凱薈

Open Now

Now Closed

在尖沙咀這甲級商場內閑逛後正想找地方歇息及晚餐，在電梯大堂見到這粤式酒家廣告，决定探店👍🏼入座時間還早，侍應安排了窗口位，有维港夜景👏侍者推介店内拿手菜:金獎宮爆蝦球;薑蔥脆米啫啫桶蠔;我們一一接受，再加點:黑蒜蒸龍躉頭腩清炒西蘭花金獎宮爆蝦球，賣相吸睛，咕嚕味蝦球外脆内爽，伴上炸百花釀皮蛋及酸子薑，醒胃之極😋薑蔥脆米啫啫桶蠔， 鮮蠔放熱燙砂煱内，面灑炸香脆米，入口味濃又脆卜卜😋黑蒜蒸龍躉頭腩，魚肉新鮮，黑蒜渗出醋香，伴墊底粉絲金菇好和味😋清炒西蘭花，清淡爽脆，正好冲去前幾道海鲜重味😋结帳前侍應奉上陳皮紅豆沙，又多了一個回憶👏

weekend 緊係要嘆番個早茶先可以啟動啦😌呢間之前食過晚市 今日既然要出尖咀 就試下佢地既午茶喺The One樓上 大枱靠窗景觀不錯不過2個人就安排唔到LU~😩必叫蝦餃燒賣🦐💛筍尖鮮蝦餃蝦餃是傳統一口size ，外皮晶瑩通透，蝦肉爽口彈牙，皮薄餡靚。💛蟹籽燒寳皇又係有鮮蝦之作，冬菇豬肉香味好突出。💛蟹籽春風蘿蔔腸腸粉皮薄軟滑、外軟內脆，加埋蟹籽粒粒脆口，讓人回味無窮。💛魚肚灌湯餃個上湯好甜好夠味，餃勁大粒，餡料極多，好多蝦肉﹑仲有魚肚，魚肚吸收左湯汁精華，鮮甜美味，怪不得是招牌之一。👍🏻特色點心推介💛XO醬咸水角炸得脆卜卜，XO醬好多，非常惹味，而且做到小蘋果既造型，超可愛~小朋友大朋友都一定中意💛黑椒牛柳酥類似蘿蔔絲酥的做法，超酥脆鬆化，黑椒味濃郁，牛柳亦多，又係惹味之作🤤個人私心推介💛金沙墨魚仔金沙醬非常咸香，墨魚仔外層充滿咸蛋牛油香氣，極度邪惡既小食，但真係令人食到停唔到口，墨魚仔又鮮味脆身，正！💛蕃茄海帶苗第一次食海帶苗先知原來甘得意，上湯蕃茄湯勁入味，又鮮甜，味道比賣相好極多，超級好味

星期日同屋企人去飲茶，呢間酒樓位置方便，環境都幾好，有啲海景，坐得幾舒服😌而家仲有新張優惠，星期一至日午市有八折優惠，幾抵👍🏻魚肚灌湯餃- 灌湯餃大大隻足料，賣相靚，湯頭仲有啲魚肚件添😋X0醬鹹水角- 青蘋果造型好可愛， XO醬嘅鹹水角，真係第一次食，惹味香口👍🏻黑椒牛柳酥- 睇個樣以為係普通嘅蘿蔔千絲素，點知原來裏面係滿滿嘅牛柳粒，黑椒醬汁好好味😋筍尖鮮蝦餃- 皮薄餡靚，蝦肉爽😋蟹籽燒賣皇- 冬菇豬肉加上蝦肉爽口有肉汁👍🏻魚肚菜苗餃- 鮮蝦菜苗餃就食得多，呢個除咗蝦仲加埋魚肚，豐富😍蟹籽春風蘿蔔腸- 滑滑嘅腸粉包住脆脆嘅米紙，然後裏面係甜甜嘅蘿蔔條，口感十足😍脆米牛鬆炒飯- 炒飯粒粒分明，牛肉鬆分量多，牛味幾香😋配上粒粒脆米好香口焦糖馬拉糕- 馬拉糕唔同傳統嗰款，偏向多啲奶黃味道，賣相都幾精緻😍我哋當甜品食😆

