北海道居酒屋 (Closed) View

今天到沙田中心北海道居酒屋吃一人午餐，不用等位已可入坐。打開餐牌，選擇頗多，價錢亦很相宜。最後我點了一客豚肉生姜燒定食。午餐很快便送上。這一人定食非常豐富，除了滿滿的一碟燒豚肉外，定食還包括了一碗飯、一碗味噌湯、前菜、菜沙律和一個日式蒸蛋！前菜爽脆，加了麻醬的菜沙律非常惹味，味噌湯一般，但燒肉味美，肉質一點也不乾，還加上了洋蔥和大白蔥，吃起來頗爽口。用這餸來送飯，不消一會兒，我已吃了一半！最後，打開蒸蛋，熱氣騰出，賣相非常吸引！我用小匙一口一口的吃下這滑滑好味的蒸蛋，非常滿足！😊 這$58 的定食確實物超所值！👍

想中午吃點不同的，所以特意挑了間之前沒吃過的日式店嚐鮮一下。日式店就是乾淨企理，坐下來會很舒適不會太侷促。中午餐價錢由$50多起跳，比想像中好。而且選擇也多，有生有熟，就看大家口味。生的其中一款就是壽司精選～比較偏貴要百多元一個餐。餐包括了沙律、麵鼓湯、茶碗蒸、小小一碟腌菜與9件壽司。刺身還挺鮮，壽司飯也黏不易散。比想像中好，還算不錯。吉列豬排飯，很豐富且抵食的一個餐。豬排下面都是蛋加洋蔥，很好配飯。其中一款刺身飯，也是超過百元的一個餐。刺身仍是挺鮮，所以不錯吃～

沙田工作去左食日式定食，價錢平，埋單$58！叫左個牛肉定食，都幾豐富㗎😍，有日式蒸蛋、麵豉湯、前菜、飯同鐵板炒牛肉😊😊下次會試埋佢個滑蛋雞定食，我估應該都唔錯嘅😌😌😌

附過門口見到餐牌上面嘅食物幾吸引，價錢唔算平，不過都試吓啦！兩個人食，叫咗五樣野，生蠔三隻、炸雞軟骨、芒果炸蝦卷（餐牌實際嘅名唔記得）炙燒日本產和牛片配柑橘汁同埋剌身三點。叫嗰陣待應話要等20至25分鐘，都ok啦，反正未算好肚餓。野食好一般，根本唔值咁既價錢。仲要等咁耐，以為會好用心煮啦！點知同平民日本餐廳無咩大分別。芒果蝦卷味道正常，但無必要用呢個價錢食。個炙燒和牛先係重點，明明寫燒，餐牌張圖都睇到係燒既感覺，點知原來係冷盤，有被騙既感覺。侍應服務都算好。佢解釋佢地既和牛要凍先好食，唔岩食可以幫我取消。最後取消左，因為我真係想食燒牛其他野食無影到就唔多講啦！總之唔會再食呢間野

上餐等極耐，大概等咗半嗰鐘，基本上係大部分客人都催單。催咗之後來咗嗰完全冇味又冇姜味的生姜豚肉燒，份量少，有啲豚肉仲要係燒燶咗嘅，而且有軟骨，飯極硬。以後絕不會再幫襯！

沙田周圍都是連鎖而又高檔的餐廳，終於開了一間稍為走平民路線的日式居酒屋，當然要前往一試！先叫了個海鮮味噌雜菜煲，份量比想像中大，不只是椰菜的量多，鋪面的海鮮種類亦甚多，有三文魚、鮮蝦及呑拿魚片，而且材料新魚鮮，味噌湯底滲透着海鮮的鮮甜更是份外惹味。接下來上了松葉蟹肉蟹膏甲羅燒，將啖啖蟹肉送進口中，口腔充斥着香濃的蟹膏味，對於大愛蟹膏的我來説簡直是食到無法停手！另外還點了個燒和牛片，牛肉片是薄切，細心地伴以沙律及焗薯粒。牛肉鮮味突出，而且火喉控制得宜燒得剛好，燒出牛肉香味但仍能保持juicy的肉質。最後還追加了一道唐揚雞塊，每件雞塊都頗大，可惜炸粉略嫌太厚。

