嘉樂冰廳 (新村街)

Open Now

Now Closed

專登慕名而來嘆番個下午茶🤤❤️叫佐出名厚嘅咸牛肉蛋治🥪$30炒蛋夠厚,又夠大件,值得一試鹹牛肉亦吾小,視覺上已經好震撼脆爆阿華田脆脆西多士$36牛油都夠多,灑滿阿華田脆脆非常邪惡 感覺都唔錯嘅😈鍾意食西多嘅可以一試😋至於港式奶茶及紅豆涼粉奶冰亦可以,不過不失😅我同朋友食完這餐下午茶感到滿足🥰

嘉樂冰廳咁出名，有機會緊係過嚟試一下，雖然對於我嚟講係荃灣遠咗啲，不過有情懷，懷舊一下，無令我失望，值得嘅！呢份蛋治係唔係睇落都覺得好有食慾！炒蛋夠厚，牛肉味道都唔錯，又夠大件，值得一試👍華田脆脆西多，感覺都唔錯嘅，不過不失，鍾意食西多嘅可以一試，有啲邪惡😝再加上一杯華田脆脆就夠晒滿足了，好飽。

嘉樂 真係好耐有嚟食了 今日下午茶時間去 叫左火腿小奄列 酥炸鮮蝦雲吞 火腿奄列依然咁大份 蛋滑 火腿多D就好🤣上面淋左小小豉油 好味 不過好似冇之前咁有蛋香味炸雲吞 都係我嚟嚫必食嘅😋同之前一樣咁好味 炸得好香脆 入面蝦肉都好彈 正👍

有人話黎荃灣西試吓呢一間厚蛋三文治即刻嚟試試佢先首先，碎牛炒蛋三文治 烘底 滿滿嘅蛋唔會太老 剛剛好 瑞士汁雞翼甜甜地 肉質夠嫩滑炸雲吞都可以揀 餡料都算多 炸得脆脆嘅 大人細路都啱食

早排又到荃灣搵食，重遊有日本築地之稱既荃灣街市，附近一間有名氣小店❤️相信都有不少人光顧過，最近這次去是平日Tea time 時間，不用等位，食完仲可以去街市買餸🦞🐟招牌咸牛肉多士依然出色，岩晒鍾意食雞蛋既我，勁厚蛋蛋😋蓮子冰都係每次來必叫，不太甜味道剛剛好❤️今日仲試左有DD 似最近Mc 記出既華田熱香餅，佢呢個更香口，因為係 「爆脆華田西多🍞 」內脆外軟，食完仲想encore 之選⭐️間中去一些有懷舊特色既小店，別有一番風味，大滿足🫶🏻◾️嘉樂冰廳 (新村街) (荃灣) 📍荃灣新村街40B號地舖

睇9bothew介紹呢間冰室，而我地又住荃灣當然去試下啦😜老實講，行經呢個鋪面真係吸引唔到我地入去食，實在太舊式😂不過聽過介紹就一定入去試下啦！剛剛好中午時間食Brunch，而我地兩個本身都係想試介紹過既西多、旦牛治同奄列😋😋再睇下餐牌，就點呢三樣先。阿華田脆脆不過不失而其他三樣招牌菜，基本上每枱都會叫，而且真心夠份量，我同男朋友兩個人食三樣都食唔哂😅😅下次一定要試下其他！😎😎😎

想食十年(有啲誇張🤣)，今日終於試倒了，經過非常熱鬧嘅街市再轉入小街就見倒呢間老小店，聞說平日大排長龍，而且亦都入選左大眾點評，所以好多遊客會嚟，而家無乜遊客所以情況相對較好，卡位有啲迫，4個人坐應該有啲辛苦，好彩我地得兩個人，檯面已有必食餐牌，其實我想食奄列，又想食炸雲吞….，下午茶時間邊食倒咁多野，所以好煩🤣🤣最後要咗牛腩麵同咸牛肉蛋三文治，三文治🥪需時，等咗差唔多10mins , 茶記嚟講係非常耐，不過嚟到無失望，熱辣辣，厚厚嘅蛋，好正，當然如果可以用高質啲嘅方包就更理想。牛腩麵湯底都唔錯👍

夜晚去朋友屋企bbq所以決定去人稱港版築地嘅楊屋道街市買海鮮買野之前都要醫下胃先🤣🤣🤣做過research最近就係嘉樂 夠晒就腳👍🏻.嘉樂門面比較懷舊 入口唔算好大入到去就好似經過左時光隧道一樣 返左去以前😯兩邊卡位 不過坐4人會有啲逼.Menu都用返懷舊嘅design真係好有味道方便食客睇 佢地會係招牌菜隔離打星星.先到嘅係飲品 唂咕比較苦 姐姐都建議落糖但我又覺得接受到 飲落都唔錯.火腿小奄列慕名而來嘅其中一種食物 出名多蛋!同大家嘅分享一樣 真係好大份可惜嘅係 佢唔係滑蛋 有點老不過第一次食蛋有美極味 感覺幾新鮮🤣.酥炸鮮蝦雲吞 10粒好香口 外脆內鮮 偏爽口既口感同個甜酸醬都幾夾!.豉油王雞翼 6隻同雲吞同一個汁 有點奇怪所以冇點正常發揮 有屋企既味道.炸醬撈麵呢個反而印象比較深刻個汁係甜甜地 輕微既辣面底超重鹼水味 又爽口 我自己覺得好好食🙈食一啖撈麵又加一啖湯 正🤤🤤🤤.最後甜品 揀左脆爆華田西多 全份食野食到一半佢就已經黎到 但係我同朋友又想食完咸先再食甜等到最尾先食西多 搞到上面既牛油已經熔晒🙈值得一讚既係 佢啲脆脆就算擺左咁耐都係脆既除左面頭有脆脆外 西多中心都係脆脆