凱薈,  在尖沙咀 The ONE, 地點高尚, 交通方便.   糸晚飯, 宴會好地方.  步入餐廳, 感覺豪華,  環境舒適.樓底特高, 裝修靚,  燈飾華麗,  舞臺寬闊, 婚宴, 喜宴一流座位舒適,  甚為美觀.   看著維多利亞海港, 好靚!餐桌上擺設好精美.  服務亦非常好, 服務員笑容滿面,侍應先開茶送來餐牌.   餐牌有名貴菜式, 也有撚手小菜,   水滾茶靚, 好滿意今晚我們點的第一道菜,  金獎宮爆蝦球.上檯熱,  大大隻的蝦球, 伴碟用了皮蛋酸薑,  紅黃椒, 洋蔥.   帶著紅卜卜喜慶顏色, 賣相滿分.    蝦球好大隻,  蝦球炸得香脆, 爽口彈牙, 外沾滿 酸甜汁, 調味正,  醒胃又惹味.  伴有皮蛋酸薑, 好嚼口.  第一次食皮蛋外面裹上蝦膠炸粉, 外形是金蛋, 咬下去有彈性又香口, 內裡的皮蛋晶瑩剔透, 好睇好食.三色椒炒得有獲氣, 塊塊爽甜.  做得不油不膩,  食得開胃.   這道菜得金獎實至名歸.   生拆雞絲燴花膠.     夠火喉,  雞絲花膠足料.花膠好多, 帶來豐富骨膠原, 多吃有益.   大家慢慢品嚐,  這個湯羹濃稠適合.招牌葡汁焗釀響

有一半的員工都好似欠債咁呼喝客人，例如一叫坐低問佢坐唔坐得嗰張枱，佢就話叫你坐邊就坐邊啦，嗰個所謂部長不斷咁鬧食客，直至我兇惡一點，佢先收斂一點點走開佐，另外嗰個阿姐同我講叫我算啦，佢係高級啲阿頭、但我要食嘢再俾佢鬧嗎！不知所謂，低點心的時候全部嘢打寫晒啲汁，知客部長大部份店員都不知所謂，就算點心質素唔差，如果大家想受氣即管去！香港大把好味的食店啦！

凱薈是高級中菜館，佈置氣派不凡，270度落地大玻璃，可全方位享受尖沙咀夜色，維港海景盡收眼底。極高樓底，配上華麗的水晶吊燈，適合婚宴聚餐。晚市套餐搜羅多款別緻佳餚，令人大飽口福。金獎宮爆蝦球 198蝦球入口酥脆、彈牙，被甜酸醬汁完美包裹著，入口清爽開胃。蝦球外脆內裡軟彈，甘香邪惡，愈吃愈過癮! 伴碟還有蝦丸皮蛋，濃郁的皮蛋香，加上子薑，啖啖綿稠惹味。蝦乾生菜膽 138 把翠綠生菜，倒入熱鍋之中，熱霧香氣吸引，口感爽脆。加上蝦乾粒，爆香後更提鮮，風味十足。黑糖叉燒 168肥美厚身的叉燒，邊緣焦脆，入口軟腍，帶有陣陣炭燒香氣，香口而不油膩，鮮味蜜汁在口中散發，令人大快朵頤!山拆雞絲燴花膠 88位燴花膠用料豐富，火候充足，花膠燉至黏糯，加上嫰滑的雞絲，滿滿的骨膠原，好味又滋補，十分䁔胃。 鹽燒南非五頭鮑魚 58隻鮑魚肉身圓潤、厚實，以鹽燒手法炮製，表面微微焦褐，緩緩用刀切開，慢慢細味品嚐。入口帶嚼勁，滑溜質地，每口鮑魚的純樸鮮香，細膩窩心。

