喜膳燒

Open Now

Now Closed

今日有朋友生日，到尖沙咀食飯，見到有間新開串燒店，便入去試吓，先點海鮮，隻燒珍寶蠔又大又鮮甜，燒扇貝好脹肉，燒牛舌好淋，隻山賊雞好正，唔乾又多汁，其他食物都好好，下次一定再來

今日同幾個同事係尖沙咀見客，見完就係附近醫院，尖沙咀搵下搵下行過呢間舖頭見到好似幾新下喎，跟住就入去試下。炸焗芝士武藏蠔炸焗芝士武藏蠔聽師傅話係呢度獨創嘅，師傅用先炸再焗嘅方式，外層夠晒脆，內裡肉質厚實，因為師傅已經調好味，即使無再加任何嘅醬汁都夠晒惹味。燒龍躉京蔥卷師傅用京蔥卷包住龍躉一齊燒，都比較少咁嘅做法，而且餐廳用嘅燒汁係自家製嘅，用左6個鐘熬成，龍躉唔算太咸，又夠彈牙，配埋餐廳自家製嘅燒汁認真惹味。燒深海龍躉黑豚肉卷黑豚肉包住龍躉又係另一種體驗，龍躉好滑溜，豚肉香味又濃，加埋小小燒汁，夠晒惹味鹽燒黑毛豬五花黑毛豬五花肉質厚實，唔會太咸，更襯托出黑毛豬嘅肉味，入口好有口感，絕對唔同平時食到嘅燒黑毛豬海鹽燒皇牌牛舌牛舌肉質厚實，入口好香口，但唔油膩又唔會太老泰式燒魚師傅燒得岩岩好，功架十足，一上枱就聞到陣陣嘅香草，魚肉入口好鮮嫩，令作為食客嘅我欲罷不能胡麻醬涼拌稻庭烏冬+糖手蛋 糖手蛋整得唔會太老，入口即溶，食左咁多串燒之後就食番個冰涼嘅烏冬真係超fresh金莎朱古力沙冰都係第一次喝呢個金莎朱古力沙冰，沙冰打得夠晒脆，入口朱古力味完全散發出來，而且又唔會太甜，喝完仲有粒金莎可以食

今日同幾個朋友聚舊，一放工就黎到朋友住嘅附近食野，行啲橫街窄巷搵下野食咁，跟住行過寶勒巷見到呢間舖頭好似新開喎，於是就決定去呢間喇。燒珍寶大元貝大元貝一上檯果下真係令人讚嘆好大隻呀，肉質厚實，用小小嘅蒜蓉調味都夠晒鮮味，而且仲可以揀辣或者唔辣架。燒美國珍寶蠔蠔大大隻又夠鮮味，即使無加任何嘅醬汁都夠晒鮮味，而且師傅仲好細心咁整埋帶子位，我地都可以直一啖入肚。孜然燒山賊雞翼雞翼燒得好脆身，孜然香味又夠濃，加埋啲醬汁，入口又唔會太乾而且食都好方便沙嗲雞肉串餐廳可以揀四種口味去整肉串(bbq, 和風, 韓式辣汁, 沙嗲), 而呢個雞肉入口夠嫩身，沙嗲醬入口唔會好咸，而且同雞肉好夾，真係好醒胃照燒汁燒雞腎餐廳用嘅燒汁係師傅每日用6個鐘去煮架，雞腎入口夠口感又唔會乾，配埋餐廳獨有嘅醬夠惹味又帶有小小甜味，真係同一般嘅餐廳用燒汁都幾大分別海鹽燒秋葵秋葵燒到唔會太焦面，內裡依然保持到一定嘅濕潤，而且唔會太咸稻庭烏冬（豬骨湯）+糖心蛋半熟嘅糖心蛋，一啖擺入口，令人滿心滿足，烏冬入口都算唔錯，份量足又唔會太淋益力多沙冰益力多沙冰打得岩岩好，唔會太甜，入口都算充滿益力多味法式焦糖燉蛋法式焦糖燉蛋蛋味夠足，食

經朋友介绍位於寶勒巷有一間新開張既串燒專門店，一於约脚去做試食兵團!一坐低就睇吓張list有乜好介绍，好開心有我至愛既燒鷄泡魚乾、燒大大隻蠔、再叫其他必食既肉類串燒嘆吓。首先介绍個鷄泡魚乾，出嚟熱辣辣卜卜脆，隻蠔大隻到呢，又夠肉汁，其他肉類串燒亦味道相當唔錯，原隻燒鱿鱼，肉質夠弹口，配上泰式酱料，一流!佢哋既串燒賣點就係枱面會放响一件已加熱既石板，店員會張d串燒放在石板上，確保串燒能保持一定温度，果然夠细心，加埋啤酒，呢餐串燒餐真係唔錯。