食物整體唔錯，除左鰻魚炒飯好似食剩甘既份量，粟米唔熟，秋刀魚好似咸魚甘咸之外！
試粟米時，發現生生地，之後同侍應講，佢叫左應該係店長既人(冬菇頭，漂左髮果位),問我地想再整過定取消，我地諗左諗，就話取消算，因為佢個粟米燒得勁乾都唔熟得哂，俾佢再整都唔好得去邊！唔想再俾機會佢！
最離譜係我個秋刀魚係第一樣野嗌，點知最遲落單既鰻魚飯都到，條魚都未到！甘咪問下係唔係漏左單囉，係漏左就唔要算啦！點知佢話有落，但無同我地講唔好意思，跟住過左30秒條魚就到左！一黎到，燶到呢，算，我最多唔食皮，但一食啲肉，嘩，咸魚黎架？咸到甘，甘我咪反映下囉，本身同求其一個侍應講，最後又係叫左個疑似店長過黎，佢一行過黎我地話好咸，佢勁唔好態度甘講，<甘係咪取消？>嘩，大佬，我等你條魚甘耐，無人講過唔好意思，黎到咸過咸魚仲要講到我地好似唔岩食就想取消甘，我寧願佢無味，至少無味都食得落肚，但你咸到甘點食，我驚食哂會令到我一日攝取鹽分既quota 超哂標囉！本身都無甘興，但屋企人都不約而同話個女店長態度唔好！點會一行過黎甘同客講野！
其實除左佢之外，其他侍應都好好態度！ 唔明佢點解甘都做到in-charge