曾經參加婚宴坐電梯時經過這間凱薈，感覺是一間高級的酒樓，一直想來試試，當日正好在The One附近，便決定和太太上17樓光顧✏️位置（9/10）： The ONE 17樓，非常方便✏️環境（9/10）： 裝修高貴大氣，遠眺維港海景✏️服務（8/10）： 上菜快，侍應主動收拾✏️食物（9/10）： 食物擺盤靚，精緻味美🌟招牌葡汁焗釀響螺 - $128店家推介的小食，在螺型器皿放入用葡汁醬汁及芝士煮的響螺肉、豬肉、青豆、沙葛 及洋蔥等，味道香甜，口感豐富🌟金獎宮爆蝦球 - $198擺盤十分精美，用皮蛋、子薑及大量墨西哥辣椒擺成花型，廚師用蝦滑包住皮蛋後去炸，外脆內軟很美味，主菜的蝦球很大隻，又炸得很香，伴酸甜汁食味道吸引，果然是店家得獎的主打菜🌟生煎肉排骨 - $138見識少原以為生炒骨，沒想到真的是把肉排骨生煎，再用燈籠椒粒、薑粒、蒜粒及香蔥炒香，色香味俱全，口感亦很不錯🌟蒜香燒雞半隻 - $145燒雞燒得十分香脆，配合特製的蒜香醬汁食，香酥味美，唯一可惜是份量不多🌟姫松茸菌燉海螺 - $108非常香濃鮮甜的燉湯，姫松茸菌味道突出，另外有雞腳及海螺，用料足味道好🏠凱薈📬地址： 尖沙咀彌敦道100

第二次來飲下午茶，上次吃海鮮烏冬、蝦餃及牛腸，質數味道不錯。今次試牛柳酥、三色燒賣、魚肚灌湯餃及竹炭椰蓉飽。椰蓉飽餡像椰奶果凍，幾特別。有些點心價錢比九天前加近5-8%，有七折也可接受。環境不錯，有海景。茶位每位$17， 服務也可。仍會來再試其他出品。

家人從外地回來，上網見到呢間食評幾好，仲要新開，一心諗住試吓。一行十人，有老有嫩，一坐低屋企人已經講冷氣好大，坐低覺得唔對勁，問門口接待女子可唔可以較細少少冷氣，應承咗之後仲依然冇改變，後來屋企人再搵另外一個金色頭髮嘅女士影，嗰位女侍應應承咗之後冇耐就行過嚟話，已經閂左，如果再唔得就無辦法，但係我哋仲感覺到陣陣強風，當時嗰位女子就話閂咗都要慢慢先至會冇風，坐到二十分鐘左右都冇改善，後來仲感覺凍咗，小朋友同老人家都頂唔順，屋企人終於走去門口再問另外一個侍應到底可唔可以熄咗部冷氣，因為真係太凍，冇耐係真係冇晒風，點解之前金色頭髮個位女子同我哋講已經熄咗，但係啲風仲蓬蓬聲？？？？？仲要答我哋冇辦法？冇理由為咗飲餐茶，大家都病咗掛？要開咁大冷氣嚟趕客？

上個weekend 朝早去嘆茶喺The One樓上可以望到一片靚景大枱靠窗景觀會正d餐廳環境靚又乾淨點心好食😋竹籠飯超巨大性價比高～🔸魚肚灌湯餃（特）個上湯好甜好夠味，餃勁大粒，有蝦、豬肉、蟹柳粒，魚肚又棉，好食。🔸蟹籽燒寳皇 （特）豬肉香味好突出，有鮮蝦、冬菇，彈牙鮮甜。🔸潮州粉果（中）皮薄餡靚呀！皮煙煙韌韌，餡有花生、沙葛、韮菜，好豐富。有胡椒同蒜香，好味。🔸蒜香蝦春卷（大）脆卜卜、唔會好油，蝦唔算大隻但好彈牙，幾鮮甜，蒜香唔會蓋過蝦味。🔸XO醬蘿蔔糕（大）鍾意佢質地唔會一夾就散，煎得香口，加埋微辣嘅XO醬好惹味。🔸櫻花蝦鹹水角（大）炸物是出色的，又係脆而不油，煙韌有米香，餡料除左肉碎仲有韮菜，好香。🔸籠仔蒸斑頭腩飯（$168）勁大籠，夠3-4人食，斑頭腩大件滑溜，係新鮮的，食落有薑蒜香，調味清淡，飯粒粒分明。🔸蝶豆花椰汁糕（小）味道幾清香，微微甜，感覺好清新健康。

