銀菱金店日本料理 (Moved) New Location

4月16日, 今日來一個小慶祝, 來試一下這間銀菱, 因為每逢來到銅鑼灣, 都見到到處都係佢嘅傅單, 又有咩優惠, 又減價, 又好似好多野食咁~ 感覺好親切, 好似食過好多次咁, 原來今晚才是我地第一次食~::: 野生處女三文魚腩拼泰皇生奄蝦 ::: $120貴貴貴貴貴! 不過又真係好想試下~ 泰皇生奄蝦有6隻, 有濃濃嘅綠色物體浸住, 應該係生薑蒜蓉, 因為未食已經好大陣味~ 本身都有食過泰式生蝦, 不過一定冇呢個咁辣! 先喺味蕾前端會食到甜甜酸酸, 非常醒胃, 但係一吞咗之後d辣辣痺痺嘅感覺先出黎~ 勁嗆喉同埋嘴唇有麻痺感, 真係好辣好辣, 就算蝦有幾鮮甜都食唔出… 蝦咬落係好新鮮同彈牙, 不過為求食到佢嘅鮮味, 都係抹走d薑蒜蓉先食會好d…野生處女三文魚腩有8件不過係好細件嘅, 色澤光鮮, 膏同肉都層次分明, 一口咬落都算肥美, 筋比較多咗d, 不過都達到入口即溶嘅效果~ 比起泰皇生奄蝦呢個好食好多, 不過食唔出處女同唔處女有咩唔同…::: 壽司拼盤 ::: $55喺指定款式自選5款, 每款有2件~ 當然一d貴少少嘅壽司係冇得揀… 首先壽司係可以話細件, 大慨只有正常2/3. 其

夜晚同女友又去咗登龍街搵食，不過今次唔係食泰國嘢，而係試吓哩間大排檔feel嘅日本餐聽。店內牆上貼滿餐牌，裝修毫不講究，燈光較暗，而店員都係泰籍或菲籍人士。可能未夠六點，時間尚早，店內沒有其他客人，我同女友睇再陣餐牌之後準備落order之際，泰/菲籍侍應姐姐見我哋叫三文魚刺身同海膽，於是就建議我哋可以叫個一板海膽拼三文魚刺身同日式咖哩飯餐，佢用有限嘅廣東話話叫個餐抵d喎，好啦，就信佢啦!，另外再加多一個什錦魚生飯~日式咖哩飯:一個字 - "流"!，真係物如其名，日式咖哩加個飯!咖哩汁香，但太"杰"，薯仔煮得夠"淋"，不過真係太寡，純粹係用嚟頂肚! 一板海膽拼三文魚刺身:海膽食唔到甜味，但亦無苦味，不過不失，一般新鮮，因為擺耐少少開始見到水水地，而且份量真係好少; 至於三文魚刺身有十片，不太厚身，色澤算係新鮮，食落都ok嘅! 什錦魚生飯:材料有蟹柳、八爪魚、甜蛋、甜蝦、墨魚(各兩片)及三文魚(四片)等，除咗d飯，份量算少，不過除了三文魚刺身細片又唔新鮮外，各樣材料都算係新鮮，味道都係不過不失啦! 哩餐食得好飽，除咗因

估唔到食日本野都可以咁平。但係d野食麻麻好食。叫佐一set 98蚊ge。有三文魚，串燒拼盤，三文魚腩鰻魚汁炒飯。得個飯好味，可能由於3點幾先食中什飯肚餓得濟。睇到個場好似唔夠幹淨。野食又唔新鮮。

夜晚睇完子華talk show行到去登龍街就入左去叫左$128個set, 點知頭盤三文魚+其他刺身勁唔新鮮, 又少, 每樣得二片!!跟住嚟個日式咖喱飯, 個咖喱根本唔係日本咖喱, 裡面仲要有蔥, 又超細碗!食完呢兩樣, 等左好耐個串燒拼盤都未嚟, 隔離枱仲要食煙, 火都嚟!!最後個拼盤嚟到, 得鵪鶉蛋, 雞軟骨, 雞腎, 冬菇, 牛舌, 薯仔, 白果, 豆腐, 全部都係平野!!埋單最後仲要加1, total $141!! 可惜我覺得$41都比多!!離晒鐠!! 以後都唔會再去!!

