛油味都幾突出。香茅串燒牛（$40）：牛肉夠入味夠惹味。飲品方面，叫咗一杯越式凍檸茶（$26）及原個椰青（$42）；前者有驚喜，茶味有清香。

高街，港大附近有間越式餐廳Just Eat，陪老闆睇完舖，順便吃晚飯。餐廳風格幾文青feel，感覺幾舒服，未到晚飯時間，客人唔多，呢個季節，越菜最啱食撈檬，我地點咗青蘋果柚子蝦沙律，越式雞，我同老闆分別要咗燒雞同燒牛肉撈檬，飲品要菠蘿冰和青檸梳打。青蘋果柚子蝦沙律清新開胃，有柚子肉、青蘋果、青瓜、腰果、紅蘿蔔絲同花生碎，柚子酸甜唔澀，大蝦手指咁大隻，爽口彈牙👍，越式雞同海南雞好相似，配三款醬料，雞肉去骨，爽滑唔肥，配越式辣汁最滋味😋檬粉大碗，燒雞撈檬雞肉帶香茅香味，燒牛肉醃得夠腍，好入味，比雞肉更出色，檬粉爽滑，撈埋花生碎、莞荽、蘿蔔絲、青瓜絲同酸甜汁，好食到…🤩🤩