一休鐵板燒 (Closed)

今日去咗旺角行街，同朋友行吓行吓之後好想懷念一下以前周圍食嘢嘅感覺！於是就揀咗呢一間一休鐵板燒！去到嘅時候我哋揀咗呢一個鐵板炒面， $38真係好抵食！而且呢度可以揀唔同嘅配料，我自己今次就揀咗豬肉烏冬，再加呢度嘅醬汁，呢度嘅醬汁真係好好食，好惹味！而且呢度嘅烏冬亦都好吸引，炒得好香！

路過旺角，見到好多人排隊，又聞到香味，咁我當然行埋去八下啦😂，原來係外賣店，主打平民化日式鐵板燒。 有多種配搭選擇，先選麵款：拉麵/烏冬/意粉 ，之後再選肉類 ：雞絲/牛柳/豬肉 ，最後選醬汁 ：照燒汁/黑椒汁/一休醬油。可以任由配搭👍🏻。 我叫咗炒麵配牛肉加一休醬油，味道調味恰到好處，唔會太咸，又好味，炒麵炒得好香。 我另外仲買咗醬燒魷魚鬚，醬汁一流，非常之野味！😋唔好睇佢細細盒，原來份量十足。我買咗一個炒麵+1個小食，已經好飽。

一休鐵板燒旺角通菜街121號6號舖高級鐵板燒平民化，再講消費非常昂貴，街頭鐵板燒包你食過返尋味❤️鐵板燒三部曲先選麵款，再選肉類，最後選醬汁拉麵、烏冬、意粉選一雞絲、牛肉、豬肉選一照燒汁、黑椒汁、一休醬油選一小編揀左醬燒魷魚鬚配拉面配一休醬油 及照燒帆立貝配烏冬配照燒汁老闆開恆大火，鐵板一邊炒好有獲氣，炒完未食都聞到好香😍疫情下無左晚市堂食，大家經過旺角不妨支持下實力小店😋

一休鐵板燒 (旺角)📍旺角通菜街121號6號舖🤍位於西洋菜南街，高級鐵板燒平民化，都市人都喜愛色香味俱全號這間餐廳專賣鐵板燒，三位創辦人入行數十年👍🏻鐵板燒三部曲1. 先選麵款，拉麵、烏冬、意粉2. 再選肉類，雞絲、牛柳、豬肉3. 最後選醬汁，朝燒汁、黑椒汁、一休醬油👍🏻鐵板燒：鵝肝、燒雞泡魚乾、熊本一口牛、將燒魷魚鬚、朝燒帆立貝、黑松露野菜 🤍小編推介照燒帆立貝及醬燒魷魚鬚，睇住廚師即叫即炒，起哂火，好治癒😍🤍依家疫情下6:00就冇堂食，大家經過既可以外賣回家😍價錢相宜得黎好味😋又夠哂大份，香港人應該要支持下小店

🥡一休鐵板燒🥡📍:旺角通菜街121號6號舖⏰:11:30am-1:00am⭕️:現金、八達通呢間外賣小店新開無耐😆已經好多人去幫襯 隔住個玻璃可以見到師傅炒麵😂 一眼望落去好吸引 味道又香 買外賣既人都唔少架 雖然話就話即叫即做 不過等候時間好快架炸👍🏻🍜鐵板炒烏冬 💰38我簡左炒烏冬+牛柳+一休醬汁 烏冬都炒到好乾身 索晒醬汁既香味 除咗我揀既牛柳絲之外 另外仲配左柳菜同冬菇絲 整完之後面層會鋪滿木魚絲 份量都多 食完一份都好飽肚🥰🦆鵝肝鐵板燒 💰68對於我呢啲鵝肝重度愛好者泥講 呢個鵝肝真係必叫 鵝肝好香口厚身 煎到金黃色 外觀好吸引 入口好creamy 食落外脆內軟 油脂感滿滿🤣 仲配左多士同露荀 減低油膩感👍🏻

遠處已經聞到好香炒野味道，餐牌有唔少選擇，價錢又唔貴。點完餐師傅會現場即燒，隔住塊玻璃都見到火光熊熊。麵底方面，雖然食過烏冬同拉麵，但都係覺得最好食是炒意粉，意粉爽口彈牙，唔會幾條黏在一起，是條條分明的。配料牛肉豬肉雞肉三款都食過，因為除意粉以外，師傅仲會加大量雜菜一齊炒，每款肉類配起嚟其實都好夾。醬汁方面個人推介一休醬油，比起較大路的黑椒汁同照燒汁，一休醬油會特別啲，而且好鮮味！最後師傅仲會喺麵上面放大量木魚，很有日式食物的味道。價錢三十幾蚊有禁好水準，真係底過食茶記！小食個人推介是燒魷魚鬚同一口熊本和牛粒。燒魷魚鬚每條都好大條，食起來有咬口但唔韌，配上店舖特製既汁同燶燶地既鐵板燒味道，真係食得出是即炒出來的。和牛粒份量充足，師傅用牛油黑椒粒等配料去燒，用埋支火槍燒至表面甘香，一啲都唔馬虎。和牛粒有肉汁又唔會燒到乾同硬，水準超班！性價比相當高！另外值得一讚是他們嘅小食外賣盒非常好和設計特別，有一個小手柄很方便