今日同同事叫外賣~今次佢吔有新意思 ~ 就係日本嘢呀30 蚊一個lunch box叫咗雞翼,金菇肥牛卷,多春魚呢度個飯好大碗呀~ 好足料~ 而且用珠珍米丫~ 好好味呀~雞翼同多春魚都好味~ 不是太油果種..啱晒口味丫仲送嘢飲呀~ 但我叫咗紅豆沙...(可惜只有半碗喳....)

週圍行搵地方食晚飯，見到呢到可以坐係街邊好似係大牌檔咁食日本菜，覺得幾得意所以入去試下。見到菜牌其實佢d菜式都幾雜，除咗日本嘢仲有好多中式小菜，睇價錢亦好似唔係好貴。叫咗個川辣蟶子配烏東加刺身船($188)，一個咖哩牛定食($43)，一d壽司同串燒。食品份量其實唔係好大，個刺身係一般大路嘢:三文魚、八爪魚、蝦、司奄，同其他二三款，每樣有二片左右，鮮甜同味道一般啦，冇乜驚喜。蟶子幾夠香辣，烏東索咗d汁，味道討好。串燒同壽司中規中矩，尤其是壽司飯，唔夠醋味又唔夠黏，失望。整體食品水準一般，價錢唔算平，麻麻。而且以日本菜館嚟講，地方睇落好似唔係好衛生(特別係洗手間)，影響客人信心。

上次行過見佢d野食幾得意咁所以諗住試下啦尋晚去到，成間野一個客都冇不過我諗住上次行過果陣佢都坐爆咁可能係我今次早左o者叫左個原板海膽蟹籽炒飯同三文魚刺身d三文魚都ok但係好似唔係好新鮮，仲有一件係有骨o既海膽蟹籽炒飯就仲大鑊海膽同炒飯係分開上o既一試d海膽就知道中左伏變哂味o既跟住佢換左d大d o既海膽俾我但係都唔係幾好食$158 兩樣野好失望以後都唔會再食

銀菱的大紅色宣傳廣告牌的位置天天也不同,老實說紅色的確很搶眼,但密密麻麻的一堆字令我平時沒有心機去考究它的內容.除了當人窮的時候,28元並可選3款配料不加一的午餐便被人終於發覺了它的存在了.店裹空無一人,就只有我們8位,而同時間發現不停有外賣送出.menu上更標明外賣時間還長久過營業時間.,看來外賣是這間餐廳的主要收入來源?在openrice上搜尋銀菱時看到另外3間分店也結業了,也看來這種外賣手法在其他地方並不能久持?為慳錢而來便不想其他什麼+2$凍飲+5$轉炒飯等等.配料從11種內選了秋刀魚,多春魚以及燒雞翼.秋刀魚開頭吃得有點苦,可能燒得有點燶,骨算多的,但懂得就住吃便不成問題.多春魚開頭亦都帶點苦,燶得來有點硬,享受不了可以無視骨而豪爽的咬落去的感覺.最後的雞翼便是3款中最燶的,燶到只有苦味.白飯配上大堆鼓油,撈起飯來尚算可以,亦試了朋友+$配的3文魚炒飯,這5$相對起來便加得相當抵.28$還送甜品糯米滋一細粒or細細碗紅豆沙不收加一之餘還附上茶壺自助添茶,28元真的不錯