第一次來到The One 17/F的凱薈、十二點已經座無虛席！樓底極高、光線充足、整排的落地玻璃窗可以欣賞到維港的美景、感覺特別愜意！先點了一道惹味海蜇作前菜、海蜇口感爽脆，而且調味剛好、灑上芝蔴味道更香。魚肚灌湯餃是這家餐廳的招牌之一、餃子皮薄有彈性，餡料包得滿滿的好豐富、裡面有豬肉、草菇等等、湯汁非常鮮美，讓人一口接一口地吃。另一款值得推薦的點心是蟹籽春風蘿蔔腸、腸粉皮薄軟滑、蟹籽的鮮味和蘿蔔的清甜相互融合，讓人回味無窮。筍尖鮮蝦餃蝦肉新鮮彈牙、果然皮薄餡靚。雲腿鮮蝦菜苗餃的鮮蝦同樣爽口、加上雲腿的鹹香味道更出色。黑糖义燒足足有十二件、微焦蜜餞過的义燒味道香甜、肉質軟稔、很不錯呢。椰蓉白奶皇包、跟傳統的流心奶皇包不同、這款帶點星馬色彩頗特別、帶有椰蓉香甜味的奶皇包不算太甜。週末來到還看見可愛的百日宴的佈置、這裡擺婚宴、壽宴或百日宴感覺也不錯呢。

今日來The One 17樓的凱薈晚飯, 維港靚景盡收眼簾。很 grand 的擺酒場地, 我諗喺度結婚擺喜酒都幾有面子, 食店新裝, 光潔明亮, 樓底很高, 有埋維港靚景, 頗有氣派, The One 個朵己夠照吧, 係親戚朋友面前堅威威。維港靚景凱薈晚餐餐牌很簡單, 數款晚飯套餐及散叫中菜各一張, 散叫小食、肉類、小炒、魚類、燒味類及湯品有齊。小食 ：滋味海蜇 ($58）海蜇以麻油、辣椒油及醬油調味, 海蜇麻香爽脆, 少少辣味 , 很開胃的前菜。小食 ： 麻香凍豬手 ($58)雖則係小食, 份量都好多, 個人都幾鍾意食豬手, 凍豬手皮爽口, 又唔油膩, 豬腳根仲好彈牙, 呢個凍豬手汁有啲蒜泥白肉feel, 大量生蒜蓉、蔥粒及芫茜, 再加上酸醋及其他調味料, 酸酸香香的, 又唔太鹹, 另一餐前開胃小食。生拆雞絲燴花膠 ($68)花膠有養顏功效, 我的選擇, 材料主要有花膠絲、雞絲及銀芽, 以上湯埋芡制成湯羹, 我鍾意佢個芡汁唔太杰, 上湯味道似雞湯加豬骨湯, 香甜, 花膠絲滑溜, 銀芽則爽口, 很不錯又滋補的湯羹。姬松茸菌燉海螺 ($98)小鮮肉的選擇, 材料主要有瘦肉、雞腳 、響螺、

表姐打算今年結婚，這陣子我們努力為她找尋資料，例如擺酒場地，早前和她行婚紗展推廣時，發現凱薈這家婚宴酒家，這晚我就帶著媽媽來吃飯，順道視覺環境。凱薈位於尖沙咀The One，佔地極大，坐擁270度維港迷人景緻。裝修設計以星空夢幻為題，奢華的水晶燈，配上金屬及幾何線條，高雅中帶點氣派。晚市餐牌選擇極多，價錢亦算合理。招牌宮爆蝦球宮爆蝦球的賣相討好，絕對可以拿滿分，蝦球大大個，油炸後蝦球爽脆彈牙，味道鮮甜，不會過乾，配上洋蔥，酸薑及皮蛋等配菜，味道酸酸甜甜，非常醒胃，難怪是招牌菜！呠酒桶蠔煲推介！這個呠酒桶蠔煲真的不能錯過，桶蠔超級肥美，而且個隻都是大大的，漲卜卜，以蔥段及薑片爆香，蠔身柔滑，味道鮮甜，帶有淡淡酒香，超惹味。蟹肉扒豆苗豆苗脆脆嫩嫩，葉色鮮綠，入口清爽，而上面加了滿滿的蟹肉蛋白汁，蟹肉的鮮甜加上蛋香味，起了提鮮作用，豆苗掛汁後變得更美味。惹味海哲平日到酒樓吃海哲，價錢貴，份量少，但這裏就不同了，只是HK$58，但海哲份量超多，而且每一條都非常肥厚，清新爽脆，帶有濃濃的麻油香味。椒鹽雞軟骨雞軟骨外層金黃色，入口外酥內脆，軟骨上還帶有點點雞肉，口感豐富，以椒鹽方法來烹調，簡單又惹

