569
294
112
Introduction
Generous portions drive customers to queue up. In addition, the sandwiches and Ovaltine Milkshake make this cafe the perfect place for comfort food, despite the wait.
continue reading
Awards and Titles
Best Restaurant in Tsuen Wan, Kwai Tsing (2016), Best Restaurant in Tsuen Wan (2011-15)
Opening Hours
Today
08:00 - 19:00
Mon - Sun
08:00 - 19:00
Above information is for reference only. Please check details with the restaurant.
Signature Dishes
Recommended Dishes
RELATED ARTICLES
📌 嘉樂冰廳 (新村街) - 荃灣新村街40B號地舖🗓(6/4) 星期四 ⏰ 下午1:30左右 💈特式：早兩日食完嘉樂係土瓜灣U Place嘅分店，食後感慘不忍睹，見呢幾日連續假期，又諗唔到野做，就特登入去荃灣食返佢間總店，結果一定係食返總店好。🥩🍔🌭🌮🥗🥯🥘🍲🍝🍣🥟🍤🍱食物：今日特登叫兩款同早幾日相同嘅食物嚟做下對比，當然都會叫幾款土瓜灣分店無提供嘅食物，如果唔係就浪費左我山長水遠走入荃灣了，而家等我同大家講下味道先。豉油王雞翼 - 首先土瓜灣分店平均$8蚊一隻，總店只係$6.75一隻，價錢已經蠃左；味道方面，一上枱陣豉油香味已經濃郁好多，隻隻雞翼都肥大肉厚及充滿油光，入面肉質嫩滑，又夠入味，色香味齊全。華田脆脆西多 - 呢個總店賣$36蚊份，，平分店$4蚊，而且總店仲有個好處就可以叫半份，雖然價錢會貴d，不過就唔洗咁浪費；味道方面都係總店蠃晒，又大件同厚身d，外皮脆d，入面鬆軟d，阿華田脆見都比得多d。豬扒米粉 - 呢個豬扒認真夠厚身，有我手掌咁厚，味道都ok，係近骨位置就有少少乾同硬，米粉就一般茶餐廳米粉，無乜特別。咖喱牛腩撈意粉 - 呢個都係餐廳招牌之一，咖哩就比一般茶餐廳香同濃，牛腩亦都好食，夠腍同入味，又唔韌，意粉底都係一般茶餐廳質素。鳳凰奶糊 - 呢個只係總店有售，其他分店無的，餐廳職員話，因為成店只得一個老師傅識得整，所以分店無得賣。而且，以我所知，香港都唔多地方有做呢d奶糊，長沙灣就有一間都仲有做，不過就唔夠呢間好食；講返個奶糊先，我唔係第一次食，但我覺得佢每次都keep到個水準，都係咁香/滑/濃/綿，一上枱，即係打散隻蛋，等奶糊既熱力將佢同化，混為一體，再加少少沙糖攪勻，的確一絕，仲要只係賣$24蚊，極力推介。☕️🍵🥤🧋🍺🍷🥃🍹🧉🍾🍶🥛飲品 : 飲品都係總店多選擇同多元化d，多左大約10款沙冰同奶昔，當中我覺得最特別就係鮮蛋奶昔。所以就叫左鮮蛋奶昔同阿華田奶昔，各$30蚊杯，兩杯都各有特式，阿華田就香濃味重，鮮蛋奶昔就有蛋香味，清甜鮮為主。🍽環境：餐廳環境比起土瓜灣分店係差好多，又舊又殘又迫夾，卡位就舊式硬座卡位，位置亦唔多，周不時都要搭枱，我已經係揀平日午市後去，都要搭左一陣枱。🤵🏻🤵🏻♀️🤵🏻♂️服務：店員服務態度係ok的，因為店舖細，所以只得兩個姐姐店員，但佢地幾好傾，知我因為試左土瓜灣分店覺得麻麻，所以特登過嚟總店食，會問我個邊有咩做得唔好之類，知道係食物質素問題，佢都會答我因為老師傅係晒舊舖，所以係會有少少分別。💰💸價錢：兩個人叫左咁多野，埋單都係$204蚊，仲要野食咁好食，外面仲要食唔到，認真超值。🐲💬總結：呢個價錢食到老師傅嘅手藝，真心好吸引，同埋呢d飲食文化/特色食物買少見少，可能好快就會失傳，所以大家要捉緊時間嚟試下了。推薦指數：❤️❤️❤️❤️❤️