星期五下班, 同同事們, 趁著Halloween, 唔玩一晚都食個晚飯. 一行人又由我帶頭, 來老銅食.星期五, 呢間排隊, 果間排隊...兩間日食摸釘後. 醒起登龍街有間幾特別既日本野. 剛好在消防局旁. 女仔朋友又不想再行遠. 要坐街邊都照黎. 首先來點魚生. 三文魚腩, 池魚片, 劍魚腩. 話明是魚腩, 是最肥美最滑的部份. 厚厚的油紋, 入口能溶, 再加少少皮下脂, 好正.劍魚腩, 爽口的劍魚腩, 點其專用的醬汁又好, 點Wasabi豉油又好, 非常爽甜的口味.池魚片, 果然薄切, 小小的一塊, 晶瑩剔透. 不過太少同太小了, 評不出味道來. (不過我推介), 一片片, 膠質口感. 似是一片片魚膠. 銀鱈魚, 不作比較, 這條銀鱈魚燒得燶了少少, 發現肉汁流失了少少. 排除呢樣野, 都是好食的.手卷, 打孖上有discount...., 另說sushi, 帶子壽司整碟上. 一整碟白色壽司, 另一碟全紅壽司. 師傅有趣地同我們紅白分明. 果然有心思.雖然要像大排檔般坐街, 但老闆說安排不到室內位過請食雪糕, 果然除跟餐雪糕外, 再double多一份俾我地. 日式大排檔, 係香港,

已經有一段時間沒有來過 , 今天突然好想吃日本菜 , 近公司的又沒有太多選擇 , 還是來這裡好 . 12 點多就到 , 沒有客人 , 可能午飯時間未到 , 和同事選了個卡位坐 , 比較舒服 . 沒有吃 $55 的 set lunch , 點了個炸雞球拉麵配一杯飲品 , 可以改甜品如雪糕或湯 . 麵和炸雞球是分開上 , 雞球不會浸太耐而變 "林" , 麵好多 , 不是太餓 , 吃了 3 份 1 已經飽 . 同事點了炒烏冬 , 也是好大份 , 沒有試過 , 賣相就不錯 . 埋單不用加一 , 幾好 .

第一次去銀菱。菜式很多，餐牌的設計令食客容易閱讀。我點了日式咖喱定食：蟹籽沙律+ 日式咖喱日本神戶牛肉飯+ 日式手磨紅豆沙。食物名稱十分強調「日式」和「日本」，令我這麼期待......說是神戶牛，看看是不是這麼「神戶」啦! 哈哈!日式咖喱日本神戶牛肉飯：賣相：差不多要滿瀉的咖喱汁，唔OK。份量：這款飯只適合吃量少的人士，飯足夠，咖喱汁足夠，但「神戶牛」和薯仔只有廖廖數片。奇怪碟子上加了少許椰菜絲，上面放了大量沙律醬，與咖喱汁混著了。味道：日式咖喱一向給人的印象是甜的(例如咖喱磚的味道便是甜的)，其實可以是偏辣的，SOGO地庫二樓的Bee Japanese Curry Shop的咖喱是偏辣的，銀菱也不例外，也是偏辣的；前者吃後不需要喝水，但後者是越吃越辣，要喝茶吃其他東西來沖淡味道，很快地不想伴飯吃了。而牛肉...吃不出「神戶」來...牛肉切薄，所以不覺得肉煮韌了。朋友點的日式吉列豬扒飯OK。剌身OK，可以接受。

