今日呢篇即食即寫，新鮮熱辣！
今日去開觀塘，又未食野，
一直諗住做完野臨走就要黎食鳳鳴！
之前經過都食唔到，今日終於黎一嚐佢標榜嘅石磨腸粉。
由於唔舒服，決定外賣番旺角食，
等左5-10分鐘到就有喇，叫左雞蛋腸
豉油我照淋、仲加左芫茜同炸蒜。
地鐵長征到旺角，
變凍，就預左喇，
但我估唔到一打開個蓋，個香味撲鼻而來！
豉油基本上已經俾腸粉索晒，但重口味嘅我一啲都唔介意...
食落亦無話過鹹，係剛剛好！
口感係滑嘅，但又多左層層次，
就係有啲蛋白...
加埋芫茜同炸蒜....唔洗五分鐘我就清左喇！
而19蚊，都算係抵食！
唯一就係就算堂食，佢都係俾外賣嘅膠盒裝，見到啲人食完就掉，都覺得太唔環保...
外賣嘅我我只能洗洗我個外賣盒再用...去減低一下自己嘅罪惡感....