經過兩轉哩條街 見好多人排隊 應該好好食我都等埋一份食鐵板燒為主喺出面收銀order好想食嘅嘢老闆就入去開始炒隔住塊玻璃 全程公開 食得好放心😀見住炒麵好似幾暢銷 list曬步驟出嚟我就order咗個炒烏冬配牛柳 揀咗佢哋自家醬料另外小食都好吸引順便order埋個鵝肝😀😀😀😀😀一定唔過份😎買埋嘢飲都係家五蚊咋。鐵板燒嘅香味太香 即刻影返張相 睇下有冇人想一齊食🤤🤤鵝肝：滿分💯 開盒見到賣相已經流口水飄住鵝肝味道入口即溶 建議同塊包一齊食冇咁漏 因為好大塊 大過我個嘴😊

疫情肆虐，現時都較少堂食了！知道在旺角區開了一間鐵板燒外賣店🥡，就決定一戰了☺️！到了店門口，你除了可以選擇炒麵外，還有不同類型的鐵板菜式，包括「燒雞泡魚乾」、「黑松露野菜」等等。而我就選擇了以下：🥡鵝肝鐵板燒 $68厚身的鵝肝，下面放了🍯蜜糖麵包，上面擺了露筍。鵝肝很入味，油脂分布也很好，襯上蜜糖麵包，就可以中和油份，而露荀也是個很好的點綴呢😗！🥡鐵板炒麵：烏冬+豬肉+一休醬油 $38 鐵板炒麵方面，也有很多選擇。而我就選擇烏冬+豬肉+一休醬油，上面鋪了野菜和木魚，相當香🤤！烏冬有彈性，豬肉也很有肉味，再配上一休醬油，鹹鹹甜甜，令人食指大動呢😋！整體來說，覺得小店性價比也挺高的，重點是可以隔着玻璃看師傅下廚，也是一種享受呢🙂！

🍻 啤酒🐷食評 🍖 ‖ 一休鐵板燒 ‖ #beerpig旺角 #beerpig日本菜💁🏻‍♀️ 惹火鐵板燒炒麵·疫情外賣之選 💁🏻‍♂️呢排又禁堂食😩完全搵唔到時間出街食，已經冇曬貨仔比小編出post🥲今日終於抽到少少時間同豬生出街食下野係日本，鐵板燒就等於Fine dining既級別，而今日係旺角top商場既斜對面，就有間平民版既鐵板燒炒麵外賣店🙈一邊等野食之餘，仲可以一邊透過櫥窗望住餐廳店員整鐵板燒，呢種視覺享受都幾正😋睇到小編哇哇聲一齊睇下到底有咩食啦👇🏻✨大家有興趣就記得｜Like•Save•Share｜呢個post喇💖—#🍻🍖 質素：🥡熊本一口牛｜$58一口牛既製作過程好惹火🤤睇到小編流曬口水終於食到喇～一口牛除左用鹽同胡椒調味，仲有炸蒜配搭😋每粒牛既肉汁都鎖曬係裡面，食落好juicy，口感軟嫩，有少少入口即溶既感覺🥡鵝肝鐵板燒｜$68又係豬生既至愛🙈雖然價錢上有啲貴，不過鵝肝都算幾大塊😲仲要好厚身，夠曬肥美鵝肝既口感好細滑，油脂香都幾濃😋面頭冧左啲焦糖醬油，味道介乎係甜與咸之間，同時又唔會搶走左陣油脂香，整體質素都幾高🥡鐵板炒麵｜$38呢到既鐵板炒麵有得比大家選擇麵底·肉款

一休鐵板燒🔥依家又無左堂食出街唯有睇下有咩可以外賣食下經過旺角見到呢間鐵板燒好吸引就忍唔住買左黎食啦◾️鵝肝鐵板燒 $68香煎鵝肝配多士簡直係絕配呀一見到就即刻叫左鵝肝表面煎到金黃色仲有少許微焦嘅感覺食落外脆內軟油份飽滿仲好香多士咬落香脆吸左鵝肝嘅油份好正好邪惡😍◾️熊本一口牛 $58一口牛既牛味幾重肉質又腍仲加入左好多香蒜蒜粒令個牛好惹味◾️鐵板炒麵 $38除左主食之外 仲有鐵板炒麵首先揀左拉麵/烏冬/意粉我就揀左鐵板拉麵 配上自家製嘅一休醬油再加埋豬/牛/雞肉醬油有提鮮作用拉麵食落煙韌 同醬油好夾⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻👍🏻打卡：🦚🦚🦚🦚🦚推薦：🐽🐽🐽🐽🐽⭐️⭐️⭐️⭐️⭐️⭐️⭐️