Visited Gala again yesterday. Ordered a lunch set of curry beef rice and milk tea as recommended by Gala in their menu. The plate to serve curry beef rice is so small that you you were misled the portion was big. Actually it was just normal. Curry was well cooked with potatoes, good for taking rice. Beef brisket was without a little tender, no taste and hard to chew. Milk tea was so strong and bitter that you could not take a little mouth. If curry beef rice got a marginal pass, then milk tea w

#三味豬腸粉 的醬料大解析!!! 有許多喜愛港點的好友私訊小編要答案 😆#甜辣醬🌶️ 料理後的甜辣醬，為師傅製作的原味腸粉添加刺激的口感 😉#甜麵醬 經過熬煮後的甜麵醬，甜味中帶點鹹，同時有點醬香，還有開胃的功效 👍#芝麻醬 濃郁的芝麻香氣，不添加額外配方，吃在嘴裡滿滿的滿足!!不只味道好，營養更是百分百 🥰三種醬料搭配原味腸粉，在嘴裡豐富的滋味，讓人欲罷不能 😋

繼上一篇食完餃子之後趕得切夜晚收舖前黎食呢間老字號冰廳。我相信住荃灣既居民個個都食住佢大。呢種舊冰廳風格買小見小，價錢又唔貴，份量十足，希望呢種舊式茶餐廳可以繼續經營落去、唔會比時代淘汰。酥炸鮮蝦雲吞 $21/5隻雲吞即叫即炸，入口脆卜卜，非常香口，配上甜辣醬咖哩牛腩麵 $32咖哩湯底配上咖哩蘿蔔牛腩，蘿蔔夠甜冇乜渣，牛腩軟淋唔痴牙，肉同膏位都有，麵底係鹼水麵，都幾大碗。鹹牛肉蛋三文治 $30麵包烘左底，配上厚厚既炒蛋，不過鹹牛肉就冇撈落蛋一齊炒，如果撈埋應該會入味d阿華田脆脆$27飲品杯比一般餐廳高身，大大杯，頂頭配上阿華田脆脆，消暑解渴。

📜經典：星洲炒米🌟🍽去茶餐廳食飯，星洲炒米可以話係「懶得諗，隨口點」嘅必食選擇！🤩🍛而嘅星洲炒米更加係同必食中嘅必食！😋獨家調配香辣咖喱汁，加上均勻肉絲蛋絲，香味四溢，辣度適中仲有豐富口感！今日就嚟叫返碟星洲炒米啦！🌟🌟🌟

去開楊屋道街市買海鮮準備今晚海鮮餐，諗起附近有間好有舊式情懷嘅港式冰廳，順便入去醫下個肚。推門入內已經感覺到間餐廳充滿古舊嘅味道，兩旁全是卡位。因為不太肚餓關係，所以兩個人只叫了兩碗麵再加個酥炸鴛鴦雲吞。呢碗牛筋麵只售32元，好抵食，牛筋都夠淋，但個湯稍鹹。呢個酥炸鴛鴦雲吞，有鮮蝦同菜肉兩款雲吞，味道都 ok，但稍嫌多油同輕輕炸過咗籠！

以前來過，都是因為蛋的份量多而出名。知道轉左老細，都來試下。蛋是一樣咁多，咸牛肉蛋治好厚好好味，牛腩面都好正，不錯。 縱然轉左老細，蛋若新鮮，應該不會差得去邊。若是有餐配飲野，應該更好。

【大件夾抵食😝必試火腿蛋白庵列/豉油王雞翼】一直都頗喜歡嘗試唔同特色冰室，呢間老字號嘉樂冰廳之所以咁受歡迎，就係因為佢全部都大件夾抵食，仲好好味添！😍火腿蛋白庵列巨型奄列用蛋白煮成勁足料火腿 配埋茶記餐包😍豉油王雞翼呢個雞翼 真係好入味大大隻肥美雞翼好滋味又多肉😍 菠蘿冰正常港式菠蘿冰清涼解渴💬點評呢間嘢真係好抵食 兩個人share嗌兩個嘢飲已經好飽 ♥性價比極高可以一戰如果大家覺得我review得ok，可以follow 我IG @hkdine360(📍荃灣) 嘉樂冰廳 (新村街)荃灣新村街40B號地舖#hkdine360 #hkfood #hkfoodie #荃灣 #冰室 #荃灣餐廳 #火腿奄列 #性價比 #豉油雞翼 #菠蘿冰 #foodiehk #吃貨 #餐廳推薦 #打卡 #打卡餐廳