本身想食板長，但板長多人等，甘就試下依間！嗌左北海道粟米，蟹膏，鰻魚炒飯，和牛味噌鍋，富士山，秋刀魚，仲有一啲壽司！食物整體唔錯，除左鰻魚炒飯好似食剩甘既份量，粟米唔熟，秋刀魚好似咸魚甘咸之外！試粟米時，發現生生地，之後同侍應講，佢叫左應該係店長既人(冬菇頭，漂左髮果位),問我地想再整過定取消，我地諗左諗，就話取消算，因為佢個粟米燒得勁乾都唔熟得哂，俾佢再整都唔好得去邊！唔想再俾機會佢！最離譜係我個秋刀魚係第一樣野嗌，點知最遲落單既鰻魚飯都到，條魚都未到！甘咪問下係唔係漏左單囉，係漏左就唔要算啦！點知佢話有落，但無同我地講唔好意思，跟住過左30秒條魚就到左！一黎到，燶到呢，算，我最多唔食皮，但一食啲肉，嘩，咸魚黎架？咸到甘，甘我咪反映下囉，本身同求其一個侍應講，最後又係叫左個疑似店長過黎，佢一行過黎我地話好咸，佢勁唔好態度甘講，<甘係咪取消？>嘩，大佬，我等你條魚甘耐，無人講過唔好意思，黎到咸過咸魚仲要講到我地好似唔岩食就想取消甘，我寧願佢無味，至少無味都食得落肚，但你咸到甘點食，我驚食哂會令到我一日攝取鹽分既quota 超哂標囉！本身都無甘興，但屋企人都不約而同話個女

呢間係沙田中心近期新開嘅日本野😍 等位都算快 野食都唔錯 份量都ok 環境都舒適 店員服務態度就有啲好 有啲差 比較參差 食物方面 叫左一個鍋物 一個月見拉麵 一客 shushi 仲有吉列豬扒咖哩飯 全都幾好味 鍋份量十足 下次要試下其他 係個拉麵就中規中矩

朋友相聚沙田。。唔一定食雞粥ge!試試。。北海道居酒屋啦~打開menu就被吸引了。。北海道城松前町便當！一定要叫了！北海道城來了！真的好可愛~就像真的城堡一樣呢！咁首先睇睇第一層。。好新鮮的魚生！三文魚及吞拿魚好滑~蝦好爽好甜！第二層是魚生飯！三文魚子唔腥又多汁~海膽好滑呢~吞拿魚碎和蛋碎太配合了！第三層是冷面！附上冷面汁~淋上冷面汁及蔥。。整個超滑，又好入味！之後。。極上壽司盛！那麼多款。。豐盛的奉上！先試魚生的吧~好鮮甜味美呀！大蝦爽口彈牙！三文魚子粒粒都脆卜卜！款款都咁好味呀！主食外，來了。。北海道產花笑蟹味噌湯！熱氣騰騰好香呢~即刻撩點蟹肉來試試！好新鮮美味呀！好爽口彈牙呀！和湯好夾呀！之後。。鐵板香蒜牛柳卷！一上檯就熱騰騰，香噴噴！立即試一件！wow~小心燙口！mmmm~牛柳燒得好入味！香蒜令其更香更吸引！超開心的一餐飯呢！

去開沙田行間，成日都係貪方便係新城市個頭食。今次行入D 去到沙田中心度搵餐廳。12點幾行入依間日本居酒屋，唔係好多人，真係太好。我地一行兩個人坐卡位，都好闊落。間餐廳都幾多選擇，我地叫左個和牛味噌雜菜煮，都幾多和牛，仲有椰菜係底，好健康食好多菜XDD之後仲有火龍卷，三文魚籽包住炸蝦，味道幾好。最後叫左個海蝦天婦羅蕎麥面，天婦羅有兩條炸蝦，一件矮瓜、一件冬菇同埋一件紅椒。我們我地都唔食紅椒，咁就哂左一件天婦羅了。埋單一人150，豐富的午餐。

今晚同呀仔慶祝生日，呀仔話想食日本野，經過呢間北海道居酒屋，就入左嚟試食，三文魚同天婦羅都夠新鮮，魷魚超正，抄飯就一般，乾淨衞生，服務態度也很好，但價錢就比較貴！

沙田市中心發展極迅速，有著林林種種的餐廳及菜式，不過若要找到一間正宗日式居酒屋，就好像有點難度。然而，從此不再苦惱，商場經裝修後，引入了這間日式正宗居酒屋，又提供多了一個不錯的日本菜選擇餐廳環境設計有日式居酒屋風味，感覺舒適食物款式不少，餐牌將其依類分好，每項食物都有圖片供參考，非常吸引日本產和牛壽喜燒 $188第一個先到的就是它，吃壽喜燒不能缺少的當然生雞蛋，因為要用以沾點鍋物去吃 ; 而此鍋物可以見份量非常澎湃，最低層放滿了蔬菜，例如大白菜及甘菇等，上層就鋪滿了日本和牛，每塊和牛的脂肪分佈中等且大大塊，煮熟後，口感一流，有點入口即溶的感覺刺身3點 $883點的意思是餐廳會自行預設3款刺身給客人，今天的3款刺身就分別是三文魚，油甘魚及赤海蝦，都是極為新鮮，而兩款魚類刺身都是厚切，口感很不錯蟹肉蟹膏玉子燒 $86玉子燒是日式傳統著名菜式之一，本身玉子燒由雞蛋煮製就已經既有層次又很有味道，現配上蟹肉蟹膏作配料，進一步將其整體口感及味道提升，變得很重蟹味，而最上面的蟹籽粒更令口感帶有一點爽脆，絕對值得一試燒活鮑魚 $58日式居酒屋之中，燒物亦是不會缺少的，而這個燒活鮑魚，就可以吃出鮑魚的鮮