路過一休，點了一客炒烏冬及一口牛可以睇住師傅即叫即炒，好似去咗日本咁炒烏冬好足料，好多牛柳，味道都好好。$38 好抵食！一口牛入口即溶，好好食。都只係$58，好抵食

未正式開張已經排長龍，一於湊下熱鬧啦！餐牌分2部份，鐵板炒麵同小食。Step1先揀麵底先，我就要咗烏冬。step2係肉類，我就梗係要牛柳啦。最後揀醬汁，試下佢哋自家製嘅一休醬油。又估唔到幾香wo,火喉十足。因為屋企有啲遠，拎到返去已經唔熱，但係都無影響個味道。牛柳醃得幾入面，配菜冬菇都好出色。如果份量多小小就好啲啦。意猶未盡，再排隊買多個熊本一口牛。一口牛入口非常冧，而且帶有牛肉香味。配上乾蒜，唔錯唔錯。等食物其間見到有其他客人嗌咗帆立貝，都幾厚身。下次要試埋先！

未行到舖頭已經聞到香噴噴~原來呢度開咗間即炒嘅鐵板燒！望住師傅即場製作都幾正。無咩idea嘅情況下，聽店主發板。拉麵+雞絲+一休醬汁 $38另外多咗個鵝肝鐵板燒$68即點即炒嚟講唔算等得耐。拉麵質感軟硬適中，配上雞絲、雜菜絲等，口感豐富。而舖頭嘅自製一休醬汁非常惹味，大家可以一試。厚切鵝肝配上牛油多士，上面仲有少許蘆筍。煎到非常香脆嘅多士，帶住牛油香。配上入口即溶嘅鵝肝，口腔充滿油香。十份推薦大家嗌呢個小食！！！

沒有堂食咪外賣囉😆係旺角辦完年貨順便買埋外賣返屋企🍱見到哩間一休鐵板燒，即search openrice原來開業冇幾耐。鐵板燒外賣小店真係少見，隔住玻璃可以睇到鐵板師傅炒麵😆又幾吸引人去幫襯外賣嘅🔥餐牌唔算太多款，分主食同炒麵，一睇當然試有個極上嘅鵝肝鐵板燒$68鐵板炒麵分3個step我選了炒意粉，牛柳配埋店舖自家製一休醬油，另外鐘意吃辣可加一休地獄辣粉🔥🌶我就加了好多🤪師傅好快已經炒好個意粉，另外個鵝肝多士真係超吸引嘅，雖然用外賣盒，但賣相又幾靚🥰鵝肝好厚身🤣我真係忍唔住即刻企埋一邊襯熱食咗先，鵝肝煎得好香，入口好creamy🤤雖然滿滿油脂，但連埋香脆多士同埋露筍一齊食，完全唔覺油膩感😋個炒意粉拎到返屋企都仲好熱😄意粉炒得都幾乾身，除了有我揀嘅牛柳絲，另外配菜有椰菜同冬菇絲，份量都算多🥵個一休辣粉真係幾辣🌶不過加咗辣粉更加惹味🔥

疫情期間除咗晚上冇堂食，中午都盡量買外賣返公司，避免喺餐廳進食嘅時候因為冇戴口罩而感染，今次發掘到一間試業中嘅小店，行過嘅時候喺櫥窗見到廚師喺入邊炒緊麵，原本以為鐵板燒好貴，一望價錢好貼地，可能因為專做外賣減少左經營開支，所以就可以用一個平民嘅價錢食到鐵板燒，點完餐之後仲可以隔住玻璃睇廚師為你炮製嘅食物，好似餐廳嘅鐵板燒直接喺你面前煮一樣，欣賞完之後就將食物拎返去食😆鐵板炒麵$38第一步選面底，可以選擇拉麵、烏冬、意粉第二步選食材，可以選擇雞絲、牛柳、豬肉第三步選醬汁，可以選擇照燒、黑椒、一休醬油我揀左烏冬+牛柳+一休醬油，牛柳絲夠嫩滑，而且一d都唔少，烏冬先滾一滾再炒夠彈牙，仲有菜、蘿蔔絲、冬菇絲，仲加埋木魚碎，夠哂日式，食得辣既朋友一定要加一休地獄辣粉，好正😆鵝肝鐵板燒$68喺餐廳食鵝肝真係好貴，呢度食只係需要$68一定要試吓，鵝肝入口即溶油脂豐富，配搭埋法包🥖一齊食超級無敵正😋