2008.4.12 星期六查實嚴格黎講係星期日,去到個陣已經係12點4~~都幾多人晌度食,都未試過坐晌街邊食日本野,又試下先!唔...就叫$55的套餐啦!叫左兩個套餐,套餐有:1.蟹籽沙律--蟹籽沙律無蟹柳，諗住都有幾條嘛-_-不過夠晒凍冰冰。2.雜錦刺身手卷或三文魚手卷(我地叫左各一)--手卷ok，d紫菜係淋的，都預左，但唔太難食o既。3.小食叫左雜菜蝦天婦羅同埋燒秋刀魚--天婦羅幾好喎，隻蝦一d都唔霉，仲幾爽幾彈牙添，驚喜!粉漿亦夠薄，不過硬左ｄ～唔會太油，幾好！秋刀魚就等到差不多食完先黎，因係即刻燒的，都好味道！4.飯叫左咖喱飯同饅魚汁炒飯--嘩我估唔到個咖喱飯係辣的，乜日本咖喱唔係甜架咩？再加上我係完全食唔到辣的，有少少辣已經頂唔順...所以好辛苦咁食左幾啖就停左手，俾埋肥豬食，嘻嘻。至於個饅魚汁炒飯應該好味卦，佢食乜都話正架喇。5.麵豉湯x 2 -- 無咩特別~~連埋加一$121。服務幾好~~收費解釋得很清楚~~題外話:一路食一路望到對面勁多人排隊去clubbing，實在唔明哩項玩意有咩咁好玩？夜媽媽唔眼訓架咩？我就寧願俾錢去食餐好，然後返屋企大覺訓lu~

和個同事farewell , 其中有人建議來這裡吃飯. set lunch 有$30 多元也有貴一點, 我們點了$55 的set , 多一個salad , 菜式好像比較多一點, 我點了吉列豬排加曼魚炒飯, 份量好多, lunch 吃好飽. 13:15 來到已經沒有位, 下次也要早些來.

20/3/2008 晚10:30開完會，同朋友去食宵野4個人叫左$49十件任擇10件壽司,半磅三文魚刺身($45),2個set combo($55 x 2)1個要左三文魚手卷+鰻魚炒飯+鹽燒秋刀魚+雪糕糯米磁另一個什錦魚生手卷+日式炒烏冬+蒜片牛柳粒+麵是湯三文魚刺身~算係咁啦~都有十幾塊,普通可接受壽司~叫左任擇中最貴果幾款~不過都唔係好得,帶子是實而爽口...其他的都不見得新鮮...而且都係怪怪地手卷~料就唔評論啦~不過唔明點解d刺身用來鋪面的,壽司飯偏濕鰻魚炒飯&日式炒烏冬~無料加好油...同埋無味鹽燒秋刀魚~呢個就唔錯啦~幾大條下,個皮簿脆蒜片牛柳粒~油浸的~怪怪地~蒜片苦牛柳韌服務一般~一d就好好禮貌~有d就當你死地方唔係好乾淨~d茶係涷的比50幾蚊有咁多野食係好抵~不過直係唔想令自己個胃消化得唔開心唔會再黎食

銅鑼灣的日本料理多的是，但今次卻在沒有參考任何食評、誤打誤撞之下一嚐這間位於食街─「登龍街」的日本料理餐廳。整體價錢大眾化，故刺身的新鮮程度不及其他高級食肆，但水準味道算是不過不失。至於款式不算創新，款式跟一般的日本餐廳分別不大，唯一的突破是「泰皇醃生蝦」。半磅三文魚($45)：不要被「半磅」二字所騙，以為數量多得彷如怒食，但其實只有十一、二塊左右。而質素跟普通的沒有大分別，而我亦一如而往沾上大量豉油，以圖遮蓋那些因不鮮所致的雪味。泰皇醃生蝦(雙拼價$45)：不論生蝦的品種或其醃料都跟泰國餐廳的如出一轍，分別於在日本餐廳所吃的，添加了一絲日本風味。甘蝦(雙拼價$45)：形狀跟手指尾一樣，甘味不足，不夠creamy。海膽($128)：味道甘甜、沒有腥味，不沾豉油同樣出色。配上紫菜及青瓜，口感味道皆很匹配，實為最有水準的一味菜。大蝦、野菜天婦羅($38)：每款各三件，大蝦彈牙，外脆內滑，口感豐富。而所謂的野菜天婦羅卻只是番薯天婦羅，令人失望。炸軟殼蟹天婦羅($38)：較大蝦天婦羅遜色，軟殼蟹本身不算肥美，缺乏蟹味。天婦羅汁味淡，不能帶出軟殼蟹的鮮味。