continue reading
這間餐廳是有名的店子，他的咸牛肉三文治很出名🤪很多人也慕名而來，我也是其中之一😂，店舖是基本茶餐廳模式，很多人要等一回兒，不過為了吃沒有問題啦😁咸牛肉三文治烘底🐂招牌菜式豈可不試呢，蛋量非常多，填滿三文治😂咸牛肉還咸牛肉一層，蛋還蛋一層，烘底後麵包香脆一點，蛋算嫰滑，咸牛肉也不會過咸🥚火腿小奄列🥚奄列內很多火腿，喜歡火腿的一定要一試😂蛋有點蛋黃汁流出，不會弄至全熟酥炸鮮蝦雲吞🦐由於是新鮮炸起弄出來的，非常香脆亦燙嘴👄內裡很多蝦膠，很彈牙凍阿華田脆脆🥛大大杯阿華田，面上有脆脆可就這樣吃，飲料甜但不膩，喜歡喝甜料的可以一戰嘉樂冰廳 (新村街)荃灣新村街40B號地舖
continue reading
2點嚟到荃灣見有啲肚餓🤥🤥，上網搵咗一陣，見到有間嘉樂冰廳嘅小食好似幾吸引。於是帶埋b🐷由荃灣站行過去新村街，沿途經過好多街市嘅商舖，地下就比較污糟，喺成條街都係街市嘅情況下，竟然有間茶餐廳開喺依個位度，仲要門口都已經排晒隊，睇嚟呢間舖頭都幾吸引🤭🤭。我哋喺門口等咗15分鐘就有位，要同人搭枱坐卡位，所以如果繁忙時間一至兩個人，有機會俾人編排搭枱🤔🤔。豬扒撈麵 $40 4.5/5原本都有擔心豬扒太乾身，或者麵底冇乜味。但出奇地塊豬扒幾大塊又幾淋又有肉汁，撈麵加左醬油又幾好食，加條菜心營養豐富。🤭😛😛火腿小奄列 $33 3.5/5雖然火腿份量都幾多，但唔算出色，入面差唔多8成熟，無乜流質感覺，有味極味提鮮😏。脆爆華田西多 1份 $36 4.5/5好大舊，加左煉奶同埋脆脆華田粉仲有牛油，熱辣辣食好滿足，要求店員加多啲煉奶先正🤪🤪。豉油王雞翼 4隻 $27 4/5大大隻好肥美嘅雞翼，一咬落去嗰個油香四射，雞翼嘅油脂充滿係我嘅口腔，豉油汁嘅鮮甜鹹香，融入雞翼嘅滑嫩肉質，值得encore🤩🤩🥰。地點:距離地鐵站起碼15分鐘路程，但周圍都有啲野睇無咁悶，附近係街市商戶，地下污糟濕漉漉。環境:入面得幾張枱，需要同人搭枱，唔鐘意呢種感覺就唔好食了🤨🤨。裝修乾淨企理，但面積比較小，走廊位多人行，小心撞到。價錢:因為我哋叫左咁多野，每人要75蚊😗😗😗，但有啲野食味道幾好，值得關注。🤪😚入面有好多情懷既食品，例如煲薑可樂、滾水蛋、黑牛、紅豆冰。服務:店員見我哋叫咁多小食，主動俾兩個碗仔分黎食😎，加煉奶又唔會拒絕。😁😁
continue reading
好日都唔買一次外賣…未食就已經要扣分🤦🏼♀️等成30分鐘都未包到個外賣😒😒唔追都唔講個大話出嚟😏話好多外賣喎⋯⋯可惜我企左喺門口好耐都係得一個外賣囉🤭終於到手可以食喇🤤蛋牛治出場🎊我從未食過咁得意嘅蛋牛治囉🤣🤣🤣可能係本人孤陋寡聞,炒蛋還炒蛋鹹牛還鹹牛架咩🤔我一直都食開係炒埋一齊囉😅成份三文治搞到好很難食,以後都唔需要因為嘉樂個名而去食喇😤😤😤
continue reading
星期日下午去，有兩張吉枱，已經覺得出奇，原來係有原因！叫人落單，阿姐明知，但無理行左去。叫半份炸雲呑，但黎左一份，操大陸口音阿姐話：你講一份喎，我下？佢話：炸左出左單啦喎即係點？焗我食埋去？依家係你錯，有乜理由迫我要埋去？最後佢改返半份。叫左咸牛蛋治，個蛋仲老過我，真係全熟，收30蚊，但比老蛋我？>>>未轉手前，真係半熟蛋，有心去炒，好正再叫左蛋治外賣，但堂食都完哂，落左單十幾分鐘都未有，叫阿姐睇下。嘩？佢個態度黑我面，因為雲呑單野得罪左佢？好失望，星期日都無乜生意係有原因以後都不幫襯！
continue reading