尖沙咀The One都幾多嘢食，食中菜我推介呢一間，新開張環境乾淨又光猛，坐近窗口仲可以望海景。餐牌看似簡單，但已經有多款必食菜式。脆皮BB鴿送上嘅時候，除咗喼汁和淮鹽之外，仲附有手套和濕紙巾，超細心，BB鴿來講，都幾多肉，肉汁豐富。皮蛋虎皮椒皮蛋有麻辣醬汁，非常惹味，虎皮椒及紅椒炒得夠香口，味道一流。招牌宮爆蝦球蝦球大大隻，彈牙爽口，脆漿夠薄，最驚喜係有炸皮蛋伴碟，皮蛋外邊包著一層薄薄嘅蝦膠，酸薑帶甜帶辣，很開胃。拔絲鮮菠蘿咕嚕肉夾起咕嚕肉嘅時候，有拉絲嘅效果，咕嚕肉外皮很脆，肉質嫩滑和爽，菠蘿切片，鮮甜多汁又冇渣。招牌葡汁焗釀響螺葡汁的味道沒有搶過響螺的鮮味，每一口吃到響螺肉、洋蔥和青豆，材料甚多。生啫蝦乾生菜膽生菜爽脆，肉碎和蝦乾吸收左蝦醬嘅精華，鹹鹹香香，既惹味又夠哂鑊氣。當日有人睇緊場地，我覺得個場幾適合做婚宴，樓底高、冇柱位、夠闊落。📍凱薈 (尖沙咀)尖沙咀彌敦道100號The ONE17樓#foodie #food #foodpic #foodphoto #hkfood #香港美食 #美食 #hkig #ighk #粵菜 #中菜 #點心 #酒樓 #尖沙咀The One #

今日大家姐約飲茶，我當然要準時去到，原來The One 樓上開了一間新酒樓，樓底高而且空間感十足，最正是可以望住維多尼亞港，落地玻璃窗視野非常廣闊。酒樓而家都與時並進，開茶同時店員會詢問客人想用點心紙定Qr code 落單，方便又環保。茶款除咗傳統款式外還有蜜桃鳥龍/人參烏龍等，人參烏龍清新甘香，飲落順喉。筍尖鮮蝦餃蝦餃是傳統一口size ，外皮晶瑩通透，蝦肉爽口鮮甜，味道鮮美。魚肚四寶雞扎內裏用料豐富，腐皮包住魚肚、雞肉、芋頭、冬菇等，腐皮充滿豆香，而魚肚吸收了雞肉、冬菇香氣，軟綿可口，芋頭粉嫩，入口即化。魚肚灌湯餃包着鮮蝦豬肉的湯餃浸在鮮甜的湯汁中，魚肚吸收了滿滿的湯汁精華，而湯餃鮮甜美味，還有淡淡芫茜清香，足料又美味。芝士蘿蔔絲酥餅顏色金黃，香氣十足，未放入口已經令人食指大動！咬一口 ，軟軟的，絲絲縷縷的蘿蔔絲分明可見，最特別加了芝士，令整體多了一份芝士香氣，估唔到又相當之夾。韭王鮮蝦腸腸粉嫩滑可口，鮮蝦大大隻，食落鮮味爽彈，加上韭王香氣，超正。金沙墨魚仔（小食）金沙醬咸香惹味，墨魚仔外層充滿咸蛋牛油香氣，極度邪惡的小食，但永遠都令人食唔停口。羽衣甘藍素餃Super food 之