朋友特登搵我沙田食野.我好耐無係沙田出現架啦~上網搵睇, 有間日式餐廳好似幾咁同朋友試下~ 一人一枝可樂, 爽我飲富士山可樂, 第一次飲,好好飲~我飲左兩枝先夠喉~正野~雜菜鍋,即場係面前蒸熟D肉架~玉子, 我去日式餐廳切點的食物之一北海道牛奶玉子卷份量大份, 蛋味較重刺身盛 有五款 不只一樣, 可試多幾款, 同朋友每款一人一件呢款真係好特別. 皮脆, 有少少油膩 配D檸檬汁就OK~ 口感幾特別, 比我想飲中好食可以一試喔~ 另外，緊係有叫番少少串燒試下啦~日式串燒都係我必點的食物之一冬姑我一定叫, 好吃~炸軟殼蟹也是, 價錢又唔貴抵食~ 甲羅燒, 最近我喜愛食物之一配D薯片食, 真係好正架~又香, 蟹膏份量足料 和牛片, 我第一次食不是熱的和牛肯定是熟的和牛啦~ 但熱同攤凍左既感覺真係很明顯燒鰻魚~ ~ 醬汁甜甜地除左刺身, 當然亦要點壽司火龍卷蠔燒, 超喜歡食蠔,但不用多一人一隻很足夠了~ ^^很不錯的日式餐廳,位置方便~近沙田火車站~ 附近又多商店~ 

新城市越黎越唔知有咩食, 一唔係太貴, 就係唔好食, 發掘到隔離商場有呢間日本野, 平時都唔係好覺眼. 款式好多種類, 壽司, 爐端燒, 串燒, 鍋物, 仲有日本直送藍鰭吞拿魚.要個刺身3點, 刺身切到夠晒厚, 帶子夠彈牙又鮮甜, 三文魚同油甘魚魚脂豐富, 無雪藏味道.鹽燒牛舌同黑豚腩肉串燒, 即燒真係好香口, 加埋鹽燒好惹味. 牛舌夠爽口, 唔韌, 味道濃郁. 豬腩肉就夠軟腍, 肉質唔鞋, 好入味.主食要左天婦羅蕎麥麵, 一黎已聞到好香既蕎麥味. 蕎麥麵食落好爽口, 夠彈牙, 可以索索聲咁食, 凍食感覺無咁易濟, 不經不覺食晒成盤.天婦羅炸得夠乾身, 唔油膩夠脆口, 炸粉唔會太厚.炸蝦彈牙又大隻, 仲有冬菇, 南瓜同青椒.平日晚都好多人, 食到7點幾門口已經排晒隊.

三個女人一個墟真的沒有說錯, 我們這一餐的相約在沙田的開年飯真的是由頭嘈到尾, 整晚個口都未停過, 又要傾又要食, 真的很忙。已有一段時間沒有來過沙田, 人迫得好像比旺角還要多。也不知道沙田中心這邊開了一間主打北海道美食的居酒屋餐廳, 充滿日式的裝修, 主打來自日本的食材, 坐得又舒服, 已加了印象分。可能早前新年時間吃得太多中式食品, 見到日本"家鄉菜" 特別有胃口。既然是狗年第一個聚會, 就吃豪一點點了一個七色刺身併盤。雖然每款刺身只得兩件, 但款款厚切新鮮, 帶有光澤, 十分吸睛。雖然應該先吃較淡口的白身魚, 但我還是先吃了最名貴的拖羅。這中TORO 的油脂分佈均勻, 不算多筋, 肉質柔嫩。咬下去就是滿口魚油, 真正齒頰留香。大大件的海膽非常有驚喜, 甘香豐腴有質感。包着紫菜吃更是外脆內軟, 加添了海洋味, 整個層次更為豐富, 很久沒有吃過這樣高質素的UNI。真的寧願吃一件大海膽也不想吃那些小小汪汪的海膽蓋飯。特盛壽司併盤的八款壽司同樣用料不錯。我最愛的帆立貝壽司肉厚質鮮, 柔嫩清甜。而大大粒的三文魚籽一點也不腥, 脹卜卜的魚油在口中爆發的口感其實相當甘香, 好像一次過吸收大量